ChaTraMue Cafe

营业中

休息中

上次行過新城市，見到這間café 。大家有看過我寫的食評，都知我一定要試飲品的。何況，這間的泰式奶茶，基本上全香港的泰式奶茶茶底都是用這間牌子，一定要試。在café 食的，有個好處是可以慢慢來，想清楚要什麼的奶茶。今次我選了加珍珠，想不到d珍珠是綠色的～ 而且這冷飲的珍珠是暖的，有分加而個飯，牛是一口牛，薯仔有煎過的，個汁有加椰漿的，很有東南亞的風味。最可惜是個飯，它是冷的。應該是放在電飯煲外一段時間了，可惜。

收工行過  ChaTraMue Cafe, 入內點了上次來沒有吃的牛肉湯河及一件泰茶千層蛋糕，再加一杯泰式檸檬茶。 可能已經 9點，上菜很快，不得不讚賞一下，所以馬上動筆。牛肉湯河的確是非常出色，送上來的時候湯是很熱的，我把一片片牛肉慢慢從半生浸熟，牛肉是非常優質級數，入口溶化，牛肉味濃郁，牛肉湯底亦非常鮮甜，更有不同層次，配上新鮮蒜片及蒜蓉香，口感絕配。他們附上一個醬汁用來點牛肉片，這個牛肉醬汁非常獨特及精心炮製，整個牛肉湯河絕對稱得上是「米芝蓮」級數！ 👍🏻 泰茶千層蛋糕亦是非常高班，口感𡛺軟，帶著悠悠的茶香，不會太濃烈而掩蓋忌廉香味。 泰式檸檬茶亦有著他們自己的泰國茶飲特色。我來過這裏數次，喜歡他們的 menu 簡簡單單，適合我這種有選擇困難症的客人。然而過去數次試過他們幾款不同食物，都發覺他們非常用心做食物，很欣賞這種小小Cafe認真做食物的態度，質素非常高。 本人很討厭一些餐廳，很多花巧餸菜，只為推高價錢，而食物質素只是一般！

今日係沙田新市行完街後, 我同個朋友提議去ChaTraMue 食個lunch。原來距離上一次黎已經有一段時間, 今日午都多人不過好彩唔洗等位, 兩個人即刻有位。我地叫左個肉碎飯好惹味, 另外就係牛肉湯河(好好食), 今次仲試左個新野係粉絲沙律, 個調味都啱啱好唔會太辣，酸酸地非常開胃我地2個人唔係食左好多野但係好滿足❤️味道：⭐️⭐️⭐️⭐⭐️CP值：⭐️⭐️⭐️⭐️環境：⭐️⭐️⭐️⭐服務：⭐️⭐️⭐⭐️

朋友極力推介叫我嚟試吓呢度嘅牛肉湯河，因為識我嘅人都知道我係專攻牛河嘅，唔理你係日本牛肉烏冬，越南生牛河，泰式牛河，都係我所愛！ 當牛河送上，首先要讚就係碗湯熱辣辣, 上面鋪左大概六至八片牛肉片，配上新鮮紅蔥片、芽菜、爆香咗嘅紅蔥片同埋蒜蓉，成碗牛肉湯河嘅賣相都好靚仔。牛肉湯河的確係好好食嘅，同侍應傾偈，知道佢哋每日以大量牛骨,  牛腩及牛肋條熬製慢火熬煮而成。配料就有安格斯牛肉、慢煮牛腩及牛肋條同蘿蔔，安格斯板腱牛肉片口感嫩滑，肉味香濃,  清甜軟腍帶牛湯底香氣～ 幼河粉好滑，掛湯度十足，一入口係滿滿牛香。好好飲的泰式奶茶,奶同茶比例岩岩好, 泰茶茶香又帶微微苦澀味恰到好處就係呢種味令到好多人好迷痴！埋單$120 要加一，以呢個價錢我可以享受到一碗咁高質牛肉湯河同泰茶，我個人認為超值！ 👍🏻

