Coffee Art

营业中

休息中

好野都係會食過翻尋味嘅！再來食一次！今次來到嘅時間過左12點啦！入面已經full曬啦！所以唯有等一等啦！好彩唔洗等好耐。。大概三四個字啦！食好野唔介意等!首先飲個餐湯先：松露忌廉蘑菇湯呢個松露湯好好味，蘑菇味濃，松露唔會一陣煤氣味!再來兩個主菜：三重蟹肉意粉，all day breakfast意粉好creamy!餐廳都唔孤寒架!蟹肉都唔少架!仲有蟹籽!味道口感都好豐富呀！個早餐入面都好足料呀！炒蛋炒得啱啱好！我最鍾意個三文魚他他，煙三文魚下面係薯仔沙律，讚呀！沙律撈左柚子蜜糖汁，酸酸甜甜，好醒胃呀！嚟到呢到梗係唔少得飲品啦！一杯海鹽朱古力，另一杯係latte!咖啡師嘅功夫真係一流呀！無論係味道同拉花都好正，次次都有唔同嘅拉花，靚到唔想整花佢呀！期待下次幫襯呀！

行山前去黃店食番個豐富嘅早餐(*ﾟ∀ﾟ*)Deluxe all day breakfast $98  份量超多呀，食到飽飽去行山(´・ω・`)，材料有煙三文魚他他、牛奶滑蛋、牛油果、豬肉仔、炒雜菇同法包，味道正常，最中意食煙三文魚他他(›´ω`‹ )，口感清新，其他食物都好新鮮~~Egg Benedict $78  兩大片牛油法包配上水波蛋，牛油果同煙三文魚，如果蛋再流心啲再好，不過味道都唔錯(｡•ㅅ•｡)♡～ .Salt chocolate  朱古力多左份咸香，幾特別架ヾ(●゜▽゜●)♡ Coffee Art  地址：將軍澳貿業路8號新都城中心1期地下G95號舖

Coffee Art 把飲咖啡當成藝術，Coffee Art 一名，讓人很想喝上一杯藝術品般的咖啡。落地玻璃內，看到炒豆的過程，一看就是專業的愛啡之人。今天除來喝咖啡，還享用 lunch。Lunch menu 有四款。我選擇了蒜香蜆肉(微辣)意大利粉和煙三文魚蟹籽忌廉汁意大利粉。蒜香蜆肉(微辣)意大利粉屬於比較濃口的口味，帶鹹香的蜆肉。圍住一整排的蜆肉，滋味無窮！也喜歡蒜香的滋味，令整體口味提升不少。煙三文魚蟹籽忌廉汁意大利粉，含滿滿的煙三文魚，蟹籽也是份量豐富。喜歡海鮮的朋友，這是必吃自選。最後，當然唔少得一杯香滑的 latte ！

今晚慶祝朋友生日，為左就大家易D返屋企，但又想食西餐同坐得舒服啲，所以選擇左呢問餐廳。餐廳裝修很用心，整體感覺很不錯，但餐廳話由於我們人太多（6人），所以不能坐卡位，唯有坐近門口的大枱，仲要同其他客人搭枱，其實完全傾唔到計🙈，食完嗱嗱聲走，有d扣分講番食物，真心很不錯，由其是以下的薯條配黑松露沙津醬，薯條熱辣辣，好好味呀下面沙津味道正常Burger ，牛肉幾軟嫩，旁邊配菜紫薯沒有很多調味，食到紫薯原來的香味再來就是意粉和意大利飯共4款，正常味道，不過不失啦～

近來不少食肆進駐將軍澳新都城，今晚來到位於一期嘅coffee art，已經有很多食客在等候座位，等了一會便安排入座。餐廳不算大，但地方很清潔。落單兩份晚餐，另加一客薯條。南瓜忌廉湯金黃幼滑，入口清甜，令人胃口大開。辣肉腸意大利粉鲜紅香辣，意大利粉夠腍滑，煮得啱啱好，份量適中。黑松露忌廉意大利粉十分香口，黑松露清香得嚟令口感提升，忌廉汁掛滿意大利粉，香滑美味。薯條配黑松露醬亦很香口，薯條炸得香脆，點上香滑黑松露醬更為美味。再來伯爵茶餐飲，清淡幽香，整體食物很有水準。

