CoCo Cafe

营业中

休息中

今日入左去大嶼山行山，朋友揸車咁啱坐喺附近睇吓有啲咩食，我哋就搵到呢一間，評價都唔錯嘅小店，順便後邊有個停車場非常方便，咪錶黎，方便我哋泊車🙈🙈🙈 整體上位置方便渣車朋友🙈🙈午餐都多種類，而且我認為價錢都合理，包飲品同埋餐廳自家製嘅湯，好好味！我好中意磨菇湯，雖然唔係好濃西式個種但入口其實都唔差🙈🙈雞扒好大件啊🙈🙈 好香 再加埋佢個汁，撈埋意粉食一流，而且大件夾抵食！！雞扒啖啖肉，好食，意粉加埋什菜都好野食，會再返黎會食！

咁啱經過東涌呢一邊，所以就都係恰巧食過呢一間餐廳冇諗過質素其實都幾好，佢雖然距離地鐵站有少少遠，但係非常適合可以駕駛嘅人士，因為附近係有停車場可以泊車，非常方便，而且亦都可以喺戶外進食，而家天氣咁熱，我哋今日就揀咗室內！✔️兩個餸公仔麵（出前一丁），餐廳本身係用出前一丁，都係我比較鍾意食嘅公仔麵類型，我今日就揀咗魚柳同埋漢堡扒，魚柳即叫即炸，再加埋本身餐廳嘅沙律醬，更加好食熱辣辣，咬落去係出煙㗎！真係非常好食！漢堡扒就不過不失，冇乜太大特別！

COCO CAFE@東涌🌟燒雞扒意粉，價錢嚟講50幾蚊唔算太貴，因為會有一個餐湯同埋一杯嘢飲，我哋嗰日咁啱就係蘑菇湯，餐廳自家製嘅每日湯，味道中規中矩唔會太鹹，雞扒意粉就比較吸引，雞扒非常大塊，而且意粉嘅份量亦都十足，雞扒同意粉嘅配搭非常好，而且最後加多一杯凍檸茶，呢一個價錢唔錯，可以推介！略嫌距離地鐵站有啲遠，適合會揸車嘅朋友，因為行過去起碼20分鐘！好食程度（5粒🌟）🌟🌟🌟🌟🌟抵食程度（5粒🌟）🌟🌟🌟🌟位置 （5粒🌟）🌟🌟🌟服務態度 （5粒🌟）🌟🌟🌟🌟衞生程度 （5粒🌟）🌟🌟🌟🌟

其實呢，宜家香港唔洗笑容，去食野嘅話，基本你比個位我坐，落單，黎菜，賣單走，簡簡單單已經係完美，但係呢，掉返轉架呢間餐廳，你諗住去幫襯佢呢其實係得罪佢架！去到嗌落單就叫人等，等到再問佢都係叫你等，唔尊重人到一個點係根本無諗住同你落單！咁你又打開門做生意？定係純粹租個冷氣地方比人免費入去坐然後自己走？

去Coco食咗佢哋嘅五成熟西冷牛扒配菜底，真係超正呀！佢哋係度做嘢真係有心機，個牛扒煮得剛剛好，表面焦香，入面多汁。切開個牛扒，肉色粉紅嫩滑，一嚼落去就好juicy，好入味。個牛扒嘅味道好濃郁，肉汁鮮甜，食落好有層次感。仲有啊，佢哋嘅配菜底都好出色！啲蔬菜新鮮脆口，炒得恰到好處，帶返啲自然嘅甜味。同埋佢哋嘅醬汁，真係一絕！CP值非常高，入面人流都唔少，要等一陣先有位，服務質素一般，但係好過食澳牛既service，請放心。

Today I've tried out this Coco cafe in tung Chung. Theres quite a long queue during lunch hour. We have waited around 10 mins for the table. Their menu is mainly simply cafe food in western style.I've ordered a grilled chicken fillet with spaghetti. Theres a soup of the day provided by the restaurant which is mushroom soup. It's creamy and unexpectedly good. For the chicken fillet, the size and portion is huge. The seasoning of the fillet is also good. The surface is crispy. The spaghetti comes

今日同事介紹去呢間位於東涌馬灣新村2號地下的Coco  Cafe嘗試下他所講的脆邊西冷扒，600呎村木樓下的所謂Cafe，地下有點狹窄，坐下後點了茄汁西冷扒餐，一上就是餐湯，沒有餐包付上，紅蘿蔔粒忌廉味精湯，再端來一碟袖珍牛扒配意粉，淋上茄汁玻璃芡，放上幾粒西蘭花紅蘿蔔片，賣相極不討好；拿起刀叉鋸牛扒，柴、柴、柴，難食！意粉煮得恰到好處，茄汁味精芡好味。最後我點了奶茶，奶茶是純滑的，埋單$80免加一。結論：一次足矣，不會再來。