朋友相聚，想食少少嘢，之後又坐得舒服傾吓偈，食完咸又可以食甜，朋友於是提議去呢間泰國Cafe。我叫咗一個雞絲湯河，個湯底明顯唔係化學湯，非常鮮甜，味道好真，我個friend話，佢哋係每日用好多料煲嘅雞湯，怪不得個雞湯底真係零舍唔同。我朋友點咗佢哋嘅「時令單點」，一個叫咗泰式青咖喱海鮮金邊粉，青咖喱好惹味，食落令人好開胃，好容易唔知飽，會食晒，very good。另外個朋友叫咗個海鮮粉絲沙律，呢個簡直有驚喜，佢撈出嚟嘅粉絲好清新可口，夏天食好開胃，好味。跟住我哋叫咗三個甜品share，一個係巴斯克芝士蛋糕，個味道好有New York cheese芝士蛋糕嘅濃香，但又不失有啲泰茶味，感覺好好。另外試咗佢哋個泰茶白奶凍奶，個奶香味好濃郁，非常滑溜，但係上面放咗泰茶奶醬，再加左有少少焦糖脆脆，令到個甜品好出色。綠茶千層蛋糕有著清香綠茶味，入口柔軟，感覺非常新鮮。呢度疍榚比幾間有名氣的疍糕店，水準更高一班。 👍🏻 聽聞佢哋蛋糕同湯都係日日新鮮做嘅，真係好唔同，新鮮即時新鮮。不過我都知佢哋呢到嘅甜品係好唔錯，係好有心做個種。呢度地方環境好舒適，幾個朋友坐低，食吓野傾吓偈，非常chill。我自己都好

呢間餐廳開業都未有時間試吓，門口係開放式，好有泰國feel，環境感覺舒適。睇餐牌價錢中規中矩啦，用啲餐具都幾靚。香葉肉碎炒飯香葉肉碎份量都好多，調味都好有層次，唔會好辣，但開胃，炒得好香口惹味，真係好食值得一讚！泰式牛丸湯河呢個牛湯底超甜, 搵佢個店長問問, 怪不得, 原來係自己店日日新鮮煲嘅, 湯冇味精口渴嘅感覺, 牛丸都好好食, 店長話牛丸都係泰國嚟嘅。 👍🏻蝦多士而家唔多地方有蝦多士食，好食嘅！ 蝦肉夠新鮮彈牙，塊多士又炸到好香脆。泰茶疏乎厘pancake呢個真係有驚喜, 仲熱辣辣, 可能因為係新鮮做，好好食, 味非常香濃，質感柔軟，配上焦糖脆脆及少許泰茶粉，絕配、絕配！👍🏻👍🏻凍朱古力最後都要特別講一講佢哋嘅凍朱古力，係我人生中少飲過咁好飲嘅朱古力，香濃朱古力味，入口幼滑，非常高班。佢唔止泰茶好飲，其實凍朱古力都一樣咁出色。

以後可以嚟沙田新城市廣場呢間Cafe，chill吓嘆吓下午茶，食吓甜品，加埋少少泰菜。本來係一心想食佢嘅泰茶千層蛋糕，但嚟到見佢個 menu 都幾吸引，幾多選擇都中我口味，又有午餐揀，價錢亦合理。於是我叫咗杯泰茶+1件綠茶千層蛋糕。 綠茶千層蛋糕好香綠茶味，佢種香味比較特別，雖然有廿幾層，但係食落口一啲都唔肥膩，非常軟熟，加埋綠茶醬更加帶出綠茶蛋糕嘅香味。朋友覺得佢午餐抵食，叫咗個黃咖喱牛腩飯，份量都好足夠，黃咖喱好特別，好好味，有啲咖喱味又有椰香味，牛腩份量都非常足夠，反而一碗飯唔夠，因為餸多汁多。朋友叫杯荔枝綠茶都非常清新，很適合炎炎夏日, 好有夏天消暑嘅感覺，之後我哋又再追加一個牛角包配綠茶醬。嘩！呢個甜品不得了，牛角包掃咗一層好香嘅蜜糖焗完之後好香脆，再加少少綠茶醬，非常好味，配合得好好。 呢度嘅茶飲我就不用多講，但呢間 Cafe 細細，menu 簡單，但都係啲吸客嘅野食，佢哋明顯重視甜品，甜品的確做得好出色。環境佈置都好有品味，而不是傳統的泰菜館，感覺優雅舒服的，值得推介給有品味人士，會再嚟！

