Co-Dining Space (已結業)

係tst返工嘅朋友介紹話一定要試呢間嘅炸雞脾飯，咁啱有機會就去試一試，即炸雞脾皮脆肉嫩，果然好出色，最欣賞佢就係隻蛋係流心㗎。tst Lunch來講咁嘅質素咁嘅價位 。真係性價比超高，不過如果食記得要request多汁，因為啲咖喱汁真係唔夠多

兩年前幫襯過一次，今次再番黎試，好可惜已經冇左黑毛豬串燒配蕃薯條。餐牌亦冇漢堡包選擇，於是揀左個松葉蟹意粉、煎比目魚配黑松露薯條同雞翼拼盤。意粉先到，每條意粉都沾滿明太子醬，蟹鉗好鮮甜，有驚喜然後到雞翼拼盤，二人枱空間唔算大，放左意粉同雞翼拼盤已經再冇多餘位置。有四款雞翼口味，個人認為咸蛋同蒜蓉味較好味，但炸皮非常厚，大口咬落去都只係咬到炸皮，未咬到雞翼皮。最後係煎比目魚，比目魚好滑好肥美，而且好大條。薯條係粗薯條，好熱但不算好脆。因為枱面已冇位放魚，店員幫我地放雞翼同意粉去隔離枱，雖然店員提出將雞翼換細碟但其實幫助不大，而且隔離枱相距有少少遠，拎野食有點困難。相隔冇耐又有另一位店員問我地隔離枱啲野食食完未（而其實我地食左一半都未有...），感覺好似摧我地食/認為我地佔用埋另一張枱...但 又有客人需要坐隔離枱，而兩小時用餐限時我地仲有45分鐘可以食

第一次光顧，地點算便利，海港城對面。位於11樓的店舖亦算開揚、光猛！我倆個人各自選了午餐，先來餐湯，今天是甘荀湯，清甜中帶有濃郁的甘荀味。肉燥鷄扒飯算有驚喜，因為雞扒肉仍然是嫩滑的。至於漢堡，竟然有兩層厚厚的漢堡扒，味道也很好！旁邊有薯條做配菜，不過最驚喜的是配有黑松露沙津醬，實在太美味了！最後，再追加多碟雞翼及焦糖布甸，這個午餐實在太豐富了！😋😋😋

位於尖沙咀的樓上餐廳。雖然舖位不算大但座位尚算舒適。裝修簡單漂亮，窗上更貼有文宣。可選擇在Openrice訂位。現時更提供外賣服務，在網上外賣平台 滿100元更有八折優惠。外賣自取八折。 The shop is an upstairs restaurant in Tsim Sha Tsui. Although is a cozy place, it is spacious with simple decoration. There are also some pro-democratic propagandas in the store. You can reserve the table via Openrice. It also provide takeaway services with 20% discount when order more than $100 in 網上外賣平台 and 20% discount for takeaway by self. 今次我們選擇了一個二人套餐，當中包括：餐湯，凱撒沙律，主菜兩款及飲品（$588+ 10%服務費）。 We had a d

We went in a group of 4 and ordered 2 sets of menu for 2. The portion was generous and taste was over expectations. My friend has allergies to shellfish and I have allergies to nuts which they could cater for both. There was no time limit for how long we could stay. We had a good time and definitely will return.

為左幫朋友慶祝下生日，我地見到啲相好似唔錯就訂左哩間食啦，我地一行6人叫左3個2人餐餐廳入面唔算大，不過真係坐滿哂啲朋友黎聚下食飯首先係個湯同沙律，湯既味道普普通通，反而個沙律幾好食，個醬既味道，同埋啲菜都好新鮮之後去到意粉，意粉黎講都幾出息，三文魚果個個醬好正呀，個汁好creamy，有帶子果個係個好清新既味道，食落口清清地搭口錯Pizza都係個唔錯既選擇，個底做得薄而且個料都足夠但係，肉類真係好一般，雞係西式烤雞，所以肉質好‘鞋’同埋乾，唔係我地食開既滑肉同埋鎖汁既焗雞牛扒都係一個幾失望既菜式，肉質同雞一樣都係好‘鞋’，無諗過會係咁，仲要等左好耐，係我地食哂所有野先黎既水牛城雞翼唔錯，而且夠哂酸辣燒骨都係味道唔錯肉質好食同埋個醬都好好

