Cafe 52 (已結業)

係葵涌區好難搵到似樣d既野食，但外賣仲要好食既就更加難!我用熊貓速遞叫左雞肉意粉加杯凍啡，原本等成粒鍾都預佢d野食黎到會凍晒同唔會太好食!!點知佢用個保溫盒裝住d野食都保持到個熱度，更加意外驚喜既就係食物質素冇下降到好好食!雞肉切開左一粒粒咁咬落去口感好淋，加埋d蒜香辣落去雞肉味道提升左唔少，另外d磨菇同個意粉好夾!杯薄荷凍咖啡既薄荷味恰到好處唔會搶左咖啡既味，份量都好大食得好飽!價錢堂食平均大約66到70蚊（外賣貴小小）整體黎講都好好10分我會比9分。

係青山公路旁邊，俾新型工商業大廈包圍住既cafe 52除左室內仲有戶外露天位環境好通風又有大傘，就算熱天坐門口都好舒服☺️主要都係做office 客lunch 生意，附近選擇唔多，但cafe 52獨市下都keep 到高質素🤓平時多數食佢既午餐飯set，今日時間夾到可以試下下午茶韓式醬吉列豬扒三文治配薯條平時轉飲咖啡或朱古力要額外加錢，但下午茶時段免費轉飲，正😍今日三文治賣哂所以轉左漢堡，豬扒外皮好脆，冇油益味，應該唔係翻炸廚房不嬲都足料！韓式甜辣醬加大大啖cream cheese，大大塊蕃茄青瓜食落去口感十足👍🏻薯條炸得好香，調味只有黑椒同鹽，其實只要新鮮，簡單調味都好夠啦～朋友叫既香辣肉醬熱狗$38就有大大隻熱狗啦！😆仲要一啲都唔馬虎，肉醬混埋洋蔥好惹味，佢上面啲芽菜仔都好新鮮呀！熱朱古力同熱綠茶鮮奶本身唔係特別鍾意綠茶鮮奶，但哩度陣味調得唔錯，唔會太甜👍🏻總括黎講性價比好高，侍應們服務亦非常細心☺️仲有儲分卡，食滿$40有印仔一個，儲齊10個就可以換$60以下既食品一個啦！

晚市套餐同menu上主菜都會配熱檸茶/水選擇亦都唔錯有飯 意粉 burger 沙律我因為好肚餓想有d汁撈飯到肚所以就揀左咖哩雞柳飯除左雞柳佢仲有翠肉瓜同茄子蔬菜同肉既比例1:1非常健康咖哩味道亦有層次 唔會太濃唔會太淡剛剛好分量亦都夠我撈哂d飯餐廳份量控制得唔錯個咖哩同個飯望落唔係好大碟但食完就剛剛好夠飽餐廳係落完單然後比錢我地食完幫我地收碟個陣店員都好nice同我地講慢慢坐再加個親切笑容氣氛好好唔會趕客

葵涌有一間好偏僻的Cafe 叫Cafe 52是在差不多進去石籬那邊青山公路的旁邊沒想到在那麼偏僻的工廠大廈地下有一間那麼有特色的西餐在這裡真的十分方便在工廠區工作的人而且不用經常吃那些平平常常的碟頭飯跟飯盒這麼的午餐經常都好快就賣光這次我就點了白咖哩吉列豬扒飯配香滑炒蛋這裡的白咖哩是十分合我的口味不會辣而是帶香跟濃郁的味道而且吉列豬扒不會炸得太乾加上這裡的配菜都很好吃特別是茄子把香滑炒蛋跟飯沾一點白咖哩送入口中應該沒有人會不喜歡吧這裡還有戶外的坐位也有貼心的有遮陽傘不怕下雨跟大太陽

