California Pizza Kitchen (已結業)

今日中午黎銅鑼灣依間California Pizza Kitchen食, 叫左幾樣未食過既菜, 有蝦卷, Waldorf沙律, 芝士菠菜薄餅同Brownie. 當然加上可以refill既可樂.蝦卷: 味道幾得意, 有d似越南菜既生菜包.Waldorf沙律: 我幾鐘意係d菜中有d合桃, 依個配搭幾好.芝士菠菜薄餅: 好香芝士味. 如果你鐘意食芝士, 一定會鐘意. 有機會我會再食.Browine: 做得唔錯, 朱古力cake做得幾濃味, 係嫌少少太甜.今次兩個人, 每人食左$150到.我個blog度有d相睇.http://klcchung.blogspot.com/2007/08/califonia-pizza-kitchen.html

案發時間: 2005年8月25日晚上九時PIZZA 幾好食, 試過三款PASTA就OK啦, 肉醬意粉就麻麻地。不過,如果好著重SERVICES的人,就要諗諗...叫佢地埋黎SERVE你之餘, 要睇佢地臉色。Waitress和經理態度十分差, 黑口黑面之餘(特別是個女經理),個WAITRESS 話我地架""孖仔車""左住佢地做生意。佢地似乎好唔鐘意bb和小朋友, 但佢地無諗點解決, 想唔理咁,小朋友都係人, 小朋友都係你的客人,小朋友都要有個坐位! 呢間餐廳我會放入bad list。還有,佢地會直到你叫埋飲品先會比杯水你...起初還以為無水,所以每個人一定要Order一杯$25/杯的飲品(是我多心還是怎麼呢, 這個手法好像迫客人點飲品)

同朋友慶祝..黎左試下=3="等位都幾快下..雖然無得坐卡位但都幾舒服!!叫左一個Mushroom Pepperoni Sausage Pizza 同一個Chicken Caesar..*相當唔錯...好大份!!汽水佢仲會係咁幫你Refill..呢個真係令我意想不到!!平時出去食飯可能人地水都費事幫你加囉]]下次想試埋D NEAPOLITAN PIZZAS..佢寫住比較薄AND脆..下次一定要試=3="very nice...*

之前都係Openrice見過有關CPK的食評, 但係一直都冇食過, 今次Openrice send o左張$50coupon比我, 當然要食la~~~一o黎一定要有pizza, 叫了比較特別的牛油果烤雞pizza, 因為都見到有好多好評, 友人又唔想食薄的米蘭Pizza. 依個pizza都幾ok, 因為佢好fresh, 有好多沙津菜同牛油果係面, 平衡番pizza的油膩, 但可惜好少雞, 友人直情問有雞咩? 重要係好乾的. 冇咩芝士, 我都係愛pizza hut超多芝士, haha~~另外食意大利雲吞with蕃茄汁, 個餡好得, 蘑菇味好香, 但皮邊有dd硬, 但配蕃茄汁係明智的, 夠酸, 好fresh.不過真係有d貴, 我會prefer pizza hut因為個批夠厚又香芝士, 可能我叫錯o左la, or我係唔配食正宗的pizza.

(27/6/07)與家人&婆婆的晚餐。book左四位7:00,改六位7:30,留枱10分鐘。報到姓氏,接待說,六位..你book左7:00咕喎,我心諗,改左六位就知;改左7:30又無mark!雖然飲品有得re-fill,但大家都想飲水,同侍應講要晒熱水,竟然來一千零一杯熱水!?咁其他呢!?服務態度又差,侍應們個個都沒精打彩,講野又細聲,都唔知講乜。講番食物:墨西哥粟米湯,香草味太勁,少許辣。大蒜薯茸忌廉湯,較合口味,兩者杰得如粥。華爾道夫雞肉沙律(全份),好大碟o下,用醋撈,葡萄、青蘋果、合桃,整體較淡。California Club Pizza,大量生菜絲沙律鋪面,仲有牛油果,又凍又熱的pizza,口感怪怪。墨西哥特色雞肉菠菜闊麵,香草忌廉汁味道/埋得都唔錯,係有點"溜"。比素香葉鮮蕃茄汁意大利粉,意粉煮得恰度好,茄味亦濃。我咁"耗"嘗不同味道的人,也覺得這裡太西人口味,不太大眾化,最重要service唔得,九點幾仍不少人等位。

差唔多次次去都一定會食....一句講哂..正(如果你鍾意食脆口嘢....另外Avocado Club Egg Rolls 都好好味..(雖然我唔鍾意食牛油果)

上次在尖咀CPK食得太開心,今次為外地朋友餞行再諗到CPK,不過地點改為銅鑼灣店。環境的確唔夠尖沙咀好,單單個海景已經靚好多,幸好被安排在係店中角落,所以大家柴娃娃都OK。BBQ雞沙律:大量新鮮生菜加上豆、粟米...混上芝士,味道清新,再加上卜卜脆,口感好正!作為頭盤之一,真係夠晒開胃。spinach artichoke dip:呢個唔點唔得!!實在太好味!!芝士汁味道仍然香濃又夠熱,菠菜絲都夠多,不過份量似乎比尖咀少。牛油果烤雞肉薄餅:餅底夠脆,牛油果夠熟夠多;中間有唔少生菜絲、蕃茄,雖然有Mozzarella cheese都唔覺得漏,不過味道比較清淡,唔鐘意濃味朋友會幾適合。西西里薄餅:餅底係厚批,同其他pizza有別。而且呢款會焗得較焦,味道會較濃。因為有香腸及2款芝士在內,所以食落較油膩但又較香口,兩款pizza各有特色。泰式雞肉幼麵:繼泰菜之後,再黎一次泰式幼麵。味道好重花生味但較油;幼麵似扁意粉多d,口感的確唔錯,加上雞肉,又係惹味之選。xx海鮮幼麵:以為泰式好食,點知呢個更加惹味!!因為個辣辣醬汁關係,成碟幼麵味道好搶,食左一隻爽口蝦,兩者比較之下,個人覺得呢個好食d。h

我是12月份下午去的, waitress有點黑口黑面, 我老細話夜晚唔係禁喎! 食品ok啦! 無咩特別好食! 價錢偏少少貴啦!

