Cafe Italiano

营业中

休息中

每次展覽會過後，老闆都會抽一晚同我地去食飯，當係慰勞宴之餘，亦俾成班同事藉此互相溝通，放鬆一下。身為識飲識食既老闆，去得既一定唔會差，今晚就帶咗我地去北角 Cafe Italiano 食咗一餐貼地而高質素既西餐，非常美味！

之前同媽媽已經黎過呢度食過幾次，每次媽媽都話好食。既然媽媽鍾意，係母親節呢個咁重大既日子，就梗係再同媽媽黎食啦！今晚餐單主要由餐廳決定，我同媽媽乜都唔洗諗，只係負責食！

有人請食飯,又點可能唔去食好西~其實之前公司party都有訂過呢度,但一直未曾入黎食過book定枱,當日朝早都會double confirmset lunch都幾多唔同類型嘅野可以揀先黎一人一個南瓜湯我問左海鮮有d乜野先決定,聽落係每日有機會係不同海鮮配搭,入面有蝦(切粒),魚,蜆,墨魚同三色椒d蝦食得好放心,因為切左粒,蝦腸有挑走;蜆唔多,4-5隻,冇沙,一拉就離殼蟹肉意粉望落都ok多料同事要左肉眼7成,厚切!好容易就切得開,而且真係7成熟,唔會上到枱就冇啦啦變左well done不過覺得薯菜可以俾多少少最後先到比目魚,同樣都係薯菜問題,睇下望落幾dry....不過條魚係好食嘅,煎得夠香,汁又唔會勁多,剛剛好店員都幾留意客人食到咩程度,差唔多食完就上飲品,食完就好快收碟,但唔會覺得有壓迫感下次可以同其他同事再黎食!

來呢間餐廳食飯都係因為俾佢食評話好好客戶服務吸引到，所以就黎試吓，果然冇講錯！原本諗住慶祝細佬仔聽日就出世，就搵一間屋企附近但格調好feel嘅餐廳同太太一齊燭光晚餐慶祝，點知勢估唔到細佬仔唔肯比飽飯我同媽媽食，只係食咗個頭盤然之後太太就喺餐廳度穿咗羊水，跟住就咋咋淋要入醫院開刀生仔，當刻老闆其實已經煮好左個主菜就上枱之際，我就走入廚房同老細講唔好意思要即刻入醫院生仔食唔到啦，仲諗住即刻埋單走人，點知個老細叫我地即刻去醫院，仲唔肯收錢，其實都真係好唔好意思，但冇辦法當刻要即刻走人。第二日當所有野穩定左之後諗住返去餐廳度同老細講聲唔好意思，同埋咗張單佢，點知個老細死都唔肯收錢，仲話下次叫我地一家大細去佢嗰度食飯，仲要佢請，我心諗唔係啊嘛？！邊度有一間餐廳會咁重視食客嘅體驗呢，大家素未謀面，但竟然會將食客當係佢嘅朋友，坦白講係香港做餐飲業真係好難搵到咁樣嘅餐廳。雖然只係食咗佢個頭盤（凍豬手配那個酸汁味道不錯），其他乜嘢都冇食過，但我相信一個真心重視食客體驗嘅廚師煮出嚟嘅食物一定會係有水準嘅！真心讚！

朋友介紹我黎呢間餐廳一直唔覺得東區有好味又抵食既餐廳點知 終於比我發現到呢間正野！睇佢個名 以為係意大利餐廳其實係西餐！由於我遲到 我既朋友已經先點左前菜佢地留起左比我 好好味！每一款前菜都勁有水準 我地食到隻碟一滴汁都無(好無餐桌禮儀haha) 之後我地叫左一個經典pizza, 一個紅菜頭risotto, 兩款生蠔:一款法國一款南非(每隻40幾蚊 價錢合宜)，仲有一個pasta仲有洋蔥湯只能說 所有野食都好好味..7個人 最後大家每人$250買單 食得好滿足！

