CoCo都可茶飲 (軒尼詩道)

营业中

休息中

這杯鮮芋牛奶西米露飲料無疑是一個絕佳的夏季解渴飲品。第一口喝下去,濃郁的芋頭香氣立刻撲鼻而來,味道清甜不膩,帶有少許芋泥的顆粒感,很好地平衡了整體口感。牛奶的醇厚質地與芋頭的香甜滋味互相渲染,在舌尖上形成層次豐富的口感層次。西米露的加入也顯得恰到好處,為這飲料增添了一些爽脆的口感變化。細軟的西米露粒子在滑潤的牛奶和甘甜的芋頭之中穿梭游走,為整體飲料增添了趣味性和飽滿感。無論是作為下午茶時光的解渴良品,還是炎熱夏日的清涼消暑飲品,這杯鮮芋牛奶西米露都絕對稱職。它集中了芋頭、牛奶、西米露三種經典元素,融合成一杯清爽醇厚、香甜可口的夢幻飲品。無論是口感還是口味,都堪稱絕佳,值得一試。

每一次行過灣仔呢一間珍珠奶茶舖都見到有好多中學生同埋返工嘅朋友喺度排隊，今日就決定去試吓呢一間嘢究竟好唔好飲，我就叫咗錫蘭紅茶加西米露同埋仙草，錫蘭紅茶非常夠味道，而且加埋西米露同埋仙草嘅味道啱啱好，因為我本身係唔鍾意飲太甜，仙草好似咖啡啫喱撳非常好食，而且真係好抵，下次一定返嚟試其他！好飲程度（5粒🌟）🌟🌟🌟🌟抵飲程度（5粒🌟）🌟🌟🌟🌟位置 （5粒🌟）🌟🌟🌟服務態度 （5粒🌟）🌟🌟🌟衞生程度 （5粒🌟）🌟🌟🌟🌟

走過Coco都可茶飲，揀了幾款人氣飲品嚟試一試。點咗個經典珍珠奶茶先，珍珠Q彈得嚟又唔過甜，搭配嘅奶茶香濃到好似舊時候街邊茶仔咁懷舊，真係飲落暖笠笠好滿足😋。跟住我試咗個厚厚嘅自家製奶蓋，估唔到奶蓋滑溜得嚟帶點微鹹，啜一口，啲茶底香氣全都鎖住，簡直係奶蓋界中嘅極品！最後，個黑糖鮮奶真係突圍而出，啲黑糖珍珠底部仲係熱乎乎，攪勻後個香甜嘅黑糖味同鮮奶恰到好處地交織埋一齊，喉嚨過後留住隨時想再來一杯嘅濃郁回甘，實在太正喇👍！香滑嘅口感加上恰到好處嘅甜度，Coco呢家仔做嘅台式飲品絕對唔只得貌嚇人！插嘴提一句，我喺呢度試飲個過程中，店員嘅服務態度都幾nice，唔會因為係平民化嘅飲品而草草了事。飲過Coco，心情都好似帶點台灣日頭嘅暖陽，暖笠笠咁。話咁快，我已經計劃緊下次再過嚟試過其他款式，睇吓有冇新發現！🍹🍵🎉

今日天氣熱到一個點,見CoCo台式飲品店😍😍即刻同朋友買返杯嘢飲,消消暑先☀️☀️☀️☀️餐廳環境位於灣仔鬧市,非常方便✅✅✅推介：🙌🙌🙌🙌😋芒果益力多芒果混合益力多,酸酸甜甜,含益生菌,健康飲品😋檸檬霸加入整個檸檬🍋,超級愛超酸的飲品,檸檬富含維生素C,清涼解渴,消暑解熱, 好適合夏天飲用。😋生椰楊枝甘露香港特色的甜品,主要由椰汁、牛奶、楊枝等製成。口感清涼爽口,椰香味濃郁, 天時暑熱必選。大大杯,凍冰冰,價錢仲非常親民,仲有一個保溫袋,好貼心👍👍👍

鮮百香綠茶（L）$20 🥥🍵 半糖少冰+$2 椰果Total:$22好耐冇見到全間舖幾乎都2字頭一杯嘢飲，平到傻咗!!!加個配料都只係$2，份量完全比得唔少，大大杯😍😍呢杯百香果綠茶唔係淨係用果汁，仲有果籽，可以增加口感🤤🤤又香甜，加咗椰果更好咬不過綠茶味唔算好濃，有少許回甘，全杯嘢飲感覺好清新🌿完全冇負擔，冰落得唔多，少冰真係少冰🧊放咗好耐都冇淡😚😚

自己好少飲手搖茶因為覺得太甜今日難得同同事食完飯佢地話想飲coco緊係跟大隊飲返杯見到呢杯青梅氣泡做緊promo $30就買黎試吓點知有驚喜喎酸酸地帶啲甜配上粒粒青梅果肉，好足料咬落仲好有口感唔洗加其他配料都好滿足梳打水好夠氣夏天咁熱勁解渴好岩飲記得嗌少甜/微甜甜同酸會更平衡飲落更滋味😃呢個系列仲有普通茶底價錢更實惠但係我就中意梳打水底喇因為口感豐富啲飲落涼爽fresh啲咁喺灣仔嘅朋友食完飯或者下午茶可以黎買杯寵幸下自己都好

