Cafe Paradise (已結業)

Cafe Paradise由地鐵太子站行過去都好近。佢是一間有情調的西餐廳，加上.....CHRISTMAS IS COMING!!!!!! 來到門口看到好有聖誕氣紛的裝修內外都有聖誕樹，吊飾，聖誕帽，格局很浪漫好有氣氛!!!!🎅Merry Christmas 🎄由於地方不大，晚上時段座無虛席，門口一直有Walk in 客人詢問座位，但已經滿座，必須要提前預約啊~一打開餐牌，竟然有小驚喜!餐牌幾得意，設計幾有心思。set dinner跟是日例湯、沙律、餐飲同埋甜品。黑松露野菌意大利飯食物都有驚喜。呢個意大利飯好好食。一上桌已經嗅到好香既黑松露，滿滿的 鋪滿彈牙的，每粒飯均沾到黑松露，口感和味道均充滿著驚喜。材料好豐富，仲有唔少嘅野菌。感覺有咬口，個飯外軟內韌，黑松露味道濃郁。 卡邦尼意粉我超中意呢個卡邦尼意粉，意粉彈牙有口感，蛋黃忌廉汁好香濃醬汁帶著很香的蛋王與煙肉既味道，而且質地超級濃郁，濃濃的芝士醬汁配合鹹鹹的火腿，勁creamy! 飲品方面，店員推介chocolate@Paradise加上朱古力雪糕，雪糕令飲料更加滑漏，加上個雪糕仲要有朱古力碎,好邪惡, 但口感好濃郁, 非常合我

今日6pm黎到唔算多人，但6點半後d人就陸陸續續咁黎喇！ 冇訂位既仲要去到八點先有位，所以大家黎嘅時候記得訂位啦💕因為聖誕節就嚟喇～見到餐廳喺佈置上面都花咗好多心機🎄🎄Set dinner 包左一款是日餐湯、田園沙律、主菜、是日甜品同埋餐茶我地今日嘅是日餐湯係《甘筍忌廉湯》甘荀粒好多，好甜,味道唔錯～《田園沙律》配上左bb牌芝麻醬就一定冇得輸啦～其實佢既沙律菜都好新鮮，分量都好大架😊😊至於main course 就揀左 《香辣鮮蝦意大利飯》意大利飯上面配上左一隻天婦羅蝦🍤～ 個飯呢就酸酸辣辣～蕃茄味重，因為有小小茄蓉同茄粒係飯入面！非常開胃但有小小辣😂😂但都會一口接一口架😋😋《士多啤梨雪糕》呢款雪糕就唔似一般既色素雪糕..啖啖都食到士多啤梨籽同埋士多啤梨肉，而且佢唔係死甜！ 係酸酸甜甜的😌😌另外我地仲叫多左個《Carbonara》 $63意粉軟硬度好好，入面有鴨胸肉同菇！煙鴨胸味好香，平時唔多食鴨胸既我都食左幾舊🙈🙈🙈意粉質感亦都好好，好creamy！好味道🥰🥰🥰

打算請朋友食飯，上openrice黎左呢間，睇落唔錯，內裡的佈置裝飾已換上聖誔裝飾，還播聖誔歌，已很有聖誔氣氛，我地一行6人各自叫左個餐食，食物ok，店員服務質素很滿意，是日甜品係超凍既士多啤梨雪糕，不過我麻麻地中意雪糕，就加左25元食心太軟。埋單共$1125，攞張卡出黎，點知無得碌卡！？Visa 無，Master無，EPS都無。。只收現金，八達通同支付寶。。千幾蚊無得碌卡好唔方便，跑出去㩒錢但附近無櫃員機的。。搞到朋友紛紛想攞錢出黎夾，有點狼狽和尷尬…

今日同仔仔出旺角書局買書，見天色已晚就快快係附近食飯。經過哩度見d野啱小朋友食就入左去了。首先叫左個意粉比阿仔食。我地揀左忌廉海鮮意大利粉。個忌廉汁很香膿creamy. 海鮮有蝦，蜆肉，魷魚。意粉彈牙唔淋。整體來說味道不錯。大人細路都啱食。瑞士汁雞亦阿仔想食雞翼，叫左哩個因為唔辣的。有6隻。都幾入味仔仔很快就KO左一半！凱撒沙律 以羅馬生菜為主，另有芝士碎和麵包糠。個sauce係蛋黃醬。生菜都幾新鮮脆卜卜的。唔錯！荔枝乳酸特飲哩個係同仔一齊叫大家share飲。乳酸很重益力多味。荔枝的味道都ok不會太artificial. 唔太甜， good!埋單連加一都唔使200蚊。好味又抵食！

