影片
今日系星期日 下午趁无嘢做 去咗一间喺锦上路嘅茶餐厅 佢𠮶度有得泊车好方便 入到去竟然见到有人带住小狗 原来系好适合有宠物去嘅地方 入去睇下原来地方都几大㖞 有室内有室外 拎起个餐牌 食物种类都几同一般茶记差不多而且价钱非常合理 每人平均60蚊仲有我好钟意食嘅牛角包 我哋两个人 点咗两个餐 一个椒盐猪扒饭 另外再加一个特餐 特餐有鸡扒公仔面 加两款小食我加左肠仔同烟肉另加4蚊转牛角包份量非常大份味道都算唔错 值得一提系佢嘅特餐 就算转做出钱一丁都唔需要另外加钱㗎 亦都冇收加一又胜在方便泊车㖞 真系一个假日嘅好去处 但要提一提大家 呢度五点钟就收㗎啦 而且逢星期二系唔开嘅 所以如果要嚟试下呢一间可以带狗狗嚟嘅餐厅 就要早少少啦 #锦上路#元朗美食#可带宠物#元朗可泊车#chilly_hkfoodie
继续阅读
Lunch time时同狗狗🐕、狗狗爸爸路经，一望入去见餐厅坐满人，好厉害👍🏻。下午茶时折返，谂住试下佢的下午茶餐🍽️。餐厅1700闩门，我哋1645去到，基本上饮品选择所余无几，因为茶胆🫖、啡胆☕、柠檬🍋都冇。最后，我哋点咗2个茶餐，餐饮拣咗冻、热好立克🥤。牛油芝士火腿煎蛋牛角包🥐：走咗牛油，而火腿就分俾咗狗狗爸爸食。牛角包系圆形🫓，细细个，只蛋🍳睇落似系炸，感觉系有少少唔健康，加埋半溶芝士片（芝士味🧀淡），味道👌🏻，只系邪恶啲😈~炸鸡脾薯条🍗🍟：唔知系咪要快啲炸熟，只鸡脾🍗喺中间㓥开两截，但仲有条骨连住，揸上手冇咁方便，好似攞住双截棍咁；狗狗爸爸话鸡脾都juicy👍🏻冻、热好立克🥤：正常就冇乜嘢好讲，但呢2杯饮品好浓好立克味，应该落咗好多粉，劲足料，好味😋！-虽然餐厅收工，但啲员工都冇话要我哋食快啲，或者催我哋走🏃🏻，加上价钱几相宜，环境又唔错，自成一角，行经都值得嚟试下🐕狗狗食评：呢度户外位置地方几大，几舒服😙，仲有瓦遮头添~不过我嚟到时人哋都就快收工🕔，其他时间应该会多人、多狗🐕啲。暂时好似冇乜啱我食🍽️
继续阅读