Burger Mix (已結業)

剛剛路過，太太肚子餓，正值下午茶時間，剛剛看到店舖門外大張下午茶餐單貼在廚窗玻璃上，下午茶兩點開始，下午茶只得一個餐就是雞絲炒意粉，當時是兩點半，我說要一個下午茶餐，他說冇意粉！我說：咁，係咪唧係冇下午茶餐呀？他沒回應我！冇計，兩點半就賣光了！我們就看看有什麼好吃！他催促了我們兩次「食咩嘢呀！你」那時店內只得我倆，並没有其他客人，我們叫了一個4號和6號套餐，再加一個香茅魚餅，不一會餐起了，那個4號安格斯和牛漢堡，我太太給我試吃，冇哩文味、而我的雞扒包更差，淡而無味，牛油粟米水汪汪，香茅魚餅好腥，雖然幾肚餓，但咬了幾口我們便走了！真的中了伏！

今朝又趕唔切慢慢坐低係餐廳食早餐，所以行快幾步再去呢間再試下。見個個歺好似好好食咁今次就試下你~煙肉蛋漢堡包。鬆軟既芝麻包加蒸蛋加一條條香噴噴既煙肉，超好味~佢熱飲唔使加錢所以我就揀熱蘋果蜜，因為有粒粒果肉

成日經過lee間burger 店，睇出面門口餐牌好似好正，成日食究McDonald's 都想試下其他burger place,d漢堡包仲係用澳洲和牛安格斯。今日同朋友決定來這裡，我點左個磨菇芝士和牛安格斯漢堡包餐，朋友點左魚柳包餐。 店鋪好細，正值lunch,好多人，等左好耐先有位，仲要係搭枱，好迫。等左好耐，太概至少10分鐘先有。 我個安格斯，咬左一大啖，麵包好鬆軟，如果烤小小會仲好，牛肉味好香好濃，好多肉汁，同磨菇同熔左的芝士一齊食，好完美，味道升華。但略嚴牛肉分量過小，幾啖就冇哂，太細份。 朋友的魚柳包，佢話魚柳太細塊，炸粉分量適中，炸得幾香，但魚柳不太扎實，生菜很脆，幾新鮮，但有小小失望。最後，跟餐有薯角，本人很喜歡食薯角，這個炸得未夠耐，或放得太耐，有小小太淋，同唔熱，冇薯仔味。總結：食物質素普普通通，價錢比較昂貴，分量太小，店內有小小擠迫，試一次就可以。

好juicy 熱辣辣即造，選了蘑菇和牛漢堡，牛肉鬆軟有肉汁，好好味，吾會覺得dry，芝士亦好豐富，同同事一樣點左呢個，大家都覺得好好味，好新鮮，一定會再來試其他款麵包亦系即烘好軟糯的👍🏻👍🏻讚 ，性格比高！店內職員亦非常親切有禮，雖然張相影得吾太吸引，但真系令我有驚喜，呢個價錢本身我已經覺得好抵，竟然會甘好味

好耐以前去食過，今日諗住再食返，真係無下次囉。員工hea到爆都已經算啦。今次買左個4號餐,竟然俾個普通裝囉。個員工即刻話"整返個俾我，話俾我睇下係咪唔一樣?話呢個唔係普通裝"(有圖自己睇)我心諗俾你整返個黎，唔驚你地落料咩。算。俾錢買教訓，以前好食唔代表而家好食。如果大家想試，淨係買普通裝好啦，因為無分別。我唔會再幫襯。

Burger Mix 以安格斯牛做生招牌，但價錢就係 $50/set 左右係鰂魚涌黎計係唔錯既選擇，絕對可以係打工仔飯堂之一美式快餐店既必需品：洋蔥圈、薯皇、薯條、雞翼，全部即叫即炸而且炸粉唔會太厚，又香脆！所有漢堡有3/4罐可樂咁高芝士唔只係平日m記一片片咁，而係亳不吝惜既一大堆漢堡號稱係安格斯牛，咬落比起一般m記既都真係比較有牛味但又唔係好juicy, 只係比一般好8號既和牛安格斯芝士牛肉漢堡，入面生菜、蕃茄食落感覺好fresh，可以中和d美式快餐店無sevice可言，自己拎飲品第一次去既時候，我只係想諗多諗點單哥仔已經”嘖”左一下，但都無人排隊後來先知道，原來我阻住左佢玩電話

