Chef’s Cuts Restaurant & Bakery

营业中

休息中

聖誕節係airside諗住買件蛋糕返屋企 本身想買另一間咁岩無開 係chef’s cut到買左個意大利包 見有蛋糕就買埋點知走先發現 佢就咁搵個紙袋裝住件蛋糕根本無可能拎到結果個蛋糕就痴哂落個紙袋到未見過有餐廳咁cheap無packing for外賣不如一早講聲？

本來呢間餐廳比我嘅感覺，佢係一間幾靚嘅西餐廳，但唔知點解啲服務員同我地嘅對話，比我感覺似係大排檔講野。我仲聽到廚師係廚房落order做野嘅聲，成個感覺立即好有大排檔感覺。入坐之前，已經有服務員同我地講，要係限時內交枱，我地都同意先入座。但距離交枱45分鐘前，就有兩個服務員，過黎好快手咁將張枱嘅碟杯收走，我有件蛋糕仲有一啖先食完，服務員都無問我地食唔食就收走。我朋友杯咖啡都未飲曬，佢地都一樣問都無問就收走，我朋友好緊張要返杯咖啡先留返比我朋友。相比下，茶餐廳都會問下我，我食曬啲野未先收走我嘅食物，所以比我嘅感覺真係唔太好。我都明白，佢地都要忙工作，但佢地嘅態度比我嘅感覺，佢地係唔歡迎我地係呢度用餐。我自己感受就不太良好，因為我地都係限時之內離席，我地都無違反我地之間嘅協議，而食物整體感覺其實不過不失，無驚喜，所以整體用餐體驗都唔算太開心，我自己就唔會再想去食野。

星期日下午,  乘地鐵去啟德站, 逛逛 啟德全新地標  Airside   旗艦店, 目的去參觀    介紹, 及小型機展覽.參觀完結,   要找個地方坐坐,  看見 Chef’s Cuts Restaurant & Bakery, 裝修不俗, 再看店面門外,  設有麵包店, 歡迎外賣或堂食.  我們看見餐廳內有座位, 可以給自助下午茶客使用,  於是選擇喜歡餅點, 一會兒,  我們的 order 完成了, 侍應送來一盤子, 有蘋果批, 煙肉火腿小麥包, 拉花咖啡, 熱檸檬茶.  蘋果批, 煙肉火腿小麥包, 經店員翻熱了, 配上飲品, 真不錯.隨隨便便的坐一會, 感覺令人舒服.下次打算來吃個晚餐. 

諗住生日食好啲，完全吾搭，得個樣，嘢食服務有待改善，價錢對唔住，食物質素，5成熟既扒變左7成熟，感覺食緊瘦肉一樣，價錢仲要$388加一，食餐飯除咗蛋糕好食之外，其他都好差。

星期五晚無book位食飯，呢間竟然walk in 有位！即管試試佢Happy Hour 3pm-7pm，叫咗杯house sangria, 味道幾fresh, 唔會太甜。唔錯，同行友人叫咗draft goose beer，standard味道～ 冬蔭公雞翼，一碟6隻，超超超超級好食！炸完入面都可以勁juicy, 仲要醃到勁入味，你咬開都食到啲肉有香茅味，必食！另外叫咗個羽衣甘藍凱撒沙律，無咩特別。Maincourse 叫咗個豬膝，肉質係唔錯嘅，份量都好足夠，味道okay，可以encore第一次幫襯叫咗3樣野食，so far 食物都有水準，加上氣氛，裝修同佈置，服務都非常好，回頭指數極高！

朋友生日遲左成個月先有時間同佢食飯, 大家都住同區所以就試下Airside 新開的Chef's cuts, 後期聽朋友講原來中環街市都有分店打電話訂位時只有6:30/7:00 的選擇, 但又沒有限時, 唔明點解唔可以訂6:45, 呢點有少少奇怪, 然後佢地就無生日寫字服務, 但如果叫甜品就可以加個生日牌同蠟燭, 我就order 左一款甜品, 佢地當日都有whatsapp 問我想揀邊款, 可以preorder 定先, 呢個位幾好👍睇餐牌so far d 食物都唔係好貴, 如果多d 人食可以share 會更開心, 我地2個人當晚就點了2個appetizers + 1 個main + 1個pasta + 1個甜品, 整體都好好, 食物好食, 我點的海膽墨魚汁有d 遜色外, 其他都好好食, 朋友仲係hh 時間內叫左杯酒仲有優惠結論係因為當晚咁岩隔離台係公司食飯, 所以比較嘈, 唔係的話, 個環境係幾好feel, 因為11月中已經有晒聖誕佈置, 係幾令人開心, 同埋侍應都係好快手同醒目睇手機先發現原來有幾樣無影相😂🤣

