BOM Cuisine (已結業)

一個月一次的朋友聚會又到，今次朋友帶了我們去長沙灣這間食葡國菜的餐廳。平時食葡菜多數是去澳門，但原來香港都有咁正宗的葡菜吃。除了有套餐外，還有單點，款式很多，尤其是小食類，有差不多十款以上。凍去骨豬手配蘋果醬外貌跟燻蹄有九成相似，食落口感差不多，豬皮彈牙，切成薄薄一片，加上個蘋果醬，帶點甜味。葡萄牙炸馬介休球每次食葡菜必食的馬介休球，炸至金黃色，外脆內軟，薯蓉幼滑，裏面帶點咸魚香味。挪威三文魚墨魚汁意粉拌菠菜三文魚煎至外皮微脆，啖啖魚肉油脂豐富，墨汁意粉軟硬適中，有些菠菜夾雜一起，帶點蒜香味。美國安格斯草飼肉眼扒肉眼扒超大塊，有差不多兩隻手掌大小，表面煎至焦香，因為點了五成，中間帶點粉嫩色，肉質嫩腍，牛肉味尚可，而且有肉汁，旁有點蔬菜點綴，比較健康。伯爵茶奶凍及朱古力布朗尼前者奶味較重，茶味不太特出，而且比較膩；後者朱古力味濃郁且夠結實，亦不會太甜。整體質素不錯，價錢合理，對比澳門的葡國餐廳，這裏絕對超值。

呢間葡國菜，位於「荔枝角區邊緣」的長沙灣，所以人流較少。但質素性價比高，高質而不算太貴！先黎甘荀湯，另每位奉送鮮榨西瓜汁乳豬配黑松露黃薑飯，乳豬大大舊，食落皮脆肉嫩。而個黑松露黃薑飯，香濃既黑松靈舖响飯上，但可惜個飯覺得乾左d。牛扒好大塊，可惜多筋，叫左7成熟，下次叫生d可能會無咁“un”餐飲叫了熱啡及凍啡，飲得出「咖啡豆濃到帶苦」😕。而甜品係小巧既tiramisu，又為整頓午餐畫上完滿句號。😋

早幾日約咗老公放工去食飯，曾聽朋友推薦一間不錯的葡萄式小餐館已經開了兩年，叫BOM cuisine，後來同老闆傾開先知原來BOM係葡文解「Good」，是一間有heart的人情味小店。內在環境佈置葡萄牙國旗晚餐餐牌睇餐牌見到有好多小食，聽餐廳負責人話餐牌及小食會定時更換，而今次就是剛剛更新的，特別推介葡式小食，既方便附近放工人來佐酒，又為長沙灣區帶來葡式小吃。我地點左蒜香炒澳洲牛肉粒及豬手作為前菜兩款小食都10分好味，蒜香炒牛肉粒就特別充滿蒜味，適合配搭紅酒；而我就特別喜歡去骨豬手配蘋果醬，豬手配上清新的蘋果醬，食完反而在口中留下蘋果香味。接着就是餐湯，今天order的是西蘭花忌廉湯，清新的西蘭花配上忌廉湯，特別creamy。另外主菜方面，我們點了招牌普通啊烤乳豬，上枱時用鐵板上，配上黃姜飯及莎莎汁。乳豬皮十分香脆，點上有少少酸甜味的汁，味道更加特別，無想過在香港竟然可食到咁特別的菜式，值得推介。最後一道菜，就是挪威三文魚墨汁意粉半菠菜，墨汁意粉上面有一整塊灑上芝士的三文魚，墨魚汁意粉味道亦不錯，三文魚味與墨魚汁相互交織，份量又大又好味，不錯的海鮮意粉配搭，可以開心share。最後，我點