平安夜食唔到，因為聖誕餐太貴了所以今次先黎試下佢鋪位真係唔係好大，20張枱都不夠好彩一早訂左位望住門口既客人恐怕Wallin 係冇咩機會因為除左地方不大之大最重要佢每道菜都係即叫即煮一道一道咁上菜，時間不足的人要考慮清楚蟹肉蟹籽沙律配胡麻牆真蟹肉，鮮甜啖啖蟹籽會揀呢一個沙律係胡麻沙律，因為我麻麻地鍾意食黑醋沙律蒜香牛油雞翼太香啦，一放落枱就食，所以唔記得影相新鮮爐既雞翼熱辣辣，咬落去仲有肉汁咇出黎，所以好易淥親條脷千島什錦海鮮薄餅用千島整既薄餅本身就好食呢1個唔係厚派，係脆身既薄批海鮮有魷魚青口帶子主菜美式BBQ豬肋排配黑松露薯條BBQ醬重左手，所以食果陣會有種酸酸地拿/渴喉的感覺豬肋排夠大份有6條都幾多肉但我覺得呢道菜既重點其實係果黑松露薯條新鮮出爐既薯條配上自家調制既黑松露醬特別惹味因為每道菜都係即叫即煮所以keep住食到熱辣辣既野食時間掌控方面都做得好好食完一道上一道枱面永遠都有東西最後就飲埋杯朱古力做結尾正常一杯朱古力，朱古力味都幾濃人均300幾蚊，但好食既

當日兩人去到尖沙咀食lunch，一點鐘去到嘅時候已經full晒，門口都有幾個人等緊。等左一兩個字，店員話有張枱嘅已經食完但未埋單，可以比我地入咗先分開隔離枱坐住落單先。叫左兩個餐有餐湯又有野飲，抵食🍽大大塊炸雞扒+忌廉汁🍴好邪惡 $68All day breakfast $88 個炒蛋有黑松露🍳好滿足，不過可能個炸雞配忌廉汁濟d，兩份餐最都係食唔晒嘅。本身仲加左個$18嘅黑松露薯條，cancel左，太飽啦🤑。個日隔離枱有幾位呀姨，我地坐低嘅時候見佢地差不多食完。其中一位叫左杯熱咖啡，已經飲左一半左右，我食到途中，佢同店員講杯熱咖啡唔夠熱🌝。店員都好好，換過杯熱🔥咖啡比佢。

尖沙咀食西餐平均都要百幾蚊以上，難得搵到間價錢貼地既cafe，有lunch set同埋tea set，緊係要試一試🤪Tea set真係幾平，最貴都係$58，原先想叫安格斯漢堡，但可惜已經賣哂🤦🏻‍♀️－－－－－－1. 吉列豬扒煎蛋飯配咖喱汁 3.8/5同朋友一行四人去食，但餐廳好多人，所以最後要分檯坐，之後見到有張4人檯但未執，想問問店員可唔可以轉檯，但店員一口拒絕，態度唔太好😖不過上菜時間都快，10分鐘左右就到，我覺得咖喱汁唔夠多同唔夠濃，配飯同豬扒唔夠點，但煎太陽蛋係流心，邊位可以再煎脆一點，豬扒不錯😋外層鬆脆，入面肉唔會太乾，份量剛好～

預祝朋友生日, 揀咗呢間黃店☺️喺openrice訂位時有remarks係"朋友生日, 如果我哋有叫甜品, 希望可以寫上Happy Birthday", 但我自己食完嘢竟然同朋友傾計傾到唔記得咗叫佢揀甜品, 好彩店員好細心, 不經意咁問我哋食完正餐有冇興趣試吓d甜品, 如果唔係就冇咗個驚喜俾朋友喇😂一坐低，店員就俾咗杯水我哋, 因為我哋有叫飲品, 所以冇點飲水, 但食嘢期間見到店員不時會幫食客refill水👍🏻👍🏻👍🏻炸薯條配黑松露醬: 個醬好香, 好味, 薯條炸到啱啱好, 份量都幾多, 好夠熱,食到底D薯條仲係熱嘅，食哂覺得唔夠喉😋👍🏻PARMA HAM PIZZA: 好香,味道不過不失美國帶子伴青瓜粒香蒜意大利扁麵: 好香,但個人覺得多油咗少少, 但整體係好味嘅😋最驚喜嘅一環, 個"蠟燭"真係好正, 全場矚目, 在場其他食客都好surprise😂香蕉朱古力窩夫好好食,朱古力雪糕味道好濃,好正🤤

