By The O Studio (益富閣)

营业中

休息中

元朗開到大圍嘅人氣cafe💫象徵性嘅格仔枱同水泥風設計 環境上令人感到好舒適❤️食物質素更加係帶嚟驚喜🔥🔥.❈ A Big Breakfast 盤子大早餐| $138 (Rating: 9/10)超級有誠意嘅all day breakfast🍳睇完佢menu覺得幾有驚喜🌟好多items都唔係平時all day breakfast常見嘅 真係要試試🧡例如係菠菜芝士croquettes, croffle, 黑松露炒蛋同焗大啡菇.❈ Mentaiko With Creabmeat Cream Sause Spaghetti 蟹籽蟹肉明太子忌廉意粉| $105 (Rating: 8.5/10)一上枱就比蟹籽山驚艷到🦀仲要見到一絲絲蟹肉喺到 份量毫不吝嗇🫨而且醬汁煮到好掛汁好creamy 每食一啖意粉都可以食到蟹籽蟹肉 份量真係有啲多 2個人share食都有少少濟.❈ Tiramisu Latte 提拉米蘇咖啡| $60 (Rating: 8.5/10)靚靚嘅賣相✨味道上係一杯飲得到嘅tiramisu🤎Latte 上加上一層厚厚嘅mascarpone cream 亦令到咖啡飲起嚟更加smooth☕️

星期日冇乜嘢做，諗住喺大圍超下，咁啱見到好多人都有推介呢間Cafe，所以決定嚟試吓。大概1:15去到門口，有幾個人排緊隊。等咗差唔多20分鐘入去。因為得一個人食，我冇嗌好多嘢。揀咗佢最出名嘅蟹籽蟹肉明太子忌廉意粉同凍嘅桂花蜜糖鮮奶咖啡。俾咗好多蟹籽，食落味道都唔錯嘅。不過覺得意粉入面嘅洋蔥比例多過蟹肉🥲而杯咖啡都幾好飲，灑咗啲桂花碎喺面，真係飲到桂花味嘅～唔錯～我見有人都特登過嚟叫咖啡外賣。Cafe嘅環境比較昏暗，適合過嚟食嘢傾吓偈慢活一個下午

📍By The O Studio (大圍)🥞🍳Egg Benedict班尼迪克早餐 $148每份有4片熱香餅、牛油果花、煙三文魚花、Granola同埋超特別啤梨醬！🍐熱香餅鬆軟無粉感又唔厚實，牛油果好靚、無啡點又香滑圍邊嘅啤梨醬好特別，淡淡梨香，唔太甜，味道天然，Granola脆脆😋所有野都好好食，好融洽，又打卡able，推薦！！！✨🦀🍝蟹籽蟹肉明大子忌廉意粉 $108超膨拜，勁多蟹籽，仲食到絲絲蟹肉，絕對足料！意粉好掛汁，唔會水稀稀或者太乾身，啱啱好。食完滿足，推薦！！✨🐥單邊雞翼配水牛城醬 $58雞翼炸得好好，外脆內嫩，單骨雞翼食起上黎好方便呢😋水牛城醬辣得惹味👍🏻整得好好，唔似出面有啲似芡汁咁🌶️但有一定辣度，唔食得辣要小心喔～🍫☕️Tiramisu Latte $60呢杯Latte越飲越好飲 ! ✨開頭 分層就似一杯普通latte但最後溶理一齊之後就好似一杯飲得的Tiramisu，好好味! 建議可以搞埋飲：）總結整體食物質素好好，足料又打卡able🥰😋性價比好高，推薦！✨✨P.S. 當日星期日1點左右去唔洗等位，反而食完出嚟2點幾就見到要排隊回頭率：⭐️⭐️⭐️⭐️⭐️By The O S

環境 食物高質 但清潔十分有污穢@穿白色褲去坐完啲凳係黑色的 食物有頭髮 明顯就係老闆用心 但員工嫌太多野做 所以想趕客 @老闆一定係做慈善 請呢班人所以為左折磨呢班員工@大家快啲一齊去食 等佢地多啲野做 忙啲 再落多啲order黎過一次會再黎既 一定係好有耐性既人@想訓練EQ的朋友真係要來體驗一下 我會再去@帶多啲朋友來體驗

