Cafeholic (已結業)

觀塘工作一年都去十次八次Lunch, 今晚帶太太第一次試Dinner, 老婆好想据扒, 而六個set得一set有牛扒咁佢叫$178 西冷拼大蝦, 我叫$168春雞等左5分鐘, 女侍應過來話無西冷, 轉肉眼得唔得, 我太太話無所謂, 説完ok她再説, 都無蝦, 咁我話蝦都無? 之後後面有位男仕行過來, 話肉眼貴過西冷, 所以要扣起隻蝦, 我正頭呆左, 唔係嘛, 入餐廳唔講, 叫餐唔講, 叫我們轉肉眼後再説扣隻蝦???我都唔想好似乞兒咁乞番隻蝦, 即刻同太太起身走, 男仕一句sorry都唔講咁既態度, 在觀塘工業區想做晩市??? 怪不得成間餐廳得兩枱客.....

早上來到唔多客人，簡單叫左個早餐set,另加$10要多個湯長通粉，連野飲total $45, 價錢係該區算中上.起初係因為裝潢靚而入去，入到去都坐得舒服。食物算好食....$10加的長通粉好細碗，但係咸到離晒譜，食一啖都知出事，我飲左2杯水都頂唔順，很重味精.侍應冇咩禮貌可言，自己揾位（除非你開口問佢），找錢望都唔望你，多謝都冇聲.最經典係個客一走就罵個客，有個旅客入黎冇幫襯淨係問野，走左之後又係比人罵.

過開觀塘做嘢，見到一間餐廳門口個裝修唔錯就走過去試吓。個日唔趕時間就入到去點了一個雞肉意粉同一杯cappuccino 嘆下咖啡叉叉電。個雞肉意粉有香濃嘅蕃茄味加上番茄肉同埋軟林林嘅雞肉仲有少量嘅芝士。真係食唔停口。值得一讚嘅係o果汁做得唔錯.至於cappuccino,做到我對咖啡嘅要求，三份一泡沫三份二咖啡，加上唔會太苦澀牛奶好香滑。雖然環境唔錯但係唯一就係交通唔方便一定要揸車過去。除此之外一切滿意。

二零一七年五月十三日星期六下午五時五十五分達到了餐廳及即時落單。叫了一個下午茶餐＂香焗比利時窩夫＂及加二十元升及至一杯拿鐡，當時餐廳只有三四枱客人，不久拿鐡到了，杯子很美，可惜味道實在是很差勁！好似快餐店的勁苦Americano！之後等了十五分鐘，叫服務員看看窩夫有否落單，她說要烤焗，之後她問完㕏房之後說要兩分鐘，等了二三分鐘後窩夫到了！入口後不覺＂香焗＂只覺＂冰涷＂！立即明白為何沒有給我牛油，即時叫服務員Cancel order。從此以後我也不會到此品牌的餐廳！

行過發現有新野，即刻同同事拎飛試下。叫左個明太子意粉，79蚊包杯野飲，係觀塘算係正常價。意粉就揀扁嘅，都幾好食唔會太淋，明太子都落得幾多所以食落條條意粉都有沾到。同事叫左蟹肉長通粉，話好食但份量有d細。另外仲有個吉列蝦，都幾香口，大大件咁，算幾抵食。跟餐杯咖啡都唔差，對得住cafe呢個名。可能新開所以比較混亂，要注意午市一定要等位架啦因爲間舖比較細。佢仲有lemon water offer, 都算幾好。下次可以試試其他

係門口 等位時，都已經係態度咁差， 佢覺得好多人幫襯，我地人數臨時加多一位，佢都要你分枱坐，話唔可以咁， 或者你再等過位安排，咁我地咪分枱坐囉，你咁樣講法食物質素一般， 但服務態度超差， 佢收加一冇問題， 但態度唔係真係差， 咁就唔好收加一服務費啦，都冇服務既送食物來時， 我地都會講一聲「唔該」但佢地到埋單時，連「多謝」都唔會講， 咁既服務態度，都冇下次啦、 lunch 價錢又唔係平

可能因為係下午茶時間，感覺環境都非常清靜。黑椒同鹽用料都唔算馬虎有支裝水同餐紙免費提供忌廉茄醬芝士雞肉意粉，茄醬唔算甜，芝士味唔係好重，雞肉都是淋身。加左個餐湯，味道有啲喊

Our colleague mention this resturant is with a long queue whenever she passes by. Thus, we decided to come over. The interior looks well decorated. We found the lunch set was more reasonably priced which included 1 hot drinks. Well, the soup or special drinks like latte will be served by paying $10 more. I took the pasta with spicy clams and its taste is alright. It has enough clams to make you feel full.My friends ordered the carbonara spaghetti with bacons. Their comments are average too

又係我觀塘繼續搵好嘢食今日心情麻麻，好想食all day，同事食開個間竟然無開。四圍搵，同事朋友介紹左呢間😁😁都多人排隊，我地6個就更加要等。諗住叫定都唔得住，坐入去地下有未處理嘅玻璃碎，係無人諗住理佢地😅我地有人叫lunch set，我就叫左all day，普通左啲，亦唔係特別好食，炒蛋腸仔就正常，煙肉太硬同咸左啲，感覺成個麻麻。偷食左同事嘅意粉，落胡椒粉稍微好味啲，尚正常，唔算特別好飲。聽說發哥喜歡呢間，大家可以撞一撞運氣㗎

