Cafe Polanka

营业中

休息中

食完一肚火。本身之前食過一次有不好的經驗都不想再試，但有屋企人話幾年無試過就俾多次機會佢。食物難食都算，啲野立痴痴的都算，最不滿係佢哋嘅服務態度。事緣我哋五人一枱叫咗野食，逐碟上枱後才紛紛在那籃仔中拎餐具，發現唔夠叉於是我就舉手問一位著住便服長頭髮的中年女人唔知係店員定老闆娘嘅人幫忙拎一支叉，我有講唔該的。佢話得得得我拎俾你。好快上第二碟都係要叉，我就提佢我哋再要多一支叉。然後個女人突然停住轉頭登大眼望住我話：「我咪應左你得囉。」我當刻呆左無俾反應，佢見我無反應再話「我係咪應左你呀？我咪講左拎俾你囉。」然後我屋企人就勸說算啦，我就吞左佢。點知佢唔肯放過，再問我「我有無應你呀？」我心諗條友認真嗎？我就嘗試同佢解釋「我話我頭先叫你拎一支，而家想再要多一支麻。」，我要好冷靜咁同佢講第三次，佢先聽到我講咩而不再重復話應左我，就話「我唔會只拎一支俾你嫁。」我點會知你拎幾多支呀？陣間拎完一支過嚟我話再要多支時你會唔會話我要你走多轉呀？最不滿係人哋都算佢卻不饒人哋窮追猛打。真心唔會再去！

迷之坐無虛席、懷舊鐵板餐、吸睛海南雞、openrice好評....等等因素，造就我今次嘅幫襯。鐵板牛柳五成熟配黑椒汁、薯菜；羅宋湯；牛油餐包- 先上紅湯，蔬菜足料夠淋，茄味辣味適中，但欠缺肉香味，點包食差少少。鐵板上檯已經被淋汁，無得吱係好唔開心架😔少左份儀式感不在話下，最重要係我d薯條呀😩索哂汁變了樣😮‍💨反而隔離檯嘅比較平價嘅非鐵板扒餐有香脆薯條囉☹️自己淋無得怨，宜家個心屈住屈住😢牛柳軟身無筋、望落煎得唔錯，但食落完全無焦脆/焦香。黑椒汁亦略厭淡口得滯。海南雞飯；例湯- 例湯重味精，可略過。海南雞雞肉滑溜有油香👍但出奇地雞皮鞋口無香味。油雞煙韌有𡁻頭，老公大讚😆總括而言，佢嘅坐無虛席仍然令我摸不著頭腦😅

我父母兩個人年紀大兩個人叫一個餐 因為叫兩個餐食唔哂個女服務員迫佢地叫多樣野話做唔到佢地生意餐廳又無寫每人最低消費雖然野食我覺得可以但係咁既垃圾服務態度真係唔係想做生意

今日係大埔去完親戚度拜年，就去大埔市中心諗住食嘢，經過見到一間茶餐廳勁多人，我朋友又想簡簡單單食啲嘢就算，所以就入去食，多人真係唔表示一定好正😂。同行4人，望嚟望去個餐牌都唔知食咩好，最終叫咗兩個精選午餐，一個黑椒牛扒，羅宋湯，一個黑椒豬扒，忌廉湯，一個雞皇飯。💛 精選午餐-黑椒西冷牛扒跟薯菜$68有杯嘢飲（凍飲+$4）👉🏻牛扒還可以，比較多筋，就係茶餐廳牛扒味道🤣，薯條就好似冇乜點炸咁，超白唔脆。羅宋湯都幾好飲，餐包就唔熱，味道麻麻地。凍檸茶正常💛 精選午餐-黑椒豬扒跟薯菜$66👉🏻豬扒係「鞋啲」但都正常，薯條一樣好白，好似冇乜點炸咁。忌廉湯都係茶餐廳味道，餐包追咗4次都送唔到嚟，嚟到都唔熱。凍檸茶少甜，正常💚雞皇飯$78👉🏻唔似平時嘅白汁雞皇飯，將雞扒煎完切成幾舊，有啲白汁有啲火腿，就係雞皇飯😂碟頭飯$78，真係好貴又唔值。環境：茶餐廳內好大油煙，有點白濛濛，充斥住每一個位勁難聞。坐位不舒適，好迫。仲要另+10%服務費