蟹籽蟹肉明太子忌廉意粉 $108friend介紹話呢間嘅明太子意粉好食，因為我係好鍾意明太子意粉嘅。的確唔錯好濃郁，睇圖都應該feel到。一個人嚟食，所以可以專心食，好快就食曬。趁熱食，個醬汁係好順滑，同埋明太子鹹香味道足👍(食到最尾少少凍咗就會發現爭好遠， 強強烈建議要快啲食)。份量嘅話其實都ok，不過午餐都冇折扣 ，如果可以包杯餐飲就更加抵啦。🙈環境幾好嘅，可以打卡，幾啱傾計，見到好多顧客都係後生。

📍by the O studio應該係本年度最後一次既慶生約會👭🏻👭🏻係記憶中既大圍大圍既人氣cafe🩷星期六兩點九攞位 四人枱大約等咗半個鐘～可想而之係幾咁旺場門口既裝修已經係好靚既木頭工業風 再加埋原來有閣樓～入面既擺設仲有啲復古 好適合打卡 用菲林相機影應該可以更加有feel🩵🩵蟹籽明太子忌廉意粉🩵蕃茄鹹牛肉意粉🩵菠菜芝士薯仔波配松露醬🩵是日手工蛋糕 🩵蟹籽明太子忌廉意粉朋友強烈推薦既主菜 一上菜就聞到明太子味 醬係杰身掛汁🍝一食落去就好濃嘅蟹肉味，再加埋蟹籽脆卜卜嘅質感成件事都幾有層次 ☺️🩵蕃茄鹹牛肉意粉咸牛肉既比例多 蕃茄意粉係王道 有少少辣反而冇咁容易覺得寡但係相比之下我鍾意蟹籽明太子意粉多啲～🩵菠菜芝士薯仔波配松露醬炸得鬆脆💘但係冇咩菠菜味芝士味 要點醬先好食🩵是日手工蛋糕 今日係焦糖燉蛋芝士蛋糕有配奶泡+焦糖脆脆蛋糕本體好食～但係因為我哋四個人分所以唔覺得好滯奶泡冇咩味，但係係一個口感嘅點綴🙂‍↕️蕉糖脆脆有啲燶味 唔加埋一齊會好食啲😌🙌🏻橙皮朱古力奶 第一啖會飲到啲啲橙皮味 之後就變咗純朱古力～

星期六排隊去，被安排上樓上坐，一開始坐喺梳化超級唔舒服，張餐枱超矮，成個人要彎腰咁坐低食嘢，差啲以為自己係乞兒之後問個侍應可唔可以轉去高bar台，轉咗過去之後，另一個店員又同我哋講話要坐返去梳化位置，因為高吧枱位置係比四人用但係我哋食完成個餐之後，發覺原來嗰個高Bar枱其實係比店員一個人用餐，根本就冇四個客人入座過我落去買完嘢食之後，諗住一次過拎埋餐具（因為餐具需要客人自己喺樓下拿取），點知佢啲餐具未洗完，我就只好上返樓上坐低等嘢食。之後有個店員拎咗嘢食上嚟，我就問佢可唔可以下一個嘢食嚟嘅時候，拎埋兩set餐具俾我哋，因為我哋啱啱想攞嘅時候又洗晒，依家又唔想落去行多轉，店員只係話：依家有啦，你哋落去自己拎，成個用餐體驗極度差，梳化已經要彎住嚟食，餐具又要行去兩轉拎，有吧枱又唔俾我哋轉過去，最後啲嘢食冇食晒就走咗。但係咁嘅服務態度完全對唔起佢嘅價錢，建議大家唔好去食到一肚氣。

侍應生服務勁差，本身入到去安排坐梳化位，但係張枱好低坐得唔舒服想要求掉位。我要求調返一個正常枱凳位，之後佢同我講話要睇吓有冇人坐先，因為四人座位，最後佢都冇安排我掉位，最後嗰張四人枱變成咗一個員工自己喺嗰度食飯，我都算。其實嗰對係非繁忙時間喺我上餐前已經開始有啲空枱佢都唔肯幫我安排換枱。呢度係需要自己拎餐具，我第一次落去拎餐具嘅時候佢啲餐具洗晒冇得拎。咁好啦，落完單咪上返去第二層囉。諗住叫佢上咗第一碟菜之後問吓佢可唔可以以上第二碟菜嘅時候順手拎餐具。打死都堅持話要自己拎。大佬呀你上一round啲餐具未洗晒,到樓下洗返好啲餐具嘅時候唔係好應該拎返俾客咩？問多少少嘢完全態度冷漠。又貴，又唔係特別好食。重點係咖啡杯都爛，唔留神真係戒爆嘴。

