&btR

营业中

休息中

今日去咗太古城一間主打混合菜式嘅餐廳，試咗佢哋嘅忌廉蛋汁煙肉意粉同牛肉飯定食，整體感覺ok～ 忌廉蛋汁煙肉意粉 🍝🧀忌廉蛋汁質感滑溜，蛋香突出，但略嫌唔夠濃稠，掛汁能力中等，如果再多啲芝士香會更完美！煙肉煎得香脆，份量慷慨，但油脂稍多，食到後段有啲膩。 配薯條 🍟-粗身薯條，炸得金黃酥脆，外脆內軟，但調味偏淡，建議配茄汁會更惹味！ 牛肉飯定食 🍛🐄 肉質軟嫩，醬汁偏甜，牛肉味可以再濃啲。 配菜跟咗沙律同埋我哋加咗碗湯，沙律菜新鮮爽脆，湯就正常發揮，唔會太鹹。 環境同服務 🏙️💁餐廳裝修簡約現代，坐得舒服，燈光柔和，幾適合朋友聚餐。 服務態度友善，上菜速度合理，唔會催人交枱。 性價比 💰👍人均約$120，以太古城區嚟講算合理，份量足夠，味道有誠意。

雖然這個餐廳我已經來過無數次，但每次都沒有失望過。原因很簡單，除了東西好吃之外，價格也不高，再加上地方尚算寬敞，人不多的時候可以選擇面對溜冰場的位置，邊吃午餐邊看溜冰場裡面練習溜冰的人，也是一種免費娛樂。這餐廳提供日本模式的西式料理，我今天點了雞沙律和冰奶茶；雞沙律的羅馬生菜很新鮮，葉和梗配搭適中，不像一些餐廳梗太多口感不好，裡面的沙律醬很香，雞肉味道和雞蛋生熟度都接近完美，蒜蓉麵包很香很脆；另外，我的冰奶茶也很香濃，份量也夠大杯。你可以在這裡隨意坐一兩個小時沒人會叫你埋單，因為手機點餐的時候已經付費了。

星期六晚約左侄仔去太古城中心，因為本人整緊牙，冇牙力食野，唯一諗到就係食魚，所以我地就黎左&BTR。周圍人頭湧湧，但呢度都叫做可以搵到位。呢度似高級左少少嘅快餐店，先自己去counter落單比錢，之後就等店員送餐去你度。我就食鯖魚定食，個餐就正正常常，係個飯少少特別，有啲似炊飯。侄仔食雞扒定食，佢就冇乜comment。呢度最大缺點就係，檯同檯之間非常近，咁啱左右兩邊嘅人都講野大聲，我就頂唔順，好快食完就閃，都唔想坐喺度同侄仔傾計。估唔到夜晚出去食，一個便當唔收加一都要過百蚊，大概明白點解港人咁鍾意返鄉下啦。

＆btR在太古都有好幾年嘅時間之前成日幫襯但好快食到厭個餐牌好似嘅變化始終唔大無乜野好揀最近經過發現佢地個餐牌竟然多咗定食類決定比多次機會佢又試下👉🏼牛扒配蘿蔔酸汁定食（$120）份量比想像中大，佢塊扒夠厚仲要個熟成度係medium rare配上開胃嘅蘿蔔酸汁又幾唔錯不過咬嘅口感去到後面咬到有啲攰攤凍咗會愈嚟愈un整體算ok嘅有飯有湯又沙律幾抵食男仔食都夠飽👉🏼蒜辣海鮮意粉（$77）食開5小辣嘅我都只係覺得佢微辣所以怕辣嘅唔洗走辣都得個意粉煮得幾濃幾掛汁口感煙韌但係有幾條唔係好熟😶海鮮份量以呢個價錢嚟講算係咁有魷魚，蝦，同帶子但對我呢啲大食妹來說只食佢絕對唔飽👉🏼凍檸檬茶（+$12）飲過凍檸茶無數嘅我呢杯可以作為好飲嘅Top 10用嘅茶葉係伯爵茶底以前幫襯見過佢放啲茶葉盒出嚟上網搵唔到香港有得賣，係英國先有飲落勁重earl grey香又唔澀如果唔係太追求佢嘅香橙，荔枝，菠蘿同伯爵茶呢啲加$18嘅配搭只加$12配杯凍檸茶都已經夠～📍&btR太古太古城道18號太古城中心1樓136號舖服務：👍🏻👍🏻👍🏻👍🏻環境：👍🏻👍🏻👍🏻👍🏻食物：👍🏻👍🏻👍🏻✨喺溜冰場隔離，但多數係溜冰無乜點打冰球，所以

