Cluck Cluck (已結業)

依家小西灣地舖多數係菜檔肉檔富景富怡附近真係無乜餐廳選擇屋企係無飯家庭，所以一個禮拜總有一兩次會買cluck cluck外賣最常嗌就係無骨海南雞飯，$40連埋湯雞肉算係好多，雖差少少雞味但醬汁搭夠個湯呢排進步咗，之前有一排真係好鹹…佢哋嘅咖哩雞飯、手撕雞飯都好食

夜晚買左個咖喱牛腩飯 咸到癲 份量少都算 用紙盒係環保但係濕晒D紙 講番個咖喱 又話辣 但一D辣都冇 好咸 牛腩細件但好彩都諗 買多左個春卷 冇乜特別 茶樓或唐記貨式 expect佢有D特別 原來都係普通野仲有個湯 普通例湯試過一次就算 唔會再買

小西灣開左間好搶眼既舖頭，係ig見到都幾多人讚，一直都想試下，今晚晚餐買左佢既外賣。 🍴無骨海南雞飯打開飯盒就有d失望，入面有青瓜、雞翼、雞翼尖同無骨雞胸，可能係因為menu轉左，我見其他人po既相會有大量醃紅蘿蔔絲同菜。雞肉質唔算鞋，但都唔係嫩滑，雞肉本身冇咩味，要靠點醬汁，兩款醬汁都ok，係泰式酸辣汁同甜醬油，飯係油飯，食到有香味既。配菜青瓜係肉眼就見到好乾收晒水，好似係切好擺左係度風乾左好耐咁。😣最差既係送既雞湯，飲到有雞味，但真係鹹到一個點😣飲左一啖就放棄左。 🍴黃咖哩牛腩飯呢個咖喱飯相對比較好食，雖然咖哩有d鹹，但都可以接受，牛腩份量多，亦煮得軟腍有牛味，用料唔錯，仲有炸薯仔粒配埋一齊食，略嫌咖哩汁唔夠，唔會撈到白飯食。 可能係期望越大失望越大，係廚房失手落多左鹽，定係我口味同其他人唔同🙈覺得仲有好大進步空間，認真希望呢間小店可以做得好。

難得今日早收工, 就周圍行下睇下買咩食。經過一間黃色既鋪頭就望下佢既餐牌。有我喜歡既海南雞飯, 價錢$38連埋湯, 見幾抵就試下佢。我叫左海南雞飯&黃咖哩牛腩飯, 仲有得優惠價加配小食, 就加左一份春卷。落完單企埋一邊等, 都keep住有人去買, 聽到好多人都叫海南雞飯~等左5-10分鐘左右就有得拎, 店員仲會主動問需唔需要餐具。外賣係用紙盒裝, 感覺幾好, 比起用膠盒環保一D。海南雞飯D油飯夠惹味, 就算冇雞都可以就咁食哂D飯雞肉夠滑, 份量都幾多, 個飯仲有幾片青瓜可以清清油膩感。黃咖哩牛腩飯, 咖哩微辣, 牛腩好冧同埋入味。跟餐既湯應該係落左D雞去煮, 淡淡既清雞湯咁, 飲完唔會口乾(平時其他店嘅味精湯會飲到口乾)。加配既春卷香脆可口, 就算放左陣先食都冇冧到一定會再幫襯, 因為真心又平又好味。

食晏同同事食飯，去咗呢間喊外賣，唔知係午市多人定點嗌外賣嘅時候個收銀已經態度唔係咁好， 之後個外賣等咗成半個鐘，仲要攞完外賣返到公司發現個海南雞飯比少咗個湯，重要啲食物比少左個湯。

柴灣越開越多新食市，最近係社交平台好多人討論一間門面黃色好sharp 舖頭仔，原來主打係賣海南雞飯🥰於是今日lunch時間去買黎試試先🤣店舖除了海南雞飯，還有咖喱飯系列、必食推介飯、小食、例牌加餸系列，非常吸引呀！樣樣都想試！不過第一次試當然要試招牌菜海莉雞飯✌🏻一盒海莉雞飯只係$38，返到公司一打開，勁驚喜呀，啲飯同門面一樣黃金咁ge色😊分量十足，啲雞好滑，啖啖肉，再配一碗湯。真係覺得物超所值呀！下次一定要試埋其他野食先得呀👍🏻👍🏻👍🏻👍🏻*重點！店員好好人，非常有禮👍🏻直得一讚👍🏻👍🏻

📍#CluckCluck🇭🇰香港柴灣小西灣道18號富景商場地下6號舖#MFJ小西灣 #MFJ越南菜人均消費: HKD69味道: 👅👅👅👅賣相: 👀👀👀價格: 💰💰💰💰性價比: ⭐️⭐️⭐️⭐️回頭率: 🔆🔆🔆🔆小西灣有一間泰式外賣小店，因為餐牌款式不多，所以一直沒有試，今晚兩個人，結果比我想像中有驚喜！💯海莉雞飯🐔$46雞都有6-7件十分多，雞出奇的滑，而且雞味香濃！比外面更多海南雞更出色！飯香夠爽口，粒粒分明！特別一提是他們的蘿蔔絲，是有醃過的，少少大酸，特別開胃！⭐️五香豬髀飯🐷$46五香豬髀好香好淋，口感得好，而且豬髀味道剛好，不會過濃過咸！飯和海莉雞飯不一樣，是白飯，配酸蘿蔔絲一起吃不錯！💯春卷🫔$26另加了春卷一份， $26有六條都不算太貴！賣相好似黑黑燶燶的，誰不知出奇的香脆和惹味！必食之選！特別一提，餐廳十分環保，所有外賣包裝都是用紙類製品！以價錢來說分量十足，加上食物質素，性價比極高！下次要叫多一點小食試試！#springrolls #chicken #porkshank #pickledcarrot #mfoodjournal #instagfood #foodstagram