最近好hit嘅大圍2層人氣cafe差唔多日日都爆滿😱聽聞好多人都特登走去試佢嘅明太子意粉同tiramisu croffle🤪食物份量都算大份，質素不過不失，好食但未到好surprise嘅程度😉食物賣相就的確好靚💖加上裝修係行文青水泥風，平時上黎chill下影相都係個好選擇👍🏻-🔥必食Items ▫️ 蟹籽蟹肉明太子忌廉意粉 HK$108 ★★★★☆差唔多係每枱必點😋🌟份量好大方，蟹籽足料到成座小山丘咁🦀⛰️，忌廉明太子sauce夠creamy但唔膩🤤，而且意粉超掛汁，整體味道濃郁‼️好食但未去到超驚豔嘅程度👍🏻呢個價錢嚟講好抵食，CP值高😻😻▫️ 親愛的提拉米蘇牛角窩夫 $88 ★★★☆☆賣相超級打卡able🤩2條手指餅勁似比緊心❤️😂牛角窩夫配expresso & vanilla icecream冇得輸🤌🏻如果tiramisu再重D芝士味會更加好✨

Lunch同朋友一齊叫咗個最出名嘅明太子意粉同埋All day Breakfast明太子嘅份量好多黐滿晒啲意粉但係味道上面冇咩特別 蟹肉都唔算有鮮味絕對有好多俾呢間好食嘅明太子意粉但價錢唔算貴 叫做抵食至於咖啡叫咗一杯桂花咖啡同埋橙啡都係普普通通 冇令人覺得驚艷桂花咖啡加咗桂花糖漿 覺得太甜 不過係個人口味問題 而橙啡就覺得橙汁同咖啡未能夠好好地融合 略為苦澀唔夠清新一開始呢間店開張嘅時候好多人排隊過咗一排就已經唔使再排就知道咩事個人認為食物唔夠特色 大部份香港Cafe都已經食到呢種味道但當然唔係難食 價錢都合理不過同一般嘅打卡Cafe冇太大差別食過一次都唔會想再返兜

一直都想試下長期排隊既依間CAFE，上次經開見到要等成4、5檯所以放棄左。今次同友人平日兩點左右黎到竟然唔洗等位，決定試一試佢。 店鋪走簡約工業風，用木系餐枱凳，空間感都算夠，感覺COZY。🍠 蟹籽蟹肉明太子忌廉意粉 $108明太子控友人話必試之一，賣相唔錯，蟹籽份量都幾多好足料，伴埋意粉一齊食多左爽既口感。值得一讚既個忌廉明太子sauce唔會太creamy 太膩亦唔會太咸，我同友人都覺得可以再黎食呀！性價比幾高呀😍🍠 菠菜芝士傻仔波配蜜糖芥茉醬 $58薯餅既質感，個炸粉唔會太厚，但個芝士味唔係好出🍠 親愛的提拉米蘇牛角窩夫 $88賣相超級打卡able! 牛角窩夫配expresso 再加上vanilla icecream 係絕配。牛角窩夫上的tiramisu好creamy但再加埋croffle 覺得太油，一定要夾埋雪糕一齊食先中和到油膩感。🍠 自家製焦糖鮮奶咖啡 $60賣相吸引，唔算好濃的咖啡味，但焦糖溶左之後都幾夾，甜得黎啱啱好！推薦！🍠 提拉米蘇咖啡 $60Tiramisu 味好濃郁！個咖啡味較濃，但飲品價錢相對真係貴左少少🤏🏻。📍By The O Studio （大圍）大圍積富街

