Coffee Art

营业中

休息中

之前就聽過很多人去吃Coffee Art的Brunch但沒想到它的晚市套餐也很吸引一個套餐只需$128-248頭盤3選2：凍蕃茄/是日餐湯/柚子汁雜菜沙律一款主食餐飲：伯爵紅茶/茉莉綠茶我們選了凍蕃茄和餐湯凍蕃茄份量很多 吃起來很清新開胃餐湯味道就不過不失🔹️ 松葉蟹鉗配本菇蟹膏意大利粉 $128松葉蟹鉗+蟹膏加在一起令整碟意大利粉都充滿蟹香味意粉質地不錯 每條都吸收了醬汁的味道讓人忍不住一口接一口🔹️ 煎鹿兒島豬肉眼配燒菠蘿 $158好大一塊鹿兒島豬肉眼煎的熟度剛剛好而且還附上一堆沙律菜 感覺比較健康另外燒菠蘿烤得好好吃 外脆內爆汁另外餐飲是用茶包的 味道正常下次想在白天去 試試它的咖啡

想飲啡又唔想去連鎖店，就一定來哩間。星期六，日好旺。好多人來食早餐或午飯。我多數食完晏同朋友過來飲杯啡，因為哩到多選擇。天氣熱，我多數來飲 espresso tonic或者 Americano。

呢間coffee係寶琳開咗好多年都轉過好多次menu主食叫咗「蟹肉 蟹棒 帆立貝 藍芝士忌廉汁手捲粉」$173配料都幾多 食落唔覺漏跟餐加咗$10嗌咗冷泡茉莉綠茶「香煎牛側腹配青醬意大利飯伴黑醋汁」 $264牛側腹煎到大概五成熟 有啲位比較難切有啲位煎燶香口啲 個飯好味道 睇menu就俾呢杯飲品吸引咗係「開心果維也納咖啡」咖啡上面有開心果碎 飲落都唔錯👍🏻「日本海膽流心忌廉餅」 $48「日本柚子芝士蛋糕」 $35整體黎講 呢度嘅嘢食都OK嘅不妨飲返杯咖啡 食件cake

地點好方便，地鐵站都係附近，好易搵到～環境都清靜，一間文青cafe style，係座位比較少～觀塘都有間分店，個邊成日排隊，呢度咁岩我呢個時候唔駛排～服務超級好，有個叔叔見到我地有狗狗都主動幫我地搬好d 櫈，等我地架寵物車就到位泊好，又知道狗狗有機會會lam檯上食物，上菜個陣佢會特登放係一邊遠離狗狗位置💖💖🥺我地叫佐蕃茄三文魚意粉，好好味，蕃茄濃郁～包一杯熱飲^_^不過就冇 dog menu，如果可以有會成日帶狗狗黎～

晏晝成日唔想食太多嘢，天氣熱又唔想食熱嘢，見佢地Lunch set有個「無花果巴馬火腿水煮蛋法國酸種麵包」就試下啦, 包餐湯或沙律+飲品，熱茶係免費，而我就加錢要咗杯Iced Latte。.間唔史都會去呢間餐廳，但第一次試呢個菜式。主菜用料新鮮，味道不錯，很喜歡食無花果😍其實齋睇佢比意粉細份咁多相比下偏貴，但其實呢個菜式食材係貴嘅，所以都可接受啦～.杯Iced Latte，雖則我對咖啡冇深入嘅認識，但佢個啡底係唔錯。飲得開心♥️.服務方面- 其實我唔係第一次去，當餐廳唔係處於非常繁忙嘅時候，佢哋個個侍應嘅服務態度都十分好。但十分繁忙嘅時候，侍應會比較緊張，有時會處理唔切，不過也理解因為實在難請人，間唔史見佢哋有唔少人手嘅時候，眼見都係啲後生仔仔妹妹，但好快又唔見人，我估都係做唔長就走咗啦…. 其實香港好多餐廳都係咁，所以希望大家都可以俾一點耐性，香港做餐飲真係唔易做。（後記，又差啲唔俾出，在此澄清，本人不是什麼KOL，沒有接受過任何用餐優惠，純粹個人喜好同分享）

