Cafe Joo

营业中

休息中

今晚二人晚餐，就試吓依間，我哋早少少食，唔使等位啊😊我哋叫咗個二人餐，有前菜，湯或沙律，小食and main ,仲包埋嘢飲👍🏻其實嚟咗湯同小食，都飽咗一半，之後叫咗素burger 同carbonara , 個carbonara已經要叫佢包起take away 食！😅個單骨雞翼好好食🤤湯又creamy 🤭個素burger 出奇地好味，裏面嘅大茹正呀，我哋兩個人share 都好夠，仲有d side 係薯條🤭好味🤤整體環境舒適，服務同嘢食都得👍🏻下次會再嚟😋

發現呢間餐廳係沙田都開左一段時間，竟然都未試過🫣今晚就同2個朋友一齊食，入到就叫左一個2人套餐，另外再散叫。😋南瓜湯配牛角包南瓜湯夠濃郁，仲有啲南瓜蓉，口感好豐富😚不過牛角包就凍左仲有啲淋添🙃😋韓式醬燒澳洲極黑西冷塊西冷肉質嫩滑，好有牛味😙仲有熱辣辣既薯條🍟👍🏻😋炸韓式紫菜飯卷都係第一次食炸既紫菜飯卷，都幾過癮🤣脆卜卜幾香口😊😋韓式脆辣雞佢係單骨雞翼黎既，好脆口少少辣，食開10小辣既我都可以接受☺️😋韓式牛肋肉薄餅配千島醬厚批，批邊亦都夠脆😚仲有好多芝士😍岩哂我呢啲芝士控🧀😚當然唔少得牛肋肉都相當嫩滑😊😋卡邦尼意粉超級濃郁既醬汁，再撈埋啲蛋汁一齊食😚正👍🏻舔舔脷指數👉🏻6.5😋/10😋滿分 可以一試😋

之前試過食韓式cafe，但係好睇唔好食，今次試呢間餐廳，抱住試伏嘅心態，估唔到有驚喜👍我哋叫咗韓式高麗菜炒黑豚腩片韓式年糕，韓式炒牛肋肉沙律，炸韓式紫菜飯卷（牛肉），酥炸青陽辣椒釀芝士腸，士多啤梨鮮奶特飲，鮮橙芒果紫蘇葉梳打韓式高麗菜炒黑豚腩片韓式年糕，估唔到啲年糕係類似上海年糕切片🤣，個醬都幾好食，黑豚腩片就乾咗少少，整體都幾好食韓式炒牛肋肉沙律，牛肋肉超好食，好入味，甜甜地，值得推介炸韓式紫菜飯卷（牛肉），都幾好食，不過個飯唔夠實淨酥炸青陽辣椒釀芝士腸，都幾香口士多啤梨鮮奶特飲，原來有雪糕，食完雪糕，杯嘢飲都唔會話冇味，不錯不錯鮮橙芒果紫蘇葉梳打，都幾清新，不過相比之下士多啤梨個杯好飲啲原本仲想叫刨冰，可惜無芒果刨冰，可能無其中一種材料🫠唯有下次再嚟試整體而言，我對呢間餐廳幾滿意，下次要試吓炸雞😋

巡視完業務，又返屋企附近開飯。每一日每一餐都懷抱珍惜。餐廳裝修明亮乾淨，簡單～CAFE JOO。我同老公點了 2人晚市套餐$398♡，感覺平又好多野食咁。前菜 ～沙律×♡ 南瓜湯小小份量 ，沙律新鮮，湯就香甜麵包～♡牛角包仔軟軟的口感炸韓式紫菜卷［ 牛肉］♡飯卷本來無咩味 ，要沾沙律醬食韓式脆辣雞翼配甜辣醬♡單骨香脆，微香辣好味韓式慢煮安格斯牛肋肉♡ 另加$58升級薯條脆，牛肋肉肉質好柴😵😵 唔好食韓式大醬炒野菌意粉♡ 好香好味，但有些膩跟餐 餐飲 選擇不多：選了橙汁整體來說，牛肋肉好差，浪費左我$58升級，其他都🆗️ 可以試下❗️💝若要的通通也沒有，與你仍可手挽手❤️人要讓愛繼續延伸。❤️

星期日一家人返完教會 ⛪️ 去咗沙田玩，食🍽️Cafe Joo，食韓國🇰🇷菜，有戶外位，俾寵物坐，Walk-in仲有室內兩張枱，圓形⭕️卡位冇，坐窗口位，但窄，QR code落單,叫咗兒童👧🏻餐俾屋企人，藍色車仔，有蕃茄醬🥫芝士🧀腸意粉🍝、芝士🧀焗雜菜、迷你炸魚薯條🍟、炒蛋、烤雞翼、韓式漢堡扒（含雞肉🍗及牛肉）精選甜品🍮（啫喱），飲品🥤揀咗Qoo白提子🍇汁（$82），我食咗雞翼唔錯👍🏻。我叫咗卡邦尼汁煙豬腩配溫泉♨️蛋韓式年糕（$128），煙煙韌韌皓滋味。屋企人叫咗燒澳洲🦘大虎蝦（$218），啖啖肉。食到差唔到叫咗熱伯爵茶☕️鮮奶咖啡（$45），比較苦。甜品🍮叫咗牛奶🥛軟雪糕🍦伴香蕉🍌榛子🌰醬烤窩夫🧇牛角包🥐（$98），雪糕🍦快融，牛角包🥐窩夫🧇唔夠脆，但屋企人食雪糕🍦皓開心🥳

