Bove (屯門市廣場1期)

营业中

休息中

都質素靚靚雞蛋仔。去咗屯門food county 食lunch。食完都唔飽，就買咗朋友激讚嘅雞蛋仔。一間舖頭好唔好食，我會嘗試最原始的食物，最後我點了原味雞蛋仔。買嘅時候都有人等緊，雖然店員忙碌緊但係都先幫我下單，而且好細心講解。因為係新開嘅關係所以唔係所有支付方式都有提供。等咗大約10分鐘不用，就已經完成我下單的兩底雞蛋仔。因為疫情關係所以帶返屋企食。又去整號開始已經香到不得了。雞蛋仔外脆內林，極香蛋和奶的味道，甜度適中。

見到屯市有新開Food court，試左兩間野食都幾滿意，Food court好處唔駛食死一間餐廳，剛食完日式同中式都可以食返個港式甜品😂見到呢間食好多味既雞蛋仔，不過無試到，因為比雪糕吸引左😂😂紫薯棒棒麻糬窩夫+士多啤梨雪糕🍠🧇🍦個窩夫幾特別，好鍾意入面係麻糬煙煙靭靭，紫薯味幾香甜，配埋MÖVENPICK雪糕邊有得輸😂冰火放入口勁正🤪極快速就清哂，勁想買多個😋😋唯一係個杯太細，雪糕球太大😂

真係唔知點講好，平時都好鍾意支持港式食物，不過今次呢間我覺得麻麻地。 講返先，我本身幾鍾意食佢哋嘅雞蛋仔，不過今次覺得佢個店員做得麻麻地首先，整到個雞蛋仔穿窿，咁都可以俾我，當然冇問題，不過唔好意思都冇聲，我俾錢去買完整嘅雞蛋仔，有乜可能真係當我睇唔到，我望住佢整，真係唔知點講好第二，宇治抹茶紅豆雞蛋仔，冇乜紅豆，味道虛假，有啲失望所以最後我發現，佢哋只有原味雞蛋仔比較好食，同埋都要睇吓係邊個員工整，今次呢個員工真係整得一半，而且整衰咗仲要當冇嘢，雖然好小事，但有乜可能要咁樣當冇嘢同埋有一點難以理解，我都冇叫佢加膠袋，點解要收我一蚊膠袋錢？佢有冇問過我想唔想要個膠袋？好地地點解要逼我買佢膠袋？再加上本身佢話雞蛋仔就冇包裝，咁收膠袋費，都唔係政府嘅指引。

bove 呢間店舖好早以前喺葵芳有開， 嗰陣覺得佢個pancake好好食， 但後來突然執咗而家新開嘅呢間喺屯門， 唔知係咪同一間， 同樣有雞蛋仔、格仔餅食今次叫咗 紫薯棒棒麻薯窩夫＋ 雲呢拿雪糕 (店舖寫住雪糕為 movepick) $32 同 班蘭雞蛋仔$22紫薯棒棒麻薯窩夫＋ 雲呢拿雪糕 好食但份量少，麻薯窩夫口感煙煙靭靭，甜度適中，配埋雪糕一凍一熱，好好食，但呢個價錢份量黎講實在好少，其實2,3啖已經食曬，唔洗3分鐘食完，我諗大部分價錢交租班蘭雞蛋仔唔記得咗影相，食完先諗起🤣🤣 味道幾好，外脆內軟，份量正常整體黎講味道唔錯