Canteen

营业中

休息中

Waiting staff was absolute garbage. Rude and ill-mannered. Did not know how to use the octopus machine. Kept rubbing my phone with the restaurant phone. Removing the phone when the transfer signal was incomplete. I heard a large "beep" and it charged me for a pint of Suntory on my octopus card. Yet, she still refused to give it to me because it did not show on their octopus transaction history. Yet, on my phone, it clearly read that I was charged at the exact same minute (time stamped).Fine. Wha

今日內地有同事落嚟香港visit 我地香港office 。咁咁難得佢哋嚟到我地一定要帶佢哋食啲好嘢啦😆Search 左search我公司附近呢一間西餐選擇都幾多嘅味道又好似唔錯。見佢地中菜食得多咁今次就帶佢地黎食下西餐啦😌Lunch set包一個餐湯或者沙律，主菜連一杯嘢飲，我就叫咗個墨魚意大利飯，同事就叫咗呢個牛扒。啲餐湯幾好飲，不過太肚餓所以唔記得影😅墨魚意大利飯可以揀近意大利飯或者意粉我就揀咗好飯。飯感覺上更match😁佢係原隻墨魚上嘅，所以望落去呢份量都幾多。牛扒同事都話個味道唔錯，整體呢都係符合預期嘅百零蚊一餐喺上環有呢個質素，我覺得真係非常之好👍🏻

今次朋友帶路去。地方唔算大，環境昏暗，有點似酒吧feel。午餐時間座無虛席。以午餐來說，價錢不是特別平。前菜，湯或者沙律。沙律不多，細細碟。湯，普通。厚切帶骨黑毛豬扒 $168，大大塊，很厚身。不過熟了一點，令到肉質比鞋。薯角好味。烤紐西蘭羊架$198有三件。都幾大件，煎得剛剛好。很香，好正。呢個係朋友極力推薦，墨魚汁意大利粉配原味烤魷魚🦑$152如果唔係朋友力推，正常我不會點呢個餐。因為唔想食到成嘴都黑晒魷魚🦑勁大隻，仲長過把刀。食落很厚身，彈牙，啖啖肉。好好食。呢個抵食。朋友真係無介紹錯。

Lunch周圍行都唔知食乜好.. 咁啱剛過呢間"canteen" 就比佢吸引左.. 然後同啲同事入去食喇.. 我地就食左個牛扒餐...牛扒都算厚... 配埋蘑菇汁又唔會遮住左個肉味... 配搭剛剛好👍🏻黑毛豬就冇乜肥膏咬落口啖啖都係肉😋而且都幾大塊下... 而羊肉都煎得好香.. 食落去又唔太靭... 最後叫埋個意大利飯.. 口感剛剛好... 唔算太硬... 而汁嘅味道調教得都唔錯😋👍🏻食左個好豐富嘅lunch

很多時候沒有決定到那裏食晏，便會漫無目標走在街上，隨機抽樣走進一間餐廳就餐，這次正正就是在這種情況下在此餐廳用膳是也。餐包乃牛油麵包，烘得很香很脆，佐湯一流。牛油麵包配忌廉湯是絕配，湯夠熱夠滑，只是太細碗。烤紐西蘭羊架肥位不算多，肉質鬆嫩不靭，肉汁的味道溫和，沒有蓋過羊架的風頭；此外配菜油份亦不多，值得給讚。厚切帶骨黑毛豬扒最合食肉獸的胃口，豬扒少肥啖啖肉，肉質鬆化得骨肉分離，份量亦足，加上薯菜實乃豐盛之極。誤打誤撞之下吃到飽足的一餐。

難得喺中上環搵到間唔錯又抵食嘅西餐，加上職員親切有禮嘅態度，忍唔住要寫返個好評推介吓😋午餐包餐湯沙律二擇其一，另加一杯茶啡，以同區嚟講相當貼地抵食。充滿瑞典風味嘅煎鮪魚柳。外皮酥香薄脆，魚肉偏乾但唔散，配上加咗百香果嘅牛油汁，比一般坊間食到嘅清新香甜，有煥然一新嘅感覺🤩伴碟以不添加糖嘅紫薯泥代替馬鈴薯，更健康有營。水牛城雞翼用雞髀肉位，啖啖肉，又唔洗‘倫’骨，唔怕失儀態～味道係正宗水牛城風味，充滿tabasco嘅辣香，濃郁惹味，送酒一流👍🏻

2020年精選主菜1. 德國咸豬手配手切薯條、酸椰菜、蜜糖芥辣用黎送啤酒🍻，三五知己聚會必定要試2. 焗香草加拿大黑豚配自家制薯條、沙律大大件夠抵食，豬扒識食一定係食厚切🐷3. 新西籣牛肉眼（8oz)配自家製薯條、沙律牛扒愛好者必叫之選😍

上環lunch想揾間好食又唔太貴嘅食牛扒地方都有啲難度，位於孖沙街嘅canteen應該是一間酒吧裡面有飛標玩，見佢門口menu價錢唔太貴入去試下，lunch set $108 - $148包餐湯或salad + main course +飲品，今日選擇食紐西蘭牛肉眼扒跟薯條,餐湯是西蘭花黑松露湯配蒜蓉多士，個餐湯味道唔錯幾好飲個Ribeye steak 更加好食好淋有肉味絕對不是用梳打粉醃製的那種，見隔離枱食羊架同厚切黑毛豬都幾吸引下次試下杯咖啡都唔錯

