Cafe Hillywood (已結業)

聽聞快要結業，友人試過覺得唔錯，所以趁着星期六就去試吓。如圖所示，場內十分冷清。炭燒澳洲草飼肉眼扒主菜揀左肉眼扒，order左5成熟，但上枱時像是9成熟，份量偏小，肉質有點「鞋」身，而且價值208蚊，有點小貴。齊藤家炸雞炸鷄色水唔夠，像是未炸過的，食落口唔脆，又不太夠味😶花生大少飲品方面就點左花生大少，佢係用左兩個雪糕球同花生醬打成下層係奶昔，上層係cream同脆脆飲落口係好濃厚的花生醬味🥜邪惡極了唔知係咪快結業嘅關係，出品水準不甚理想

Café Hillywood朋友傳來媒體報導此店將要結業，湊巧下午有空，約好一起即興到訪。好端端一個週六下午，情況是鬼影都冇隻，不禁同嘆生意難做。先來一份炸雞。咦，顏色淺得就如未炸的一般，或許這樣特別健康？吃下去軟趴趴的，就是齊藤家的風格也說不定，只能說自己吃不慣。主菜選了牛扒，逾二百元換來的是八安士的份量，但假如用料上乘、又調理得宜，又何妨？只是，一上桌，我與友人同是面色一沉。顏色就像一塊沒醃過的豬扒。也未說到生熟度，五成熟就是圖中的狀態。老實說，睇相就知是如何乾、柴，吃得人心中生起烈火。保持中肯，我得承認，旁邊放着那矮柱形的疑似Polenta，是好吃的。最後喝了杯奶昔，當是甜品、同時又當飲品，分着喝，選的是花生口味，據說每杯用兩球雪糕發打出來，口感無疑是豐富的，只是，也不是甚麼少見的東西，仍難以抵消炸雞和牛扒的不濟。吃罷，只覺被自然淘汰是正常程序，但這裡明明環境不錯、位置不錯，但食物和定價似乎走歪了路，仍是讓人感覺可惜的。

年青人打理店舖，很像回到那些年的日子😊食物質素不錯，首先個酒煮青口，西式煮法，不搶喉！個湯伴有西芹粒，帶出田園新鮮感！伴有heart 的多士，原來多士上靜靜塗上了蜜糖，很有心思！🐏羊架夠林，多汁，份量足，以薯條伴著，很夾！牛排比羊架搶去了風頭，無特別，下次可以不試了！環境很舒服，不噪，半basement ,望出窗外是行人的腳，有點像偷情的感覺！拍拖好選擇！可能時間早7-8:30，有band facilities, 未有人life.服務方面，一班年輕人分工，你見有的在open kitchen 努力煮和炒，有的樓面在set up , 在香港刻板的生活裏，看見那份年輕人熱情，把他們的大意通通成為我在享用晚餐時觀察的樂趣

見開飯咁多好評加上訂位有折黎一試環境其實幾好，不過果日有人開Party有D嘈4個人叫左4個main course，一個main course上完食完再等多10分鐘先再上另一個main course叫上蛋糕都等左15分鐘蛋糕應該係雪櫃拎出黎，都要15分鐘...原本想叫個海膽意粉，軟殼蟹意粉...點知兩樣都無8安士rib eye, 無問要幾成熟...出到黎7成左右，味道係可以既，不過D伴碟份量好少另一個黑毛豬, 份量比較細，味道可以另一個燒豬手配蘋果蓉醬，蕃薯茸豬手上到碟已經唔係熱只係暖可能果日無蕃薯，得普通薯茸。不過落單時無同我地講4個人食左兩個半鐘食完都唔夠飽，咁既價錢，可以有更好既選擇D單又亂哂龍，埋單又計錯數...服務態度由一般變為差一定無回頭