七一長假期阿仔阿女嘈住要飲泰茶、食泰茶雪糕、泰茶千層蛋糕，所以我哋一行四人專登由馬鞍山去新城市廣場第三期的 ChaTramue Cafe 食好嘢。 😁😁 今次係第三次黎食，我叫咗個魚蛋肉碎湯河，湯底係雞湯底，好鮮甜，有啲肉碎有少少通菜，加埋泰式魚蛋，好好味。另外叫咗一個咖喱雞包，啲咖喱好香濃，椰汁味好重，都幾大個，夠我哋一家四口食。 蝦餅好彈牙，蝦肉新鮮，炸得好香口。泰茶好飲就不在話下啦，阿仔最鍾意佢個泰茶雪糕，真係好香濃、好滑口。泰茶千層蛋糕真係好高質，成廿幾片，柔軟可口，不失泰茶的濃香味，坦白呢到嘅泰茶千層蛋糕真係好出色，口感一食就知，好新鮮，軟滑度非常高質，比起一啲名牌蛋糕店可能由中央廚房做永遠好似都唔知雪藏咗幾耐.。 整體我哋全家人都好鍾意黎呢度食野，menu 簡單，雖然不算太多，但品種吸引而質素高，加埋一都係$440，人均消費$110，不算太貴。侍應姐姐話中午有午餐及下午茶餐，我哋下次會再試。

今日下午2:30專登同同事去 ChaTraMue Cafe 食下午茶，$88 包一個主食及一杯$32至$42的任選飲品。好似幾抵，但當然要好食。叫左牛丸湯河，湯底甜，好有牛味，店員話每天用上牛骨及大量牛腩煲，不加味精，的確沒有口渴感覺，牛丸很好味，不會有根，不會太大粒難於入口。同事的香葉肉碎飯亦非常惹味，好有泰風味，但少許微辣，真的很好味，不吃辣的就不要點這個。之後再追加一客泰茶巴斯克芝士疍𣖙，的確是非常出色的甜品，定必會被芝士蛋糕朋友追捧，香濃芝士味但又有濃厚泰茶味，互相配合，非常合親。這裏的甜品無得輸，真的很出色，值得推介。看見他們也有午餐menu, 以他們 cafe 的優質出品再加一杯飲品，價錢是不錯了，過兩天會再試

今日同darling去左沙田ChaTraMue試新品。今次試左上次未食過嘅dishes。我地今次點左老公鐘意嘅黃咖哩雞法包。咖哩味道好濃好smooth，麵包quality 可以媲美高級麵包店出品。 我就點左海鲜粉絲沙律，夏天食泰式沙律就最開胃。小食就叫左沙爹雞同豬， 配特製泰式燒汁 ， 令人食欲大掁， 必食之選！ 飲品就叫左泰式檸檬茶同荔枝茶。味道清新，有層次感，不防一試。最後加上泰茶梳乎厘， 為我哋嘅午餐畫上完美嘅句號！一如過往，佢地嘅食物水準一直保持得好好，份量又夠大，勝價比真係好高。 尤其是set lunch， main course包飲品，都係八十幾蚊。揾日再去

我獨愛佢哋牛肉湯河，牛肉嫩滑，食得出係上品，牛湯底清甜純厚，店長話係安格斯牛，牛骨湯每日熬製兩至3小時，$88 抵食！👍🏻 男友一定要食飯，他叫了泰式海南雞飯，但要求要白飯，雞肉嫩口冇骨，唔錯，但他們的海南雞醬非常獨特，很惹味，食得出不是求求其其做的醬汁。 之前已經試過他們的千層蛋糕很有水準，勝在新鮮日日做，所以今日專登試佢泰茶梳乎厘 pancake 同綠茶梳乎厘 pancake ，真係次次都有驚喜，好唔錯的甜品，用心配搭。首先，soufle pancake 係即叫即做，出嚟仍然熱熱地，疍味濃郁，但仍然動L 𡛺軟，口感非常輕軟的，不會有飽的感覺。他的泰茶梳乎厘 pancake 配上泰茶醬後加上焦糖脆脆，非常合適，味道中和又不甜不膩。而綠茶梳乎厘 pancake, 就配上綠茶醬加斑爛珍珠，本身就很喜歡他們的泰國綠奶茶，現在試他們的綠茶梳乎厘 pancake，感覺良好，因為綠茶醬就有一種綠茶香味，再加上斑爛味珍珠，煲得剛剛好，不太林，有咬口。這裏的甜品真的很不錯，值得再試其他。環境乾淨，但略嫌座位坐得有啲迫！