太太今朝一早同我講，今晚约咗朋友，要我自己食埋飯先回家，於是收工走咗去太子花園街睇吓啲魚，看看有冇啱心水，行咗兩個圈，都睇唔啱，於是去咗朋友介绍過係界限街有間叫Paradise Cafe嘅餐廳，嗰侍應俾咗嗰餐牌我，睇完，我叫咗嗰肉眼扒加杯餐飲就算了，嗰肉眼扒都好大、好有肉味、夠晒我食，飲品都ok嘅，下次可以再來。

太子行街行到攰，早D搵地方食晚飯。係 open rice 搵到呢間呢到好有聖誕氣紛，內外都有聖誕樹，吊飾，連D座椅都帶晒聖誕帽。好似提早食聖誕大餐， 🎅Merry Christmas 🎄我地兩個人叫左一個肉眼扒set，一個pasta 及一個心太軟。🎄 田園沙律沙律菜 so fresh。🎄 磨菇忌廉湯忌廉湯 so creamy。🎄 肉眼扒肉眼扒煎得好香，好大塊，幾濃牛味。 配上紫薯蓉同南瓜煮茄子，so healthy。🎄 蟹籽蟹棒忌廉扁意粉好多蟹籽，食落好得意。扁意粉 so al dente.🎄 cookies and cream雪糕 so cool。🎄 心太軟呢隻 漸變藍色碟灑上沙糖，令我諗起 Elsa。😅心太軟附上一球vanilla 雪糕, so match。🎄 咖啡最後飲埋杯咖啡， so full。晚餐由百零蚊到二百零蚊，有成五個 courses，都幾抵食。

為左男友生日琴日特意申請OpenRice訂位餐廳內環境好，服務態度好，員工好識做～切餅費$50，但係佢地包埋寫字，字幾pretty，比到surprise男友～ 開心～餐廳離地鐵站不遠，環境也沒其他評語說的擠，訂星期五既中午一點檯，都幾好～lunch set好抵食，包drink包湯，賣相好，味道都好jeng！另外單點左個卡邦尼意粉，因為6:00前加特飲只要15蚊！加左個凍既玫瑰巧克力，冰唔多，玫瑰味亦好出，記得攪勻先飲！極力推薦大家去試！利申，我第一次去，照片無P過，除左我男友名😂

係我做嗰間公司每天都有不同嘅挑战，今日又有啲突發嘅嘢發生，總公司都要揾人過嚟了解吓，好在我今日出咗去見客，唔使係公司開會，下午見完客都五点幾，跟住打個電話返公司八吓先。好在都 係虛驚一場，嗰心都定啲，跟住就係附近食埋飯先走， 銅鑼灣真係都有好多好嘢食，揀左一間出名嘅意大利菜餐廳叫Cafe Paradise，入到去環境好靚，睇過餐牌，叫咗 一個 美國10安士頂級肉眼扒，飲品要有，芒果沙冰 ，甜品我揀咗朱古力心太軟，肉眼扒我揀咗七成熟，啱啱好，切開有少少红红地，好冧，配埋嗰自家制醬汁，味道一流，芒果沙冰，芒果味濃，好清新，最後上甜品，心太軟真係人見人愛，朱古力味十足，越食越想食，食飽見有時間，就係附近行吓街先回家。

好日都唔去太子，難得今日過開黎梗係上OpenRice search下有乜好食啦。見Paradise 都幾多😊又有得係OpenRice book枱，就決定會一會佢。未夠12月Cafe門口已經佈置得好有聖誕氣氛門口岀面已經佈置左🎄🎄⛄️⛄️仲有個好靚既旋轉木馬🎠🎠入到去仲見到🎅🎅同好多公仔🥰煙三文魚蜆肉天使麵 $73•天使麵軟硬適中味道唔錯，係蜆肉比較少。熱情果沙冰 +$15 •淡淡熱情果味幾清新唔會死甜辣辣芝麻雞翼 $48/4隻•依個真係超好食，即炸即上熱辣辣夠晒香脆香脆豬手配燒汁 •個脆豬手又係好好味皮脆肉嫩，一刀切落去即刻骨肉分離•伴碟d瓜好有兒時食西餐既味道•個燒汁麻麻，本身豬手都夠味唔點汁仲好食黑松露薯條 $43•個薯條都係即叫即炸，上到枱熱辣辣•但略嫌黑松露味唔夠重雜莓定藍莓雪榚 •好味食到入面好多果肉

餐廳雖然小小 但餐廳裝修一d都唔馬虎呀 餐湯既黑松露 同忌廉湯冇違和感 整個感覺就係好濃郁既忌廉湯 飲左好暖胃😍當時肚餓既小編膽粗粗 嗌左個extra large 既all day breakfast 🍳 一黎到 真心多！先講佢個主菜 三文魚 火腿沒有太多花巧 多士烘得正脆 好開心🥳竟然食到好脆口既薯餅 咬落仲食到薯仔粒(圖中兩個薯餅已被小編ko了)肉煎到超金黃 不會煎得太乾 肉汁反而更豐富 最重要既係面頭加左個香草 🌿令肉聞落好香 流囇口水