之前已經試過早餐, 今日終於試午餐, 不過要排隊等位門口好多人, 2人枱都要等4張, 其他只係3位4位多, 今日個餐最吸引我既係呢兩款, 雜菌忌廉長通粉, 明太子海鮮扁意粉, 午巿餐牌只有4款揀, 其中只得一款係飯, 價錢由50幾蚊起至70幾蚊, 另外仲要加一服, 食物上枱時間都算快, 落單後大概10分鐘左右就有得食明太子海鮮扁意粉 - 意粉可以揀普通意粉或扁意粉, 賣相都不錯, 明太子份量都好多, 每條扁意粉都撈到明太子汁, 蝦夠新鮮爽口, 魷魚軟熟, 整體呢碟意粉真係不錯, 味道其實偏濃, 但幾好食雜菌忌廉長通粉 - 賣相可以, 雜菌即係菇類份量都好多, 仲有少許煙肉喺面, 忌廉汁好多而濃郁, 味道不錯, 完全有飽肚感覺凍檸茶 - 賣相可以, 但唔知係茶底偏濃定檸檬唔夠新鮮, 味道真係唔多掂總結 : 是日午餐非常滿意, 唯獨凍檸茶失色

［Tea time］黎緊聖誕之際，搵友人一齊食個tea，等佢地可以趁機系工作中放鬆一下。尼間cafe友人介紹，剛開不久。店很易找，而且門面已經吸引到人。行到入去，會見到左手邊幅牆好清新自然，因白色的大字店名配綠地牆，令人望落是舒服的。餐牌都好整潔，而且系觀塘區，價錢可以接受我們一行四人，點了T2、T7、T8*2～環境不錯，可以靜靜地聊天。友人們點左凍檸茶同凍檸水，無咩特別自己點左杯Iced Mocha，不錯T8 卡邦尼煙肉忌廉扁意粉：忌廉的味道剛好，意粉也不會痴埋一齊，汁也剛好，而且份量感覺與午餐份量那麼足T7 忌廉茄醬芝士雞肉意粉：賣相可以，味道也恰好， 意粉也沒有太軟，可以一試。T2 香蕉朱古香焗比利時窩夫：賣相已經吸引朱古力雪糕慢融在熱窩夫上，那份質感比想像中好，加上香蕉淡淡的味道，可以與朱古力的甜味調和，值得推薦今次的cafe 一敘有收穫食飽繼續工作

公司樓下開左間新CAFE 一段時間..趁今日老友生日..同佢黎食個BIRTHDAY LUNCH!我地12:50左右去到, 已經要開始等位..等左10分鐘左右有位了..同一般CAFE一樣, 有幾個餐比人選擇~我就簡左個咖哩豬扒配雞肉腸咖哩既味道還可以, 但豬扒炸得過熟肉質非常硬, 唔好食..雞肉腸亦無乜味道反而配菜.. 煮得幾腍幾入味, 不錯黑松露海鮮意粉睇隔離枱賣相好好一上到黎我地枱就發覺.. 點解同人地個碟好似咁多分別味道一般...海鮮亦唔係話好新解飲品賣相好美,但味道亦一般最後, 叫左個cheese cake 送比朋友.做生日cake..味道亦係好一般...無咩芝士味..

服務態度......差差差😠😠😠😠星期日及公眾假期又唔開，揾嗰平日去食早餐，坐落十分鐘都唔理，叫女經理落單，又比面色人睇，話一陣，結果又去執其他檯，又唔係full house，係咪咁忙，結果再等五分鐘都唔落單，走人。同嗰客落咗單，廚房可以做嘢先，之後執其他檯，客又唔等咁耐，嗰客又唔會走。

之前經過有新餐廳裝修緊，都好期待，所以約埋同事過左黎試😁我地一行5人，4個叫牛肉飯，1個叫黑松露珍珠帶子海鮮意粉。我地4個個牛肉飯竟然唔熱，雖然未至於凍，但感覺唔良好，牛肉都煮得幾林的，但唔熱扣晒分了！另外個個黑松露珍珠帶子海鮮意粉就熱既。我終於知咩係珍珠帶子勒，即係珍珠咁大粒既帶子！味道ok,但黑松露味唔濃......

Lunch 時間 行過見呢間Cafe新開又好多人排緊隊 所以就試一試對比起區內其他Cafe 呢間價錢較平平均$70 左右一個Set 對比起其他區內閒閒地都要成百蚊上落Cafe  難怪咁多人豬扒飯個飯幾夠味個豬就唔算太嫩 但又唔會好差 普普通通原本以為薯菜係跟薯條 原來只係跟普通菜呢個飯都有6-7 分另一個黑松露意粉唔錯黑松露味道好夠  但配料太少不過唔會話好驚喜食物質素正常同區內其他Cafe比較食物價錢較平飲品只包普通奶茶咖茶 如飲特選咖啡要補差價$10-$20 不等主打Cafe 的餐廳咖啡亦未見好出色不過呢間Cafe 近公司 應該會再黎