開張試過，價錢可以，坐得舒服但價錢比較平，泰式飯同湯河都係$88，在其他的cafe 都要過百元，味道亦唔錯，上次試過甜品亦很好，所以今日再黎試。今次又有驚喜，魷魚意粉蒜香好味$108，泰茶Souffle pancake, 兩片大大塊，𡛺軟可口，淋上泰茶醬再加上焦糖，絕配，非常好味，但只係$88，比其他cafe 的 souffléoancake 一般都要$128-158，平很多。另外再試一客綠茶飄雪，亦只係$88，平宜其他店一半，但飄雪份量亦相對比較細，但正合我意，兩個人食，剛剛好。 總括是性價比高，泰菜及甜品都好味，但嫌人手少，要求要多一件餐具，那位肥姐姐要等10分鐘，無辨法，難請人，但會再黎試佢個下午茶餐，好似幾抵幾吸引！

今日同老公帶貓B做手術，難得餘下半日假期，去咗沙田  ChaTraMue, 我本身係蛋糕及烘焙師，所以係好有興趣試吓佢哋嘅甜品做成點，偷下師。先唔好講甜品，叫咗牛肉湯河同冬陰功蝦意粉醫下肚。好有水準，牛肉嫩滑，湯底濃但唔會覺得口渴，冬陰功蝦意粉個汁煮得好惹味，非常泰國feel，蝦爽口彈牙（無理由係新鮮蝦，應該係雪藏蝦，但處理得好好）。重點黎啦，試泰茶千層蛋糕同綠茶奶凍，又真係好高水評喎。 泰茶千層蛋糕非常軟熟，疍味濃郁，唔甜，唔會有油膩感覺，大大件，配上泰茶醬，如果喜歡甜的話，可與泰茶醬一起吃，但精彩的是配上少許焦糖脆脆，簡直是畫龍點睛，很高班。好奇問侍應，原來佢哋有註店甜品師每日新鮮做疍榚及甜品的。與同一商場的一間高級千層蛋糕店，sell 21層，pancake皮很乾，忌廉冇味，一食就知係工場預先做完冷藏，真的不一樣。再講他們的綠茶奶凍，質素亦高，能夠做到很動L, 綠茶味香純，質感幼滑。 店舖環境時尚整潔，員工態度良好，價錢以 cafe來說是比較平，合理的，睇得出佢哋好比心機做，希望香港多啲呢啲有心做食肆老闆，價錢合理，留住香港人，加油！👏🏻👏🏻

今日落左新城市食飯, 見到泰國茶cafe 就試下佢. 空間唔錯, 環境幾靚仔. 佢除左野飲外仲有熱食同甜品。我就叫左個牛肉湯河(幾好食), 仲有叫左個青咖哩金邊粉(真係幾好食)。飲品就叫左兩杯奶茶, 跟到泰國味道(我覺得佢好過泰國, 泰國正常味真係好甜). 我未食過佢甜品, 叫左個疏乎厘, 佢上面有個綠奶茶sauce , 有水準, 佢個soft 程度係恰到好處, 下次試下其他味另外我叫左個沙嗲豬肉, 佢真係同泰國街邊食到個種沙嗲豬肉樣喎, 呢個真係有surprise

本身幾鍾意飲ChaTraMu嘅奶茶甚至仲買咗幾罐茶葉擺喺屋企🍃見佢開咗間Cafe好多款甜品一直都想去雖然有唔少負評，但好奇心驅使都會想試😂✅泰茶疏乎厘班戟 &✅泰茶雪糕窩夫 係幾好食嘅😋疏乎厘&窩夫發揮正常水準配搭窩夫嘅雪糕超正👍🏻👍🏻👍🏻食得出有濃郁泰茶味 哩個位加分🫶🏻但‼️❌泰茶千層蛋糕❌冬陰功炒飯真係伏咗蛋糕食唔出泰茶味 而且好明顯係植物忌廉炒飯淨係得辣 毫無鹹味&冬陰功味 炒得唔夠乾身🫠.🔎泰茶疏乎厘班戟💰88🔎泰茶雪糕窩夫💰55🔎泰茶千層蛋糕💰65🔎泰式冬陰功炒飯💰88.*需+10%服務費*