煙三文魚·海蝦·半熟蛋沙律 - 份量比較少（如果係男性的話勉勉強強可以叫做一人份量）海蝦有2隻、煙三文魚有2片（應該係將1片，1開2，我覺得🤔）味道ok唔差。烤牛骨髓伴紅酒燴牛肋、牛肝菌及多士 - 呢個菜式係將紅燴牛肋肉絲、牛肝菌放在烤牛骨髓上，頂層再放上炸過嘅洋蔥絲，旁邊伴咗一些小多士。味道係好味嘅👍🏻，唯一缺點係塊小多士真係好小（有幾塊係大過5圓硬少少，你話係咪好細）幻想一下🤔你要將牛骨髓、牛肋肉絲和牛肝菌放在小多士上，一口吃，真係非常有難度。松露芝士煙燻牛肉三文治 - 呢個份量就非常滿足！而且好食👍🏻。塊多士係用牛油烘過，𥚃面有黑松露醬、芝士、煙燻牛肉之外，仲有啲應該係酸洋蔥，整個組合非常之夾，推薦！

新興地標 - 啟德Airside, 聽說逢周六、日就很多人, 早前我也去了一趟, 不過是平日的晚上, 感覺還好, 沒有太過擠迫.  與朋友晚餐, 選了口碑頗好的Chef’s Cuts, 店鋪面積大, 坐得舒適, 而且美酒佳餚選擇多.   點好菜後, 和友人cheers先~  我的是mint mojito, 大量薄荷, 甜度頗高, 酒精度剛好.  番茄水牛芝士沙律 $158, 雜色番茄尤其偏黑的, 最甜.  手切生牛他他配黑蒜蛋黃醬及多士  $178 , 肉味不算很濃, 整體也不錯, 塗在香脆多士上的蛋黃醬功不可沒.  冬蔭功香脆雞翼 $95,  皮脆肉嫩兼多汁, 淡淡香茅味, 吃得很滋味, 好容易會吃上很多隻, 記得要趁熱吃啊!  一直喜歡ravioli, Chef’s Cut這道牛肝菌雲吞超好味! 伴了茄子醬、火箭菜及炸蒜片 $168, 縱使是素, 也不覺寡, 而且皮薄餡多, 超讚! 焗龍蝦芝士通心粉 $198, 本身覺得這道菜有點滯的, 但味道又相當不錯, 友人幫忙拆龍蝦肉, 我就吃得夠爽, 龍蝦肉彈牙. 醬汁緊緊黏著通心粉, 焗得香口.   乾式熟成黑安格斯肉眼扒、薯條、什菇、香

今日下午同同事去咗公司附近airside商場搵好嘢食，俾我哋搵到呢一間環境優美嘅西餐餐廳✨😍餐廳走華麗輕奢路線❤️酒吧吧枱設計得好有特色，餐廳樓底都高，有大玻璃可以望到出面嘅靚景🤭我哋嗌咗三樣嘢食✨🌟冬陰烤雞翼🌟雞翼有好濃厚嘅冬陰功味，面頭仲有啲辣嘅碎碎好惹味🤣（同事話覺得似薯片碎🤣）佢唔係好食得辣都大讚呢個雞翼😝（影相嘅時候已經唔小心食咗一舊😂)🌟卡邦尼意粉🌟卡邦尼意粉醬汁濃厚，份量亦多，同出面餐廳比已經算係中上水平，岩哂我呢個忌廉精😂😂😂🌟Grilled Salmon Fillet🌟呢個係我同我同事呢餐飯覺得最好食嘅一道菜，三文魚煎得香得黎又好Juicy唔乾身😉我哋好快就清晒成碟，但配菜有啲多，我哋都食唔晒😂因為我哋嗌了凍檸樂同埋凍mocha，味道唔錯🤭 mocha唔太苦又唔太甜美中不足之處係餐廳有啲嘈，可能當時係食飯時間，如果想靜啲chill下嘅話可以晏少少先嚟😃

尋日朋友約食飯，去咗呢間新shopping mall 嘅餐廳，盲摸摸搭地鐵係啟德站落車，mall 連接mtr , 好方便下，入到餐廳，食物都幾精緻，甜品仲美味，可惜得4 款，梗係叫曬，青口做得好正，必食

朋友建議去啟德站新商場Airside走走，我當然不會放棄如此良機，順道試試新餐廳🤭 於Mikiki過天橋就可直接到，非常方便。一走進商場，就被這間餐廳吸引，門口設有麵包店，而餐廳內面積非常大，環境幽靜，座位寛敞，坐得非常舒服。乾式熟成黑安格斯肉眼扒配薯條、什菇、香草牛油 (300g) $388餐廳人氣名物，不可不試。7成熟的熟成肉眼扒煎得剛剛好，肉質鮮嫩，肉味濃郁，而邊位脂肪亦帶點脆口，口感一流；香草牛油汁亦不會過濃，喧賓奪主。海蝦番茄橄欖意大利麵 $178爽口大蝦，意粉偏硬身，每條都沾上濃郁的蕃茄醬，帶點微辣，非常惹味。

