Cafe Deco Pizzeria (圍方)

营业中

休息中

小陳最鍾意食pizza, 趁今日放早, 一於同佢約埋婆婆一齊去食⭐️圍方Cafe Deco Pizzeria⭐️食個lunch.一入門口見到佢哋嘅pizza石爐就即刻wow一聲, 宜家唔係咁多地方有呢款爐👍🏻 我地叫咗好多野食🫰🏻🫶🏻煙三文魚海蝦沙律材料份量好足好新鮮, 配埋流心嘅溫泉蛋, 連平時好少食沙律嘅媽媽都食咗大半碟!🫶🏻海鮮至尊Pizza嚟到呢度唔可以唔試下佢哋嘅Pizza, 有大有細所以試下大家都啱食嘅海鮮至尊. 味道正常, 特別欣賞佢嘅批邊, 好脆好有口感.🫶🏻美國黑安格斯肉眼牛扒 (300g)侍應哥哥介紹7成熟, 有驚喜又幾好味👍🏻 好juicy又多汁, 鎖到個牛肉味, 小陳不斷話要牛肉牛肉同牛肉🙈小陳個兒童餐份量都唔少, 小朋友嚟到食呢個車車造型嘅兒童餐一定好開心! 我哋仲叫咗Mocktail Green Cooler同朱古力奶昔, 2款飲品都唔錯呀!仲有幾款main我哋都想試, 下次一於帶埋公公爸爸一齊嚟食😋

今日婆婆又放半日，我地去左圍方行街街💕N啊女話想食pizza，咁我地就去左Cafe Deco Pizzeria度食lunch🍕餐廳主打義大利菜式，裝修都好靚。呢度環境好舒服，座位夠寬，帶小朋友來都可以，有BB凳提供💕我地兩個大人兩個小朋友，叫左幾樣嘢煙三文魚海蝦沙律🥗呢個沙律好特別呀，佢醬汁係用左紅蘿蔔薑汁美國安格斯肉眼牛扒🥩塊牛扒勁juice，配埋Garlic butter海鮮pizza Pizza即刻即做，石爐烘焗pizza口感特別好食牛肝菌意大利飯朱古力奶昔，斑蘭椰子冰沙大家去圍方食一定要提早過去睇睇拎左位先，有時候真係好full🥲下次爸爸放假我地再一齊去食pizza先😋

瞓醒覺去附近搵嘢食，下晝3點半去到圍方，諗住食意粉，去到餐廳門口，柜檯有個黑衫四眼男人，埋去同佢講「三位唔該」，唔應，望都唔望人一眼，等咗佢一陣，施施然望一望你，先帶你入去坐。當時餐廳都坐唔到一半客。去到叫嘢食，有位外籍女服務員都算正常，有禮同我哋落單，食物算快，不過食物質素同個價錢就真係唔成正比，佢收得呢個價錢接近快餐店嘅質素，食物普通質素，服務就真係差少少。食到半路覺得食物唔夠想再加，餐廳所有人都行嚟行去好似好，舉手成幾分鐘都冇人嚟幫你落單。後加咗嘢食之後該男職員走嚟收晒我成張枱嘅餐具，但係佢啱啱幫我加咗單，食物嚟咗我成張枱一隻叉都冇。食完嘢埋單，舉手又係舉手幾分鐘都冇人應你，喺後場傾偈都睇唔到我揮手。嚴格嚟講，依間餐廳價錢貴，食物質素唔值呢個價，服務真係………。

已經是第二次來訪第一次吃了肉眼牛扒和pizza，不錯，合符價位，但未至於有驚喜，所以沒有寫食評。今次二訪，兩道菜都有surprise ，值得推薦。燒豬腩肉南瓜意大利飯，除左燒豬肉和南瓜，飯裡還有kale，榛子，南瓜籽，bacon脆粒，肉粒。食材豐富不單調，每啖都有好多料，吾會得南瓜同飯咁悶。豐富到食左半份飯，先至留意到原來未食個燒豬腩肉。甚至我覺得其實喱道菜吾放燒豬肉，改素食都冇問題(我本身冇中意食素)。這道菜比較注重食材原味，我自己好中意菜式反映番食物原本嘅味道，吾需要咩醬汁調味，南瓜的甜，兩款果仁各自不同的nutty的味道，bacon少少咸脆脆地，好味。朋友係叫左羊架，我都試左兩啖。羊架肉質好嫩好軟，但又吾肥，亦好容易拆骨。好多時羊架要淋都會有肥膏。中間有微辣bbq sauce拌菜，豆，珍珠洋蔥同肉碎，都吾錯。