踏入餐廳時....見到頗多外國人...環境都okay.....我地十一人一家大小叫了多個粉麵/薄餅/沙律......食物都不錯....唯獨個長髮男侍應服務態度麻麻....落單時無耐性..........超趕急...個d 炸卷有lung 味/凍檸茶無味...就算有添飲都不用客氣了

今日去呢間試... 諗住美式大大碟,哂一大班人share同gathering.打去book位同門口個reception姐姐都ok有禮貌喎...個環境又ok,諗住呢間應該會唔錯啦,叫食果陣就發現問題所在啦...一個長髮哥仔埋落order,好似好好好趕咁...我都未講完哂我想order既(因為好多人食,所以有好多要order),佢已經急不及待要repeat我既order. 仲要係用超快既速度講... 我根本回應唔切...佢已經問:仲有無其他?...有無奈... 過大概十五分鐘,我地想加單,諗住隨便舉起手叫人就可以啦,點知叫個好有禮貌既姐姐埋,講唔夠兩句,之前長髮哥仔又衝埋話要佢落返單... 唉.. 是但啦... 同樣地佢又係"神速"咁幫我地落order...最嬲果樣係我地叫一個兒童餐,本來兒童餐只包pasta/pizza同一杯drink,我地睇menu果時睇錯,以為2樣都會有...咁我就照order啦.點知個長髮哥仔一路都無同我講只係包一樣食品,仲同我講:好!到我地追點解兒童餐個pizza仲未到既時候,佢先同我地講:個餐只係包pasta OR pizza是但一種咋喎!eeee ...真係俾

3.23 (thur) dinner. 7:30pm唔駛等食物真係正! 我好少讚美國菜, 一定會再黎1) BBQ chicken pizza - 叫呢個最traditional o既pizza. 好正, 6 slices 每人每件, 汁好得, 雞冇雪味, 幾彈2) 雞肉菠菜闊麵- 好特別, 有芝士得黎又有少少spicy!3) chocolate banana royale cake - 因為我勁想食朱古力product, 所以叫呢個dessert, 原本都驚banana 會destroy 整個cake, 但d banana sauce/cream又幾香! 而且點都有好重朱古力味!! 我食左三分二, 食完勁full4) 烤包- 幾香, 唔會太cheese(又係cheese), 加tomato cubes 後唔會咁乾, 唔錯, 但想食o既話可以去惠康la rose買, 味道差唔多, 而且價錢只係1/4 無限次refill iced tea…其實唔係好事, 飲到成肚水至於service…個個都…1)我同fd等入去之前個waitress 問我地前面o個兩位有冇book 檯, 佢地話冇, 之後個

唔想去食d呃錢情人節套餐，於是book左9點來食。因為海港城o個間full 左booking,同男朋友就book左尼間。雖然無海景睇，但環境也不俗，勝左夠大，坐得唔逼好舒服。個pizza一到，好似有兩舊雪糕o係面，其實係牛油果醬同sour cream，好特別，幾清新，幾好味~ ($78)蒜香忌廉闊條面(配chicken)，芝士唔夠香。($7x)waiter 不斷refill 我們的iced lemon tea ($25)，好抵飲~即使再飽，都要叫多個chocolate cake dessert ($5x)。雪糕好味，但個cake太硬了...最後食唔哂不過總括泥講，呢餐都好滿意~~~~~~~THANK YOU HONEY~

年初三和老公, 囝囝去開飯~~ 失望的pizza, 難食的闊面and 不新鮮的沙律~~~ 完完全全不會再去幫襯.

今日1月12日(五)9:30點左右食,今日先至得閒寫...入到去見到差不多滿座不過依然有位,環境都幾嘈,一家大細又有,痴男怨女都有,成間餐廳都聞到香噴噴0既味道,呢0的應該係芝士同pizza0既功勞,越睇menu就越想快0的有得食,狂吞口水,2個人食唔到多0野,結果只係要左一個pizza + 一個pasta......既然來到Pizza專門店,梗係要意大利傳統薄餅啦,所以揀左Neapolitan pizza,貪佢夠薄,唔會滯,終於叫左Sicilian,好多肉腸,好多芝士,餡料都幾豐富,加埋chilli sauce就最好食pasta方面就要左個Chicken Tequila Fettuccine,雖然個pasta無乜雞肉,不過佢個醬汁就最好味,同菠菜麵好夾,食落去好rich.另外飲左2杯紅酒,飽上加飽!侍應招呼ok,收碟快!埋單$292,會再去

之前o係LA 食過...唸住試香港CPK....亦係因為銅纙灣周圍都冇位...peking duck pizza--完全唔得 冇鴨肉kung pao shrimp sphagetti--辣味夠,但蝦超級細隻!service 麻麻,一般lah...