影片
今日𠮶阵大肚饿，就谂住行入去土瓜湾𠮶间我长期光顾嘅店，每次去我都会叫成串嘅蒜心。咩叫「脆身」？啱啦，就系游水之后爽口到爆，而且个香蒜味，真系令人一再回味。紧系要拎碟沙律丸嚟凑对啦，唔知点解啲沙律爆浆嘅感觉就系咁令我痛快！想像下啖啖嘅酸甜爆发，啱哂解腻。千祈唔好错过佢地嘅五花肉，咬落去个「滑溜溜」嘅口感，仲有酱汁嘅「醇厚」好味道，噢哗，真系得意过瘾！虎虾又点少得，虾膏呀，𠮶个鲜呀，简直就系海鲜嘅王者风范！另外，烧茄子同烧娃娃菜，一样都令我拍手叫好，蒜香、青脆，无人能挡！岩烧鸡全翼就真系畀个「香脆」两字形容啦，鸡翼外脆内嫩，想叫第二份都未算过分。最后甜品炸馒头配炼奶，啲馒头香得嚟，炼奶甜得嚟，真系食到「甜蜜蜜」。总之呢间店，食物水准一流，口感层次丰富，而且温馨得嚟，就算身处市中心都有种乡下嘅温暖。绝对系我「打卡」嘅秘密基地！👅💥🎉
继续阅读
【九龙城区】【Chiller】大家有睇过我之前嘅酒店 post 都知我有一晚意外地住咗土瓜湾嘅酒店，预备咗做好多嘢但系最后乜都做唔到，反而孑然一身咁去揾宵夜食。喺酒店对面有间串烧档，一场嚟到就去会一会佢，估唔到话畀间冷气房我坐咁好㖞。食嘢喇，首先叫咗只 $48 嘅「蒜蓉圣子王」，店家推介嘅咁我就留一只啦。都几新鲜嘅，一条过味道可以。之后 $32 嘅三片「脆皮三文鱼腩」唔知点解冇咗张相，但我记得系三条好细嘅烧三文鱼肉，唔系几认同咁整会好食。跟住讲 $15 嘅「鸡肾」、$12 一串嘅「鸡皮」、$24 嘅「牛脷」同 $58 嘅「法式羊架」，点解将呢四样嘢集中嚟讲因为佢哋加埋都旧零水，但系我觉得冇乜亮点，尤其系牛脷令我几失望，个羊架都系非常普通，唔知食咗乜咁。咁成餐嚟讲都有惊喜嘅，$30 嘅「鸡皮鸡肉卷」就系台湾嘅鸡腿卷，永恒嘅爱，好食。另外 $12 嘅「流心芝士鸡肉肠」都估唔到几好食，全部嘢落 BB 辣系可接受范围。嘢饮我饮 $12 嘅「无糖可乐」，加埋就 $243 埋单咁啰。。。（地址：土瓜湾马头角道50号迎丰地下18号舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am九龙城区 #土瓜湾 #Chiller #串烧店 #蒜蓉圣子王 #脆皮三文鱼腩 #鸡肾 #鸡皮 #鸡皮鸡肉卷 #牛脷 #流心芝士鸡肉肠 #无糖可乐 #法式羊架 #1am1075 #1ambackup
继续阅读
今日黎到呢间烧烤店试下，之前行过几次以为系酒吧无食过，今次见到有其他客食先知系烧烤店。。。点知俾我撞岩有特式海鲜食已经够惊喜，点知味道更喜出望外，北寄贝二食真系出色，高汤煮肉够鲜味，裙边另外串起烧又够惹味。。。肉类又系另一惊喜，几款每一款嘅腌制或调味方式都唔一样，无千编一律嘅感觉，连鸡中翼同鸡全翼都唔同腌法，完全食得出诚意同心思羊架嘅火喉同生熟度岩岩好，正佢食物种类都几多，除左一般常见嘅款式外，仲有川式冷牛脷(冷盘)，脆炸白虾仔呢啲佐酒小食又讲下环境先，有露天坐位，卫生环境唔算最好，但感觉反而好贴地，有些少大排档feel，但见唔会坐得好迫或好嘈吵，气氛其实唔错，佢地另外都有房间，唔钟意坐露天位，佢地都欢迎walk in客入坐，只要无人book都ok咁话老板同员工都好吹得，食得好开心，又有生啤饮，以呢个服务同食物质素黎讲价钱算唔贵，会多啲帮衬或介绍朋友
继续阅读
同男朋友系屋企附近揾野食，巧遇士瓜湾串烧舖，见价钱又唔系贵，仲有海鲜食，就走入去试下。意想不到,无论味道、质素，都竟然比周边的串烧舖好，无谂过系土瓜湾区呢啲小区都揾到呢种高质素的舖头。厨师话今日有新鲜海鲜，估唔到呢啲小店都会肯预备成本甘高既身材！既然系甘，都本住比下面试下既心态叫啦！望住个menu,心谂咩料呀，串烧舖竟然有北寄贝，仲要系两食？不过因为太心急食，唔记得咗影埋另一个食法😖😖（佢食法食1. 浸北寄贝，同时会附上2.烧裙边），简直系1次过满足2个愿望！平时去到潮州舖食乌头，我都觉得有阵泥味，但男朋友话试下，咪叫啰，点知厨师整既乌头，我又食唔到泥味㖞！另外，厨师极力推介off menu 既吊贝，佢话同平时食既扇贝唔同，佢厚肉好多，而且仲要系再鲜甜啲，以我甘中意食甲壳类海鲜，一定要食啦！(厨师话只吊贝系仲活生生，佢仲拎出黎比我睇，个壳仲识自己开合）食物好食,老板好客,会抽时间同客人倾谈，了解食客既意见,听闻佢地间唔中仲会做off menu 既野食，而且厨师都好好，话如果提前订座，想食咩特别野食都可以问下佢，随时有机会食物仲可以系为你而设添嫁，令我都忍唔住book 左枱order 海鲜（长脚蟹，鲍鱼，濑尿虾）好期待呀…另外提一提,呢到会直播英超球赛,可以一大班人一齐睇波饮酒食串烧,简直系一流服务。听老板讲,平时舖头收2点,如果有球赛/特别日子有可能会收晏d。
继续阅读
一日系土瓜湾街头嘅转角位，见到呢间本地烧烤店，好好奇，所以就谂住揾日去试。今次星期日晚市时间去到，发现餐厅竟然只有一枱可以坐，又好好采咁岩俾我坐到。 老板话生意差系咁，唯有做下外卖生意，外卖串烧又点够新鲜好食呢，所以梗系要坐底慢慢试。海鲜、烧肉、蔬菜都试左，系度就净系Highlight几样。「珍宝纽西兰肉眼扒」好大块，店员都会问你要几成熟，我地嗌左5成熟。嚟到会切好俾你，食落好够肉汁。「蒜蓉烧蚝」嘅蒜蓉似系自家制，好香浓，但稍嫌盖过蚝本身嘅味。蔬菜类嘅串烧都好足料，串到满一满，孜然茄子更系大份夹抵食，必食之选。
继续阅读