餐廳主打意大利菜式，裝潢設計充滿家庭式意大利氛圍。招牌披薩即叫即做，使用石爐烘焗披薩，口感獨特，外皮酥脆，內裡鬆軟，並釋放誘人的炭烤香氣。🍕- 牛肉他他 HK$168 🐂選用美國Prime牛肉，口感鮮嫩，配搭松露忌廉及法國麵包片，層次豐富，令人讚不絕口。- 香蒜辣椒蜆肉扁意粉 HK$178 🍝🌶️🦪蜆肉食厚新鮮，肥美多汁，配上牛油、香草、蒜和辣椒醬汁，咸香惹味。- 美國黑安格斯肉眼牛排 (300g) HK$368 🥩牛排肉質柔軟多汁，再配上Garlic Butter添加香氣，非常惹味。- Green Cooler HK$68 🍸Mocktail以Ginger Ale、青瓜和檸檬汁調製而成，清新又提神。

唔經唔覺，原來已經結婚七周年🙈💕 銅婚喎，梗係要出街食飯慶祝下啦～👨‍👩‍👦🍽️我哋平時去開嘅Cafe Deco Pizzeria ，原來喺圍方都開咗，圍方店仲新推出咗兒童menu👦🏻👧🏻 每個套餐都會配牛油粟米、甜品同埋果汁，為食豬Curtis就最開心啦👅 餐廳仲提供幾款顏色紙比小朋友填顏色，非常貼心🫶🏻 呢度嘅Staff都好friendly，會過嚟同Curtis玩同傾偈💯👍🏻鮮奶泡沫松露蘑菇湯🍄 呢個湯非常濃郁，菌香十足，令人愛不釋手🤤 賣相吸引嘅牛肉他他🐮選用美國Prime級西冷牛肉同埋多款配料混合而成，配埋多士食好正，味道十分豐富，推介‼️ 我哋仲order咗澳洲M6和牛封門柳，擺盤精美，食落嫩腍之餘肉味香濃，yummy❤️ Happy 7th wedding anniversary 🥳 非常滿足嘅一晚，多謝老公安排🥰

第一次去圍方，感覺是一個十分之大的商場，應有盡有，而餐廳選擇亦十分之豐富，在朋友的介紹之下來到這家西餐廳。店員十分之友善，在店內進行會員登記，亦即享八折優惠，因此雖然兩個人的份量這算是有點多，但係最後都順利可以吃完。🩷前菜八爪魚，我十分之喜歡🩵牛扒也烹煮特宜但感覺沒有特別之處，未必會重複食用

今日Family Day, 朝早去完慈山寺就去咗The Wai食lunch。2點左右到，見呢間西餐廳唔洗等位就入咗去。我哋5個人叫咗4樣嘢share：煙三文魚海蝦沙律🥗、蘆筍煙肉忌廉芝士扁意粉🍝、美國黑安格斯肉眼扒🥩同煙吞拿魚腩pizza🍕沙律🥗用咗carrot ginger dressing,味道有啲怪😅不過啲菜都fresh。碟扁意粉🍝其實係carbonara，very creamy,鬼佬話係佢食過嘅最好味嘅carbonara 之一。肉眼扒🥩要medium rare, 但係出到嚟熟咗啲，比較似medium。肉質tender,食到啲烤過嘅味道。配少少蒜🧄、少少炒蘑菇同薯條🍟pizza🍕皮幾脆，上面有半生熟蛋，有啲怪😑不過味道👌🏻唔鹹價錢係正常意粉pizza價，唔會比其他餐廳貴。

Daddy 生日，就近近地係大圍穩餐廳食飯見Cafe Deco Pizzeria 夠大間，坐落舒服，就決定book位食。Book既時候交底，想生日慶生，職員就話可以有蠟燭同插生日牌仔慶祝，做個小surprise！當日食飯好順利，即刻有位坐。同事服務態度都好好。之前見有評語話樓面同事態度麻麻，我地當晚個個waiter 都好好笑容，又keep住refill 水。6個人order 坐兩個pizza，兩個主菜，同埋三碟前菜，已經超飽。個藍芝士核桃蘋果pizza 真係超推介！！好好食！其他食物都不錯，沙律好大份，豬腩肉南瓜意大利飯都係我會想再食既！到叫甜品既時候，同事好有默契幫我地預備好驚喜擺甜品係daddy 面前，仲唱生日歌。覺得好有心思同埋成個experience 好好。多謝曬同事預備！

