Cafe Polanka

营业中

休息中

今天去了這間餐廳食野，叫了個牛扒飯午餐同豬扒意粉午餐，埋單時個侍應講$119，我比左張$500，諗諗下唔對路，明明$48一個餐另加一，加埋先$106，到找錢時問個侍應咩唔係$106咩，我話明明聽到你話$119，叫佢比張單我睇，佢無單，之後佢話咪話$106囉，找返錢，火都黎，3張$100，3張$20，一個$10銀，一個$5銀，其餘$2銀，數左幾次即係佢收左我地$119啦，之後叫返個收銀黎，攤返堆錢比佢睇，等多佢5分鐘先找返啱嘅錢，當然佢找返比之前更多散銀啦，同頭先一樣，3張$100，3張$20，2個$10銀，一個$5，其餘$2銀，係咪博好多人唔睇單就可以呃人？一檯客呃$13，一日咁多檯你地咪發？做人要有良心，唔該想幫襯的人記得睇單,以免中招

不知所謂！收你60、70一餐晚飯，俾d垃圾一樣既食物你食，餐湯唔熱，葡國雞係超硬全雞胸葡汁無味得個黃字。個所謂的高級阿姐，見你叫餐茶，仲食緊都好啦，問都唔問幫你收晒所有食緊既野，重點係7點幾，門口又無等位，餐廳仲有一大半位無人坐，請問阿姐你急乜野呢？d阿姐唔想做，叫都唔應，埋單找錢個陣，成個餐牌大大力一野棟响你面前，超級無禮貌，擺明唔想撈，亦唔想d客返去再食。佢老細真係唔該哂佢地！其實做得咁辛苦，不如執左佢啦！

德國鹹豬手配薯菜 晚餐$59+1晚餐 附上牛油餐包，餐包沒有翻熱，所以牛油不會溶，如翻焗會好吃些，餐湯是粟米忌廉湯，鹹度適中，正常忌廉湯，不過不失。是次選擇了黑椒汁 配薯菜，主菜送到來，看見豬手是紅色，心想，不是吧，染了色，本人最怕染色食物，看見也不想吃，但又不能完全不吃，於是用刀切了一口試試，發覺豬手本身不是很鹹，應該是炆制的，而且很淋，皮肉之間沒有多餘脂肪，紅色應該是來自南乳，但沒有很濃的南乳味，應該是用來上色，試想像如吃德國豬手有南乳味會有多怪？味道主要是來自黑椒汁的，黑椒汁微辣，個人認為這個中式做法也可接受，配上薯條和椰菜，份量很足，中式做法配上中式碟，幾有趣，可能是暗示這是中式做法的德國鹹豬手。

今日臨時興起好想食以前「南風閣」的咖哩，現在的polaka~馬上約埋朋友用餐，8點的晚餐時段生意都幾好，得番兩三張枱，侍應好快帶我地坐低，如是者點左咖哩豬肉片飯（menu上沒有的），熟客先知道的秘密餐點咖哩豬肉片配油飯，咖哩汁還是很香，裡面放了洋蔥很鮮甜，豬肉片軟軟的吸收咖哩汁，不會像牛肉和雞肉那樣搶走咖哩的味道，豬肉片配咖哩起來超夾～可惜是油飯太乾硬（以前很好吃⋯）。串燒雞肉沙嗲，有雪藏怪味，感覺非常不新鮮，而且醃肉的香料味道很怪，總之係食到想嘔～現今的Polaka水準麻麻～不過佢既咖哩的確還是保留兒時的味道～❤️️Ps. 生意其實都非常好，8點多差不多也滿坐～

剛買完東西，已經是食晚飯的時間，於是去了旁邊的餐廳食飯。一個人食飯，簡簡單單就可以了，我點了一個墨西哥焗雞排飯餐。餐是連餐包，一碗湯跟主菜和飲品。羅宋湯和包不消一會就來了，羅宋湯幾足料，而且飲落幾重番茄味，同埋唔會太辣和鹹。個包系普通餐包，挺熱的配上冷冰冰的牛油，幾正。之後個焗飯都黎到，個飯既份量好大，我也吃不完。個飯都幾惹味，個汁唔錯，而且個焗飯系炒飯底，仲炒得幾好。甘個雞排跟其他餐廳沒大分別，煎得不錯，沒有過火。總括而言，間餐廳都幾好，價錢都幾合理。

居住大埔已經有廿多年，這餐廳質素每每下降，所以想同各位分享我和老爹點了白汁海鮮焗意粉和焗葡國雞飯…等了廿多分鐘換來多吐糟的一餐…海鮮給我素帶子…媽啊!素帶子，魚柳，蟹柳，這是什麼鬼東西????$60沒有飲品的特別推介晚餐!!真的很失望!!!!!爸爸氣得叫我快吃快走…所以沒有拍照…至於我的焗葡國雞飯…比老爹還好…只是薯仔還是生的…怎破也破不開…雞是冰鮮雞…尚有點點肉味，要在一頓晚餐找食物的味道，想想也感到多悲哀…最後我們還是單點了一杯凍檸茶…埋單數目嚇人得可怕!一杯單點凍飲要$30...價錢與質素不成正比…我後悔沒去對面街口吃同等價錢的X華餐廳…大家去之前要三思!!!!!