太古城速食之選🌟蒜辣海鮮意粉好辣下，如果唔食到辣叫其他會比較適合！好多車厘茄食落好健康。蒜蓉包都幾香脆🤭跟餐 焦糖燉蛋咖啡（+$18）Coffee唔錯，雖然個燉蛋味唔係好出。跟餐 熱菠蘿熱情果伯爵茶（＋＄18）入面有橙，青蘋果，好清新好香甜，值得叫😜🌟忌廉蘑菇香蔥意大利粉叫嚟比小朋友食，個汁唔會太稀，意粉比較幼，有咬口，味道還好。＋$12薯條脆又夠熱，再加大大pat茄汁，正😁＋$9 北海道芝士麻薯 ，流心芝士好正呀 😇雖然好細細一件。*不是試食活動

周末太古城周圍都係人，如果想食快餐，除咗去food court，&btR 係另一個選擇，位置正正响溜冰場隔離，坐得都算舒服，價錢親民無加一，不過水準就一般般。🍴煙肉酸忌廉焗薯 $49 ⭐️⭐️好耐無食焗薯所以好想叫埋，焗薯上枱都只係微暖，唔夠熱真係無咁好味，就算有大量酸忌廉同煙肉芝士都係咁話。🍴香蔥雜菌忌廉汁意粉 $71 ⭐️⭐️⭐️每個意粉都跟一件蒜蓉包，包唔夠熱同脆口，意粉煙煙韌韌口感唔錯，雜菌都夠多，可惜忌廉汁不足同淡咗啲啲。🍴豬肉腸蕃茄忌廉汁意粉 $73 ⭐️⭐️⭐️⭐️呢個意粉超好味超多料，好味在於煙韌嘅意粉非常掛汁，汁好味又夠多，酸中帶甜嘅味道令我一口接一口，仲有我平時唔會食嘅車厘茄同豬肉腸都好好味。☕️焦糖燉蛋風味鮮奶咖啡 +$18 (套餐價) ⭐️⭐️⭐️⭐️阿sir嘅咖啡我試咗一啖，真係飲到有焦糖燉蛋味，好得意好香，而阿sir本人就話杯咖啡超級好味，真係無叫錯咁話。🍹芒果荔枝菠蘿伯爵茶 +$18 (套餐價) ⭐️⭐️⭐️⭐️賣相靚靚，真係有新鮮生果，生果夠熟夠香夠甜，茶味香濃又唔會太甜，好飲。二人共消費：$229

太古城每到吃飯時間到處都一位難求，我一直印象中溜冰場旁好像是一間韓國餐廳，這天去洗手間經過看到有漢堡，就和朋友試一試。我點了個雞肉漢堡，雞肉炸得乾身一點，除了蕃茄和生菜還有牛油果醬和沙律醬，雖然份量不算大，但以下午茶來說很足夠。朋友點的炸魚漢堡也不錯。這一間餐廳是自助的形式，可以外面排隊點餐也可以直接掃碼用手機點餐和付款。另外也有自助的醬料吧，可以自己拿蕃茄醬、黃色芥末醬和餐具。點餐後坐著等送餐就可以了。

溜冰場早餐會，呢度可以一邊望住溜冰場一邊食早餐。事隔多時，第二次嚟食人物和情景一樣，今次電子落單付款有少少麻煩先可以成功，如果要 yuu 儲分就記得要排隊買。我要咗個豬扒煎蛋蕃茄湯韓式拉麵，鮮蕃茄味唔辣豬扒夠爽口好食，今次唔使叫麵煮生啲都已經好好味。白咖啡、黑咖啡、美式咖啡、鮮奶咖啡，揀咗熱黑咖啡，味道容易入口好飲。食物好快就有專人送到，餐具紙巾牙籤斟水需要自助，環境十分舒適，今次真係一次非常難得嘅體驗。

嚟過幾次，食物唔貴，仲喺溜冰場隔離可以睇人地溜冰。食物味道都唔差，價錢亦都合理，不過就唔好預份量好多，如果少少哋當下午茶其實好OK。只要叫咗佢哋嘅main，就可以加錢叫薯條或者沙律，少少哋其實都好夠。不過我覺得個all day Breakfast唔夠豐富，如果豐富啲會開心啲😂