安排超差，完全無系統，母親節當日，門口receptionist 亂up，完全不知所謂，walk in攞位，答我大約等4-5個，我等咗5張枱後都仲未到我。而其實原來仲有好多張聲稱已booked枱嘅未嚟，即係根本唔會有機會輪到我。

寶琳附近都冇咩呢啲coffee shop，好彩呢間嘅咖啡都好好飲，嘢食還可以啦！唯獨有一次食All Day Breakfast 嘅薯蓉嘅時候，一入口我都唔知自己食緊咩，因為係好酸的，酸到乸口！問店員嗰Pat係咩嚟，佢答係薯蓉，我仲問佢係咪酸忌廉薯蓉😅佢再幫我問廚房話唔係酸嘅，所以廚房俾過新嘅薯蓉我哋，我再食嗰個薯蓉係唔酸的，所以證實咗之前嗰個薯蓉係變咗🥶🥶好彩我即刻吐咗冇吞😳除此之外，其實其他嘢食都好好食個長通粉味道特別！好食😋Latte 好飲！價錢都比其他cafe平！另外有位叔叔服務好好好細心！服務態度好已經加好多分！

Order first in last out ，order大延遲，我等了45分鐘，然後得到一句：廚師新嚟。食物嘅品質都受到影響，男友order all day breakfast ，我order 牛扒。1）牛扒唔新鮮 ，翻煮咗兩次都唔熟2）all day Breakfast凍食 3）薯蓉有生水味，發臭4）店員唔識處理，只答：「處理中」5）收銀：「抱歉，我比9折你」其實，用左45只等，只係得到一句「抱歉，廚房新嚟」🥲🥲成個體驗十分差，其實我覺得佢哋直接講漏單會好啲😓

平日下午茶時段，茶餐廳食得多，想換換氣氛🌸☕️歎歎咖啡，同時有飯意粉嘅飽肚選擇。將軍澳新都城有這間coffee art。coffee art 觀塘也有分店，weekday 難得不用排隊。五花腩泡菜Risotto好惹味，豚肉略嫌脂肪比例太多，不過真係好香！咖啡在咖啡店唔少得，當然好ok! 水吧還有沏茶，啱啱見到一位常客，一邊歎茶，一邊傾如何在家也能泡到這水準🍵🫖誰想到繁忙嘅香港，在小區local 店可以有這值得向往嘅時刻。👍🏻👍🏻

聖誕節正日冇訂位，求其睇吓邊間餐廳有位就行入去，喺門口睇到呢間餐廳竟然冇特別加價，亦冇做特別嘅聖誕套餐。因為時間尚早，最後一張枱俾我哋坐咗，之後嚟嘅客人要等啦。松葉蟹鉗蟹膏意大利粉：呢個價錢，蟹鉗就唔好咁高要求，普通急凍蟹鉗，意大利粉個醬汁好好味，蟹肉忌廉汁好香。煎鹿兒島肉眼配燒菠蘿：鹿兒島肉眼超淋，煎到啱啱好熟，配菠蘿食，酸酸地即時減少咗油膩感。全日早餐：好豐富，除咗一定有的煙三文魚，豬肉腸，炒蛋，仲有一樣嘢好特別，就係椰菜花蓉。芝麻芝士蛋糕：服務非常好，侍應仲主動幫我refill熱茶

🍽Coffee ArtDeluxe All Day Breakfast基本AllDay款式～多士脆口味道唔錯🤤小編覺得炒蛋失準🫣食落唔滑同似over左🥲其他正常泰式酸辣雞肉意大利粉酸到食唔到～都算偏辣～雞肉切到碎濕濕咁🤦‍♂️正常無怪味小編唔會浪費蒜蓉牛油雞翼勁香又好味🤤其實依三種配料+食材混合埋係無得輸(除非你唔鐘意其一)😂蒜油煎炒得剛好·又唔會濃哂～整體比例平均～無Ovar蓋過其他食物👍盛惠$3xx💰💰💰💰💰好味指數🫵 5️⃣最佳🍻🍻🍻☻非專業食評·純個人口味☻🗣️仲有咩想講小編覺得唔吹單個意粉係唔知要等幾耐～上枱熱+無抹碟😅原諒小編直話直說🫣似係岩岩臨急臨忙整～先唔評論係咪漏單～但出到黎食物真心麻麻～小編認為可以係Menu度加個🌶️圖案作提示🔔或者落單時店員要提醒客人😅以免有客人投訴辣得制食唔到🫣🫣但不過個雞翼真係幾好味🤣會想試下其他同埋再會一會個雞翼🤤🤤最尾想講～杯野飲真係幾細杯～多謝大家😉