今朝一返到公司就超忙，到左食飯時間都吾知，聽到同事問食咩先知道原來到左lunch hour. 同事話今日甘忙要食好啲，本來諗住去食和牛lunch，點知無book位無得食，攞左張卡片就轉場，去左附近一間bar食set lunch之前食過羊扒都幾抵食，有3件(size都吾細)，今次就試試肉眼扒套餐。黑松露西蘭花忌廉湯 ~ 個湯好真材實料，好好飲蒜蓉牛油多士 ~ 長條型好得意，脆脆地幾好食。主角黎啦！雜箘汁紐西蘭肉眼扒配薯菜牛扒大大件，好嫰滑juicy, 薯條都好好味，羽衣甘藍做沙律就食得多，今次呢度做法系煮熟左，好似食緊芥蘭甘，非常滿意的一餐。

食物質素：未知環境：未知店員態度：十分惡劣話說女朋友親自打電話黎Book左10位，但到時間竟然Check都冇cheak就話冇。 亦都冇諗過同我解決或者搵枱畀我。真係九唔搭八，不知所謂。 原本興致勃勃同朋友happy hour， 但就搞到十分狼狽要去轉場。 所以呢間餐廳根本連入都唔使入。 完全冇諗過呢間餐廳點樣可以喺香港生存到。 如果只係做walk in客唔比book枱應該一早講。 嚴係等個客去到跟住跟住同個客人講你冇book到枱。

今日同同事出去上環食午餐，原本諗住去嘅一間coffee Shop執咗笠，唔打唔撞入咗呢間餐廳。入去嗰陣時差唔多一點鐘，正常啲餐廳應該都差唔多滿座，但見到一啲都唔滿，原本仲擔心唔好食，點知原來個lunch都幾好味。價錢大約$98-$138，已上環來講，屬於中價。頭盤叫咗個餐湯今日係薯仔蜆肉湯，個湯都幾好飲見到有得食羊架，毫不猶豫選擇左佢。估唔到有三件咁多，煎得好香口，唔會太過老。薄荷醬分開上非常貼心，配菜有薯蓉，食到一粒粒嘅薯仔。同事叫咗煎三文魚賣相幾好，另外兩位叫咗牛扒，試食咗少少，煎得幾好，火候控制得唔錯。

因為訂左位, 所以唔洗等位~ 同同事lunch 都好鐘意黎呢到食...仲要我地一行6個人都會個個都叫呢個set slow cook 既豬超厚身 ! 好juicy ! slow cook 完再前後煎過塊扒, 所以香口得黎, 入面又唔會乾set lunch 仲有湯/salad and coffee/tea 都係百幾蚊 ~ really worth to come ....意粉又大大碟, 仲可以叫佢多汁tim ! services also good ! 不過.人多一定要訂位, 因為呢到唔算好大ga ja 

喺上環附近工作，星期五偶爾都會去呢間Canteen食lunch! 好食價錢都經濟！今次食咗個香煎三文魚扒配薯蓉同荷蘭汁。三者合一，好夾好夾。首先講條三文魚，表皮香煎脆口，聽到聲嘅脆。魚肉表面都脆，肉唔算嫩，但好有魚味，最重要係成條無骨！魚肉配上薯蓉，一脆一軟，有層次。加上荷蘭汁，甜甜地，似係加咗啲蔬菜汁，見到個汁都加咗啲香料，唔覺眼全碟連汁都撈埋。

是日來上環午餐, 揀咗呢間好耐冇食過的再嚟試試~餐湯配的麵包好香好軟熟, 餐湯就稍為杰咗啲, 但味道不錯以前嚟食必點, 豬扒超厚, 不過今次食有啲啲失望, 因為塊扒略為鞋咗啲, 以前食係好軟熟的, 個汁亦稍為咸咗少少呢個意粉必點, 意粉煮得煙煙靱靱, 啲蜆好鮮甜, 而且個汁好清, lunch食份量啱啱好呢度座位有啲迫, 不過同嚟呢度食lunch, 唔會有好趕住埋單的感覺, 可以同朋友坐下傾下偈其實都唔錯.

第一次食slow baked 既野食~ 一路都好想試下有咩分別 ! 上環呢到lunch $108 就可以試到slow baked ! 當然要黎試下啦~! Lunch set 有8個choice, 但得第一個係slow baked 咁...當然係set A pls set 有餐湯/ salad , 2樣都一般般....到主角出埸!!!Slow Baked Canada Pork Rackside dish 有好多veg 起初以為得一塊豬扒係唔會夠我食...點知...其實塊豬扒好厚身 !!最後係食唔唒既 slow baked 既豬扒比平日既豬扒juicy ! 同埋朋友們話呢個煮法係健康d既!!塊豬扒咁厚, 但一d都唔會話好"鞋"味到都岩岩好! 唔會太咸, 主要食鮮味 !!近肥膏既位置特別香 (不過我係唔食肥膏既)以呢個價錢, 有咁既水準, 我會再黎食 !值得推介~!! 下次可以試下其他Lunch set