My Order:黑松露炸薯條 ($68)牛油果水牛芝士波波沙律 ($88)本尊三文魚子海膽意粉 ($168)慢煮黑毛豬鞍扒配蕃薯蓉 ($168)燒帶子鮮味檸汁意粉 ($168)地點有些不方便，但環境夠大，用心裝飾的小店，店員服務態度亦不錯。黑松露炸薯條薯條的份量頗多，新鮮炸起夠香口，黑松露不多香氣不夠，若醬汁再多一點會更好。牛油果水牛芝士波波沙律個人很喜歡這個沙律，底下有火箭菜兩側是小蕃茄。牛油果很新鮮，約是半個的量。水牛芝士波波口感很特別，煙煙韌韌像口香糖，是個多選擇的沙律。本尊三文魚子海膽意粉不慚是鎮店之寶，用的是闊意粉，醬汁包圍了每一條意粉。海膽夠鮮甜溶入意粉中，也太美味了吧!!再加上三文魚子在口中爆發，增添口感，絕對值得一點再點=D慢煮黑毛豬鞍扒配蕃薯蓉豬鞍扒雖厚但較小，味道有點像豬柳蛋，黑椒味較香。但特別之處是配蕃薯蓉，蕃薯很香，若再細滑一些會更好。燒帶子鮮味檸汁意粉普普通通，帶子新鮮但份量不多。同樣的價錢，我會選擇本尊三文魚子海膽意粉。

這餐廳地點不算方便, 但因海膽意粉出名而得知, 可惜當晚幫襯竟沒有供應, 未能一試. 餐廳主要提供扒類和意粉, 也有印尼菜供應. 主菜食物跟餐要加$68才有餐湯和飲品; 加$88就有埋甜品, 貴了一點. 服務方面, 侍應有禮貌但看似不太熟練. 上菜比較慢, 每道菜都要隔一段時間才上.食物方面:慢煮黑毛豬鞍扒配薯蓉($158) - 豬鞍扒件頭都算大, 肉爽唔韌, 近骨位肥美有肉香, 不錯.蕉葉鰻魚包飯($108) - 用蕉葉將鰻魚飯包住, 有股蕉葉的清香, 但個飯沒太多醬汁, 比較淡口. 一碟得四件包飯, 份量偏少.印尼手造蝦餅沙律($98) - 貨不對辦, 所謂的蝦餅只是炸粟米薯餅, 混入一絲蝦肉, 要眼力好D先見到, 而食落一點蝦味都沒有. 沙律就是西式沙律mix印尼加多加多的花生醬, 味道很一般.

上次本想跟朋友到這裡吃午飯，餐廳位於地牢，因為前一陣子下大雨，水浸無法營業!今次因為看到一個飲食app,   折扣由10%off 至50%off 不等，視乎訂枱時間。看到在下午四時入座有50% off, 所以決定訂枱。有 50%優惠，當然有一點限制，只可散點 a la carte。慢煮63度蛋卡邦尼意粉（$108）半價後是$54，意粉煑得al dente, 卡邦尼醬汁香濃，很creamy, 拌以63度溫泉蛋的蛋汁和巴馬臣芝士碎就更加香濃幼滑，份量一般。一星炸軟殻蟹辣味意粉（$158）半價後是$79，醬汁比較乾身，辣味令意粉味道提升，但軟殼蟹的麵包糠炸粉就比較厚和硬，如果用一般日式天婦羅炸軟殼蟹方式炸應該會更好食。慢煑黑毛豬鞍扒配蕃薯蓉（$168）半價後$84，這個黑毛豬鞍扒，賣相吸引，肉質鮮嫩多汁，肉味濃郁，蕃薯蓉幼滑，唯份量太少，伴碟還佐有新鮮的沙律菜，以半價價錢來說，算是扺食！餐廳位於地窂，但面積也不小，而且有一片玻璃窗可以望到街景。這幅 flamingo 是餐廳的焦點，一入門口便可見到。門口要下數級樓梯到地下餐廳餐廳座位適合二人至十多人

