影片
港铁铜锣湾站 D4 出口, 步行约2分钟
继续阅读
电话号码
64134929
开饭介绍
。
继续阅读
营业时间
今日营业
12:00 - 21:30
星期一至日
12:00 - 21:30
以上资料只供参考，请与餐厅确认详情
我第一次嚟呢間銅鑼灣嘅貓貓Cafe，呢度環境長方形格局金雖然餐廳唔算大，但係環境好舒服，仲有好多猫猫可以玩。如果週末嘅日子係冇晚餐套餐提供，需要單點菜式，週末入場的第一小時係需要收每位1小時的入場服務費$78，佢會跟返一杯飲品俾你，如果另外點台式飲品或者係特別飲品再加多少少錢。如果入場後再另外加餐點第二小時的服務費可以豁免，我同朋友分別點了一入單點主食，主食裡再額外加多少少漢堡包加購的小食，以及在點多一款單點小食。我哋另外加多一份嘅主食係牛油果雞蛋漢堡連薯條，另外加咗兩份嘅蜜糖雞翼（一份有三隻）同埋紐倫堡腸，牛油果非常厚切，而入面雞蛋係偏熟嘅，配埋軟熟嘅麵包，感覺都好飽肚，而薯條係用番薯切條炸出嚟，感覺會甜咗少少。另外加蜜糖雞翼都好好味，紐倫堡腸大大條，啱晒大人小朋友食。另外點嘅單點小食仲有一份忌廉芝士煙肉薯波，會連埋蕃茄醬俾你，一共有六粒，外脆內軟入口仲有煙肉嘅香味，感覺就係豪華版嘅粗條炸薯條嘅感覺，呢個真係必點！呢度環境感覺都好舒服，貓貓都好多，每一隻都好乖，不過去到嘅時候好多都瞓緊覺，都唔敢嘈醒佢哋，但係感覺係有家的溫暖，如果屋企都唔方便養猫，我覺得真係可以過嚟玩吓，感受吓猫猫同養寵物嘅樂趣🫶🏻🥰
继续阅读
呢間寵物餐廳重點不是食物，而是好多不同的貓貓可以讓食客盡情打卡，同埋同啲貓貓一齊玩！老實講，對於沒有養慣寵物的人來說，在食飯的時候有啲貓貓走來走去，跳來跳去，甚至跳上枱或者跳上你嘅大髀，其實係會有啲唔習慣嘅；不過如果喜歡貓貓嘅朋友，相信會對呢間咖啡店寵愛有加，因為啲貓貓肥嘟嘟，其實都真係幾可愛。一入到餐廳已經見到啲小朋友同啲貓貓玩成一片，十分之開心，相信呢度都係一個可以帶俾好多小朋友歡樂嘅地方，環境雖然不是很大，但係佈置就好似一個貓貓遊樂場一樣，完全係一個貓貓嘅天地。可能因為都係俾啲愛貓之人共冶一羅的地方，所以感覺食物其實並不是主角，價錢亦會貴一點，不過食物質素都唔錯嘅。叫咗一個帶子蘆筍飯，真實版同餐牌相片完全係一模一樣，佩服！呢個飯配料擺放好精美，顏色好鮮艷，未食已經胃口大增，帶子都大大粒嘅，份量就不是很大，不過勝在好清新，味道都好味！配上一包紙包飲品，作為一個下午茶，消磨吓時間，我覺得絕對係冇得頂嘅！
继续阅读
今日我同小朋友去咗一間貓Cafe，真係一個好特別嘅體驗！Cafe入面環境優美，裝潢得好溫馨，牆上掛咗可愛嘅貓咪畫作，仲有柔和嘅燈光，令人感到好放鬆。最吸引我哋嘅係菜單，提供咗多款美食，包括意粉、漢堡包同埋飯。我試咗佢哋嘅意粉，味道真係唔錯，醬汁濃郁，配料新鮮，食落去非常美味。小朋友則選咗漢堡包，佢話漢堡包既多汁又香脆，真係好開心！另外，Cafe仲有一啲可愛嘅貓咪自由走動，小朋友可以同牠哋玩，感覺特別親切。總體來講，呢間貓Cafe唔單止食物好味，環境又舒適，仲可以同貓咪互動，小朋友玩得好開心。我哋一定會再嚟食！
继续阅读
今日同朋友去咗呢間貓貓Catio Cafe位於銅鑼灣樓上舖，整間店舖擺放貓貓擺設🤔，望見簡單又唔錯嘅感覺！頂級虎蝦番茄意粉 $148呢一碟蕃茄意粉賣相都幾好、整款色澤味道酸酸甜甜沾滿一條意粉、虎蝦味道鮮味爽口！煙三文魚牛油果丼 $144日式胡麻沙律醬 呢一款煙三文魚牛油果丼夠哂健康、簡單嘅配答加埋胡麻沙律醬、食到入口煙三文魚味道鮮味、令到整個特別味道！白桃烏龍茶 $61呢一杯白桃烏龍茶、飲到入口散發啖啖白桃味道、茶味夠哂濃郁！Cappuccino 卡布奇諾 $48呢一杯Cappuccino咖啡，望見賣相色澤都幾好、飲到入口味道濃郁都唔錯！
继续阅读
如果你唔抗拒動物，好推介大家真係要黎試下貓Cafe，小舖係正銅鑼灣鐵站附近，行幾步就到，入門前要做好清潔，見佢舖仔細細，但裝修得幾精緻，門口一望主子已經擺哂Pose等緊我，勁黐人囉咩事我食野果時位仲有隻超嗲🐱係度當我係枕頭，貓貓係任摸唔嬲，抱就店家話唔好我路食，隻手就Keep住服侍緊主子🐱，間中將佢當手枕咁擺都冇問題講返食物方面，佢主要賣西餐同日本餐，店主表示食材全天然無添加，以健康行先，食落感覺都幾好黑糖桂圓紅棗茶桂圓紅棗茶我一定係揀熱既，益氣補血，飲落清甜解膩，最鍾意飲呢啲健康飲品架喇，飲品隻杯不得不提係圍邊有透光既貓腳印架!!!!壽喜燒汁牛肉卷芥辣八爪魚丼每個丼都可選擇自己喜歡既醬汁，都有幾多揀架Wｏ，上枱用既係貓貓大碗，好得意呀！望住貓，用住貓杯貓碗，慢慢食，然後一隻隻貓係你身邊週圍轉，日式既野食又幾貼合貓Cafe，望落顏色好靚又感覺健康燒三文魚南瓜牛油果丼聽落已經覺得健康，南瓜甜甜的，牛油果一向係健康之選，加埋輕食既燒三文魚，好味！蜜糖雞翼薯條清香既蜜糖沾滿哂成隻雞翼，仲有啲拉絲感覺，薯條甜度好好，係淋身既薯條，沾少少茄汁，好味！
继续阅读