Bove (屯門市廣場1期)

营业中

休息中

放假，同屋企人去food court食嘢。不過自己又唔肚餓。好衰唔衰，聞到雞蛋仔味，一時口痕，點知就中伏。當時冇人等，落完單好快就有得食。但食第一啖，首先係一種好假嘅甜味。然後係覺得好淋，一啲都唔香，唔脆，食到個心仲濕濕地咁。都唔知熟透未。食完一粒，已經忍唔住同屋企人講好難食。都見到個粉漿上邊係有啲啡色一點點，相信嗰啲係伯爵茶粉。但又唔知點解食落去啲茶味又冇乜，反而好大陣香精味。可能係啲材料問題🤷🏻‍♀️雞蛋仔嘅嘢，難食極有個譜。個味唔好，如果口感搭夠，應該都OK嘅。可惜呢間係兩樣都冇。食底雞蛋仔，廿幾三十蚊係市價，本身都冇乜期望，亦冇諗過要寫食評。不過真係越食越頂唔順，先忍唔住影張相。食咗幾粒就放棄，無謂浪費自己quota。

係香港最難食嘅雞蛋仔，真係非佢莫屬。唔係粒粒都飽滿嘅雞蛋仔，咬落去好硬、完全唔鬆脆，入面仲未熟透，而且又太甜，好似食緊舊濕咗嘅麵團咁，超級、超級難食，我估計應該係佢哋貪快，開到個火好大，入面未熟，已經過火，攪到成塊雞蛋仔硬過石頭，見到咁仲要比客果吓好嘢！我當時7:00pm去買雞蛋仔，佢哋其實冇咩客，真係唔使開咁大火，樓下街邊檔都整得好過依間野，佢哋啲後生仔店員好似唔想做咁，態度又差，求求其其咁，真係冇下次。好彩只係買咗個雞蛋仔試吓先。

27/1 去買雞蛋仔，見到收銀位置高瘦嘅男職員抹完鼻涕冇洗手，直接帶返手套，帶住手套收錢之後再入雞蛋仔🤦🏼‍♀️衛生好有問題之前個姨姨同埋個女仔服務態度好好，衛生都好好多

今日經過屯門市中心的美食廣場，想吃點另類的食物，看到美食廣場的門口店舖竟然有賣兒時的美食，當然立即要試一試重拾回憶原味雞蛋仔 $20外皮硬脆而中間有點軟身，味道一般，個人感覺普通，不過小朋友很喜歡吃原味格仔餅 $22格仔餅份量比想像中大很多，熱餅上面鋪滿已溶化的牛油，加上大量煉奶及半溶花生醬，一咬下去滿滿的滋味大滿足😋整體上味道不錯，下次會再吃格仔餅只是等待時間比較久，而且訂單安排有點前後混亂，尚待改進

又打回原形，星期五lunch見到新姐姐同姨姨，照買意粉，無問題～好食點知又多左個年青亞妹整雞蛋仔，穿晒窿咁都比人，又唔叫人拎嘢食，一味㩒電話做自己嘢，真係好差好差，當時都有6,7個客人一齊等緊，見到大家都唔高興，都唔知為乜，俾錢受氣加強員工訓練至接生意吧，做壞招牌啲後生仔一副唔憂做咁，以後行埋去會問定係咪姨姨或姐姐整，個心好鍾意食，但要受氣唔食罷就，其實可以直行直過就算，係好唔明點解明明材料好味，但用咁多好頹嘅年輕店員

一向鍾情食雞蛋仔同意粉，但屯門呢間真係食一次嬲一次，次次想食晚餐都受啲低頭族細路氣，又飛嘢又冇禮貌食物整得又差（快係無用，次次飛嘢食好勞氣，冇客人想食垃圾，又唔平）喺附近做嘢，行入美食廣場已經skip左呢間嘢。但呢幾日lunch經過見有個新姐姐同姨姨話有意粉賣👍又忍唔住試多次啦，一食食左3日食返晒之前無食嘅量😹食完意粉再雞蛋仔再食雪糕，意粉賣相好，好味，雞蛋仔脆又香，姨姨整嘢好企理有心機，姐姐好有禮貌下次至影個鴨胸意粉同甜品套餐上黎超讚～希望個老闆識一直用呢啲人，唔洗比啲客人受氣，食物好唔好要睇 有冇好店員比心機整

同朋友食完飯又唔想走住，嚟到呢個foodcourt門口見到🍧有間甜品，窩夫就食得多，但雪條造型🍭又幾特別。難得現時仲有商場嘅餐廳係收十點，仲可以慢慢坐吹下水梗係要食啦!同朋友一人一個 🍭棒棒麻糬窩夫配雪糕（$42)，平就唔算係平，算正常甜品價錢。當日八點左右去到，原本想叫🍵綠茶同🥔紫薯底嘅棒棒窩夫，但係已經賣哂啦。冇得揀嘅情況下最後叫咗個🍫朱古力窩夫配🍓士多啤梨味雪糕🔰原味窩夫配🍫朱古力味雪糕🍦雪糕呢家店係用🍨Movenpick，所以質素都有保證。 而個棒棒窩夫🍭雖然唔係好脆，但係食咗一半個雪糕先食佢，都冇出現淋身情況算唔錯。不過Yummy就覺得朱古力同原味窩夫都可以但就普通D，可惜冇哂其他味嘅窩夫。不過其實晚市仲可以慢慢坐同食到十點又冇人趕實屬難得!