🌟餐廳：Chef's Cuts Restaurant & Bakery📍地址：九龍城啟德協調道2號AIRSIDE 2樓L201號舖💰價位：～$200- $400⏰營業時間：星期一至日08:00 - 22:00📱電話：2117 1201好耐冇見成班best fd，趁今日準時收工，一於約埋佢地出黎chill 下先😁今日我地就去左新開既AIRSIDE商場，揀左呢間主打歐陸式美食，集扒房及Bakery一身既「Chef's Cuts Restaurant & Barkery」，岩哂我地成班人慢慢歎慢慢傾👏🏻———————————————————🔹雜錦海鮮拼盤包羅萬有既雜錦海鮮拼盤，擺盤造型落足心機~拼盤有齊北海道帶子、肥美生蠔、青口、大蜆、八爪魚片、大蝦及龍蝦，每款都夠哂新鮮，肉質鮮甜~重點係餐廳提供幾款特調醬汁，襯埋海鮮食，味道更出眾‼️🔹蕃茄水牛芝士沙律我既至愛！蕃茄既款式眾多，味道酸酸甜甜，夠開胃，而且沙律菜新鮮爽脆，好fresh~中間既水牛芝士口感綿滑，奶味突出，好正🔥🔹焗龍蝦芝士通心粉Mac & Cheese cross over 龍蝦，呢個配搭夠哂邪惡😍除左食到芝味濃郁既焗通粉之外，釀

AIRSIDE有新餐廳開張，為食嘅我就當然要去捧下場啦～又係時候約班老友出嚟聚一聚，今日就嚟到啟德全新商場AIRSIDE，試下呢一間「Chef's Cuts Restaurant and Bakery」～———————————————————🔹 手切生牛肉他他配黑蒜蛋黃醬多士-頭盤先嚟一份手切生牛肉他他，牛肉味道濃郁，色澤粉紅，口感綿滑，搭配濃郁黑蒜蛋黃醬多士，夠晒開胃～🔹海蝦脆麵包青瓜沙律-呢份海蝦脆麵包青瓜沙律，材料配搭豐富，海蝦爽彈鮮甜，搭配清新嘅青瓜沙律，夠晒健康，重點係麵包嘅質感好鬆脆，層次感豐富！🔹招牌香脆雞翼-再嚟一份招牌香脆雞翼，雞翼大大隻夠Juicy，上層鋪滿避風塘嘅炸蒜調味料，好惹味～🔹慢煮熟成黑安格斯肉眼扒，薯條，什菇，香草牛油-餐廳主打菜式之一，經過慢煮及熟成既黑安格斯牛扒，肉質緊緻得黎又能鎖住肉汁，入口寧舍有口感，而且牛扒份量十足，同朋友share 岩哂，夠哂滿足！🔹香烤羊架配黑松露薄荷醬，燒薯，椰菜花-鍾意食扒既朋友黎呢度岩哂！香烤羊架，火喉剛剛好，烤至肉質粉嫩，配搭黑松露薄荷醬，清新得黎又帶黑松露濃郁香氣，令肉味更突出～🔹牛肝菌雲吞，茄子醬，火箭菜，炸蒜片

Airside 新開，成日都好多人。經過個商場幾次，都搵唔到嘢食，因為人太多。終於星期一晚約咗朋友嚟呢間餐廳食嘢，預先訂咗位。星期一晚竟然都有七八成入咗率，喺而家嘅香港環境底下，真係相當唔錯。 整體食物質素幾好，會再來。

又一大型商場開幕，這晚專程跟朋友來逛逛，順道去她介紹的CHEF'S CUTS晚餐。CHEF'S CUTS環境寬敞舒適，門口位置右邊是Sour Dough烘焙店，餐廳劃分了酒吧區、用餐區、VIP 房等，空間感十足。  這晚一大班朋友聚餐，可以點多幾款菜式，用餐前當然要點杯cocktail啦﹗呢杯Passion Fruit Caipirinha又幾易入口啊﹗  頭盤來個雜錦海鮮拼盤(2位用)$558 ，貝殼造型的餐具中放滿海中珍寶，有波士頓龍蝦(半隻)、精選生蠔(2隻)、北海道帶子(2隻)、藍青口、蜆、蝦、八爪魚，伴上6款醬汁，帶子及八爪魚均以橄欖油及香草等調味，生蠔爽嫩美味，蜆肉飽滿，龍蝦則爽彈鮮甜，好想配杯白酒pairing一下。  手切生牛肉他他配黑蒜蛋黃醬多士$178 ，牛肉味濃郁，入口嫩滑，搭配黑蒜蛋黃醬，有助提昇其鮮甜度，讓牛肉他他口感更細膩綿柔，放在香脆多士上，形成強烈對比，美味。  冬蔭脆辣雞翼$95 ，喜歡那酸辣的冬蔭公味味道，恰恰好，即叫即炸，炸得香脆可口，一口咬開，熱哄哄的，裡面的雞肉依然幼嫩不乾柴，佐酒必食。  乾式熟成黑安格斯肉眼扒、薯條、什菇400g $628