今日去北角搵友人食lunch, 友人大力推介呢間餐廳，所以專登來一嘗😋呢度lunch set好多選擇，樣樣都好吸引，最後決定叫龍蝦汁蟹肉意大利粉同埋肉眼扒薯菜！先講龍蝦汁蟹肉意大利粉，龍蝦汁味好濃好香唔會假，蟹肉足料，食每啖意粉都會食到蟹肉加龍蝦汁，味道配搭特別值得一讚！😬至於肉眼扒薯菜，肉眼扒叫左6成熟熟度岩岩好，肉質唔un同埋唔干夠晒juicy，但個人認為加多少少薯菜就更加一流！仲有不得不提係呢度嘅服務態度，店員係好有禮貌同親切，每次上菜時都會講enjoy！喺呢度食飯有種好輕鬆好舒服嘅感覺！👍🏼呢度個價錢雖然比同區地方偏高，但絕對係物有所值👍🏼

味道滿意，服務溫毊小店経營，但食物有意想不到的驚喜，地點位置又方便，價錢合理，會再去光顧，老闆同店員態度親切，有不同要求既配合也可以調整，使到整個晚上都輕鬆愉快，比較不會像高檔次的餐廳沒有人情味，看到旁邊的大部分的都是熟客生意，可想而知店鋪那種很像有家的感覺既親切，當然不要比照大酒店的豪華裝修😅但可以值得一提的是食物就冇得頂喇🤗甜品方面就令我再三回味，這晚是沒有點餐全部是叫老閭介紹的。全部都有意外驚喜👍🏻👍🏻

After the long day of work in client's office, my partner and I planned to chill out at Sai Wan Ho harbourfont (the mini East Soho) but due to the parking concern, so my partner suggested to stay in North Point.We couldn't be bothered to look for any restaurant so we just picked a random Italian one, located next to our office and near the MTR station.Once we were seated, the owner himself came to greet us. He recommanded the lamb chop and the pork knuckle (on the Set Dinner Menu). We were too t

已經是兩個月來第二次到訪。雖然小店在七姊妹道旁車來人往，但內裡環境卻寧靜，適合小家庭或情侶一聚。老闆招呼熱情有禮。我們點了兩個Set Dinner鴨胸沙律很tender清新海鮮飯每一口有半口是真材實料蟹肉醬汁！足料及用心可見一斑！Pork Knuckle 配酸椰菜出奇開胃。整體來說是高水準用心小店。必然encore之選。

這家意大利餐廳， 本身我已經幫襯了三四次， 覺得可以在openrice推介。 若果大家喜歡食牛扒，生蠔意大利菜的話。 我會推介這一間， 因為價錢很平民之如也可以食到有水準的意大利菜。 生蠔有平有貴最貴都是48蚊一隻法國生蠔， 但很新鮮。 另外還有鮑魚， 翡翠螺 ，青口 ，蜆做頭盤。 所以我覺得這種質素餐廳可以媲美 其它高級餐廳。

友人好幾次提起北角七姊妹道有間意大利餐廳，Ok得。七姊妹道？記得那裡有銀龍茶餐廳、有惠康、有石湖市旅港同鄉會、有浸信會、有新麗華乾洗…。意大利餐廳？會不會唔多夾，更有點擔心它的壽命能維持多久？於是一探它的生命指數。餐廳不大，約三十個坐位，燈光柔和。甫入門，老闆即奉上兩杯暖水和誠懇的微笑，他眼睛大大，皮膚拗黑，很man。對他說唔該，他總會說唔洗客氣，溫馨的人際回贈，令滿室人氣，一派小店風情。餐廳提供七款set dinner和多款前菜，香港人多只選set而懶得細味前菜，其實前菜才最能反映一所餐廳的性格和造藝。老闆推介了輕煎呑拿魚配柚子醋，果然帶來驚喜。雖然輕煎，但極能保存魚的鮮味和質感，灑面的耶菜絲和伴碟的柚子醋為吞拿魚帶來更豐富的層次，配合得天衣無縫。令人一塊一塊吃不釋口。可惜這項前菜沒有出現在餐牌上，看來要一嚐珍饈，要與老闆建立一點關係！另一推介是合桃麵包，雖不是自家製作，但即叫即烘烤，上枱時外脆內軟，麥與麵粉的質感洋溢，不能不order。主菜我們點了香煎大蝦配意式茄醬意大利飯和紐西蘭羊扒配薯菜。頭盤是鮮蝦沙律配蜜糖芥末汁，由多款沙律菜組成，蝦肉鮮甜，沙律醬略多，掩蓋了蝦的鮮味，新娘被

