CoCo Espresso

营业中

休息中

專誠來大埔分店享受一杯熱咖啡，天氣轉冷，希望一杯香醇咖啡給我溫暖和悠閒感，想不到來了一杯半冷半熱的咖啡，非常難飲。還有這位小胖胖帶眼鏡的服務員送餐來的時候非常無禮貌，決定以後不再光顧了。

要左 fruit Flat white 外賣 細杯25$ 大杯30$奶泡幼細，而且豆香不錯. 呢個價個人覺得超抵 🙈外賣，有拉花！ 雖然好基本，但就係有d咖啡店外賣就隨便處理😅如果路過開，可以試一下

大埔在商場裡可以揀的咖啡店都唔係好多間所以呢絕對係唔錯嘅選擇Dirty 漸層咖啡 不過不失 未做到好漸層的效果Latte 牛奶咖啡賣相同味道都唔錯應有的水準食物方面 今次主攻食Bagel意大利日曬蕃茄忌廉芝士抹醬Bagel又真係幾好味道蕃茄忌廉芝士係夾既味道勁濃 建議揀原味Bagel配另一款係 柚子檸檬忌廉芝士抹醬Bagel甜酸甜酸的 係好食嘅建議配 綜合Bagel 午市時段都唔算多人環境好坐 係張桌有縫位令食物碟 同 咖啡碟 唔係好平衡切野既時候有點難度

這間<COCO ESPRESSO>的食物食物在Open rice看着不錯，於是今天來了大埔這間試試，怎知，一試真是令人太失望了，吃完非常失落，因為質素很差:首先1)黑松露雜菌雲吞太鹹，醬料太多，雲吞口感差，似食麵粉，於是同職員反應，希望她回應的是:好，我同廚房反應下;可惜，得到的答案是:有黑松露，係咁㗎。但是，我吃過那麼多黑松露食物都不及它那麽鹹，職員態度给人不會接受意見和改進!2)All breakfast沙律菜和牛油果都不新鲜，牛油果有啡邊，唔靚，沙律菜苦苦地3)Latte非常苦，奶少，唔好飲所以，不建議去試!

星期六收工同老婆出去食晏晝，行過見到呢間cafe。開咗其實都好耐嘅Cafe，一直都想試 見人唔多，所以就入咗去食。一直都知道呢間係食意大利粉同埋飲咖啡為主，所以我哋一坐低都叫咗個意式小雲吞同埋個bagel，同埋嗌咗兩杯Cappuccino。餐廳其實個裝修幾靚，但係啲座位唔算好舒服，因為都係固定，唔算寬敞，仲有啲迫。而餐廳喺採取大部份都手機落單付款。講返個食物質素，其實都算幾好食，因為出面食意大利小雲吞其實都幾貴，而呢間嗰個煮得都幾好食，個Beagle亦都唔錯，咖啡店都好過星巴克。可惜個價錢真係唔平，如果路過都可以試吓嘅

Cafe開左一排但係一直無機會試，今日就入去飲左杯嘢；係手機落單，飲品可以選擇熱/暖/凍非常貼心，正常Cafe價錢🥹 唯一覺得有啲唔方便就係限左openrice pay,可能對無手機支付既老人家/ 學生相對無咁友善🤔店員幾友善，笑面相迎，隔離檯跌左嘢主動上前執番，服務唔錯🦕抹茶鮮奶唔會太甜 好香濃，好順口唔會有粉粒係底幾好飲！見到隔離檯叫左一份意粉同埋漢堡，賣相都唔錯！！整體都幾推薦 下次試埋野食如何

叫咗個黑松露炒蛋加酸種麪包多士，同埋一杯熱美式咖啡。個黑松露炒蛋淡而無味，冇諗過食黑松露嘅食品會咁淡口，炒蛋半點鹹味都冇，似冇落過任何調味，我估幾適合追求健康嘅人士，不過就唔啱我胃口。酸種麪包就正正常常，同一般cafe冇分別，冇咩好評價。熱美式咖啡冇乜咖啡香，可能要叫杯特式啲嘅咖啡先知佢咩料啩。七十幾蚊個炒蛋加包，其實都幾貴，細份又唔係好食，個樣亦唔係靚到可以打卡呃like，嘢飲又冇因為叫咗嘢食而收平啲，夾埋要$11x落樓，感覺勁唔抵。呢間試一次就夠，唔會有下次。