In 1997, the small town of Tamsui was the starting point for CoCo Fresh Tea & Juice, where the brand began its journey towards realizing its dream of providing quality products and services.Starting with a commitment to the essence of quality products, CoCo Fresh Tea & Juice carefully selects premium tea and high-quality ingredients to offer more people a chance to taste their delicious drinks. In 1999, the brand expanded beyond Tamsui and began to spread across Taiwan, with a vision to expand g

今次試左珍珠奶茶同奶茶三兄弟🧋，Coco嘅珍珠奶茶奶味較其他台式飲品店重🥰🥰🥰，我個人幾中意，🤩🤩🤩奶茶三兄弟入面有珍珠，仙草，布甸，混合一齊飲一流👍🏻👍🏻

和朋友在灣仔食飯後，原本想飲天仁才8時多，天仁關了，茶狼也關了，只剩下Coco都可和朋友分別點了一杯茉香奶茶和一杯蘋果益力多正正常常的味道，價錢都算合理但只有一個Size(大)，都好難飲得晒😂有得選擇，還是天仁

近年都好養生，少咗飲珍珠奶茶以前好鐘意飲，特別鐘意黑糖珍珠鮮奶今次經過，天氣又熱，破例飲返杯～黑糖雙拼牛奶 $30味道唔錯，黑糖味濃，珍珠q彈～好多舖嘅黑糖珍珠鮮奶都冇得較冰度同甜度，希望多啲舖有得調較，符合唔同人口味啦

都有2年冇幫襯過Coco，因為之前的經驗唔係太好飲同太甜。今日難得經過又比我發現到可以用OpenRice app落單第二杯半價，就買兩杯再試下啦…「鮮蘋果百香」$29: 有好多切碎了的蘋果肉，叫了少甜因為本身百香果是酸的。味道非常清新，而家夏天飲就真係一流。「奶茶五小福 」$26(半價咗只係$13): 平時只飲開珍珠奶茶，但呢杯有齊珍珠、布丁、紅豆、芋圓同仙草。五款配料已放滿半杯，視覺超霸氣，每一啖都飲到不同配料，非常滿足但係飲晒成杯就真係好飽（順便一提，原來「五小福」係唔可以揀甜度，只可以標準甜或者走甜。）灣仔Coco店的職員非常好及有禮貌。 有樣嘢真係要讚下，當買兩杯飲品或以上，職員會自動波幫你入膠袋（相反其他店舖，例如天仁茗茶及春陽茶事，膠袋要收一蚊）

首先要講下呢間野真系幾抵、幾好飲。首先價錢唔算貴 ($25大杯)，有啲鋪頭依家賣到$35-50，我完全失去咗幫襯嘅意欲😂😂呢杯$25嘅飲品，奶蓋系平時其他店嘅2倍。你唔好以為佢會偷工減料😂😂佢系好厚身，好重cream味架 (唔會太甜，反而cream味出啲)，綠茶好清、唔澀 (系甜綠茶)。溫度冰凍，計味道嚟講系極度推薦的。奶綠我都試過，奶香都幾濃，味道清新，系全港數一數二咁出色，但系我都系覺得奶蓋最出色，連台灣、日本嘅奶蓋都比唔上。

今日出咗街做嘢，做完嘢之後諗住買外賣返屋企食，買完個外賣又覺得有少少口渴，咁索性買多杯嘢飲啦行經呢間Coco，諗起好耐都冇飲過，望下個餐牌唔貴喎，可以一戰<17歲輕茶奶霜$26>17歲輕茶奶霜，聽完個名都唔知究竟係咩嚟不過唔緊要，望吓個英文名，就知原來係奶蓋烏龍茶叫咗一個3分糖，少冰嘅奶蓋烏龍茶烏龍茶嘅香味都算夠香，3分糖對於普羅大眾嘅男士來講，應該啱啱好，唔會太甜奶蓋真係超級口厚，唔會好似其他台式飲品店，得嗰一啖總括來講係一個唔錯嘅體驗

近來流行自家製奶蓋。今晚在街上，心諗 自己整要時間要心機，不如買！剛巧路過coco，一於飲佢！其實已經支持左佢好多年只是分店不多，不可以經常喝。但一直都鐘意coco，每次有機會飲，佢水準都保持到！今次時機啱啱好，啱晒胃口！正掙扎緊飲紅茶還是綠茶⋯⋯突然 發現佢對比其他台飲店 一大優勝之處：即磨咖啡！一大台咖啡機，親眼睇住佢製作香味四溢！配上法式奶霜！perfect match!! 即磨咖啡當然甘香，奶霜也十分香滑，微咸，份量又多我的選擇果然英明服務員態度和藹，不錯。會繼續支持coco！

每次去都見到好多人排隊，但今次終於比我飲到！！真係期待已久，果然都好好飲，冇令我失望！我叫左杯黑糖珍珠奶茶飲，珍珠很有口感，而且奶味十分，不會太甜。份量好多夠兩個人飲！推薦