近來荔枝角區愈來愈多特色食市，今次我試咗依間葡國菜餐廳。佢位置係係青山道一個轉彎位既第一間，嗰帶雖然離地鐵站遠咗一啲，但正正係咁，所以做就咗一啲小店可以生存到。餐牌上小食佔咗一版，係因為店主發現，多咗人鐘意去佢度飲酒，所以推出多啲小食去配合。雖然我就無飲酒，不過都點咗兩個小食。第一個係好特色，店主獨家製作既凍去骨豬手配蘋果醬。無諗到豬手可以配蘋果醬，而且蘋果醬調配到同豬手好夾，食出黎好特別，將豬手變得無咁膩，有一種清新。依個明顯係配合香港人鐘意食牛肉既菜色，蒜香炒牛肉粒，蒜味唔太濃，牛肉肉質鮮嫩，但牛肉味唔算好濃。重點既招牌葡萄牙烤乳豬，用鐵板上淋上莎莎醬時仲炸炸聲，乳豬超好味，皮脆肉厚，就算唔點醬乳豬已經好好味，皮香口而肉質嫩，好食過平時食到既乳豬好多。最後食埋個意粉就啱啱好喇，三文魚墨汁意粉拌菠菜，意粉好夠味，三文魚無咩多餘既調味，食到三文魚本身既鮮味。依間係好有誠意既小店，有自己既特色，店主熱情有禮，會主動同雇客傾計，亦好樂意分享依間餐廳既點滴，多一分人情味，好值得支持。

去咗長沙灣食晚餐，之前食過一間情調唔錯，而且食物質素都有咁上下嘅餐廳炸蟹餅，上網睇到有人推介話好食，所以都點左嚟食，炸到好香口，而且入邊係滿滿嘅蟹肉，同平時食開嘅有啲唔同，配上檸檬汁，冇咁膩蒜香牛肉粒，聞到好香嘅牛肉味，食落去牛肉味好重，而且好多汁，唔會太鞋口，食得出係靚牛肉，旁邊嘅沙律都好好食，佢落咗啲黑醋，好開胃帶子香菇芝士意大利飯，係我最愛嘅意大利飯，飯粒分明，保持口感，唔會煮到太淋，忌廉味好重，我同老公都好鍾意食，上面嘅帶子都煎到好香肉眼扒配意粉，點左七成熟，份量好大份，兩個人分就啱啱好，肉味冇牛肉粒咁重，但係都唔錯，揭開下面，原來仲有薯蓉前菜，個薯蓉又係好驚人，好滑，好好食最後梗係食埋個甜品啦，我要左芝士蛋糕，上面有一層芒果，芝士味如果更重會更好食老公叫咗Tiramisu，咖啡味較重，好滑，大有淡淡的酒香味

早排過澳門想食葡菜，可惜人多意見多，無机會喺澳門食。返到香港search香港葡國菜嘅餐廳好少，睇openrice意就去試下。order小食拼盤試水温，不過不失，葡味唔太足性價比ok ga雖然無我最想飲嘅薯茸菜湯，試咗蘑菇松露忌廉湯，味道質感都恰到好處，稀傑主角蘑菇無俾露搶咗，厨師對份量掌握得非常好，推介一定要試6月份facebook give like get a free drink1.另外Buy 1 Get 1 free bottle drink .飲到臉紅。Free drink 揀“微甜“ white wine ok wor.跟住 beer 50幾蚊2枝，點可以唔飲。葡啤super bock, 女仔啱飲啲， 如果喜歡重“麥味“，就或者會失望喇。但啱我雖然我評價高。不過總結嚟講，提提大家無乜葡菜款喎。

今個週末約了朋友在長沙灣食個午飯， 發現這間主打葡萄牙菜/西班牙餐廳-BOM Cuisine, 眼見其裝修格調不錯，加上門口餐牌的價錢經濟實惠， 就決定試下。此餐廳門面雖然不大，但原來內裏座位有很多， 座位擺設不會太密，坐得算舒服。加上店員服務態度佳， 都會同食客有所交流，给我印象錯。餐牌上的set lunch平均不到一百蚊已經有交易， 有餐湯、餐飲和甜品， 主攻西班牙菜的餐廳，這樣價錢算是便宜了。 我們分別order了香煎三文魚配香草蒜茸及時令菜蔬和澳洲肉眼牛扒配薯蓉，免收加一服務費， 兩個午餐合共不到200蚊， 論價錢已經勝過很多餐廳。而味道方面， 香煎三文魚兩大塊， 煎得脆脆的，食落有啖啖油脂嘅甘香味， 配上香草蒜蓉，非常味美。 而豆角及車厘茄伴碟， 更是食得健康。至於澳三洲肉眼扒 ，我就點了七成熟， 肉質嫩滑,食落口肉味香濃，加上咬落有陣陣惹味肉汁，特別Juicy。而肉眼扒配上波特酒汁，陣陣酒香令肉味入口更佳，特別好食。餐飲點了凍咖啡和凍檸茶，各另加6元。這餐由於外邊天氣實在太熱喇,加上這裏坐得特別舒適 , 不經不覺在這裏慢慢食足足坐了兩個小時有多， 店員依然保留很有親切的笑