約咗朋友星期六晚上聚餐，之前經過見到門面幾特別，於是大家就決定來呢度試吓啦。我哋訂咗七點鐘，去到嘅時候大約得一半入座，唔算太多人所以三五知己傾吓計環境都OK嘅。Dinner Menu上無論前菜、煮食、還是意粉類都可以加$$轉做餐，享有餐湯飲品和甜品。我哋叫咗signature嘅海膽闊面、炸魚薯條和蟹肉牛油果他他。海膽闊面有啲腥、炸魚薯條嘅炸魚亦有別於英式炸魚、是吉列炸粉，不是很鬆化，但是薯條尚算不錯👍！餐飲也可以叫$40或以下的特色飲品，叫了橙路，其實是香橙士多啤梨茶，好喝。朋友的特色飲品(打茅波)也很不錯。食物上有改進空間，但環境和飲品不錯。

原來喺我工作地方附近有間咁正嘅cafe，多得朋友帶我黎，可以喺忙碌工作後坐低慢慢傾，唔洗俾人趕 （笑）入到cafe係好開揚的，設計簡約，好寧靜嘅感覺，值得一提係啲櫈坐得好舒服，唔會un住patpat的。蟹肉他他賣相好精緻，除左蟹肉，仲有牛油果，蕃茄等，夾埋一齊食增加口感，蟹肉味勁濃，值得推介，缺點就係。。。份量有點細。本來為左海膽意粉而黎，但唔好彩地冇海膽，取而代之係將海膽變成凡立貝，意粉嘅汁係一樣的，講到意粉口感係我中意嘅，唔會太un，每條麵都充滿左醬汁，不過估唔到凡立貝代替海膽嘅份量只有一粒，老實說有點小器吖，整體黎講我覺得普通意粉一碟囉。最後叫左炸魚薯條，伴自家制鰻魚汁，學朋友話齋，個汁有特色但唔特別，其實唔係好食得出個汁有鰻魚（爆）至於炸魚係ok嘅，外脆內軟而且魚肉冇炸到乾哂，幼薯條食下一條食下又一條，係外脆內軟好味嘅，相比蟹肉他他 & 意粉，呢碟份量大好多，最後仲要食唔哂添。朋友堅決唔俾我飲凍野，叫左呢個杞子菊花蜜糖熱飲（佢餐牌個名我唔記得左）菊花清香，加上蜜糖非常滋潤，係唔錯嘅選擇喔！總括而言，呢間cafe係傾計談心好地方，好舒適，而且唔會有壓迫感，雖然食物唔算得上最好味，

同朋友諗住飲野傾計, 上網見Cafe Hillywood 都有唔多人推介,  於是同朋友黎一試雖然個門口有D 難搵, 因為係地下, 要行落去, 但一入到去就好有Feel, 燈光暗暗地, 唔會太"殘"眼~地方舒服又寬落, 啱晒聚會去我地六個人叫左五樣野, 包括:  豬仔骨,黑松露炸薯條,龍蝦汁意大利飯 ,溫泉蛋凱撒沙律配煙三文魚,本尊海膽意粉 ~~總括黎講味道都唔錯, 但最值得推介既係龍蝦汁意大利飯同, D 汁夠"杰身"夠濃, D而飯又煮得啱啱好"煙煙 unun"~好有咬口~ 野飲方面就反而好有驚喜~ 叫左個用豆奶整成既沙冰, 係menu 到個名仲抵死到叫"白日夢維", 飲落口清清地又幾有豆香~Overall 黎講呢到D野唔叫貴, 性價比高, 值得一試

Went for early dinner today and there wasn't any crowd yet.Was ready to try the sea urchin fettuccine but unfortunately it was sold out. So both of us decided on crab tartare, truffle fries, lobster linguine and scallop spaghetti, as well as a mocha and fruity soda.I have to say that the pastas were flavourful but not cheap. However, I really liked the truffle fries (crisp skinny fries!) and crab tartare (refreshing!). The mocha was good tooSo will be back to try the sea urchin fettuccine and de