今日同朋友食完飯係屯門市廣場諗住行下當散步消化啦,個頭都未消化,另一邊已經俾waffle味吸引左,宜間係food court 門口位,占盡靚位嘅甜品店,我地一向都唔夠野食鬥,見food court入面又有位坐,唔理lu本身宜款waffle係有4款味,我地本身係想叫抹茶同紫薯味,但係個2隻味冇哂lu......咁叫另外淨返個2個囉,唔係點啵......真係想食,已經俾佢吸引左囉不過朱古力同原味都好食,因為真係即整新鮮香.....雪糕方面佢地係用movenpick ........Movnpick個士多啤梨味我就最愛....而宜2杯野都係$42/1個....我覺得都ok 啦,$84蚊我地又坐多2個鐘....

昨晚,胃口不好.同家人share 一碟心太軟.心太軟,翻熱時間唔夠,內裡仍有少少凍.員工翻熱心太軟時間不足.食落,味道一般般.窩芙,外面,唔係脆,有點膠的感覺；內裡很杰很糊口,味道一般,不吸引.雪糕,是正常.看看那位年青的製作員工,一面頹態.希望這甜品店加強員工訓練和監管。

從來未試過食到咁難食嘅窩夫，一切開個一下，我就知道瀨野，好似切緊舊膠甘，加完個蜂蜜仲恐怖，完全系蜂蜜味香精，我第一次見到窩夫形狀嘅黃金糕，好似喺酒樓食緊點心咁。

行開屯市嘅朋友仔，如果中途想坐下休息吓，食個甜品，3樓開左food maze入面有11間不同菜式餐飲鋪頭揀，呢間Bove 喺正food court 門口，主打雞蛋仔、雪糕🍦甜品，我今次比原味窩夫Movepick 雪糕 （2 scoops-朱古力、士多啤梨味)吸引左😍爆炸朱古力窩夫雪糕套餐： 即叫即整熱辣辣嘅waffle 配埋movepick雪糕$78 😌下次行得攰攰地又想坐下🍨呢度係一個唔錯嘅選擇😎

今天晚飯後，在bove order了兩個甜品,真的給我一個驚喜。位置:屯門屯順街1號屯門市廣場1期2樓2253A號Foodmaze 9號舖(在foodmaze入口)服務:即叫即整，陣陣香味真的很吸引人去幫襯(值得一讚是甜品 套餐不時轉款，很有心思)朱古力心太軟加一個雲呢拿球🤩$48一切開外層，朱古力漿流出來，我已忍不住放入口中試，還是暖笠笠的，真是十分十分好味。 一口心太軟，一口雲呢拿雪糕，真的超滿足。爆炸朱古力窩夫套餐🤩🤩$78可自選兩個雪糕球🍧(我選焦糖🌰雪糕球加朱古力雪糕球)+ 熱辣辣香脆的窩夫+爆炸朱古力棒+ 軟骨忌廉+一小杯蜂蜜糖漿朱古力棒很特別，一口咬下去，你會咬到少少爆炸朱古力脆脆。如果你喜歡吃甜品，就一定不可錯過這個餐性價很高的套餐👍👍👍我一定會再回來

Food counter 既最外面就係賣雞蛋仔, 真係好香,香到我忍唔住過去睇吓有咩口味。原來佢都有好多隻味，我企喺度諗咗好耐，因為樣樣都好想食，但係仲等緊個主食所以都係叫一樣試吓。宇治抹茶麻薯雞蛋仔$30貴就係貴左少少, 但食完我又覺得值得,佢係即叫即整, 都要等10-15分鐘。雞蛋仔外脆內軟, 食到茶味,最開心既係佢既麻薯真係好煙靭，好好食。仲要粒粒都有☺️就算唔係food court入邊食，買外賣拎走食都幾好。

Bove無得輸雞蛋仔 主打雞蛋仔，另有格仔餅、沙冰、窩夫和雪糕。高質吸晴，閉目即買。阿華田雞蛋仔（$32）粒粒雞蛋仔做到半滿，半脆半煙韌，是大師之作。加上玩Fusion，sell港式。好合適喜歡傳統＋創新＋挑戰性的食家。建議即買即食，也不要獨食，很飽肚。宇治抹茶沙冰（$28）加杯沙冰，即可自製宇治抹茶（或朱古力/芒果）口味的雞蛋仔/窩夫......沙冰質感細碎幼滑，所以比較容易融化。 驟眼一看 ，還以為是雪糕。很夠甜，眨眼鯨吞了一杯。

After watching a movie, I decided to have a quick snack before heading out to Tsim Sha Tsui. The process of ordering was really short but the waiting time for the food was much longer than expected for this snack. I stood there for 30 minutes waiting for a quick snack. The staff maybe were new so I saw they sometimes burnt their waffles or the waffles were too raw. Another problem is that they don't have a monitor to show the number of the order so you have no idea when is your turn. If I had kn