先說食物方面，星期六與太太中午點了2個扒餐，1飯1意粉，整體來說，食物質素以百幾蚊來說其實算不錯，有飯有湯有飲品，特別係意粉，好有質感，吾會太林，又有少少蕃茄汁，比一般餐廳清水烚意粉，我覺得係用心，不過伴碟既薯條就好大油益味，牛扒就醃得太林，感覺似用梳打粉拿得太耐，完全無哂牛肉味，又太林，而最需要改善係白飯，感覺粗鞋，不知係煲既過程出現咩問題，還是用了劣質米，無飯味，每粒米係好碎，且吾夠熱，可知一餐飯，白飯係最直接影響整個餐既口感同印象，最後連我這種飯桶都忍吾住食剩好多而餐廳既服務態度就相當參差，部分年紀較大的姐姐較惡劣，點菜時，顯得不耐煩咁樣，記得當日埋單時請求要泊車優惠，卻好惡劣回應:無呀！個個都係食你果張單啦！語氣係鬧緊人，擺明趕客咁樣，相反，年青果幾位就很有禮貌同勤快，跟單落單傳菜執野都好落力，值得比個like:-)

今日放工，同事介紹去食。果時大約係3點，可以叫午餐或下午茶餐。門口有吾少人排隊，但我地得2個人，可以即刻入座^__^午餐大約$50~$70，有飯/意粉等等。而下午茶餐大部分都無飯/意粉，但同樣有餐包。我地2個女仔，當然叫左下午茶餐，因為$40~50，有齊餐包，湯，主食同埋飲品。一落左單，湯好快就到左，仲熱辣辣~我飲紅湯，湯汁質地比較濃，似番茄湯，味道濃左少少，菜吾多(我鐘意多菜嘅)。湯飲到一半，杯熱奶茶又好快到左。吾大杯。飲完湯，食左一半雞+沙律，飲奶茶時已經吾熱奶茶茶味吾出，奶味蓋過左，似普通啲即沖奶茶粉。雞沙律中啲雞肉吾多，但肉質好正。雞皮睇落好吸引，但我吾食，因為吾健康~雖然雞肉份量吾多，但沙律好足夠~!材料仲好新鮮~!青瓜好爽脆，薯仔粒好薯，仲有紅羅白，蘋果。我仲食到2~3粒菠蘿同2粒棷果~ 哈哈。同事叫左德國咸豬手，分左1/3俾我。吾咸，保留左豬肉啲肉質同味道。雖然有一大片豬皮，但一D都吾肥膩。我仲食晒^0^配啲黑椒汁，特顯出豬手啲甜味同肉汁，好正。當我地食到大約4 點，門口仲有人排隊~証明間餐廳好受歡迎^_^同事無介紹錯~

老婆待產請假陪佢，嚟整個下午茶，叫咗星洲炒米，免治牛肉飯，西多，熱檸茶，凍奶茶。樣樣都幾好，星洲炒米唔太辣但好有味，免治牛飯就好難唔好食嘅，西多非常GOOD, 唯獨個奶茶無乜茶味。

好耐以前已經食過呢度嘅晚餐，真係好唔掂，加上睇到佢嘅惡劣食評，就更加唔想嚟...上星期因為要拎泊車優惠，所以喺下午茶時間再次入嚟食嘢。價錢唔係貴，叫咗2個即炒中式粉麵，又幾好喎！今曰又再嚟食下午茶，叫咗2個餐。1. 炒貴刁$30/餐，凍飲加$4 *即叫即炒，好有鑊氣， 熱辣辣，材料唔算豐富，但幾好味道，份量仲好多。2. 粟米牛脷意粉$29/餐 *意粉應該係叮熱，仲叮到好熱，粟米汁調得稍杰，但牛脷好淋好好味，完全冇騷味，咁嘅價錢，又0K喎！*呢度全日都有加一

之前成日見呢度排晒長龍, 以為好好食, 問過朋友話好耐之前黎過, 話呢度D豬手好得, 點知都係唔掂... 德國咸豬手餐 - 呢舊豬手, 邊忽似德國呢?  根本就係白恰豬手加熒光汁... 冇味冇特別, 同茶餐廳既快餐有咩分別呢? 响超巿果D 即食咸豬手仲好食過佢, 如果佢收40蚊, 我ok... 但佢收緊80-90蚊一個餐, 用隻膠碟上枱都算喇, d 配菜仲要係凍冰冰既... 完全唔掂... 呢一世冇下次!!!!