今日去開大嶼山嗰邊行山 咁啱搵到呢一間可以泊車嘅茶餐廳 絕對係喜出望外嘅感覺 呢個位有啲偏僻 唔係咁容易搵到 距離地鐵站嘅路程亦都相對比較遠因為方便朋友食煙 我哋坐到出去露天嘅位置 餐牌上都有好多唔同嘅選擇 我就揀咗雞扒意粉 如果配白飯就唔使加錢 意粉或者薯菜就需要加兩蚊 嘢飲我就揀咗普通嘅熱奶茶本身都係諗住快食 冇乜期望 點知食落性價比真係幾高 $48+2 我以為只有快餐嘅味道 冇諗過食落 味道唔錯 佢仲會送埋一個湯 咁啱我今日係蘑菇湯 $50 一個餐仲有湯飲 難怪成間茶餐廳都爆滿 見到有好多藍領嘅人黎食

咁啱見到呢度有位泊車所以過咗嚟，咁啱見到呢間有位所以就盲舂舂入咗去。呢一個係一個好後悔嘅決定，下次真係寧願等吓位。經過呢一餐覺得自己浪費光陰之餘覺得自己浪費咗自己個胃，食咗一餐垃圾，真係唔明白呢啲餐廳點樣生存。首先唔好批評佢嘅服務態度，因為冇服務態度可言，嗌咗三個餐三杯嘢飲都嚟問咗三四次，然後啲食物係完全唔可以食入口。作為東涌居民嘅我發誓一世都唔會再食呢一間。各位如果鍾意劣食嘅，我絕對建議你來試一下。因為佢同余德丞介紹嘅餐廳水平一樣。

搬係附近有段時間，都買過幾次今次最失望。外賣個三明治話要烘底，買單完發現原來沒整到，要餐廳重新整過，結局變成咁。個多士黑一片仲扁晒。之後都唔會唔會再去了，真心失望。

在東沖工作受朋友介紹到一間位於coco cafe 進食lunchlunch set 約$48至65有香草雞扒、咖哩魚扒、黑椒牛肉眼扒等選擇看餐牌已經很吸引下午一時來， 蠻多人但還好有4 人位心大心細選豬串骨還是黑椒牛肉眼扒最後，試了黑椒牛肉眼份量適中，牛肉眼扒約手大般口感軟腍，以$65 的價錢來說，算便宜😄配餐湯及熱飲推薦此店咖啡必試， 咖啡很香，飲一口咖啡香久久不散😜朋友點了魚扒配咖喱很適合不吃辣的人士，有咖喱香魚扒約手大般份糧

馬灣新村附近幾間小咖啡店，好似幾受街坊客歡迎， 3點3下午茶時間都坐滿客人咁樣。不過，不到就同一般嘅咖啡店差唔多啦～水牛城雞翼加司華力腸，雞翼咁樣整好似都幾正， 30幾蚊配飲品唔算好平但都OK啦。出前一丁麵餐配餐肉炒蛋，都係正常茶記嘅味道。

陪伴我多年，亦倍胖我多年！沒有了你...可以節食啦！期待你再次出現.........🙏🙏🙏隨著你的美食丶獨特濃香的咖啡....我們會再找到你的！暫停為了再好的而再出發！

東涌既野食真係唔多選擇，好食又抵食既就更加少，而依間只有本地人同係附近做野既人同司機先識去既餐廳就係一個好選擇。因為佢4、5十蚊既價錢，已經好食過出面6、7十蚊既餐廳好多，而家仲成日都會轉換下菜色，有時都會食到啲特別野，就好似依個咖哩大蝦意粉，都係第一次見。同埋佢既即磨咖啡就好好味既，我去親都會叫。不過而家佢就愈來愈好生意，我周未去好多時都要等位，因為佢出面係有好多車位，好多附近做野既人同司機都會揸車過黎好多時都會水洩不通。

Interesting little place tucked away in Tung Chung.  Went for lunch on a weekend.  Like the other reviews said, it does get quite busy especially around 12-1:30pm.  If possible, recommend going a little later.  Their lunch menu is extremely good value - less than HKD 60 for coffee, soup and main.  Great ice coffee.  If you have pets, there're are also outdoor tables available.  For those who drive, there're about 30 public parking spots in 2 lots nearby - one right in front of the cafe, and the