呢排世界盃熱潮，驅使鐘情葡萄牙C朗既我都好想食番D葡國菜。香港食葡國菜既餐廳唔算多，今次我同媽媽搵左喺長沙灣呢間隱世小店。雖然離長沙灣地鐵站都有少少距離，不過跟住地圖都唔難搵。首先我地要左個葡萄牙著名既馬介休球做前菜，馬介休球係用腌製左既咸鳕魚和薯仔炸成球。外層炸到金黃色，外脆內軟，入口咸香又唔會過咸，味道岩岩好。配合埋伴碟既黑橄欖莎莎同黑醋沙律一齊食，可以中和番炸物既熱氣感。然後就有主菜美國安格斯草飼肉眼。由於媽媽唔食太生既肉，所以今次要求煎得比較熟。雖然係咁，但肉質依然好淋，仍然保持到好juicy。而伴碟既黑松露薯蓉有淡淡既黑松露香，配合埋牛肝菌汁味道剛好。另外再要多左一碟半熟蛋Carbonara。傳統既Carbonara入面加左菇、葡國香腸、大量芝士碎，仲有主角半熟蛋，蛋黃汁撈埋所有野之後超正!甜品部分，我要左個好耐無食過既木糠布甸。店員話木糠布甸係佢地自家製既， 好中意佢唔會太甜，而且亦好多餅乾碎，唔會成口都係得D cream。而最愛朱古力既媽媽就要左一個devil chocolate mousse。果然mousse如其名，朱古力味好濃，口感好豐富，而且mousse都做得好軟滑

近期浦長沙灣，行嗰啲後街見到呢間小cafe……係我至鍾意的大大塊玻璃！有日光，夠舒服！今日終於有時間嚟食下佢個午餐！ 一坐低就送我一杯西瓜汁大熱天時正呀！-再黎沙律……very fresh!葡菜燒乳豬係我指定菜色。 呢個好肯定係乳豬！ 汁多肉嫩皮脆肉滑！ 皮與肉之間嘅肥膏唔多， 亦都冇我最唔鍾意既豬騷味好正( 好過長沙灣廣場後街嗰間多多聲)))。 呢間乳豬配黃薑飯上面仲有啲水欖沙沙， 軟飯再加脆口水欖，又好ok喎！個汁應該係有少少果少少紅酒煮出嚟嘅(估架咋…… 唔記得問下餐廳啲哥哥). 嗰種味道配搭住乳豬,可以去除嗰:]friend 就食咗個卡邦尼意粉, 意粉軟硬度適中，味道好…… 不過隻豬實在太正啦！所以個意粉只能排第二:甜品系綠茶mousse，唔太甜綠茶味好突出, 食完main好飽，呢件細細件dessert, just right!最後歎多一杯即磨咖啡！::::我唔想返工呀如果可以喺度嘆多本書就正啦……仲要讚下服務very goo:下次再幫襯！