今次因為趕時間只可食到早餐Menu主食甜品各樣要11:30後先食到呢但早餐都好不錯喔😋-🤍布里芝士火腿酸種麵包（半份） $40🤍煙三文魚忌廉芝士酸種麵包（半份）$40酸種麵包比想像中大份 而且脆口🍞火腿同煙三文魚嘅份量都好多🍖🐟每啖包都有餸食 加埋芝士更添層次🧀但略嫌麵包太多橄欖油🥲-🤍抺茶鮮奶（+$30）有得揀轉脫脂奶/豆奶真係幾friendly而且抺茶味超濃🍵-🤍鮮奶咖啡（+$20）（加大+$4）爸爸飲的 佢話覺得泡沫好有層次啡味都好重 總之好好飲☕️-回訪嗎：🙋🏻‍♀️味道 🌕🌕🌕🌕🌑抵食 🌕🌕🌕🌗🌑

有主食的cafe 都可以輕輕打卡 經過坐下放鬆都不錯慢煮牛頰肉醬寬帶麵 108一道結合了濃郁牛頰肉醬和寬帶麵的美味意大利菜。特點係牛頰肉經過慢煮，肉質鮮嫩多汁，與寬帶麵的口感相得益彰！可以搭配一片新鮮的義大利麵包或沙拉作為配菜黎提升整體食用體驗。煙三文魚班尼蛋 108經典既早餐，結合煙燻三文魚、班尼迪克蛋酸奶醬，混合了煙燻三文魚的鹹香、班尼迪克蛋的蛋香和酸奶醬，食落去係酸酸甜甜口味提供香港未普及既網上付款 唔洗出去埋單

【大埔區】【CoCo Espresso】之前道歉哥過咗大埔做嘢，我作為殯儀之星就梗係去湊吓熱鬧。咁啱撞正佢放飯時間，就同佢一齊食喇。行來行去都唔知食乜好，諗過食韓國嘢但行到埋去又好似唔多想食咁。最後就揀到一間 cafe，西式嘢，感覺件事合理啲。由於我已經食咗嘢，所以只係叫輕食，呢款 $68 嘅「提拉米蘇」就啱晒我。不過好笑嘅係，其實我正餐都係有啲相類似嘅嘢喺度，所以好似食完又食咁。然而，呢杯嘢其實都係唔錯嘅，甜得嚟又唔算好膩，係水準之作嚟。嘢飲方面，由於我冇叫套餐，所以係直接用正價散叫飲品。我見 $52 嘅「粉紅草莓鮮奶咖啡」好似幾有特色，就叫杯嚟飲吓。結果都有少少失望，草莓嘅酸甜味嚴重蓋過咗咖啡味，而本身鮮奶咖啡個味又未必咁出，所以係咁。而道歉哥就叫咗 $108 嘅「慢煮牛頰肉醬寬帶麵」同埋 $48 嘅凍「Honduras」，好似係啲懶專業嘅咖啡。道歉哥話啲嘢食同杯啡都唔錯，咁我就信佢喇喎。埋單價錢係 $276，食呢啲西餐 cafe 嘢係咁上下啦，仲要商場舖，啱嘅。。。（地址：大埔安邦路8&10號大埔超級城C區2樓587號舖）#1amfoodie #foodie #hkfoodie

Coco Espresso 位於大埔嘅分店以純白希臘地中海風格裝潢，白嵦嵦洞穴式設計十分igable ，閒時係哩到嘆杯精品咖啡☕️都幾chill 平日晚餐時段都幾滿場，幸好我地趕得上最後一張吉枱就唔使等啦😆晚餐選擇都唔少，意粉🍝burger 、烤雞、all day breakfast 都有齊🥰🥰重點當然係咖啡☕️基本款black coffee 、white coffee 或者店長推介special drink menu 慢煮法式油封鴨髀配牛角窩夫 🧇香煎油封鴨髀煎到外皮十分香脆，鴨肉一切就輕易分開，配上酸酸甜甜嘅黑醋汁同酸菜完全唔會油膩，有別一般配上薯蓉坐配菜，呢度重本用上脆身嘅croffle ，伴太陽蛋鹹食或者沾上楓糖漿甜食亦可非洲霹靂霹靂辣汁烤雞一客有兩大件嫩滑烤雞脾，慢煮雞髀🍗肉質夠嫩帶微粉紅色，配上秘製霹靂辣汁超級惹味，作為配菜嘅薯蓉都不可錯過，綿滑嘅薯蓉奶味濃，牛油香氣撲鼻，加上爽脆沙律菜更能解膩士多啤梨吉士忌廉牛角酥窩夫🧇牛角酥窩夫脆酥中帶點煙韌嘅口感，配上新鮮士多啤梨🍓而且士多啤梨吉士忌廉唔會太厚身，酸酸甜甜又幾開胃🤤抹茶鮮奶🍵淨係睇顏色都知道係超級濃郁嘅抹茶鮮奶😆下次要試吓