宜家出外用餐真係唔平, 特別係太古鰂魚涌呢一頭. 成日見呢間餐廳排長龍, 今日一於試一試😎排我前面大約有8-10人, 佢地還枱速度都快, 所以等左10-15分鐘左右已經可以入座.叫左蒜辣海鮮意粉, 份量偏細, 味道偏辣.不過$70幾蚊係呢個商場應該唔太多選擇…

身處滾冰場嘅西餐廳，食住靚漢堡，眼觀冰上風采，真係型格食飯新體驗🍽️。成間餐廳都燈光柔和，帶啲復古味，令我諗起細個溜冰後嘅食飽餐廳時光。由頭盤到主食選擇多多，得個Cheeseburger芝士牛肉漢堡真係炸到我心口。麵包蓬鬆得嚟啖啖黃油香，牛肉餅又多汁，啖啖肉味，食落好滿足😋。至於果三文治，真係有驚喜，三明治面包亦係輕輕烤過，內裡煙三文魚同水煮蛋嘅組合剛好，味道清新唔膩口。嗰啖布臘塔芝士，軟綿綿，配埋番茄同鮮甜嘅羅勒，攪拌成一片和諧。但如果要點名一樣最正嘅嘢，非脆炸魚柳漢堡莫屬。嗰陣脆皮咬落去真係夠kick，包裹住嗰塊魚扎實得來仲滴咗汁，好好食到我都忘記咗上次食過乜嘢。香辣薯條就係個絕配，斜斜脆脆，啖啖辣味，真心推介👍。最後來杯蜂蜜檸檬薑烏龍茶，就正喺解渴之選。飲落去既有薑嘅熱辣，又有檸檬嘅酸爽，再加上蜂蜜嘅甜蜜滿足，好似咁既喉又鎮靜心神。總之，呢度嘅食物同飲品都係滿分推介，下次有機會一定再嚟！🍔🍟🥤

最近去的次數較頻密, 因為商場停車較方便, 而且也有不同的店舖可以逛.凍甜橙配咖啡配湯力近來較喜歡的飲品, 比一般凍飲特別一點, 多心的人可以一啖試不同的口味.煙肉酸忌廉焗薯也是近來較喜歡的食品, 下午茶吃一個意粉又太多, 來個有料的焗薯就相當perfect啦.表面佈滿大麵包糠, 加上粒粒小煙肉, 相當的有咬口.配上滿滿順滑的酸忌廉, 軟軟的, 口感又截然不同.別小看這個焗薯, 吃完後還是非常滿足的.餐廳部份座位可以清楚看到溜冰場, 既可欣賞別人冰上英姿, 也適合放空或與朋友短聚.

叫了兩個餐，第一個餐是全日早餐，蛋炒得非常之滑好味煙肉唔係平時食嗰隻好乾好韌，而係有肉汁Juicy的，推介，連我平時唔鍾意食嘅都鍾意食，飲品叫了芒果菠蘿茶熱飲，清香撲鼻，果味濃郁，非常好飲第二個餐是黑醋雞扒漢堡包，這個漢堡包也不錯的，但是略嫌雞扒的肉有一點嚡，但是味道調得不錯的，酸甜適中！總括來說， 環境不錯，但有點嘈雜，食物質素高，價錢公道

Tea Break 😋☕️枱上邊就有Barcode, 掃下就可以自己落單，整好嘢食會自動送上, 不過餐具就要自己出邊拎，係一間半自助式嘅餐廳☺️呢度有好多輕食選擇，有意粉， Burger，飯等等，焗薯我覺得唔會太Heavy ，所以當Tea 啱啱好, 坐低飲杯野☕️睇下人溜冰，發下牛豆幾好😁我叫嘅係吞拿魚粟米焗薯，呢個配搭都幾飽肚， 跟埋特色飲品， 酸酸甜甜好味🤤唔知係咪因為加錢$12 換， 個凱撒沙律好渣，啲菜唔係好新鮮，配一點點沙律醬， 完全嘥錢🙁

離開太古城平時放lunch都冇乜餐廳揀，因為大部份都幾貴吓起碼要$100，不過依間餐廳我地時常都會嚟食，因為選擇多易攞位而且唔會收+1，如果想食清淡啲可以食沙律，而且可以另外再加薯條或者湯，隨自己的喜好加添唔同嘅食品。翻查一下依間餐廳其實係美心集團，出品一定有保證，意粉嘅味道清淡，但好有蘑菇嘅味道。今日比較肚餓另外加咗一個南瓜湯，而麵包係隨着意粉送嘅，加埋南瓜湯一齊飲10分美味，如果大家都係附近返工，一班人呢食lunch都係一個唔錯嘅選擇