星期六不用上班，係時候找間舒適嘅餐廳輕鬆一下， 這間位於長沙灣青山道的BOM Cuisine， 主打葡萄牙菜， 不用長途跋涉搭船過澳門食葡菜， 而餐廳位置也不難找， 真是感覺良好。餐廳裝修也不錯， 檯凳之間前部份兩排過， 其中一邊一排梳化座位，後部份也有6人位， 真係睇唔出鋪面細細,但入面面積寬敞, 座位都算幾多，人多也沒有問題。值得一讚都是這裏的服務員招呼細心，大家有傾有講， 還介紹我食這裏的招牌菜， 招牌葡萄牙菜烤乳豬， 聽他們說這裏的乳豬非常香脆 ，加上set lunch都是$108, 有湯有飲品,絕對是平，就order了一客。這碟烤乳豬配黃薑飯， 乳豬好大件頭，切開了5大件。 急不及待品嚐， 未到一個月大的乳豬果然皮脆肉嫩,烤得鬆化無比, 比起早排去澳門食的葡菜脆皮乳豬好食好多。 最欣賞他們做的乳豬皮真是烤得十分鬆脆， 每一啖都卜卜脆， 加上乳豬肉滑嫩香口， 非常好食。而黃薑飯面上加了橄欖肉碎， 黃薑飯食落更香更開胃， 水準之作。另一款是海鮮香草蕃茄長通粉，$88元。 海鮮以青口為主打, 剛剛煮熟,所以青口肉質保持有彈性， 好鮮甜。 而長通粉因為番茄味非常濃郁， 越食越開胃，

今日同同事慶生，再俾多次機會食西餐！今日好滿座下！好在我 12個人！可以俾我選下位！事前同店只溝通好我要訂蛋糕，但依家得半磅裝既提拉米蘇！都唔緊要啦！要兩個開心 😍叫完餐之後，每人有杯西瓜汁，店長話呢排太熱！放俾大家消暑！太貼心 😘😘今日餐湯係粟米湯，好香濃既粟米味！好正！好想添飲 🤣🤣今日同事叫左個魚柳包，份量大！條友食唔哂 🤣🤣 我幫佢食左薯條 🤣🤣 今日 終於有番之前水準 😍😍 好開心呀！我地以後有番好野食 😏我叫左龍利柳意粉，份量都好多下！我冇諗過我都會食唔哂 🤣🤣 個龍利柳冇雪味 🤣 好正！但可以煎香口少少就好喇！意粉岩我口味！又唔係好淋，又有少少爽口！之前呢家店好驚喜架，有人生日會整間鋪關燈 🤣 但唔知係咪耐左呢知驚喜已經唔特別！回歸平淡 🤣🤣 但當事人在冇預備既情況都係驚喜既 🎁 尋日佢問我放唔放兩個蛋糕一齊！終於知道！放埋一齊都幾好呀 😍😍我仲以為我地訂左蛋糕會冇甜品送！每人兩件蛋糕 🤣🤣 當然提拉米蘇好食好多！ 😋安心哂！變回之前好味番 👍🏻👍🏻👍🏻

天氣變幻無常，是晚約了朋友到長沙灣的葡萄牙餐廳聚聚，點知行到半路突然下起大雨來，連忙加速沖進餐廳啦。餐廳在青山道的轉角位，地扯並不難找，門面主調黑色，感覺優雅。細讀了餐牌，有數樣野都想試試，最後決定點2 course set，朋友揀了主菜加餐湯，自己則揀了主菜加甜品，再加了小吃，呵呵，十分豐富了。Sea salt latte （+$12）點了海鹽咖啡，上枱時熱辣辣咖啡味勁香，因加了點點的海鹽，咖啡甜中帶鹹，更能提升咖啡的味道，好喝Fruit punch （$38）朋友的雜果賓治，沒有試，朋友說好香甜的水果香味。Portuguese white wine clams （$88）先來的小吃，就是葡萄牙白酒煮蜆，葡萄牙的名物當然要一嚐啦，蜆十分鮮甜，白酒汁香醇有層次，仲有好香的香草味，好好味連湯汁都飲哂，勁正Grilled sardine with lemon mayonaise and mesclun （$82）第二樣小食點了香烤沙丁魚，也是葡萄牙名物來嘛。整條魚燒香再伴上沙律菜同蛋黃醬，賣相很不錯呀。沙丁魚燒得皮香肉嫩，一點都不覺得乾，內臟處理過，完全沒有苦腥味。因為燒的，骨已變得很脆，