等成半個鐘先有位已經相當不滿叫左３號餐 Burger塊牛肉硬如石頭D薯條淋到勁難食 懷疑放左勁耐 比D次貨我 真係好嬲可樂味道又淡如水總結負１３０分無下次 就算免費請我 我都唔食

第2次黎呢到食，WEEKDAYS 既LUNCH TIME 都幾多人，堂食又唔係好多位，外賣又多人排隊。唔食牛肉既我其實唔係好多選擇，唯有揀呢個魚柳包餐，跟凍飲要35蚊，可以揀配薯角或者粟米。魚柳炸得好香好脆，但係D 沙律醬就多左少少，如果加多少少沙律菜就更加好。粟米都幾好味，唔重牛油味，凍飲可以揀罐裝飲品或者佢地既特飲。

Burger Mix ---响鰂魚涌打滾好幾年了, 佢都屹立不倒, 梗有佢過人之處吧!  (嗱, 本來呢, 這個想法好合邏輯!  但响呢區呢, 前文提要, 我都講過身為鰂魚涌打工仔又唔鍾意帶飯就係咁賤命係唔平之餘亦無咩好食都慣晒, 所以唔好食嘅餐店係可以好好做而屹立不倒嘅, 想開食店的朋友仔多啲嚟呢區巡吓食吓就搵到商機喇)講番呢篇"喊面篇"之四 - Burger Mix, 其實上一次食都好幾年前, 因為間鋪真係好細, 搬咗都唔容納到我哋, 因為人多勢眾、去食lunch都一棚人, 無可能入到鋪, 個包就普普通通, 咁就唔會特別吸引我們要keep住腳步幫趁, 總之, 知道間鋪未執而且經過都成日爆就以為係ok咁啦.   今日有事要過海打算去芬尼街口入站搭地鐵, 可能過年好多人尚在假期中所以經過間鋪見到有位,  而我反正未食lunch就食過快嘅, 一個人可以好輕鬆唔駛等位, 嘆番個漢堡先... 點知, 新年流流大整古...4號餐, 和牛磨菇芝士堡, 汽水自取, 盛惠$50大元.  嘩, 聽到就流口水啦~ 一打開...唔吸引, 入口唔香唔夠醬, 非常一般, 如果只評個包, 勉強可以俾OK, 但都

一直覺得burger mix 好好食, 價錢合理, 手打牛肉見稱, 仲有好好食嘅手切薯角, (可以參考下其他食評嘅相就知....) 仲食過好幾次, 有次買團購覺得爭dd但都可接受但今日一食真是覺得失望左, 牛肉明顯係薄左, 有渣嘅...味道尚可保持水準, 但手切薯角呢????? 變左曲曲薯條??? 我唔知仲好地地, 因為我都鐘意食曲曲薯條, 但我知佢以前唔係咁, 有點接受唔到。講返味道, 個包都正常, 配料有生菜洋蔥番茄,都新鮮, 但塊牛咁已經冇晒驚喜, 當然都係熱上就算啦。薯條換了曲曲, 不過不失, 但是我某程度都係因為薯角先會黎, 如果轉了普通薯條, 真是冇哂賣點囉。反而個薑飲都ok, 有薑味, 好醒胃。整體來講, 如果變返以前咁, 我會繼續支持佢。 薯條要還原返做薯角....

Lunch去吃了這個快餐!至尊和牛漢堡超多料,牛肉漢堡扒多汁配料新鲜醬嘅芝士味濃粟米牛油味香,小盒裝非常精緻荔枝椰果粒粒荔枝味差D,太甜,但椰果粒好味!作為快餐好过M記好多了!

