影片
港铁铜锣湾站 F1 出口, 步行约2分钟
继续阅读
电话号码
23451990
营业时间
今日营业
08:00 - 21:00
星期一至五
08:00 - 21:00
星期六至日
11:00 - 21:00
公众假期
11:00 - 21:00
以上资料只供参考，请与餐厅确认详情
相关文章
呢間有三層嘅朱古力專門店從來都唔太起眼，每次經過都冇咩人排隊，但佢嘅千層蛋撻絕對唔遜色於另外兩間B！店舖設計簡潔寬敞，買完野可以上 1/F 坐低慢慢享用，食飽飽後仲可以上 2/F 參觀佢地嘅可可博物館，真係大開眼界！😋 70% 黑朱古力千層蛋撻 ~ 拎返屋企隔咗一陣先食，未打開個盒已經隱約聞到甜甜嘅蛋香味，個千層酥皮仍然好香脆，好有口感，最底係薄薄嘅一層 70% 黑朱古力，呢個甜度對我嚟講剛剛好 😋😋 而且價錢係 $10/件，無錯~ 係 $10/件 only！性價比真係好高！下次會想試埋佢個朱古力飲品同雪糕！相信都係同樣咁出色！
继续阅读
最近threads熱門嘅70%黑朱古力千層蛋撻初四啟市就去咗潮聖大概2點左右冇乜人 又唔見餅櫃有撻一問之下發現原來仲焗緊 已經有幾個人俾錢留撻所以都嗱嗱臨俾定錢先行咗一陣返去拎 見佢哋已經有好多張單買咗5個放入盒 入完盒店員冇問要唔要紙袋 er….. 建議自備袋過咗半個鐘食 撻嘅酥皮依然好脆口每一塊都做到好乾身 中間底層係70%朱古力醬 完全唔會搶咗蛋味蛋漿好滑溜 但個人覺得甜咗少少🤏🏻每啖都食到外脆酥皮內滑蛋漿 好滿足食哂成個都唔會覺得膩！憑佢個脆度絕對可以榮登我心目中嘅千層蛋撻No.1🏆
继续阅读
呢間鋪開左咁耐，一直都好想試，今次試咗佢哋嘅70%黑朱古力撻，價錢$10。真係好驚喜，完全贏哂baxxhoxxx嗰啲撻！撻嘅外皮酥脆得無得輸，咬落去嘅時候，酥脆感即刻撲面而來，真係好好味。至於內餡，就係滑滑嘅黑朱古力，味道濃郁，但唔會太甜，正好！食完之後，口腔裡面留住嘅係朱古力嘅香氣，真係好享受。而且，呢個撻仲大隻好多，真係物超所值。總括來講，今次食得好開心，特別推薦俾鍾意朱古力嘅朋友，絕對值得試吓！
继续阅读
銅鑼灣白沙街一間朱古力專門店，有上下兩層成個舖位超顯眼，一定會見到，仲要有個電子螢幕不斷彈產品相！上層有座位坐 幾好～好多唔同濃度嘅朱古力，仲有朱古力飲品好多人都推介，不過$58一杯實在太貴我飲唔起了，於是決定試吓佢側邊嘅麵包。有個透明玻璃櫃滿滿的pastry好吸引，例如有可可巴斯克千層蛋撻、朱古力開心果千層蛋撻😭朱古力吐司、千層吐司、Mocha/黑朱古力牛角包等等嘅麵包，而且價錢完全唔貴。✨見到逢星期一至五08-1100有早餐set好抵食：一款麵包配飲品可可茶覺得大家唔需要再排隊買前面街口藍色嗰間B店蛋撻，呢間CP值仲高又多麵包又唔使排隊！👓70%黑朱古力千層蛋撻 $10千層外皮食落好香脆，有酥皮嘅口感，中間蛋漿有蛋味同香滑，最底有朱古力，雖然朱古力餡只係薄薄一層，但依個價錢絕對值！絕對係必食！👓ARRIBA 黑朱古力夾心牛角包 $20可能因為已經出爐好耐，所以食落外皮唔脆，不過中間都有蜂巢層次，而且有牛油香，食落都唔油膩。可能自己返屋企再翻熱焗脆會好食啲，或者等新鮮出爐。不過中間朱古力醬偏少又偏埋一邊，但食落竟然朱古力係有酒香味，好特別！
继续阅读
上網見到介紹呢間朱古力店，因為我老公好鍾意食黑朱古力 ，所以今日特登過去朝望下，下午入到店面客人唔多，睇到有黑朱古力軟雪糕好吸引，就諗到邊食邊睇下有咩買走，喺邊食邊睇期間，見到水吧女店員已經非常冇禮貌咁大聲講嘢，仲要邊講邊食畀客人試食嘅朱古力同埋出爐麵包，喺我睇朱古力簡介期間，水吧女店員仲要大聲講咗句：（我哋啲朱古力唔平，唔好畀晒啲客試，留返畀我食） ，我心諗呢個店員咁講嘢😅😅我食完雪糕後就開始睇有咩買，鋪面女店員:你想試邊隻？試75度，我都係食75我 :我對72度比較有興趣，可以試嗎？女店員：好，不過你食完雪糕食唔到味，要飲啲水我 : 咁你呢度有冇水賣？女店員 :冇！(然後畀粒朱古力我)你試我: 我試完，係喎，不過我冇水喺度女店員：你試75度喇我:我冇水喎，都試？女店員：你食喇我:食完，只有酸味，越嚟越酸，食唔到朱古力味女店員:我哋啲朱古力係咁，係酸味，我自己都淨係食75同80我:味道唔係好適合我女店員:我哋啲朱古力係酸，貴朱古力係得酸味我:（莫名其妙）最後我已經唔想買任何嘢就走咗
继续阅读