長沙灣好多小店，在橫街小巷中，一有時間我就會在附近覓食，朋友介紹這間店舖，就一於試試。店內無論環境、格調及氣氛都好好，而且店員服務周到，令人可以好放鬆去享受這頓晚餐。凱撒沙律凱撒沙律的靈魂在於沙律醬，這裏自製的凱撒沙律醬有濃厚的芝士味，入口既香且濃，配上新鮮的羅馬生菜，美味。蘑菇忌廉湯配蒜蓉包蘑菇忌廉湯用新鮮的蘑菇打成，香濃滑溜，配上少許的蘑菇碎亦增加了口感。葡萄牙炸馬介休球馬介休是鹽漬魚，是葡萄牙料理的主要食材之一。這道菜的精要是將蒸熟了的馬介休擣成泥加上薯泥及其他配料，再炸而製成，絶對是心機之作。這裏的馬介休球外層炸得香脆，內裏軟滑，味道調配得剛好，再配上清新的沙律菜，推介。蒜香炒澳洲牛肉粒綿綿嫩滑的牛肉粒配上炸香的蒜片，味道配合，令人一口接一口。美國安格斯草飼肉眼扒粉紅嫩滑的肉眼扒，牛味香濃，入口溶化，配上黑松露薯蓉及牛肝菌汁，推介。蒜香白酒鮮蜆意粉爽滑彈牙白酒味濃的意粉配上新鮮大蜆，美味。

近來進駐了很多新派餐廳在青山道一帶附近。偶然經過那裏，發現了一間葡萄牙菜食店。所以今天特約朋友一同去享受一下葡萄牙菜式。餐廳位置不太顯眼，但門口擺放了很多酒樽及優惠宣傳。如喜歡飲酒一定特別喜歡在此用餐，步入餐廳，店員招呼不錯。座位也很彈性，二人、四人枱又或者長長檯面一大班朋友也可坐得輕鬆。餐廳招牌菜一定不能少的招牌葡萄牙烤乳豬，入口外脆肉嫩，配了黃薑飯及特制磨碎的水㰖，非常惹味十足。朋友點了美國安格斯草飼肉眼扒套餐。經燒烤後外層略帶焦香，甫切開可見肉汁豐盈，保持嫩滑口感。我們還點了小食： 炸蟹餅、孜然烤牛脷、葡萄牙白酒煮鮮蜆等等。酒類飲品現正優惠買一送一，非常超值，一定適合酒控的食客呢！他們也有自家制甜品供應如木糠布丁🍮特別推薦。

今日相約了以前的同事食飯，因為佢公司係長沙灣，所以收工後便隨意在附近找一間餐廳食晚飯傾計，經過BOM Cuisine時，覺得餐廳環境清靜，適合聊天，便決定入去一試，結果很有驚喜！餐廳氣氛很好，燈光略暗，地方整潔，給人一個很放鬆的感覺，而侍應亦都非常有善，為我們逐一介紹餐牌上的菜式食物方面，我認為質素很不錯，有一些菜式的配搭非常新鮮，好像我們點的前菜就是個好例子凍去骨豬手配蘋果醬，豬手冷凍爽口，配合一個特別的醬汁(新鮮蘋果醬)，異常配合，清新的蘋果蓉中和了豬手的肥膩感，很開胃蒜香炒澳洲牛肉粒，新鮮的牛肉粒，鮮嫩可口，加上爆香了的蒜頭，是一向天衣無縫的組合，鐘意食牛肉的朋友真的要試一試！主菜方面，我們點了一個燴飯和豬仔脾，份量適中，送到我們桌上時還熱辣辣的秘製柚子醬烤豬仔脾，豬仔脾肥美，外皮酥脆，配合柚子汁，酸酸甜甜的，令人食指大動，而它所配搭的是油飯，跟豬仔脾一同進食味道更佳香煎帶子巴馬臣芝士香菇燴飯，我認為是這餐晚飯最出色的菜式，這個燴飯相比起其他餐廳的risotto，飯的質感是比較"硬"，感覺像是炒飯般，很有趣，加上他用了新鮮的帶子煎封，火候掌控得恰當，帶子仍然保持濕潤，是一道很出色