我記得間嘢啱啱開時，識人食過話海南雞飯麻麻麻哋，所以就冇打算去食。近日竟然有人同我講呢間嘢嘅蜜糖雞扒飯好好味。係好好味喎！咁誇？！家上呢幾排去隔離日常小館食時，成日都見到佢門口好多人等，就去買黎試吓。間嘢淨係得外賣，都真係好多人叫。佢仲做埋熊貓外賣，見佢已經4個男人密密做都好似做唔切，所以都等咗差唔多十分鐘。(上個禮拜等譚仔等咗足足20分鐘，啲阿姐仲懶懶閒，集埋先推出黎，嬲到家下).開個盒覺得個樣正喎。啲雞好似好黑咁，但其實係因為啲汁係黑色的。雞完全唔鞋唔乾，個汁個人好鐘意，因為佢以街外食嘢黎講比較清，唔會太咸或甜，剛剛好。估唔到係佢個飯都好味，連埋佢堆微酸嘅紅蘿蔔絲食真係一流。總結：好快會再食。

見到佢黃店，諗住去支持一下。點之個收銀員收完我錢後，帶住隻紫色手套去廁所，去完用廁所後冇換過對手套，直接幫我pack個外賣盒，隻手套仲接觸到我d食物。 結果我返到屋企要重新煮一次先夠膽食。而家周街病毒，好心注意一下衛生。味道方面還可以，但個咖哩汁真係太少，落完d汁落個飯度，d飯已經吸乾晒d咖哩汁。 原本都諗住間中去支持下呢間小店，但員工衛生實在太差，暫時都唔敢再去幫襯。 希望佢地既員工可以加強返呢方面既意識。

話說我家附近，最近有不少新店開張。Cluck Cluck 便是其中之一，那黃色的店面實在太搶眼，在對面馬路也一眼見到！由小食到加餸，還有飯~看起來選擇頗多的。最後選擇了海莉雞 ($88/半隻)，是黃金招牌來啲！沒想到連外賣盒、膠袋也是跟店面同一個花樣。除了雞之外，還有醃蘿蔔這個配菜～說來如果這醃蘿蔔可以當小食來買就好了 (笑)因為吃起來很開胃，還脆爽的很有口感！！跟半隻雞的醃蘿蔔實在不夠吃。雞的部份～雞肉確實很嫩滑，而且差不多都去骨了。不過皮就稍微有點肥，但送飯吃還好。話說辣那個醬料的味道很特別！頗喜歡吃

WFH日子唔可以成日都自己煮，今日試呢一間新開嘅雞飯店，舖面顏色好精神，仲有幾隻雞仔做裝飾😂如果就咁雞飯係$38 ，我想食雞髀，所以加咗$10 ，就算加咗$10都只係$48 ，其實性價比黎講都唔錯喎。返到屋企打開個外賣，其實都幾賞心悅目，因為佢係一整套嘅外賣包裝，膠袋、飯盒、外賣湯碗同餐具都係一致性咁同佢鋪面一樣，都係黃白色同埋直條紋😍睇外賣嘅包裝已經知道佢好用心，一啲都唔求其，重點係佢嘅飯盒同外賣湯碗都唔係用塑膠，呢一點真係加好多分！外賣湯碗嘅設計係同 Pret A Manger 相似，有適量嘅隔熱同埋防漏，一個跟餐嘅湯都做到咁細心，成本相對當然會高咗，店主喺小區都咁用心，呢一點已經值得支持！好，到重點，海莉雞髀飯~ 飯粒都算粒粒分明，咬落口感唔「削」，有黃薑同雞油香味，十分唔錯！同埋好多飯LOL女士食一定食唔哂😂我留起左一碗雞飯今晚再食，呢餐食咗三份一左右~ 雞係滑嘅，咁我叫雞髀，都應該係要滑嘅🤪 個人唔係太喜歡食紅蘿蔔絲，如果青瓜會唔會係一個好提議？而且青瓜可以再人再開胃啲😛個湯應該冇落味精，幾好飲，飲完唔會口渴~醬料應該係店家自己調製嘅，都唔錯~ 最後再讚一讚醬料盒，因為個開口

幾個人的鋪子，用心做好外賣味道👍🏻！我先生曾吃過豬髀飯、咖喱牛腩飯、秘製牛腩飯。我今天另外叫的薯角、柴小杏，都有特別味道。你們加油呀！個舖名要看清楚，係 c l u c k c l u c k (不是 d u c k d u c k ，不是 c h u c k c h u c k)！幾時方便能夠收電子貨幣付款，又不會令成本上漲，咁就好啦！

小西灣都係美食沙漠，難得有新野食，一定試。好鐘意食海南雞，成日都搵好味海南雞。好似係筲箕灣黃金雞嘅姊妹店，期待。個海南雞飯包個湯。一開飯盒，啲雞望落係一定滑嘅，又有啲蘿蔔絲，個presentation 唔錯。雞係好滑，，算有雞味，好食。但⋯⋯⋯⋯一食啲飯，質感可以有雞油味唔笠，但真係超咸！咸到我食左幾啖頂唔順無食，想問係錯手落多左？希望店方睇到改善下。即刻要食晒啲蘿蔔減咸。個湯無味精但無料，okay啦。雞得飯唔得，嘥左。因為啲雞好食先俾okay。