所有食具都有一層油，連洗餐具的杯內外也油淋淋。呢個價錢都預咗食物普通，但仲衰過大家樂大快活，劣食到嘔。餐廳整體由內而外地衰。環境污糟地下有油，食物難食，炸薯條好似用微波爐叮熱咁，待應阿嬸九姐連基本禮貌都冇，幫襯仲慘過去乞，食完包後恢。

9月尾同家人嚟咗呢度食晚餐，每人叫咗個dinner set，包湯同飲品。我叫左牛扒配薯菜，牛扒好大份，有冇用梳打粉就唔知，不過有咬口嘅同有牛肉味。薯條俾咗家人食，不過眼睇都唔差，炸得金黃。

今日同屋企人包括我手抱緊訓左覺既小朋友去呢間嘢到食lunch. 剛入座，眼見檯面冇menu 就叫左位女經理比menu(身穿藍恤衫～有去過的人都知道我講緊邊個，全場得佢一個侍應咁著。）佢只係好悔氣咁'flat' 左份嘢係檯面，我望下唔係午餐嗰份餐牌，已經有禮貌問佢有冇另一份。大家估下佢點應我？自問全程有禮貌，一句粗口都冇講過。佢大大聲一句好悔氣咁'得' 落黎：份餐牌咪係檯埋邊囉！你睇唔到既咩？當時我手抱住bb 即刻呆左，再大聲回佢，你而家咩態度？！有需要咁惡咁冇禮貌嗎？" 條友聽到我嘈佢即閃左去。我屋企人都即時著左，佢經過返我張檯時，都話佢"你好冇禮貌呀！" 佢即時用粗口鬧我地! 我肯定其他食客都聽到。火都黎，唔明一個所謂既女餐廳經理雖然好忙，但可以用咁態度，粗口去問候個客？？ 最後我係咁要搵佢阿頭出黎，其他侍應唔敢出聲，唔肯叫最大嗰個出黎！仲幫佢講好說話，講埋晒d 癈話！唔洗旨意我再去幫襯！呢間嘢都唔係第一次用咁既服務去招呼客人，但今次竟然講埋粗口當面鬧客，我就要post 出黎比大家知道，唔好再幫襯佢！

今日去大埔海濱公園看花，看海，看雀兒，令人心擴神怡，行得累，就要tea一tea啦。習慣叫此商場做一田商場，場內有不同的食店任君選擇。只因太累，就在最就腳的小店坐下，朋友超餓就叫了一客雪菜肉絲炆米，而我就認為要假日感覺食西多士（唔去永發茶餐廳都要食西多士）最驚喜是雪菜肉絲炆米，有鑊氣，超大份，配菜也不少雪菜，肉絲，洋蔥也爆炒得剛好，沒有肥膩的感覺。如果是女生，未必嗰個食的到。至於西多士內層夾了花生醬，很滋味，加了牛油蜜糖更開心的是在假日才會食到的東西。我超愛熱飲，選了蜂蜜生薑茶不錯。最重要係好坐，唔趕客，仲要抵食。正。

地址－大埔安邦路9號大埔超級城B區 店舖名稱—Polanka環境／設施－西餐廳，有卡位，坐得闊落特色－西式餐廳什麼都有得食，海南雞飯，炒飯，鋸扒，焗飯什麼都有人均價格－$70-$90評分－7/10突然諗唔到食什麼，但係又好想鋸扒，大埔扒房唔多，來來去去都係兩三間，有一啲就比二百零蚊，但係冇質素，，試吓啲鬆肉粉牛扒，所以揀咗西式餐廳鋸扒，有餐包，餐湯，嘢飲，再加牛扒加雞扒，買單平均人家80至90左右，性價比比較高， $95嘅兩個扒，仲想點，環境乾淨，餐具衛生情況好，我個人認為，鋸扒前的餐包，如果有微波爐叮熱，加牛油簡直係完美嘅配搭