放假落雨無咩做，都係搵個地方tea下去葵廣shopping前，緊係睇下自己bkmark左咩葵青區cafe la見到呢間cafe 52環境幾好又有堆兔仔relax一流牙 間野唔算就腳附近無mtr+停車場所以我地都行左陣先到餐廳分室內+外位入面d牆有好多兔仔，如果合照向牆一定會影到隻由於行得太耐有d熱，所以直接衝左入室內當時得一兩枱人去到3點幾下午茶時間星期六都仲有下午茶（好多都得散叫）價錢都相宜叫左個吉列豬扒三文治（韓式汁）拼薯條同常餐配多士薯條無咩特別豬扒包份量唔算大入面除左豬扒仲有d菜豬扒我男友話似麥樂雞韓式汁指ge係甜辣醬對食開譚仔十小辣ge我黎講都可以接受特別ge係除左包面有芝士，d汁上面仲有d芝士，感覺芝士味突出常餐配多士可以揀長通粉/意粉蕃茄湯/豬骨湯配料可揀兩款唔記得影低我揀左火腿+菇味道不過不失飲品 跟餐（涷飲+5）朱古力咖啡咖啡味突出，整杯味道偏苦綠茶牛奶 （跟餐+0）唔係綠茶控ge我，飲到綠茶ge甘，但仲可以接受相信綠茶控ge人會覺得偏淡。各位經過都可以chill下牙

咁啱經過呢度，見到呢間餐廳做埋夜市就入左去食啦，因為之前食過午餐都ok今日係星期六 所以餐牌就冇精選套餐只有晏晝食嘅餐牌，但都好多選擇我就叫咗一份牛肋肉條飯牛肋肉好淋，個汁都好好味大大份好抵食👍🏼朋友仔叫咗吉列和牛漢堡配薯條都好厚同未都好濃，但如果唔係吉列會好啲大家都食到好飽😸我個飯加咗8蚊配個花茶都正正常常😸

今日去開葵涌，順便搵個舊同事食lunch。睇完openrice後，決定試下呢間位於青山道商業大廈嘅cafe，位置有啲隔涉，相信唔喺附近返工嘅朋友都未必會刻意去食。入到餐廳後發現佈置落足心機，有大量兔兔嘅裝飾同影相位，落地玻璃透入自然光令人感到好舒服。另外值得一提嘅係，餐廳員工每個都好nice，笑容十足，我同朋友落單後想轉枱坐，員工都好爽快應承，仲幫我地一齊搬位。價錢方面，lunch set都係50蚊至70蚊一個，幾抵食。食物味道不過不失，雖然味道上冇咩驚喜，但唔難食。個人認為呢間餐廳食嘅係環境同服務，想搵個地方坐耐啲同傾下計嘅朋友揀佢就啱哂。安格斯牛肉竹碳漢堡(上)珍寶法蘭克福熱狗(下)

見到係青山公路天際中心到開咗間Cafe 見佢哋入面裝修靚 價錢又合理 所以試下早餐好抵食 叫咗B3 “珍寶法蘭克福腸 配 煙肉粒炒蛋 及 迷你牛角包” 雖然餐牌冇寫 但係仲有細份嘅沙律㖭 大份兼好食仲叫咗B2 “雞蛋沙律醬 配 煙肉牛角包 及 迷你沙律” 呢個牛角包比起B3嘅大件 雞蛋沙律醬加煙肉好match 好好食 雖然綠茶鮮奶嘅綠茶味係比較淡 但係都幾好飲熱巧克力咖啡嘅朱古力味較苦 加咗糖都還好 下次會試下其他呢間Cafe嘅staff好親切 好有禮貌環境好舒服 裡面嘅裝修好靚 有好多兔仔嘅圖案 設計的有心思 呢個價錢絕對抵 好值得推薦🐰

之前同同事一齊去食過一次，印象中白汁意粉非常好味，今次趁放假又去開新界，帶埋老公同仔仔過來食多次。因為仔仔唔識食辣，我地只可以響餐單上面選完全唔辣的2款意粉，亦都係最普通的肉醬意粉同白汁意粉，2款意粉都做得好好，2個意粉都做得好好，肉醬唔會酸，白汁唔會太結，每條意粉都有汁，唔會結成一舊舊，仔仔都識話好好味。另外一讚服務員好NICE，佢地見我抱住仔仔，本來應該要出去櫃位買野，佢幫我做埋呢個動作，仲主動比多一隻小朋友碗同餐具我地。成間鋪頭設計好舒服好光猛，好似可以坐響度HEA下傾計的CAFE。整體感覺非常好，而最重要係，咁的食物同服務都係60蚊左右一個SET包埋野飲，好抵！不過泊車有少少唔方便，因為鋪頭大廈冇位，我地去隔離工業大廈都等左好一陣先有位泊車。