以前覺得BURGER MIX係唔錯,好過食老麥,但依家睇法又唔同左,因為水準下降不少.呢個團購$35蚊既四色芝士和牛漢堡雖然便宜,但舊肉都算幾厚,但無肉汁.四式芝士其實姐係普通芝士,完全見唔到有4式,亦FEEL唔到係4種芝士MIX埋既味道.賣相又好似好求其,其實加點生菜蕃茄也可以呀.加錢換既栗米餅就幾彈牙,不過炸完勁油..送既飲品你唔會想飲...唔信你可以看看....以呢個水平,可能老麥會贏番佢了

午餐胃納不多，漢堡包的份量正合心意。早前在網上買了團購劵，今日正好用上。Burger Mix 主打和牛漢堡，說是嚴選安格斯和牛牛肉加工製成，含髙量不飽和脂肪；麵包採用歐洲天然出品，不含味精及防腐劑；就是炸用的油亦含高油酸（奧米加9），令食客吃得健康。價錢方面亦合理，散包$50起，套餐都是$60-$70/份，相對不少取價進取的優質漢堡包店，算是實惠。團購推廣新口味－山賊漢堡套餐，原價＄70，優惠價$35，可配磨菇湯或薯條特飲。漢堡包即點即煎，等待大摡五分鐘，對我來說，寧願等待，換取熱辣辣食品，因此不成問題。無論在店內吃或外賣，包裝一樣。打開包裝紙，漢堡麵包包背鋪滿白芝麻，按下鬆軟綿密，見包身有微微煎熱，略硬不焦，餡料簡單，就是兩片生菜及漢堡牛肉，醬汁呈黑色，山賊漢堡原來即是黑椒漢堡，又一混合中西文化之作，大啖吃了，感覺薄身，牛肉份量不多，麵包亦空氣多比較輕身，黑椒不辣，只是替牛肉餅提升了多少香味，肉餅嫩腍不失和牛特色，牛肉味不濃，調味特宜，作為一頓輕身晚餐，亦對辦。薯條用紙杯盛載，定必是由高油剛剛炸起，熱度勁足，用手取起依然熨手，薯條切至厚身，炸至微焦，外脆內軟，因為條身夠厚，咀嚼時有吃

鰂魚涌有唔少食burger既餐廳lunch今日搵間去試下啦揀左間咁岩有岩既試下叫左個餐有Burger，薯條，飲品，再加多個鹽酥雞鹽酥雞 - 炸得都幾乾，好在唔太咸薯角 - 好似放得耐左有D林Lemonade - 好酸，味道有點已假漢堡 - 個包有D dry之餘個肉都唔juicy應該要做到既野都做唔到肉唔juicy，薯條唔新鮮，飲品又唔得......難怪都唔算多人食失望得黎又未話係難食既........

其實這一所漢堡店一直是在本人的Wish List之內，惜路途遙遠，因此不欲特意光顧。是日到港島東區辦事，便順道光顧。下午四時許，餐廳內空無一人，但店鋪外卻有不少途人路過，可說是旺丁不旺財。翻開餐牌，也大概估計到原因是因為價格不及平民化，餐廳套餐之價錢動輒超過三十多元，難怪沒有人到此下午茶。服務態度也不俗，就飲料事宜有向顧客作詳細解釋，而非因顧客稀少而練精學懶，值得一讚。食物：1. 魚柳包套餐 ($35-)包身較為硬，相信並非採用老麥那些嘉頓麵包，但這也為整道菜式帶來一點美國風。魚柳經過厚炸後，魚柳味仍猶在，因此餐廳之配料是不差的。但是，由於沙拉醬太少關係，整個包太乾，然而上一次在港運城光顧時並沒有出現此情況，還望改善。薯皇之食物水平也是屬於上佳，甚少出現炸焦之現象，份量也不少，令人感到滿足。餐廳是值得再光顧的，因選料上乘，唯餐廳之後期製作功夫仍可再努力改進。