圍方新開不久，第一次來圍方，聽講晚市多人到要排隊，所以午餐來食咗先。唔使等位，餐廳地方寬敞，燈光暗暗地幾浪漫，坐得好舒服。M6和牛餅虎蝦薄餅pizza/餅皮薄我喜歡，唔使俾厚皮塞飽個肚；餡料多，虎蝦幾爽脆，不過餅底醬汁有沙律醬，食落有少少怪漢堡包/份量好大，薯條亦很多，最緊要係好食；漢堡扒可以揀熟度，我揀咗五成熟，有肉味、肉汁多，但又唔會肉汁濕到包；漢堡中間放咗一層焦糖洋蔥 甜甜地，又有芥末醬，整個好惹味。

在這新開的shopping mall 搵食不容易，很多餐廳都要等位，我們買了戲票2:30pm在L5看戲！離放映時間有一小時！望到這裡不用等位，可以舒舒服服吃個午餐。Pizza 兩個人吃，每人都有四件，如果有多些磨菇更好。Prama Ham 和火箭菜都是我喜歡的材料。侍應服務很好，不是為我們加水。上菜時間也合時，座位舒適。等上餐時看到裝飾品有一句幽默語：I am a chef and I cannot be calm😅

點了紅酒牛肉粗管通粉，通粉口感佳，牛肉量非常充足可能當時食客唔多，所以外藉女店員好主動問我要唔要chili。我向她要了芝士粉。店員亦主動前來加了幾次水，態度友善。

行左一陣商場又唔想排太耐隊食飯，所以提早左食晚飯，咁岩行過見到呢間西餐無乜人等位，都諗緊周圍餐廳都開始有人龍，但呢一間無，考慮緊食唔食既時候，另一半話試吓啦😕見唔使等就試吓啦餐廳環境舒適，但服務就真係麻麻。首先餐廳侍應唔熟悉檯號位置，食物送上既時候反問我檯號，我作為客人根本就唔會知道。檯號都無寫係我見到既地方，侍應送錯去另一張檯，先將食物送返過黎😕食物方面，叫左個海鮮pizza, 完全無味既，成個pizza如果十分係好食，我會比3分😒蜆肉連殼上但都係無味，同埋最大問題係成個pizza送上黎既時候只係微暖，擺左一陣已經凍晒龍蝦意粉一樣淡到無味，好似無調味一樣，所謂龍蝦汁我完全食唔出，食左一半已經放棄唔想食另外想讚係香港人職員係好有禮貌嘅，但講英文個幾個職員就態度麻麻。而且話晒新界區餐廳，有必要成間餐廳侍應都講英文嗎？如果老人家或唔太識講英文嘅客人可能比較尷尬，叫餐都叫唔到

圍方既餐廳多人到一個點，唯獨有兩間在角落的餐廳冇人排隊，係位置問題？還是另有原因？即管進去一試。入到去，是全英文的待應，講英文是冇問題的，但不太有禮貌。叫了一個Pizza，Pasta及一個龍蝦湯，份量是充足的，不過味道就一般。蟹肉龍蝦湯飲得出是粉開的，再後加蟹肉，所以湯既味道是人工的，蟹肉與湯應該沒有關係，不過70蚊既西餐，都是差不多了。大蝦龍蝦汁意粉除了上檯溫度不足，汁是夠濃，能掛於意粉上，而大蝦是新鮮的。整體而言，份量足夠，味道不俗，如果待應態度好少少，是次體驗就更正面了。

平日中午去食午餐，叫左pizza, 意粉，沙律，味道都好好，唯獨服務勁差有個女職員同光頭經理態度其他，識講中文又要扮野講英文，黑面又無禮貌初時以為只係我覺得，點知有另2外兩枱都投訴這兩個人，立即有個香港人經理禮貌地say sorry，而那兩個勁無禮貌員工就調左去另一邊，跟住全程都係位香港人經理服務我地，勁有禮貌lee到係大圍，係圍方，唔係圓方，附近都係屋村，好多老人家，係唔係唔識英文就唔食得？