太子其實都是一班為食貓搵食好地方，其中在地鐵站口走出幾分鐘就見到的Cafe Paradise 就特別推薦。（店舖門口裝飾十分有心思，打卡是必須的）（充滿節日快樂氣氛的佈置。）（店內有大大隻毛公仔，猜測老闆有一棵少女心。） 當晚朋友與我各叫了set dinner, 頭盤是西蘭花忌廉湯, 我嘗到平時老火湯的味道, 但又有西湯的滑順濃厚質感, 感覺很新奇又健康。至於田園沙律就普通，沒有驚喜。（280克美國頂級肉眼牛扒配燒汁）來到主菜部分，同時亦是全晚最高潮部分，大大塊肉眼牛扒，我覺得煎到剛剛好，外面很香內裡還有肉汁，最喜歡食牛扒邊邊連肥膏的位置，牛膏入口即溶，口腔立時充滿濃郁牛味，加上肉汁的洗禮，每一口都是享受！（香煎澳洲羊架配燒汁）另一款主菜羊架，煎得很嫩很嫩，入口帶一點點羊蘇味，加上香草的調味，不需要燒汁，已經很好食，十分驚喜！食得肉多，可以試試配菜之一的黃瓜，有點爽口又可以解解肉油膩。另一款配菜是甜甜的、香香的紫薯泥，我從未在西餐見到的，這算不算創意呢！酸酸甜甜的藍梅雪糕，十分適合飯後甜品。最後，我點了cappuccino ，如果可以甜多一點點就好啦！朋友就點了薄荷朱古力，大讚全晚消費

今日九點幾去到餐廳基本上「已經唔多人一心想食西式食物我哋三個人食叫咗三個晚餐但我最想講嘅係我叫了牛扒餐質素實在太差實在是太 煙銀可能係五成熟嘅關係但其實我發現餐廳內其他食品也不是太好食其實我係一直都係呢間餐廳嘅粉絲以前我去開長沙灣食其實我係一直都係呢間餐廳嘅粉絲以前我去開長沙灣食但係估唔到新開嘅太子分店竟然另外有咁差嘅回憶

今次同家姐食好西😆成日搭巴士都會見到呢間餐廳，上網search 下見好多人都推介佢個豬手，入到去地方都唔錯，已經佈置到好有聖誕氣氛。佢有set dinner,叫咗個香脆豬手配燒汁，跟一個湯同沙律，豬手大約10-15分鐘左右先嚟，表面好鬆脆，入面好淋，仲要完全唔肥，切落去好易就切得開，配埋紫薯蓉好好味！（聽到話仲淨番2隻拿拿臨叫侍應留住等叫上）✌🏻辣辣芝麻雞翼一客4隻，炸得剛剛好，又熱辣辣，超好味呀！😋再叫咗杯熱情果沙冰，唔算好甜，配埋d煎炸嘢，爽呀！仲有個雪糕做結尾，好飽飽呀！

今晚黎到呢間裝飾得有 D 夢幻嘅餐廳｡門前放左個旋轉木馬嘅擺設｡一入店會見到呢個放晒擺設嘅櫃｡晚市雖然有提供 Set Dinner Menu, 但 A La Carte Menu 上嘅主食都可以轉套餐｡香辣蜆肉炒意粉蜆肉份量都幾多, 意粉嘅生熟度煮到啱啱好,食落都好有咬口, 而且有陣陣嘅蒜香味, 入口會感覺到少少微辣, 但越食 D 辣味就會越係慢慢滲出, 非常刺激惹味｡朱古力心太軟 加錢升級叫左個心太軟甜品, 雲呢拿雪糕上面有好多雲呢拿籽, 而且另外用個細碗仔裝住, 唔怕會融到成碟都係｡ 心太軟切開後 D 朱古力醬慢慢流出, 外層焗到微脆, 配埋雪糕一齊食真係冇得頂｡

Happy Friday, 有人群、排隊恐懼症的我，當然唔會去大型商場喇。太子區西餐小店，價錢實惠，CP 值高，WHY NOT?椰菜花忌廉湯椰菜花味道非常突出，整體質感很濃郁。如果配搭多士同食，一定更加出色。芝士肉醬焗薯角非常香口! 芝士焗肉醬分量足夠多。卡邦尼意大利粉意粉做到 Al Dente, 蛋黃忌廉汁好香濃、好 Creamy, Parmesan 份量略嫌唔足夠，芝士香味未見突出。朱古力心太軟黑朱古力配雲呢拿雪糕，從來都係無得輸。