牛排切開太生見血，咬唔到。問服務員可以整熟少少嗎？就反問我：“你識唔識食牛排？！你下次叫全熟辣！”我係唔識食，都唔關你事辣無禮貌最少80字，唔知寫咩好，但食完好激氣

間中都會去下呢間餐廳食飯 ，今日路過 幫襯買外賣鴛鴦和奶茶。$21一杯奶茶，其實比起茶餐廳的奶茶還要貴 重點是竟然還要每杯收一蚊外賣盒錢! 以前也有幫襯這間餐廳買外賣奶茶，但卻從沒有被收過外賣盒錢 應該說在其他餐廳也沒有被收過外賣奶茶的外賣盒錢當我提出查詢時，收銀的店員說用外賣紙杯，便要收外賣盒錢 我也沒有爭論，便到店外等候外賣。過了一會兒，其他店員詢問我在等什麼，我便說我在等外買，她說外賣還未出， 於是我直接進入店舖，再詢問我只是買外賣奶茶和鴛鴦？ 於是發現原來那位收銀的店員並沒有將我的外賣單放在應有的位置，以致他們並沒有為準備外賣疫情下餐廳很難捱，我是理解的。但外賣奶茶收取外賣盒錢，這個真是有點匪夷所思以後還是不要幫襯好了。

今天和家人去了大埔POLANKA點了餐蛋烏冬及扎肉烏冬。 餐蛋烏冬就是又經典、又傳統的味道。雞蛋是煎蛋上的，煎得金金黃黃，表面是微脆的，而內心是柔軟的蛋白，最後就是流心的蛋黃。三者結合使得煎蛋的口感有著分明的層次。而味道方面，吃的時候除蛋香味外，也有一鼓微微的焦香。 餐肉煎得香脆，內心也是熱呼呼的。基本上餐肉配煎蛋是個美妙的組合。一方面夠飽肚，另一方面給人焦香脆口的感覺。但當然要記著不要把餐肉浸湯內太久，以免沒了脆感。烏冬質感厚實，不會太腍。面條完整，不會散碎。而且面身夠滑，食落口感特別好。烏冬跟熱噴噴的清湯，讓人食得津津有味。

外賣俾少咗，重吾多願意處理，野又難食，價錢又貴，甘既垃圾餐廳重要堂食加一，打電話叫佢送返少左既野俾我又話遠吾送，態度又差，甘既餐廳真係吾好去，希望佢快啲執咗佢啦。

呢間大埔嘅餐廳雖然已經轉手左幾次，但我都從來未試過🤪。今日有個舊同學話想黎試吓，一於陪佢喇。我就點左個特色豬手🐷配黑椒汁同薯菜🍟（$72+$4凍飲再加一）。餐包同粟米忌廉湯都正正常常，食到有粟米粒🌽，但感覺係開粉既湯。至於豬手一上枱就發現同我想像中嘅唔同，我以為係德式脆皮鹹豬手，結果唔係但唔緊要。成個豬手呈紅色🔴，好似比南乳醃過咁。不過食落就無顏色咁入肉，好淡口就似係白烚一樣，靠個黑椒汁先有味，肉質就散啲，而且又唔多熱🔥。總括而言，我覺得呢個價錢嘅話可能茶餐廳都好食過佢，我就應該唔會再幫襯🙅🏻‍♂️。而且侍應生態度都一般，可能太忙，食物就值得有好大嘅改善空間🤔。

打波前梗係要醫飽個肚先有力架啦，商場又有一小時免費泊車，咁就快快食個 tea 先啦。叫咗個炒貴刁，印象中唔係咖哩味架，呢碟其實係星洲炒米河粉版，比較油。。。炸魚柳沙律正常啲，但呢頭落完單嗰頭就唔記得要返嚟再問 😔杯奶茶麻麻，年紀大唔好浪費 quota，唔好飲就唔好飲晒成杯啦！茶餐廳格局下午茶要加一，呢個真係估佢唔到，成件事性價比比較低，無乜特別都係試一次就算啦 😅😅