餐廳在將軍澳區多年, 今次已是第二次幫襯 食物 : Dinner Menu#D1 - 松葉蟹鉗配本菇蟹膏意大利粉 $128 ~ 是套餐, 包柚子沙律/餐湯/紅茶, 意粉味道不錯, 擺盤靚可以打卡, 柚子沙律酸酸甜甜好開胃, 餐湯味道濃郁, 伯爵紅茶是茶包沖 Main Menu#K - 煙三文魚鮮蕃茄汁意大利粉 $88 ~ 味道正常, 包苿莉綠茶 環境 : 裝修舒適, 整潔乾淨, 同朋友傾計食飯不錯 地點 : 餐廳在新都城商場一期地下, 由MTR行過來約2分鐘, 非常方便 服務 : 職員熱情有禮貌 價錢 : HK$216/2人 (無加一服務費)

聽日差唔多中午嚟到，大概有三份一嘅客人。我哋揀咗個近商場門口嘅位置坐低。個度環境好舒服，位置都好闊落，可以慢慢坐低傾偈，享受生活嘅時光😗😗。⭐️ Iced Latte $44用新鮮嘅豆沖煮，口感偏向濃郁同滑順😄😄。整杯拿鐵飲落去滑身厚實，唔會膩口。飲完一啖，就想再飲多幾啖💛💛。仲有咖啡果嘅香氣，整個體驗更加豐富同有層次，真係值得一試👍🏻👍🏻。⭐️ Affogato $44係Espresso加上雲呢嗱雪糕。飲落去冰火交融，苦甜平衡，好有風味😎😎。雲呢嗱雪糕有濃郁嘅雲呢籽味道，質地滑身又濃郁😚😚。而espresso都好香濃。一齊食落去，甜香軟滑，好好味😋😋。🍄 總括嚟講咖啡店嘅環境好舒適，店員又細心有禮貌👍🏻👍🏻。特別推薦慢慢享受美食，好好慢活一下🤠🤠。仲有其他嘅套餐可以試下，下次都想去嘗試吓😆😆。📍Coffee Art將軍澳運亨路1號新都城中心一期G樓G95-96, G113-114號舖Shop G95-96, G113-114, G/F, MCP ONE, 1 Wang Hang Road, Tseung Kwan O港鐵寶琳站 A1 出口, 步行約4分鐘

質素不合乎要求，蟹肉欠奉，其他兩個餐還可以，看完食評去，怎料徹底失望。作為負責任食客，本人經歷不太好，態度不錯，只是蟹肉餐卻沒有蟹肉，除了一小腳幾乎看不到。餐茶也極清淡無味，幸好環境好，大蝦餐幾好，燒雞也一般，希望有改善，雖然我不會再去。

寶琳無咩cafe，難得有coffee art。coffee art同佢名一樣，咖啡好有水準，見到佢仲有間玻璃房炒豆，超專業，我地都試過買佢既咖啡豆，的確係唔差。而且唔止咖啡，食物質素都唔錯，依到既burger係我同先生既favourite 😆漢堡入面既太陽蛋煎得好靚，賣相即刻加唔少分，牛肉係和牛黎，一入口充滿牛肉既香氣，切開蛋黃，蛋黃汁流到和牛上，充滿住蛋香加牛香，唸起都流口水 🤤仲有配菜薯條，好夠飽。Ice Baileys coffee係我幾乎每次必點，記得第一次飲時，真係驚為天人。咖啡甘香中，帶住濃濃既甜酒醇厚，第一次品嘗咖啡中的微醺。Mocha就係先生飲既，我無飲到就唔評論了，不過都見佢飲得好享受！