之前睇到傳媒報道有間兔兔Cafe，本身是兔兔迷，所以中午就先來嘗嘗午飯🤓 去到傳說中的兔兔Cafe，地方去到比想像中小，地方雖小，佈罝精緻可能我去到兔兔地方，人特別開心，Cafe牆上/裝飾書架上好多可愛兔兔呢，天花上再襯上吊藤花感覺放鬆舒服。可能午飯時間，好多人呢，還有老外客人，排隊點餐先，除左午餐，選擇都幾多架，不過今日先點左個午餐嘗嘗意粉幾辣，不過我鍾意辣，好味道。值得一提，呢度全部員工，不論收銀/樓面服務態度都好好喲，希望keep住啦性價比堅高一定會番黎呢，下次要炭黑漢堡，下次要嘗兔兔嘜頭咖啡，丫，呢度仲有outdoor座位呢，擁兔兔寵物的我，下次要帶埋兔寶寶來先得~*

一向搵食都會參考下飲食男女，見佢今次介紹其中一間Cafe就在我家附近，看見環境舒適（因為有戶外）食物又吸引，更有出名的大廚主理，所以我便一於前往試試看。剛巧是吃飯時間原來他們有午餐供應，我看見其中一個set正是我喜歡的蝦，於是我就毫不考慮下order了一客海蝦意粉配Wasabi醬汁順帶一提咖啡也沒有令我失望，濃度適中因本人就不愛甜還有店員親切有禮，令我除了享受美味的食物之餘，更有喜出望外的Service，住了這一區很久，就是從來沒有遇上這麼好笑容的食肆。當然現場環境和圖片很符合，餐廳採用開放式很是開揚，各樣小擺設都睇得出店主放了很多心思裝飾，品嚐完美食少坐一會兒，有點捨不得離開的感覺，或許整個環境真的令我感到很relax能夠找到一間環境舒適食物美味可口又有賣相，最重要就在我家附近有這麼的一間餐廳，我一定會叫埋朋友鄰居再去幫襯

我絕對是一位兔仔控🐰,是被充滿兔仔的裝修吸引進來,踏進店內感覺整個人被🐰仔包圍,另外有露天坐位可選擇,我去的當天不太熱坐在外面很舒服啊🤗原來我的朋友之前已經試過這餐廳的意粉餐,她的評價極高原來已推薦了很多朋友過來試一下!!今次我老公點了快餐,當食物送到時😮嘩感覺絶對不是一般快餐的質數,賣相及味道很不俗👍🏻份量非常足夠而我則選擇輕食,多士夠脆芝士味非常香濃,極度推薦粗薯條🍟夠熱同夠脆😋激讚

原來葵湧天際中心開左間Cafe, 朋友之前食過話好好食, 所以就來試下, 果然無令我失望, 賣相吸引, 味道一流, 環境舒適, 真係三五知已傾計既好地方,值得推介!!!

終於有時間黎啦.. 因為我女朋友都鐘意兔兔.. 所以一定要黎!試左佢地既午餐.. 抵食.. 好食.. 果然真係文華質素! 環境好好.. 岩哂打卡!我叫左個三文治拼薯條, 即炸粗薯條好食夠脆, 三文治新鮮, 正!我女朋友叫左個菠菜雜菌通粉, 仲有隻超大既啡菇, 酒店級水準!另外我地仲叫左個窩夫.. 好岩我地口味.. 所以我都推薦哂俾我朋友仔!附近茶記都收緊呢個價既同時我一定揀呢間.. 希望未有好多人去之前 可以多D機會食..但地點其實係一個好大既優點, 因為其實出面已經有一個巴士站.. 32, 38, 35A etc..所以一定會多D去! YUMMMMMMY!

今天專程入葵涌天際中心的共享工作間探朋友，發現了一間好精緻的咖啡店-Cafe52一般在工廠內都是食堂為主，少有咖啡店，立即和朋友去試試。咖啡店首先要試試他們的咖啡是否合格，先叫了Americano ,不加奶不加糖才試得出味道。咖啡帶菓香，微酸，入口香醇，我可以說在葵涌區內數一數二之選。先叫了三文魚沙律，新鮮用料就知不是便宜貨式小食拼盤和朋友分享，一食薯條就知用心去做，好味主菜我點了carbonara, 這道菜看落雖然簡單，做得好吃很考大廚的功夫。一食落就知好明顯大廚好得。煮意粉時間獎握洽到好處，意粉彈牙。醬汁味道配合得天衣無縫，我比滿分朋友就食焗薯意粉和秘制咖哩雞飯。都十分好味埋單時才見到餅櫃，有好精緻的西餅，望落好似好好味。但是今天已經太飽食唔落，惟有下次再試。