Cafe Polanka

营业中

休息中

大埔超級城商場內不需要消費也免費拍車一小時，商場內四通八達，數棟大廈用天橋連結密封，冷氣充足，鋪頭種類繁多， 酒樓餐廳，應有盡有，大小食肆齊備， 就連藥材鋪、旅行社、中醫药都有， 唯一冇的是戲院及滑雪埸，一田超級市場比較高級，消費當然比較貴，百佳超級市場比較大眾化， 食肆非常多，中、西、日餐，應有盡有， 老友咸宜，真的是消暑好地方，Polanca 餐廳近來裝修完，侍應大清洗，比以前熱誠，4至5拾元套餐包湯、麵包、主菜及一杯飲品，地方雅潔，又設有抵食下午茶套餐！ 餐廳設於商場內，方便又物超所值。

本身好好地去食嘢 咁嘅服務態度 好意思加一？ 唔睇單小心亂收費。唔該服務員態度好啲 好聲好氣問單上嘅嘢？ 咁嘅態度對人？ 極其失望。人地唔係要睇你黑面去食飯。以後都唔會再幫襯。

2人行晚餐見依間幾多人～所以簡咗依間德國鹹豬手餐簡咗洋葱汁配意粉、熱奶茶～睇落賣相可以但食落就完全兩回事～水煮豬手得鹹味～冇所謂嘅德國風味～好彩都有洋葱汁吊下味～薯條放咗好耐淋嘅～意粉有少少茄汁味～不過都係好乾加冇味焗茄汁雞扒意粉配餐包、熱奶茶～餐包凍但軟熟～等咗15分鐘先出爐～你話焗過我一定唔信～個茄汁比較酸有蕃茄片夠咬口～雞扒煎過都幾香口軟熟～意粉偏乾好彩有好多汁撈下～兩杯奶茶都好夠茶味不過唔算滑～食物咁嘅質素加一服務費真係難理解

這間餐廳真有趣，位處大埔這個商場裏面，看網上負評那麼多，但明明現實生活中，無論閒日或週末，經常晚上都會有人排隊來進食。一直只曾經過，沒內進試試，這次再次路過，剛好下午茶時段，逕自內進。點了個焗鮮茄雞扒意粉。 當然，這茶餐廳的焗意粉，一定會加入茄膏，但是旁邊還是有幾顆蕃茄。意粉份量不算太多，剛剛好，但是與鋸扒的炒底意粉就有不同。據說，如果你點鋸扒要意粉的話，意粉炒底；而相反，這個焗意粉，內裏的意粉沒有炒底，只是上面有很多茄汁。雞扒份量也不太少，起碼都有三片雞扒，但肉質一般，比較鞋身，上面的雞皮大大塊，下面的雞肉比較蟹，粗糙。熱鴛鴦，味道正正常常，奶茶味道不算太濃，但是咖啡味亦都剛剛好，兩種味道都嚐到。下午茶時段來都剛好，人流較疏落；因為平日看見晚餐時段，人流極多，內裏甚為擠迫，坐在卡位，路邊的顧客有你眼望我眼，實在腼腆。

早幾個月黎過食鐵板都ok, 所以琴晚再去食下其他野。話說琴晚叫左個茄汁雞扒焗意粉同一杯熱檸蜜，我原本以為要等十五至二十分鐘，點知檸蜜黎左無耐焗意粉就到，我滿心歡喜因爲咁快有得食同個意粉仲渣渣聲，證明個意粉係新鮮焗起架啦，好開心，我叉落個意粉到轉兩轉，拉起之後吹吹，放落口，正呀熱辣辣，但有陣怪怪的味道，個質地又咁軟咁林，好啦我再撈撈佢，等有多啲茄汁啦，點知都係咁。我再認真望下個意粉，就火火地，佢用咩意粉呀？佢用鐵板一般會問你跟飯跟意粉定薯菜個啲意粉呀！我真心嬲，我比77蚊同個扒餐差不多既價錢，你竟然用一早整好撈左怪味茄汁既意粉黎做我個意粉底。失望，真心失望，我放底無食就叫埋單，個侍應仲用個奇怪我食咁少就停既聲音”噢”一聲。感覺我今晚用左$77蚊飲左杯熱檸蜜。

員工尚算有禮貌，正常人，牛扒不過不失，重點，叫左埋單，需付80蚊，我俾左100蚊，明明可以找20蚊，佢可以打散哂，博客人給小費，已經第二次。對不起，我全部拎哂。

餐廳環境如果帶住小朋友去可能有少少狹窄，如果帶埋BB車去就驚阻住其他人，侍應態度都幾好，見到我有一個小朋友係杜⋯都拎多左張櫈比我地放袋～拎一點好過好多餐廳！！咁我哋就叫咗三個餐，個餐湯同餐飲都可以唔算係十分差⋯兩個係鐵板餐～其中一個係牛柳扒～另一個係西冷扒～另外叫左一個芝士焗石斑～牛柳扒就幾好食嘅～但係個西冷扒就有少少牛筋～芝士石班就一般般啦（如果叫拎個記得加多$2白飯/意粉）因只係一個餸～平均每人$100左右

好耐冇去呢間野食, 最近去了, 有新裝修, 又藍又白, 都幾光猛. 一個人食左個海南雞飯, 比起上次來吃的好食咗. 雞幾新鮮幾滑, 仲有啲酸菜薦底, 雞粉唔算油膩. 雖然收六十幾＄70但總算有新鮮雞食.

