Bulldog Hotdog (廣福道) (已搬遷) 新店位置

After watching several youtubers recommend this hotdog place, we wanted to try it for ourselves. Although we were one of the first customers of the day, we still had to wait around 15-20 mins in line and for our food, even though there were only 2 people in front of us. This hotdog place sells on the fact that they are yellow, and that they use local HK pork for their sausages. We ordered the German style ($38) and Fat Cheese ($44) hotdogs. Since this is a takeaway store, it was slightly inconve

依間外賣熱狗良心小店長期有好多人排隊，店員態度好好，食物質素又高，所以成日嚟幫襯。特濃芝士熱狗足足用咗七款芝士（白車打、橙車打、紅波、巴馬臣、馬蘇利拉、寶伐朗、藍芝士），食落好香但又唔會覺得好重口味，芝士控一定要試下。特別鍾意佢嘅脆皮法蘭克福腸，十分飽滿，每啖都好滿足～招牌熱狗就有好惹味嘅招牌辣牛肉醬，中間夾左幾粒紅腰豆，上面就加咗芝士粟米脆片同酸忌廉，味道非常夾，食食下啲料多到跌出嚟添！午餐時段12:00-18:00加十蚊就可以有埋薯角同汽水，薯角份量多表面炸得脆調味又啱啱好，非常抵食！除咗薯角外仲可以揀芝士薯波或者洋蔥圈～之前食過佢嘅美國水牛雞翼一試難忘，不過近幾次去都係sold out，希望可以快啲再食返啦！

而家越來越多熱狗店，係大埔就有一間黃店熱狗！🥳 Bull Dog Hotdog係大埔人氣小店，但佢主要做外賣，所以要搵地方食啦😌-今次就試左個黑啤肉醬熱狗，都好惹味呀🥰 入面有秘製肉醬，白車打同橙車打同蜜糖芥末醬。味道好豐富。😬肉醬好多好入味，其實冇咩黑啤味，所以唔飲酒既都可以食架😛 見到面頭啲芝士就知真係好多！鋪滿成個面🤩 熱食仲會小小拉絲！入面條腸都勁大條！一咬落去又juicy，超滿足😱 個包烘到脆脆地，加上蜜糖芥末醬，好正呀！不妨搵日大埔一日美食遊🤣

抗疫時期，煮食煮到懷疑人生有一日行完山，返到屋企見餓又唔想煮就試下開個熊貓送睇下有咩外賣嗌啦住得比較入，鳳園個頭見到熱狗竟然送喎啦啦臨同老公一人一個啦梗係一個有跟餐有薯角 另一個無左邊係黑啤肉醬 右面係幾重芝士送到入黎都微暖 packing又包得好好同老公嘆住凍飲 一人一個大熱狗都咪話唔嘆之前經過舖頭成日見人排隊 今次終於可以試到份量足夠 老公覺得肉醬好食d我覺得兩個都好好食至少食完唔會覺好濟好膩咁下次會再幫襯的！

朋友介紹呢間豈大埔廣福道嘅熱狗店，只做外賣生意，豈疫情下都眼見都依然幾多人幫襯架！熱狗有超過10款款式，另外有小食，熱狗亦都可以加錢轉做combo, 價錢由40幾至60幾左右，我地覺得計足料度真係好抵食！左邊係美式風味，啲酸菜好好味，右邊係香辣手撕雞，食落都真係幾辣。睇相都知兩款熱狗有幾足料，醬都好夠，真係一路食一路跌啲料出黎。我地其中一份加左錢做combo加配薯角同飲品，雖然外賣完啲薯角都凍左，但都算好食，份量又好多。

絕對無誇張，這裡的熱狗比一般茶餐廳大超過一倍，條腸好味不特只，上面的醬汁及配料以至麵包都係perfect match,我點的已經是最基本的美式風味，單點$38，lunch set只需加$10就有埋洋蔥圈（或其他小食如薯角...）及汽水。炸洋蔥圈係賣飛佛，絕對無令我失望。味道得之餘份量都好足，估計個熱狗有成8吋以上咁長，我同姊姊2人share食完個餐都叫飽。成個餐$50有找，好味又抵食，真心推介👍🏻👍🏻

Bulldog hotdog . dog dog dog.一直都覺得呢間店個位置都算係大馬路但係距離我自己搭車放工既落車位（巴士）較遠，所以一直都懶得專誠去買。直至最近成日留意有咩好食既小食，就比我諗起呢間都幾出名既熱狗店。招牌logo都幾亮眼。係琴日3月27号第一次晚上放工朝聖買左黑啤肉醬$~44左右，覺得好岩口味，所以今日又嘴饞又放假唔想出街，就叫家人今日28号再去幫買另一隻想試既口味，就係咁連續2日都幫襯左呢間熱狗專門店，價錢方面當然希望可以平少少，始終幾十蚊都可以食好多野。自己簡既呢2隻味都推介比大家簡(黑啤肉醬味同日式鰻魚味都好好味)，黑啤肉醬淋上既芥末醬好開胃，鰻魚味甜甜地又無骨。呢間係bookmark左一定會再幫襯既外賣小店。