當日因為有book台優惠（半價專程搭uber去呢間cafe食野因為知道地址偏僻 所以都有提前去搵但結果落左車 都係搵唔到餐廳入口 擾攘一輪終於坐下眼見只有我們這一台3位客人實在尷尬order左 black truffle fries, lobster spaghetti, sea urchin pasta 等等⋯賣相不錯但食物味道略為失望先講薯條 dressing 等等都幾好 份量慷慨 但幼細薯條略失口感 唔夠脆口而龍蝦意粉 龍蝦開邊上 蝦肉尚算新鮮但沒有調味 實在太淡 意粉口感都是很一般 正價要價200多 實在不太划算而海膽意粉是王牌產品之一 賣相很photogenic但意粉汁唔夠creamy 煮得太耐 有點稀整體而言 半價後每人150$ 尚算可接受但如果正價 係呢個quality實在令人失望希望能夠改善food quality順帶一提 餐廳裝修頗少女其實如果食物質素提高 一定能夠吸引好多年輕人生意～～

本身對間Cafe都幾高期望，因為見其他人影啲相都好靚，喺eatigo見到有半價優惠就同朋友去試吓。唔知係咪因為半價嘅關係食物嘅賣相同味道都好一般。煙三文魚沙律都OK。黑松露薯條嘅黑松露唔夠，所以同食緊普通麥當勞嘅薯條冇乜分別。仲要唔係好夠熱，如果有黑松露沙律醬配埋會好啲。海膽意粉一上到黎已經好失望，見到其他blogger影相係好靚，但係我哋個碟就一pat野咁。重點係個意粉係煮得過熟一啲口感都冇，就算用幾靚嘅材料都冇用，因為意粉先係主角。仲有叫咗豬手見到其他人係原隻上，但係我哋個碟就已經切開咗。平時去其他餐廳佢都會攞出黎俾你影一張相，然後先再切開俾你，所以唔知係咪因為半價嘅原因先做到咁Hea。而且個豬手冇乜味，配嘅蘋果醬都唔夠味，食咗幾件已經唔想再食。成餐飯唯一比較滿意係沙律同gingerbread latte.朋友點嘅熱朱古力佢話好好飲，但係另一個叫嘅latte就話好難飲。

今日嚟到 cafe hillywood ，食物方面都相當有水準，而且係一間多元化多國菜的餐廳！首先講吓 西餐必食嘅牛扒🐂，牛扒鮮嫩多汁 ！外面燒得香脆 ，裏面 也鎖得住肉汁！而且配菜的忌廉薯仔千層批，很重忌廉味！令人想一吃再吃✨另外海膽闊條麵 所用的新鮮海膽 也10分鮮甜，闊條麵很重的海膽味 海膽愛好者必定要嘗試😋反而龍蝦意粉味道一般，龍蝦味道不出，感覺很平淡!這個有點失望最有創意的就是這裏的飲品，名字很特別，也很有特色，如叫 白日夢維...夢維🙈，就是用豆奶所整成的沙冰，奶味很重！也很香 像吃雪糕車的雪糕一樣🍦，年輕人必定要嘗試！該名字已經值得一試了😂

餐廳的大門不起眼，推門後往下走幾級樓梯才見到這間地下cafe的真面貌。裝修別緻，環境氣氛都舒適，係良朋好友相聚的好地方 溫泉蛋凱撒沙律配煙三文魚`正正常常，味道唔差不過冇咩特別咁囉。餐湯(洋蔥湯)`個樣普通左d，但味道唔係求求其其，不錯啊~ 本尊海膽意粉 <3黎到無理由唔叫嘛! 真係未食見到都覺得好味!大大舊海膽放喺意粉上面，顏色搶眼，相當吸引! 唔單止賣相唔錯，成個pasta整體幾creamy，味道係正嘅！！可惜份量真係算少，食兩啖就冇晒咁温泉蛋卡邦尼意粉`整體算係不過不失啦，穩陣嘅，味道唔錯但冇咩驚喜。黑松露炸薯條`真係值得叫!! 薯條夠脆，撈埋醬汁好好味。 黎到甜品環節：藍莓芝士蛋糕`個人認為麻麻，感覺似一"pat"果醬塗左上件又硬又膩嘅cheesecake度咁。海鹽拖肥撻`略嫌個撻太實，味道偏甜，一般啦。檸檬酸酸`酸得黎幾清新，食完頭先啲小食同主菜，配返呢隻cake就啱啱好，唔太漏。