最近烽煙四起估唔到星期六八點先黎都仲要等位好彩五分鐘倒就有都真係幾受歡迎啵Dinner set 都幾抵食 可選南瓜忌廉湯或salad我選左湯 幾好味絕對唔會係罐頭開出黎既hea 貨黑松露雜菌忌廉意大利粉 ($78)份量幾大碟 意粉質地偏硬身岩哂我口味醬汁濃郁入味 推薦^_^另外all day menu有個貴少少少少 但真係幾正既 P 餐三重蟹肉意大利粉 ($98)三重包括 蟹籽 蟹肉 珍寶蟹棒估唔到幾好食 口感豐富惹味可口 比想像出色^_^(+$20 三隻) 焦糖雞翼好抵食 而且好正呀！下次可以試下加配其他snack 先^_^見到都幾多人加點coffee 下次冇咁夜都試番杯先

早上去完睇戲，便跟朋友到附近找間餐廳食晏。不用等位便可入座，環境算舒適，是檯與檯之間太近，採光度高。我們傾談到由lunch轉到tea time, 人流不多，服務員很nice, 會主動替我們的茶加熱水。點了個煙三文魚蟹籽忌廉意大利粉 & 有Egg Benedict的All Day BreakfastEgg Benedict整得不錯，是份量少了點。意粉夠熱又夠creamy! 份量都好夠飽！ 這個是lunch set, 可選配沙律或法包，選了柚子汁沙律，值得一讚，柚子汁夠開胃！值得再去的餐廳！

一早唔食早餐就係想食呢間餐廳，聽聞好好食，終於可以一試啦！去到時間尚早，仲可以唔洗等就入座啦！坐位都算寬敞，入到去已經8成滿啦！食物選擇有好多，有burger,pasta,意大利飯，仲有all day breakfast，仲有重點甜品呀！好多都好吸引呀！1)帶子、黑松露、藍芝士、忌廉汁薯仔粉呢個真係不得了我個人本身唔鍾意黑松露個味，好似石油氣咁！但呢個完全無！有d人唔鍾意芝士，呢個仲要係好重味既藍芝士，但鍾意芝士既話，呢個真係至愛呀！至於薯仔粉，第一次食，好得意，食食下就愈食愈多！2)牛小排意大利飯個意大利飯味道好好，飯嘅軟硬度就比正宗既冧一d，迎合返香港人嘅口味！牛小排味道都唔錯，但有少少難咬!佢整體味道都係好評的!3)虎蝦番茄羅勒汁意粉羅勒個味好出色呀！可以好好襯托返個番茄味!虎蝦好爽，唔會太老，個意粉可以冧少少！但都好好味!食完主菜梗係仲有甜品啦！本人鍾意柚子味多過蘋果味！柚子味會清新一d，蘋果入面有蘋果肉，蘋果味香濃！兩款都係好好既選擇！呢個Tiramisu 好正，上面嘅提子浸過冧酒，成個配合得好好！食完可以再食呀！佢既飲品都好出息!個拉花好靚好靚，靚到唔捨得整爛佢呀！尤其係朱

週末的下午 坐在文青風格的咖啡廳 吃早餐 喝著半口咖啡 生活也將軍澳少有這種不是大型連所咖啡廳地鋪 但環境唔錯 坐一整個下午都舒服=Egg Benedict配煙三文魚牛油果法包荷蘭汁=香港就算有All Day Breakfast 的店 都未必有Egg Benedict食 波蛋飽滿多汁 生熟度剛剛好荷蘭汁香滑不膩濃稠剛剛好 夾雜檸檬香及牛油香配著煙三文魚 牛油果法包 口感有層次=秋葵茄子翠肉瓜手造PICI=手造PICI外型似烏冬 口感比較硬彈牙羅勒青醬 味道有個性 清新又濃郁秋葵另到醬汁更稠 =Cappuccino/Flat White=咖啡香氣樸 之後發現他們有炒豆房原來咖啡豆是他們自家炒的 正

咖啡唔夠熱（可能係啲奶凍）。但今日萬聖節有個萬聖節公仔嘅糖塊，都幾驚喜。個沙律用柚子汁，稍甜。多士有啲凍，少少硬/唔脆，上面唔知咩油，唔香，又整到個麵包好油。個炒旦剛炒起，又熱又滑。雖然話tea,但價錢和味道及份量唔成正比。第一次來有啲失望。可能下次食意粉會好啲

今日同男朋友特登黎到新都城搵食，我地叫左兩個意粉，一個蕃茄忌廉汁煙三文魚意粉，另一個係三重蟹忌廉意粉（蟹肉、蟹籽、蟹棒）。本黎我地兩個都好期待，可惜越坐就越失望。服務方面：我地叫左兩次想要水，應就有人應左，但係應完就算，都無俾水我地，最後第三次叫時先好晦氣咁俾我地。食物方面：蕃茄忌廉汁煙三文魚意粉完全唔合格，好咸，份量亦好少，三文魚只有零丁幾件，係30蚊既質素，但呢碟野係80幾蚊既價4，一d都唔值！另外果個三重蟹忌廉意粉就幾好食，份量亦夠多（奇怪點解蕃茄忌廉汁煙三文魚意粉得咁少）。飲品：飲左杯果汁，味道好假好難飲。埋單加埋一超過200蚊，呢個價錢大家可以有好多選擇。