裝修很好, 光猛, 企理, 但可惜最重要的 "食" 完全同裝修相反!!! 叫了海南雞飯，啲油飯有 “益味“ ，啲雞仲大鑊，全碟雞係散執，完全唔係同一隻雞！啲海南雞調味料有”叔“ 味！仲要收＄74，真係當啲香港人係白痴！仲有，叫碗咖哩牛腩面，啲牛腩硬到冇一件可以咬得入！最後只有凈食面！

諗住佢地裝修後各方面都會有改善，點知服務依然差，員工無禮貌無耐性，我企响門口無人理自己入去，我禮貌地問洗唔洗拎飛？點知有位員工攤開手對住話我自己坐無人拎咩飛呀。。。我話一位佢就聽左三位，真係無言，味道點已經唔重要但哩種態度已經令我唔會再去了

大埔食咗呢間嘢無數次，食品質數越來越差，員工服務態度又差，點餐冇人理，上餐時間又慢，就連餐任熱O水都話要加2元，食咁多間餐廳從未聽過熱O水要加錢，最重要係食品差，服務差.呢間吾會再光顧

呢間店鋪由細食到大 由以前嘅南風閣轉左宜家都唔識讀嘅polanka😂雖然餐牌上嘅野食都係大同小異 最懷念就係佢個咖哩牛腩飯 咖哩超級濃郁 不過今日比較想食雞 於是叫番個海南雞飯仲加錢要脾 唔知係咪啱啱裝修 連個油飯感覺冇以前咁油🙈有d似白飯好彩食落冇咩差別 至於d雞一樣咁好食 夠嫩滑我中意 個中湯夠哂火喉 好好飲 整體都滿意 我個朋友就叫做個墨西哥雞扒焗飯 雖然唔記得影相 但都焗得幾入味似係蕃茄汁 不過個雞扒似係雪藏 整體黎講 係一間ok嘅餐廳

又裝修完不久，這天經過食下午茶⋯看看餐牌，下午茶選擇頗多,由於未食午餐，便點了干炒豬扒公仔麵，$40，送熱飲，但只限奶茶或咖啡，其他熱飲,如：華田，檸水，都要加$2⋯唔知點解，未見過其他茶餐廳會咁⋯可能這間高級竹少卦⋯唔緊要，我都係想試下呢間奶茶好唔好飲～好快，熱奶茶到了，色澤正常，加了半包糖，飲一啖，咦，無茶味既，非常淡⋯再試下，真係淡，好似溝左水咁，完全失望⋯太差了⋯還以為係呢杯問題，叫佢換一杯，結果一樣，完全唔掂又澀澀地喎⋯⋯有送飲品等於無⋯飲水好過！至於炒公仔麵，麵身硬了少少，油了少少，普普通通⋯真係唔明除左位置方便，有咩可以吸引到咁多人等位呢？服務又差⋯這餐廳沒有下次吧！

今日服務令前,要同自己個肚仔拜下年先LA!!黎到大埔確係唔熟,要搵地方食野都唔係咁易~!咁啱路經呢到,心血來潮想食西餐据下扒, 見冇咩人就入去試下~一入門諗住去個卡位,服務員姐姐見我一袋二袋的,就指示我坐另一邊的位置,見佢咁講,又見到個卡位窄左少少,我唯有坐去另一邊~一坐下服務員就放下水杯,我就慢慢睇餐牌~未決定點菜,有另一服務員姐姐向我說:由於有枱7位客人到來,故想我讓出位置給佢地’拍枱’,提議我去另一個的卡位,…. 我就一袋二袋的走去她想我去的卡位,未坐下又有另一服務員指示我坐去另一張二人枱…行來行去如是這就玩了5分鐘坐下來就看看餐牌,今日想据個扒.就點了份非鉄板上的西冷,服務員哥哥前來建議我可點午餐優惠,一來可以食到西冷,二來又平宜一點,我就接受了他的提議,午餐包有羅宋湯,餐包和熱飲餐包 – 一上手就感覺到的質感,就是喺雪櫃雪左一陣再拎返去焗爐到灯,未灯暖就給人拎上枱了,幸好牛油是軟的,不至太過冰冷…羅宋湯 – 上枱時就是暖暖的~好適合我不能熱飲的人~一入口的感覺就知不是單單用純蔬菜煲出的,似加了一些粟粉令其變得有點淡和更黏稠,比基本的味道啖了少少,可能加多了水和粟粉西冷扒配意粉

服務 : 普通茶記感覺 環境 : 座位同座位之間 好小空間 算迫 枱同枱就隔得幾開 好睇唔好坐衛生 : 地板黑 有垃圾好明顯 連鞋印都睇到 無乜大件垃圾 sit位見到zip左頭髮同垃圾食物 : 好油 好求其其實除左裝修之外 其他都同茶記無乜分別 有扒食 但都只係茶記級數一分錢一分貨啦 價錢同質素成正比