其實一直都好鍾意食韓國嘢🤪見到呢間韓國fusion菜已經好有興趣🤗嗰日咁啱喺沙田睇完戲, 見到冇乜人就過嚟試吓啦😝🥢韓式牛肋肉薄餅配千島醬唔怪得呢個係佢哋嘅精選薄餅之一☺️首先牛肋肉薄餅比較少見, 第二係其實佢呢個薄餅真係幾好食，佢唔係厚批唔會好滯，而且中間啲牛肉又好好食，千島醬我又鍾意，所以喺呢個配搭之下，食完真係覺得好滿足💕🥢意式提拉米蘇刨冰其實一到呢間Cafe就已經想試佢個甜品，因為都好似好signature🤣難得屋企人主動提出話想試呢個刨冰🍧，就梗係全力支持啦🤭呢個刨冰上到枱個刻真係好震撼，因為好大個。我哋兩個人完全食唔晒🤣但係佢係好味嘅，而且中間有啲年糕粒，都好有咬口有層次感🥢炸韓式紫菜飯卷其實本身我哋係想嗌有牛肉嗰款嘅，但係已經賣晒，淨係得返一個係蔬菜嘅。咁都照試吓啦，但係佢個飯卷其實真係偏散，一夾就散，佢特別之處都只係因為炸過。但係其實揸過嘅都好油，所以呢款都唔推介🙇🏻‍♀️

今次嗌咗和牛漢堡Set🐮🍔個漢堡包皮唔會太乾，牛肉咬落都好juicy嫩口，而且個汁都幾特別好似係特製醬汁(?)整體係有唔同層次同口感。薯條炸到外脆內軟，分量啱啱好唔會太濟👍🏻佢仲有個招牌韓式漢堡下次再trytry!

事源係個侍應上菜位揀喺小朋友嗰邊上，同行友人就叫佢不如喺那一邊上菜，咁侍應都配合，但咁岩佢準備上嘅飲品正是接近小朋友嗰邊嘅朋友，因為佢又要行返過嚟放低，所以呢刻我哋都覺得唔好意思，所以有即刻同佢講「唔好意思」，我唔知佢係咪覺得我哋玩佢，所以佢發脾氣？然後佢冷笑咗一下，跟住放低杯花茶嘅時候，可以用「掉落嚟咁濟」去形容佢，所以d茶飛晒出嚟，濺到朋友衣服，佢咁樣放低杯茶，放低嗰個聲音令成枱人都呆一呆，我諗佢都見到濺晒出嚟呢個情況，但佢選擇即刻走咗去，因為我哋抬起頭望返上去已唔見佢身影，佢一句唔好意思都無，到聽到我哋發出不滿聲同不停回頭望佢哋，佢地先叫人拎紙巾比我哋清潔。食物方面，份量大，味道大部分正常，但漢堡個肉就非常鞋口。

兒童節去完恐龍餐廳，累到不行了，搵左間餐呢間cafe坐下食下野。🌟韓式炸雞（𝓗𝓪𝓵𝓯 𝔀𝓲𝓽𝓱 𝓬𝓱𝓮𝓮𝓼𝓮 𝓼𝓪𝓾𝓬𝓮)$128夠香脆，部分有雞汁！性價比𝓞𝓴! 🌟香煎帶子-蕃茄忌廉意粉$288帶子新鮮香甜，𝓢𝓪𝓾𝓬𝓮唔會過甜/酸，好creamy. 貴左啲，但好在對得住個價錢。🌟澳洲和牛漢堡$128配料好食，但薯條好乾，和牛都好乾….蕃茄同sauce 都新鮮惹味。希望食物可以改善。

一間很不錯的餐廳，如果帶寵物來，可以在餐廳外面露天的桌子坐，餐廳有寵物餐供選擇。食物選擇雖然不多，但也感受到廚師的用心，真的色，香，味滿滿的。如果有套餐選擇會更好，現在都是每樣單點的，價錢有些不化算，但在新城市廣場裏面的餐廳這個價錢上算合理。下一次會帶我的女兒和我的小寵物一起到來再次光顧，希望下一次來的時候真的會有套餐選擇🤣🤣🤣🤣🤣🤣🤣🤣🤣🤣