喺openrice隨意search到呢間餐廳評價唔錯 就happy Friday去試下餐廳裝修幾骨子 坐位都幾舒服老闆好nice 親自招每枱客人 我地4個人食量唔太大所以叫左3個set dinner share 正考慮加幾多個湯嘅時候 老闆主動話叫2個幫我地分4份送上嘅竟然係比其他餐廳更大碗嘅湯仲有4塊好好味嘅包包 主菜叫左羊扒 牛柳 咸豬手 3樣都好好味又夠份量 之後仲encore叫多set羊扒㖭最surprise係老闆知道我地有喜慶就請我地食甜品 諗住都係一件cake仔佢竟然請我地食3款甜品 我地話好味 佢仲送多個木糠布甸俾我地真係好nice! 食飯期間老闆又同我地傾計 睇得出佢好緊張啲食物質素最後為左支持有心小店同埋老闆嘅熱誠款待 我地俾左一份幾surprise嘅tips 老闆都好驚喜! 大家都happy Friday!難得一間性價比咁高有heart又好味又好服務嘅餐廳真係好值得推介!

一間小小的食店，以深色的木作為室內裝修的主調，加上黃色的燈光，給人一種深沉的感覺。午餐也有不少的選擇，而這次就選了黑松露雜菌意大利飯來看看廚師的功力。當飯送到枱上來便知道功力應該有限，因為現在的食物，如果要稱得上是有級數的，色、香、味缺一不可。而這碟意大利飯的賣相又真得有了一份誠意。味道又如何？是可以的，有黑松露在其實已很穏陣，因為味道已經很夠，與雜菌一起更是絶佳的配合。但飯的軟硬度則有點遜色了。知道意大利飯的情況和中國人一向所吃的有不同，而這碟飯也不是很硬的那種。但就是軟之中帶有一點粉及散的感覺，不太可口。

這間餐廳其實我每天都經過，一直沒有吃過，中秋節正日想一反傳統吃西餐所以終於來吃啦！和妹妹兩個人，叫了一個set dinner, 頭盆是鮮蝦沙律配芝麻汁，配蝦汁蟹肉意粉、咖啡共$168，另外+$35叫了一客龍蝦湯，再加一個夏威夷燒雞菠蘿pizza$128。龍蝦湯：我們只叫了一客，侍應主動提議分兩碗上，服務非常貼心，值得一贊！龍蝦湯非常濃而且好味，份量十足即使分了兩碗也覺得很足夠頭盆-鮮蝦沙律配芝麻汁：芝麻汁酸酸的很開胃，份量也足夠我們俩share蝦汁蟹肉意粉:雖然略咸但非常鮮味，蟹肉也頗多，好吃！夏威夷燒雞菠蘿pizza：正宗的薄而脆餅底，雞肉略淡，菠蘿如能多一點會好吃些，整體來說也合格到最後點了一杯咖啡，出乎意料地又是分開兩杯上！總括來說，食物中上，價錢合理，份量十足，服務貼心，絕對值得再來光顧的！

好，出動又食lunch,我成日行過都想呢間意大利餐廳，今次farewell同事，就過左黎啦，地方暗暗地，情調唔錯，我地坐底，就點左個南瓜雜菌意大利麵，大概十分鐘就有食，南瓜好重鮮味，好粉，一咬仲見到一絲絲纖維咁甜甜地，而個雜菌汁咸咸鮮鮮，好夾個南瓜，層次感好足，先有南瓜粉甜，再到咸鮮雜菌汁，而意粉份量足，整體都好滿意!