影片
港铁观塘站 A2 出口, 步行约3分钟
继续阅读
营业时间
星期一至日: 12:00-22:00
最後落單時間 : 21:30
以上资料只供参考，请与餐厅确认详情
同事建議試新野, 6個人, 3個食牛扒, 異口同聲覺得好大塊, 賣相靚但無牛味… 反而魚柳+蒜蓉牛油汁同燒雞都好食,帶子西班牙飯都唔錯,地方淺窄, 得女侍應1個, 服務一般,可以更有禮貌, 下次再黎機會不大.BBQ 價目$148/P, 起標4位, 有牛柳1串, 蠔1隻, 豬扒, 腸兩條, 丸4粒, 棉花糖一串, .. … 唔係好底食…
继续阅读
頭盤，生熟蠔各1隻，生蠔無肉食又無鮮味，熟蠔有肉食又多汁，唔知點解會咁大對比～湯就好家庭feel無咩蕃茄味，唔多似羅送湯，好多料但係。佢唔記得俾餐包我地就上左主菜，好大碟，咁唔食餐包都可以。估唔到厚厚既羊架，牛扒7成熟就真係7成熟，唔似得出面既餐廳7成都變左10成熟，讚!羊架同牛扒都好汁～又厚肉。好正呀！配菜都好吸引嫁～薯角真係好脆，啲瓜都仲有少少爽口～讚杯咖啡，因為上述既都有返一定水準，所以期望係大左，咁一飲之下…杯咖啡好失望。有渣之外仲有啲苦澀味。相信係咖啡質素唔好多而成。
继续阅读
以前新開張，我本來是常客，但試過幾次的水準不穩，及和那肥肥的大廚的對答(可以感受到他完全對煮食冇誠意），的確，使我失去信心。更相信此店結業，是必然。其後聽同事說，Clouds Garden 換廚後水準提昇了，便促使我再度幫襯。明顯地，於晚市等位的也時間長了。以前揀過一次Minestone，太鹹了，今次再揀返，啱啱好，真係幾好飲，乎合水準。友人點了牛柳，成數剛剛好，配菜的味道也好好味，下了功夫。而我則點了他們近期推介的限量乳豬卷（那位店員誠意推薦，姑且試試）。味道甘香，外皮脆口而不油膩；內裏更配上特製漢堡肉，加上芥茉，味道非常好。甜品叫了意式奶凍，一般、正常，沒有太特別。最後還要多謝推介我吃的那位侍應哥哥，令我吃到美食。雖然見他很忙，但也肯抽空跟客人聊天互動，可能就是這份真誠，令這餐廳起死回生。
继续阅读
約了公司同事一行三人食午餐，預早訂了台，故不用等位，每人叫左一個Set Lunch。Set Lunch包括餐湯、蒜蓉多士、主菜、熱咖啡/茶主菜價錢介乎$48-98/set(另外加一服務費)另外：+$3 轉凍飲+$10 黑醋沙律地方較細，台數少，另有室外，建議預早book台較好；環境靜靜的(因為人少)適合傾下偈；食物都算正正常常，上菜時間10min左右，全場得一個Waitress姐姐，人少台少都夠招呼客人，但Waitress姐姐的服務態度真的有待改善：1)落單時出示電子版的85折優惠券，佢一句：「要Print出黎先計」跟住調頭就走。2)收碟收餐具，一句：「唔好意思」都無，問都無問，要拎就拎走。3)最後落餐飲order，因為台面有個飲品Menu，我們問佢包括那些餐飲佢一句：「唔駛加錢個d得咖啡、檸茶、檸水。」我個朋友指住飲品Menu再問：「咁係咁即係呢d咖啡(飲品Menu上有Latte/Cappuccino/Mocha)」佢回覆：「淨係d普通咖啡，你呢d得，加錢咪得。」4)埋單既時間，一句「多謝/Thank you/歡迎下次光臨」都無，感覺上想你快d走清場。其實，觀塘呢d樓上cafe最近越開越多，Clouds Garden價錢又唔算平，Set Lunch都要差唔多$70/個，仲未計收埋加一，都算中上消費，笑容無都以經算數，但今時今日的服務態度都唔係咁差啊嘛，有d失望，如果都要俾呢個價錢，我下次會食第二間。。。。
继续阅读
想試試新食店，便和同事到訪這裡。Lunch不算便宜，由$48-$98，另收加一。Order了BBQ ribs, 想多吃點肉。沒有特別期望，但就很出奇地好味。首先賣相方面不隨便，有芥茉拉花。份量方面很適中，不會太多或太少。味道方面，稍為濃味一點，但可以接受。而吃完後，很想飲水。ribs的肉質煮得剛好，不會太硬唯一美中不足是餐飲，選擇不多，如要飲特飲要另加錢。總體而言，也是不錯選擇。
继续阅读