大埔中心近冒險樂園的港式豉油西餐廳，相信也有不少大埔的老街坊，老同學都去過吧。當時的平靚正忌廉湯、羅宋湯，及發脹的意粉，完全是童年回憶。事隔多年，大埔中心已易名大埔超級城，歡樂天地已成為冒險樂園，戲院沒了，吉之島也變成一田，就連樓下的敦煌酒樓也易名多次成為現在的迎囍了。10多年的時間，間隔依舊但人面鋪面全非。我現在要評價的，也同樣地受不起時代的變遷，這一家豉油西餐廳，早已易名，易名過多少次已經不記得了，只知道，現在的 Cafe Polanka，依舊畫葫蘆，依然提供傳統的港式豉油西餐，這一夜，獨自在大埔等內子，就獨自一人，看看能不能回味到小時的味道。一入門口就看中了晚市的扒餐，而時間有限，我也急不及待地，一坐下就選點了一個西冷扒飯，配上蒜蓉汁。這是晚市的一個套餐，一切也由湯同麵包開始，麵包，一看就知道這不是新鮮的麵包，凍的麵包，入口感覺鬆散，細心感受一下，這是超市的不知年包裝麵包，絕非新鮮出品。湯，幸好不是用湯粉開出的，不過此忌廉湯就欠缺了少少濃度，味道不足夠，一定要多放胡椒粉，才香。西式扒飯，充溢著一層又厚又濃的蒜蓉汁，這時，感覺有少少後悔為何不加點錢，乾脆要一個鐵板餐，多$20而已。

評分：4/10上次已領教過一次冇咩海鮮既海鮮炒飯，不過媽子鍾意食，冇計，去食多次啦，話唔定有改善呢！服務唔合格 首先自己六點半去度，「唔該兩位」回：「埋邊有架喇！」然後叫我自己入，ok既，咁我真係見到唔少位，坐落卡位，上檯既杯碟未有人執，之但係我等多三幾分鐘我算喇…Waitresses們好似淨係識得落單同傾偈，一於自己執，我爭在未自己用紙巾抹檯，之後佢終於肯黎收凍飲加4蚊？！佢服務唔得但係收加一，然後凍飲要加四蚊？眼見鄰桌凍飲又唔係話大杯，冰又唔少…其他餐廳最多都係加3蚊，當然你可以話1蚊就咪咁孤寒，但係唔值就係唔值吧…比較靚既碟頭飯 :/套餐跟餐包、西湯、熱飲，若果比起銀龍太興，佢價錢算正常，但諗深一層，佢其實同茶記碟頭飯分別唔大，仲少左塊火腿或者腸蛋！餐包夠熱值得欣賞，紅湯唔會太稀亦都有唔少雜菜，兩者成為整餐飯最可取之處；上為媽子的「黑椒豬扒配薯菜」($5x)，下為洋蔥雞扒配白飯($5x)，肉質雖不嫩但可以接受；我當然冇叫要加4蚊既凍飲，但係熱奶茶…望都望得出唔夠奶，茶亦太稀，聞落冇咩味，飲落可放棄。溫馨提示：對服務冇要求而對野食亦冇咩要求又想鋸下扒既人，呢間餐廳岩晒你，希望你俾加

點左西冷牛扒飯定（$ 62）、豬扒司華力腸意粉（$ 61）、元貝炒飯（$ 5X）、。 首先係個西冷牛扒，係燒烤食o既牛扒黎o既……好薄…… 另外個豬扒肉質同味道都ok，但係d 意粉條條都唔過10cm，我無叫碎上喎…… 唯一係個炒飯都幾好味。以lee 價錢再加一，點計都係唔合格……我去連鎖店50 蚊食個鐵板好過啦！

叫咗1個德國鹹豬手+1個牛扒，牛扒冇問幾成熟，來到時10成熟，冇乜牛味。德國鹹豬手絕對不是德國鹹豬手！煮法不是，醬汁不是，味道不是，也冇德國酸菜，100%不是德國鹹豬手。侍應多數係嬸嬸，態度好“直接”，行路沖沖撞撞，上餐好大力，差在冇離遠拋！其他嘢都冇乜問題了。