係附近返工，之前未上過黎食，隔離同事帶我上黎食左1，2次，之後就成日晏就過黎食晏，食物好食又好服務，食飯時成日會影野食相俾我老公睇，睇到佢流曬口水,話搵日要黎試。講左好耐，今日終於帶到老公黎食，第一次食晚餐，咁岩就食到聖誕set,(一早book定晒枱，因為地方唔算大，好怕會無位，平時晏就間唔中都好Full)老公對食物同服務態度都好滿意,老公都話我無介紹錯。下次出開尖沙咀睇戲都應該會再試下平時晚餐set,好期待😍往年結婚週年都會皂大間鋪頭慶祝覺得今年皂岩左小店有驚喜❤非常推介大家過黎試下

一去到只提供一個$888 二人套餐問職員拎其他單點Menu佢地商量完一輪 然後話唔可以叫 單點只係for叫左二人餐食唔飽先可以再散點咁兩枱既人問佢地二人餐裡面好多野真係唔岩食咁係米都要照叫？佢地話咁suppose你睇左Menu先上黎嬲到兩枱人走左不會再來

已經第二次來，環境舒適，所以媽咪生日都帶佢嚟感受下黃店既氣氛，NOW TV新聞，令人放鬆上次點咗個熱榛子朱古力，好味不過熱飲細杯啲；今次叫咗個白桃梳打凍既，正常size，味道OK前菜叫咗個原味（白酒）藍青口，但我上次食過忌廉好食好多，香好多炸魚手指，上次食過好正，今次再encore炸粉唔算厚，啖啖肉黑松露薯條都係encore，無得輸千島海鮮醬pizza，我地成家都好鍾意食千島醬，薄脆餅底呢個豬手我記得上次嚟見到其他人叫係原隻上，今次叫就切咗上，而且份量感覺同價錢不符，唔抵食帶子意粉就幾香幾OK最後叫咗個甜品，因為預早留言，又一心諗住媽咪可能想睇中文字，點解出嚟係殘體字少少美中不足，不過佢加咗支煙火，拎出嚟時好驚喜，我媽咪笑得好開心，乜都值啦！加上有四件窩夫加一個雪糕球，其實好抵食！p.s. 仲有個黃金雞翼唔記得影$48/4隻，好香咸蛋味，都值得叫哦！Overall嚟講，只有個豬手唔抵食，份量少都$188，其他相對價錢合理得多，全部都好好味！四個人埋單一千零幾十左右啫！

餐廳入面似好少少嘅樓上cafe，好少座位，又係發揮一個人食野嘅威力，幾鬼快有位坐。上黎食個窩夫咋，鬼咁好招呼，煮得耐都怕待慢客人個種feel。窩夫到左，咦？個樣有dd懷舊罐頭生果feel，當然望真d佢似韓feel兼係用新鮮生果，唔係我都唔專登上黎食啦。食落口（要連鮮忌廉一齊入口），好食喎！可能係新鮮熱辣，同埋個窩夫甜度蛋味都好夠，同鮮忌廉有d冷熱交融嘅口感。服務好就令我對餐廳加分，個窩夫即整好味唔求其再加分！

跟守護公義的同事敍舊，首選當然是黃店。今晚，我們就到「Co-Dining Space」開餐。「Co-Dining Space」是一間樓上cafe，裝潢簡約，環境舒適。它主要提供pasta和pizza等美食，總有一款啱你口味。唐揚魷魚（$58）魷魚鬚大大條，很有口感，非常惹味！美國帶子伴青瓜粒香蒜意大利扁麵（$168）青瓜粒爽口，但只得三粒帶子，不夠分享啊！白酒汁蟹肉意粉（$168）真正蟹肉，不是蟹柳；味道比想像中的辣！辣肉腸薄餅（$138）經典款式，車打芝士夠厚身，啖啖都是香濃芝士味！美式BBQ豬肋排伴黑松露薯條（$188）切到7-8條，豬肋排很入味，性價比極高！總結一句，相對尖沙咀同區的西餐廳，「Co-Dining Space」的價錢很有良心，非常抵食！