原來做家庭主婦就係咁架啦…日日起身諗吓lunch 食咩 😂 食完返黎睇陣書又到dinner 啦。今日就試吓大埔呢間熱狗店啦佢地有好多款熱狗，我都有少少花多眼亂，最後揀咗...美式風味 📍$38有墨西哥辣椒，黑水欖， 洋蔥，酸瓜，香草，茄汁，芥辣... 超多餡料 😁黑啤肉醬 📍$44豬肉醬汁好惹味，同蜜糖芥末好夾，仲有齊白＆橙嘅車打芝士呀熱狗梗係要趁佢熱辣辣嘅時候食啦，咁先最好食架嘛 👍🏻我地就搵定附近一啲快餐店坐低慢慢嘆 🤭

朋友話呢間黃店好好食，等我今次都試吓先。我叫咗黑啤肉醬熱狗，有啲肉醬、芝士碎、芥茉醬等等。個包好軟熟，肉醬好夠味，唔會太酸。不過黑啤味就食唔到啦哈哈屋企人叫左個美式風味。我覺得呢個重口味啲，有酸瓜辣醬洋蔥芥辣等等，口感好豐富。不過對我呢個食唔到辣嘅人來講就太辣啦。不過佢就好滿意。另外仲叫咗個大薯角，薯角好重薯味！而且都好大分，落咗啲黑椒同鹽調味，但又唔會好重口，食埋呢個真係好飽。最後仲叫咗兩隻水牛雞翼試吓，嗰醬對我來講太辣啦，不過可能有啲人就啱嘅！呢間黃店又平又好食，下次一定會再食，懲罰下佢！

黎到一間熱狗專門店但無食熱狗,最後揀左個芝士薯波黎食除左芝士薯波仲有好多炸物選擇,但因為驚熱氣所以最後淨係食左一樣夜晚黎到,都要排下隊,好多人買飯後小食,等左一陣唔算太耐,店員已經摩打手清左條queue落完單等多陣,好野就係要等啦,唔係好耐,邪惡ge芝士薯波終於到手急不及待一路行一路食,但要小心熱,唔好比入面啲芝士餡辣親一咬半粒芝士拉埋絲咁,真係好邪惡!又香又脆,食完去跑返三五七個圈先好再食下次做定運動打定底再黎試下其他小食啦

都唔係第一次食，已經食左幾次！今日突然想食，過來翻卓😂😂外賣自取等左5.6分鐘左右，叫左招牌熱狗必食之選，加薯角汽水套餐，招牌spicy得嚟幾過引，其實唔算係好辣！

Bulldog係一間專賣熱狗既食店，成日經過見到，呢日終於有機會試試身為芝士控的我，揀左呢隻特濃芝士熱狗🌭️🧀。名符其實，熱狗夾滿左好多好多芝士，有白車打、橙車打、巴馬臣等等，一共七種非常濃郁🤤 熱狗腸食得出絕對唔係一般平常在超級市場買的貨色，聽店員講食材大多都由外國進口，熱狗腸吃起來有陣陣的香草味，不會太膩😍熱狗包烘得香脆，夾住香草腸，再配上軟滑的芝士，不知不覺間就吃完整隻熱狗，非常飽足，可以當作正餐🤩黑啤肉醬看起來很吸引😍 不夠飽的話還可以加薯角和薯條

個人好中意食熱狗，同時又好中意食芝士。見到呢個芝士熱狗，當然係第一時間選擇呢個！用上7種芝士，每一啖都係滿足但係除左滿足，每一啖都係罪惡感，食完真係要做返少少運動先得，或者兩個人share一個可以減輕少少罪惡感既但係喜歡芝士的你，一定不能錯過，而且要趁熱食，畢竟芝士凍左真係差好遠架位置上近廣福道，都算方便。但係要注意小店係冇堂食位置，大家買完可能要係街度食啦我睇menu，其實有好多個都好吸引，真係要試曬佢

係大埔行過,準備去坐巴士,路過見到有一間小小店面的熱狗店價錢不貴,老闆提供好多特色配搭味道出黎單點由$30起,每款都有各自風味30蚊係黑啤肉醬熱狗,好抵食,用黑啤燴煮肉碎而成,味道香而獨特仲有德國風情,香辣手撕雞,特濃芝士,手撕豬肉,日式鰻魚,泡菜腩肉,招牌熱狗加18蚊配薯角加可樂小食有芝士條,番薯條,薯角 12點就開,午餐好多學生幫襯住得近仲可以叫某外賣APP送貨,亦都可以提早ORDER去到直接拎,唔洗排隊因為都係即煎即做,最少等5-10分鐘先有得取麵包厚身鬆軟,老闆仲話食材好多都係本地同外國直接入口食落特別好食,仲多一份安心感肉腸偏長身而飽滿,肉味香濃有彈性,醬汁比得夠多,食到好滿足的感覺油潤甘香,咁先至係食熱狗大埔廣福道60-62號地下C舖

夜晚晚跑完海濱公園，肚仔餓想食野🙃🙃好彩未關門，之前坐巴士經過成日都想試，今日終於試到啦😛😛由於太夜，好多款既熱狗都賣曬，本身好想試佢新果個黑松露炒蛋熱狗，不過sold out了😭😭所以最尾揀左classic既德國風情!食得出小店用心制作，個熱狗包烘到脆身，入面係脆皮腸，再加埋海量切到好幼既酸菜、煙肉脆粒粒、茄汁同芥末，全部野夾埋好好食呀!!非常足料👍🏼👍🏼溫馨提示，準備定紙巾抹手呀