專程入到嚟大圍一試呢一間被譽為明太子天花板嘅Cafe😆無招牌有啲神秘😛係等位紙上見到餐廳名先肯定自己冇去錯地方😂😂朝早11點幾到已經有4-5張枱排我地前面🙈好彩見到餐廳有兩層，都有唔少位，等咗大概30分鐘!🍝蟹籽蟹肉明太子忌廉意粉($108)由於我哋坐喺Bar枱對住廚房，基本上見到店員不斷忙住煮呢款意粉🤣差唔多係每枱必點，蟹籽落得一啲都唔吝嗇🤭成座山仔咁😂而且意粉既份量都好多而且超掛汁☺️整體好食但未去到超驚豔嘅程度😌🍯桂花蜜糖鮮奶咖啡($48)面頭有啲桂花粒，落左蜜糖所以幾甜口感又幾滑，好啱我地口味🥰🧇Tiramisu Croffle ($88)擺盤好有心思，亦都好豐富😆有雪糕，granola，手指餅同埋expresso做配搭☺️ 所以食起上黎層次好豐富😆特別鐘意就咁食未浸軟既手指餅🤣🤣🤣croffle口感有輕微既煙韌感，tiramisu亦好creamy🥰

好少入大圍知道大圍都有幾間出色Cafe朋友推介呢間等咗十五分鐘左右都算快四個人叫咗二個主食shareegg benedict 以熱香餅配煙三文魚牛油果仲有爆谷配搭味道唔錯另一個係 tiramisu waffles 相對好一般無咩驚喜我點咗一杯橙皮朱古力咖啡朱古力好重蓋過其他味道我個人就唔太好

長期見呢間無招牌既餐廳大排長龍，趁放假有時間就去試下，但真係試一次就夠，呢個價錢 + 呢個服務態度，真係完全唔值。不快經歷 - 去到侍應示意要 "自行" 寫飛排隊 (而2樓當時係無開到)，然後就出左門口等，無耐見到一對情侶黎到，問係咪要排隊，我就提醒要入去自己拎飛，情侶入到去，所有侍應 (又或者係老細啦) 笑晒咁去打招呼，又主動俾menu佢地睇，隨即仲帶左佢地上2樓 (真係識人好過識字，但作為出面等緊既客人真係不是味兒)。坐低後發現張枱根本未抹乾淨，有上手食客既蟹籽，又有一攤水，自然叫侍應幫手抹一抹，點知換來黑面。用餐時間 90分鐘，再次 "自行" 出去cashier落單同俾錢，由入去拎飛 > 自行落單 > 送餐 > 離開，全程所有侍應都係木口木面 (甚至黑面)，同頭先對待2樓情侶既面口簡直係天壤之別，老實講，呢個價錢唔算平，食物質素亦好一般，但要接受呢種服務態度真係無下次！蟹籽蟹肉明太子忌廉意粉 - 賣相係靚，蟹籽係多，但完全搵唔到蟹肉，至於味道不過不失。a big breakfast - 係大盤，不過無一樣野係特別出色，而且唔夠熱。沙律個dressing係唔

見咁多人介紹呢間cafe，決定就去試下😋去到見到好多人排隊，但原來係攞飛制，(排隊係無用架，記得要攞飛～😎)差唔多等咗45分鐘就入去，間餐廳係行簡約偏工業風，再加上木系既檯櫈，俾食客感覺幾chill😌🍝蟹籽蟹肉忌廉明太子意粉 $108 (😸😸😸😸😸)呢個係MUST叫😍！！！啲明太子份量好足，一黎到就有陣濃烈香味🤤唔但止大碟多汁，仲好多蟹籽蟹肉，材料完全唔吝惜！整體味道好濃郁😋食完仲想encore多碟🤤🥐A big breakfast $138 (😺😺😺😺)呢碟相對上比較普通😌比較吸引到我地嘅係個窩夫同啲黑松露炒蛋，口感上比較香脆同有淡淡黑松露味🥰材料份量一樣十足，好大碟夠飽肚😆比較可惜既係如果個大啡菇多汁啲會更加吸引🥹☕️桂花蜜糖鮮奶咖啡 $48 (😸😸😸😸😸)色水好靚適合打卡，整體桂花味帶出幽香，配埋蜜糖同鮮奶嘅甜，令杯咖啡更香甜🥰平時唔點飲咖啡嘅我都覺得呢杯好好飲😍服務：😸😸😸😸環境：😸😸😸😸😸回頭：😸😸😸😸😸打卡指數：😸😸😸😸😸整體評分：😸😸😸😸😸價：～$150/per person📍 By The O Studio (益富閣) (大圍)大圍積富街31號益富閣地下3號舖