今日去左大埔超級城一間純白色歐陸風格CAFE "CoCo Espresso", 佢地嘅Menu好吸引，特別係有我最愛嘅牛角酥窩夫！我即刻被佢吸引左入去!⭐慢煮牛頰肉醬寬帶麵味道好突出！寬帶麵煮得剛剛好，Q彈有嚼勁有驚喜，搭配慢煮牛頰肉醬，牛味非常濃郁 肉質軟林，入口即化，酸酸甜甜既蕃醬味好開胃!⭐非洲霹靂霹靂辣汁烤雞雞件都幾大隻，烤完都仲保拎到肉汁，吾會好肥岩岩好幾JUICY! 霹靂辣汁醬料食落酸酸辣辣，辣度係屬於微辣，好有特式。配碟既薯蓉都做得好香滑CREAMY好味!⭐士多啤梨吉士忌廉牛角酥窩夫牛角酥窩夫外層酥脆，內裡柔軟，一層一層的好有口感! 配上鮮甜多汁的士多啤梨和滑順的吉士忌廉，果然冇令我失望!！COFFEE 香氣撲鼻! 拉花造得好靚!⭐Flat white⭐Matcha latte總括呢間cafe店無論食物同飲品都好有水準，可以一來再來

每次行過呢間，以為只係飲下咖啡食件cake，但原來有驚喜喎！🤩首先最重要就係咖啡啦！呢杯「香茅巴西」入口順滑，冇雜質，不酸，好爽。呢杯「粉紅草莓鮮奶咖啡」充滿有少女味，好可愛呀！仲有「四季春番石榴冰茶」體現到夏天陽光味，暢快呀！食物方面：「慢煮牛頰肉醬寬希麵」清新手打蕃茄味，食到唔係罐頭醬，好有誠意呀！「白酒蜆肉意粉」橄欖油香好健康呀！「煙三文魚英式班尼迪蛋」一切都咁夾，蛋嘅熟度掌握非常好👍🏻，分量都好足架！甜品係近期流行嘅牛角包窩夫，值回票價啦😘

Blackpink STRAWBERRY PINK LATTE@ 大埔超級城💕☕️Blackpink STRAWBERRY PINK LATTE@ 大埔超級城大埔超級城又一間充滿特色嘅門面，有一點土耳奇泥水風既咖啡店。由於係黃昏時間，同朋友點了 2人餐～ 但價錢好合理，按主菜同甜品去單獨點算👏🏻👍🏻APPETISER & MAIN (PICK 2)慢煮牛頰肉醬寬帶麵$108🐮Beef Cheek Ragu Fettuccine寬帶麵軟硬程度適中，可以將肉醬掛汁👍🏻好食🥂白酒蜆肉意粉$108🍝相信在廚房有用火🔥加工，因為食到好香嘅白酒，但又唔會有酒精嗆喉既感覺，廚房都非常有功架👏🏻抹茶吉士忌廉牛角酥窩夫Matcha 🍵 Custard Cream CroffleRSPleso真係二人份量，非常之抵除返開都係40蚊輕啲一個人👍🏻重點介紹：Special Drink ～點了一杯好似💕☕️BlackpinkSTRAWBERRY PINK LATTE粉紅草莓鮮奶咖啡,用咗日本草莓起初好擔心飲唔到咖啡味，但原來係Double Shot，甘夠晒Espresso🫶🏻 哩杯真系好好飲😁😁🔸餐廳coco es

今天12:50到大埔超級城分店食午餐，落單時是一位戴眼鏡嘅女士，佢講野態度好唔禮貌，本身佢講野又細聲，多以我多次聽唔到而吓？咗一下，佢就黑晒面拖長聲線答野，我用廣東話問佢個Benedict 係用咩包，佢用英文答我，咁我無預你答英文，佢又細聲，咁我咪吓咗一下，佢即刻黑面，整過個程我覺得佢以為我唔識英文，有啲睇唔起我咁，其實我識但只係太細聲聽唔到，呢啲人真係唔適合做前線。如果唔係我個女趕住返工，周圍鋪頭排晒隊，我真係會走講返食物方面，無論賣相味道都好好，值得一試👍🏻👍🏻而其他員工態度有禮，所以希望管理層如果睇到呢編食評，要好好培訓下有關同事，唔好浪費廚師心血