影片
招牌菜
哩日喺附近行街，本来想去果间餐厅又距离几远下，行到攰攰地又饿饿地，所以就求其喺附近揾左哩间医左肚先！烟三文鱼蕃茄汁意大利面… 茄汁味道香浓丰层次感，意粉煮得刚好有少少al dente,烟三文鱼就细块左少少，但份量足！ 芝士海鲜焗饭… 其实本身系想要焗猪排饭，但个侍应落错单黎到又发现哩个有咁多芝士好似几好食咁，冇谓再等所以就照食啦… d芝士密密铺满成个面！ 多到连d海鲜都争d睇唔到😂😂 份量拍得住意蚝屋嫁… 海鲜有青口、大虾、鱼件、鱿鱼 虽然味道冇乜特别 但我个焦点已经去左d芝士度喇😆拉拉拉芝士😝芝士野菌焗软包…咁岩遇到下午茶餐时间有得食😁芝士量同样好多！啖啖都系咁拉丝❤ 法包焗得香脆，加埋juicy野菌真系好正嫁！榛子鲜奶咖啡… 榛子同咖啡味道平衡，但甜味有d over... 但个拉花真系整得唔错，饮到落底都仍然keep住个心心形😍
继续阅读
Lunch未试过呢间见无咩人有位就同同事试下. 服务还不错, 叫亲店员都会有反应. 呢个系抵赞.六个人, 叫左三个猪扒焗饭. 一个三文鱼沙律, 一个意大利饭及一个意粉. 先来饮品. 咖啡无咩味, 好似饮紧奶=.=橙汁淡而无味.以为饮忌廉餐汤一定无衰. 点知黎到居然系暖, 唔够热, 无咩料好一般. 相比起某d茶餐厅可能比佢重多几粒粟米.食品: 先黎个意大利饭, 卖相同味道算不错. 份量就刚刚好for一个女仔, 男的就惊唔够饱.三文鱼沙律有三块三文鱼. 不过不失. 其实沙律都好少话会失败. 至于同事叫的焗饭, 等左好耐, 头两碟可能焗耐左, 个面的芝士焗得十分之硬. 同事用叉叉左好耐先可以抺开, 完全已经失去焗芝士的软熟.因为焗得过火得济, 饭都比较硬. 而另一个同事的焗饭稍后上, 佢的焗得刚刚好.真系好睇你好唔好彩.虽然呢餐未至于好满意. 有待改善, 尤其系个汤. 其实整热d应该唔难. 希望下次有机会再黎唔好再令我地失望.
继续阅读
同BB系山顶行完山之后, 就搭车落山食晚饭啦途经湾仔, 就系湾仔落车啦, BB就话不如上食KENON啦, 佢以前湾仔返工都会去这间食, 上到去, 好少人, 大约3枱左右, 初头觉得应吾应该入呢?! (怕中伏)BB话中午好多人食, 唔使太惊, 所以就入啦BB大爱鱿鱼, 所以选左橄榄油鱿鱼意粉, 鱿鱼几弹牙, 但黑椒太多, 变得太辣, 如果无咁辣既话会几好食, 但而家都唔差既另一个系茄汁海鲜意粉, 海虾够大只, 口感好实在, 吾松散, 一百蚊都吾使几实几抵, 但如果用橄榄油的话, 我觉得更加好, (可能我偏爱橄榄油啦)今餐吾贵, 每人AROUND100啦, 食物质素唔差, 但奇怪在咁冷清, 我地走果阵圤净一枱, 包晒场咁, 可能正如BB话斋, 多人去食午餐啦
继续阅读
约了两个久未见面的朋友食晚饭，看到这间餐厅无什么客人，以为只是时间尚早，未有人客所致，加上看它的装修的确不错，静静地，倾偈一流，便进去一试。Waiter放低了menu就走开，继续和其他同事闲聊。全餐厅就只有我们一枱客，但waiter 都没有招呼我们，也没有主动拿茶水或帮我们落单，直至我们叫才会。我们叫了两个餐，一客辣鱿鱼和一客鸡翼，总括只得一个字: 咸！咸！咸！如果只讲卖相，都算OK, 但辣鱿鱼却只食到tabasco的辣味，而且超辣，我本身是很吃得辣的，对辣都有点要求，最怕人乱用辣而把其他味道和食才都浪费了；而其余两个餐和鸡翼，就只是得个咸字。后来我明白为何这餐厅无太多客人，可能真的和它的食物素质和服务态度有关。所以别人常说："多人排队的餐厅才好帮衬" 这话真有道理。
继续阅读
店名：Caffe Kenon & Bistro地址：湾仔庄士敦道181号大有广场2楼208-209号好味指数:6.5/10价钱：$68烟三文鱼三文治配热咖啡三文治与配料之间没有酱汁，感觉很dry。咖啡味道一般。
继续阅读