仲有兩日 #小秘書 就要出發去 #袋鼠國🦘過一個暖粒粒嘅假期😎 雖然話就話去探個好朋友啫，但係點都要修補下先見人😉 呢日一收工就去做facial，順便約埋個街坊喺附近食飯🍽 講到食我朋友就最叻叻，佢話附近開咗間 #餐廳 #CoffeeArt 一直都想去試吓，今日有我做伴就最啱喇😊#CoffeeArt 由幾位大男孩處理，佈置以開放式廚房設計，包保食物新鮮衛生、而 #廚師 同 #客人 亦可以保持近距離接觸🤜🏻🤛🏻 呢日我要咗個 #黑松露什菌忌廉汁意粉 配 #南瓜湯、#焦糖雞翼😋 等左一陣，熱辣辣嘅 #南瓜湯 首先嚟到我面前，濃濃嘅南瓜蓉配以忌廉打成湯，口感好好😋 廚師喺 #意粉🍝 上面放上 #黑松露醬、再撈咗啲 #什菌醬汁，好香菇菌味，正合我意😋 不得不提仲有佢嘅 #焦糖雞翼，即叫即炸再配上 #蜜糖醬，味道好夾😋 最後嚟一杯 #伯爵茶，好香茶味☕️ 幫助沖淡食物嘅油膩感... 朋友呢個介紹又真係唔錯喎👍🏻

今日約咗個朋友去寶琳食飯，未夠鐘所以搵咗間咖啡店坐低。原來寶琳有間新開嘅咖啡店，星期日嚟到好多人，等左一陣先有位。我叫咗一杯飲品一件蛋糕，坐低休息下。好多人都叫意粉，下次我都想試吓餐廳嘅咖啡味好香，我叫咗一杯海鹽朱古力，用左正宗比利時朱古力又冇加糖，朱古力味好濃好香，甜到完全唔高。上面仲鋪左朱古力粉添！我叫咗件蛋糕，蘋果芝士蛋糕。餐廳食物都好健康，甜品完全唔會好甜！環境好舒服，好啱放假黎休息一下！

又多一間Cafe - Coffee Art進駐將軍澳，相信有唔少區內嘅人都幾開心，平時有質素嘅Cafe真係少得可憐🥺夜晚選擇set dinner都幾抵食，人均$80-$100，包埋前菜、主菜同一杯茶，特色咖啡額外加錢☕️。兩位友人分別叫咗南瓜湯、雜菌黑松露意粉、香辣腸蕃茄意粉，意粉煙un彈牙，好有咬口，黑松露醬香濃得黎好creamy。另一款蕃茄意粉啲車厘茄亦好甜，配埋份量超足嘅香辣腸，絕對夠飽🥰不得不提一定要食佢哋嘅All Day Breakfast，唔好以為乜都包羅萬有質素就會普普通通，每樣都食得出心機所在👍🏻首先蒜蓉包烘得香口脆身，蘑菇同炒蛋好夠味，唔似出邊嗰啲蘑菇好多時好似白烚咁，最值得一讚係個Salmon Tartare🤤上面三文魚，下面薯仔沙律，淡淡魚香，最適合配埋牛油果一齊食，旁邊嘅沙律醬亦沾滿柚子汁，實在無可挑剔🌟🤤

我家的小豬星期日放假，往往比較休閒，晚餐時間出門找吃，經過寶琳新都城一期，發現這家挺有格調的coffee shop。座位不算很多，但全部都很闊落，看一看晚餐餐牌價錢十分親民。我們點了 一份Set Dinner頭盤點了 南瓜忌廉湯湯底濃稠，南瓜正值當造期，濃滑的忌廉湯，口感幼滑，倍加滋味。主菜點了 辣肉腸墨西哥汁意大利粉墨西哥汁酸酸甜甜，帶一點點辣，意粉🍝份量適中👍🏻辣肉腸外脆口配新鮮車厘茄，輕食晚餐來說不錯。小食方面，焦糖雞翼，我的最愛剛剛焗好，端上枱熱辣辣，雞翼外皮加上蜜糖焗得香脆，外脆內軟，一隻接一隻，停不到口。三重蟹肉意大利粉店員推薦，熱門之選，分別有蟹子、蟹肉、珍寶蟹棒，口感豐富，珍寶蟹棒啖啖肉，蟹子配意大利粉，有驚喜！Hot Chocolate 朱古力濃稠，滴滴掛杯，質感厚身，不會太甜。賣相精美、打卡一流😘