黎呢度食lunch set，叫左一個牛油果芝士韓式炒野菌漢堡同韓式醬炒野菌糙米意大利飯。漢堡 $118賣相十分靚，夠大份好足料，仲有條天婦羅青辣椒係面。味道以素菜漢堡來説好好味。意大利飯 $128菇仲多過飯，採用左5種菇，全部都好新鮮，翠玉瓜炒得恰到好處，不會太軟。意大利飯亦都好有口感，不太軟或硬。套餐包括的前菜有田園沙律或南瓜湯揀，沙律比起平時其他同類西餐或fusion餐廳有較特別沙律醋同有多啲唔同種類的蔬菜。南瓜湯就有點過甜，同差左啲鹽。套餐飲品除左可以揀普通的咖啡或茶仲有latte，唔洗加錢。拉花好靚，咖啡質素好，好好飲。服務方面，覺得佢哋唔會主動offer 清水，胡椒粉，咖啡糖等，要問先知道客人有呢啲需要，但係服務有基本禮儀。環境方面，不錯，尤其是坐半圓卡位可以望住户外環境很舒適。座位亦唔逼，唔會太聽到隔離枱的聲音。

食飯個下差唔多上午十一點，其實一開始係打算搵間餐廳食lunch，行經呢間韓式cafe時見到breakfast menu 係10am-12pm，無諗過咁晏都仲有早餐食，又見呢間cafe空間好似都幾舒服，咁就去試吓佢的早餐😊韓式醬燒薄切西冷(配太陽蛋）$98牛扒味道濃郁，仲有少少黑椒味，口感軟腍，雖然係薄切，但都算係大塊，不過唔係好食到醬燒的元素。薯餅非常香脆，一叉就散。大陽蛋煎得好靚，邊邊位仲脆脆哋😆沙律菜的sauce係蜜糖芥末，都ok好食。多士 +$10好似食返少少碳水會豐富d開心d🤣多士邊位好酥脆，本身都好有牛油味，中心位好柔軟唔使塗牛油都好好食🤩跟餐熱伯爵茶Cafe Joo (沙田)沙田沙田正街18號新城市廣場一期1樓165號舖*上述文章只供參考及以當時價格為準

入到韓式cafe，你以為食物係韓式食品為主？其實大部分都係一般西式食物，大概都係pasta, burger, risotto。韓式嘅部分只係部分食品有韓式醬料嘅出現。 環境幾清幽嘅，其實佢嘅前身Woofy已經係狗仔友善餐廳（唔知係改左名定轉左手）。 粟米湯幾好味，好濃郁。 卡邦尼意粉配煙肉及溫泉蛋配溫泉蛋係ok嘅，但係到底卡邦尼意粉仲要唔要強調「配煙肉」呢？如果本身無煙肉又算唔算卡邦尼意粉呢？ 結論係我唔知道到底呢個係卡邦尼意粉配煙肉及溫泉蛋定係白汁煙肉意粉配溫泉蛋。不過味道係ok嘅。 杯冰美式咖啡就不過不失啦。

沙田 📌 Cafe Joo ☕沙田正街18號新城市廣場1期1樓165號舖新派韓國餐廳，之前喺沙田都幫襯過，感覺就係三個字「伏味濃」，今次冇乜期望反而有驚喜 😇雖然 Menu 設計有d 難睇，簡單歸納如下：星期一至五 🍽️ 都有套餐供應，包括： ▪️有是日餐湯 🥘 或 沙律 🥗一份 ▪️每位再附送牛角包 🥐一個▪️套餐有 6 款前菜，10 款主菜▪️附飲品：鮮奶咖啡 • 美式咖啡 • 伯爵茶 • 茉莉花茶 • 蘋果汁 • 橙汁均可選擇，而其他特飲則另加 💰【 1 人套餐$208 • 2 人套餐$398 • 4 人套餐$788 】💌 我哋四個女仔直接 Order 咗個 4 人餐【前菜】▪️芝士醬煙肉炸薯條 🍟芝士味咸香，佈滿煙肉脆脆，口感滿滿，炸薯條勝在熱辣辣，好香口。▪️炸韓式紫菜牛肉飯卷 🌯紫菜外層有薄薄嘅炸粉，咬落脆卜卜，飯卷入面有牛肉、蛋、青瓜等配料，口感豐富之餘味道又好好，我同朋友都覺得好有驚喜。▪️韓式脆辣雞翼 • 配甜辣醬 🐥呢個單骨雞翼係即叫即炸，上枱熱辣辣已經好加分，而且炸得很爽脆，肉質鮮嫩，帶微辣，好惹味↝好正 🤎【主菜】▪️卡邦尼意粉🍝 配煙肉🥓 溫泉🥚呢個意粉好本身好 Creamy，

吾知道原來系狗友善餐廳今日初四，搵老友gathering吹水，老友搵左哩間韓國餐廳tea。位置系商場比較偏的地方，餐廳窄長，好在旁邊是落地窗，所以都舒服。坐低就話限時一個小時，雖然最後我地坐三個鐘都無加錢，但心理吾舒服。另外原來哩間餐廳室外系狗友善餐廳，本來無所謂，但狗隻經過餐廳入口才到戶外，傾傾下突然後面有狗吠聲嚇親，可能考慮一下室外門口位置。食物價錢比較高，尤其是無下午茶餐—鍋夫得三小塊，但好香好鬆—雪糕正常—咖啡有拉花，幾香。