Coffee Art

营业中

休息中

看了上篇為海鹽朱古力再來，也決定來一試。整體食物賣相精緻、吸引，等入座已預揀定甜品。餐湯南瓜味香滑清甜，沙律乾身、爽脆。主菜海鮮意大利飯用料新鮮，牛小扒軟身亦有肉汁。不得不提兩杯飲品拉花極美，海鹽朱古力好好飲，鮮奶咖啡亦香濃。惟一扣分係檸檬撻，個人認為餡醬太多，亦偏甜。建議大家可跟套餐點，會較優惠。

一早都聽講過餐廳好食，雖然座位不多，但感覺好cozy意粉價錢不貴，晚餐的話已包湯or沙律及茶辣肉腸意粉，意粉非常al dente，又有鮮茄香，有少少辣，好出色加配咗伯爵茶櫻桃芝士蛋糕，只係$28，抵食餐廳好舒服，服務質素超好，超值

以前，香港好多地方我都唔會去，平時都宅係屋企，呢一年，去咗好多地方，依然都係路痴，坐咩車根本唔識，就算係尖沙咀㕵角，我都要睇住個地圖先識行，但慶幸仲有廣泛嘅互聯網資訊，只要你願意去search，你仍然可以知道你想知道嘅嘢將軍澳，我又來了.... egg benedict 配牛油果煙三文魚法包荷蘭汁，呢個組合好好食，我唔知荷蘭汁係咩🤣但材料新鮮，個配搭好match，好好食，完。蒜香白酒煮花殻蜆，金黃炸蒜超香，配上白酒煮蜆，鮮甜美味Cappuccino 就係cappuccino 咁嘅味

今個星期日趁疫情稍緩，同老婆係將軍澳閒逛，去到寶琳搵Tea食時發覺原來係新都城一期地下開左Coffee Art，之前係觀塘都食過一次，意粉同咖啡都相當出色，而且價錢貼地，咁啱見到當然要入去嘆返個Tea先啦。😆Coffee Art將軍澳分店地方唔大，不過座位寬敞舒適，而且景觀開揚，加上簡約低調嘅裝修，非常富有高級咖啡店嘅格調。我地兩個點左一個Tea set同一個All day menu set share食，野飲我揀左我最愛嘅Latte，老婆就飲伯爵紅茶。😁Latte $25跟餐加$25配的Latte拉花非常靚，咖啡帶有烘焙味，加上鮮奶，口感綿滑。😋三重蟹肉意利粉（蟹籽、蟹肉、珍寶蟹棒）$98老婆最愛食蟹，二話不說就選蟹肉意粉，餐廳好大方，意粉上有三條珍寶蟹棒，再舖上大量蟹籽，頂層放蟹肉，意粉的忌廉醬汁入口creamy，味道微甜，意粉爽口彈牙掛汁，配上蟹籽卜卜的口感好食，而蟹肉和蟹棒都好好食，老婆話呢碟意粉性價比好高。😌煙三文魚mini all day breakfast $50Tea set嘅迷你all day breakfast都好豐富，有煙三文魚、牛奶滑蛋、牛油法包和雜菜沙律，滑蛋

假日小的一貫地睡到日上三竿，早起的老伴便自顧自地到樓下剪髮去。頭髮剪個差不多，小的也剛好爬起床。接到老伴的電話，飢腸轆轆的他說了其二選一的例牌口頭襌：「好肚餓！」（至於老伴的另一個口頭禪則為：「無冷氣的！」）於是小的當然第一時間跑到樓下與他一起共祭五臟廟。樓下商場開了一家叫Coffee Art的咖啡店，由於咖啡會令小的無法入睡，自己一向敬而遠之。然而老伴竟興致勃勃地表示昔才他於髮型屋無意間聽到髮型師與客戶的交談，對方大讚Coffee Art提供的食物非常好美，於是老伴也提意與小的一試。未到12:00時，Coffee Art的人流仍不算太多，餐廳以開放式的設計，座落於商場的其中一個入口，感覺開揚舒爽。然而當小的直往內探，卻見先行到步的老伴氣鼓鼓地捨棄較寬敞的四人席，移到另一邊緊靠著一旁一家大小的食客。小的深感奇怪，餐廳又不滿座，干麼要選取更陝窄的枱椅？然後老伴更加火，原來是老闆怕「即將」會人多，所以要求老伴移位。跟據老伴的描述，老闆的態度非常惡劣，彷彿在呼喝下屬：「喂！你兩個人就移到一邊坐，不要阻住我的四人枱！」原來老伴一早已點了菜，所以便唯有嚥下這口氣，他還順著小的之喜好，叫了客石班魚

鄰近地鐵站，及各大公共交通工具，也有停車場在附近。店內食物精緻，擺盤吸引，選材不錯，味道很好，咸淡適中，座位舒適，員工友善，照顧周到。最喜歡有👍🏻海鹽朱古力🥰 下次會試其他飲品如果有其他更多朱古力選擇更好！份量充足，甚至飽足！最欣賞all day breakfast 有牛油果🥑而且炒蛋的份最好大，仲好滑👏🏻啲菇同沙律都好新鮮！仲有黑松露磨菇湯，又香又好味😋價錢合理！必定再來！本區 朋友hangout 首選！

呢間cafe都好出名，原本開係觀塘，而家開多間分店係寶琳。成日經過都幾多人食，不過一直都未有機會去試。難得有一日放假，所以就去試下原來lunch set都幾抵，叫左個辣肉腸墨西哥汁意大利粉都只係$68，包野飲同餐湯/沙律係將軍澳區黎講，呢個價錢都已經算係好抵我揀左配忌廉南瓜湯，好滑好香口佢地個南瓜湯係偏奶味多d嘅，就唔會話勁濃，反而係適中嘅南瓜味。至於個意粉，本身見到以為會好辣，但其實食落我覺得都冇辣味。(本身平時係食譚仔十小辣)d汁就比較少，同埋意粉整體乾身左少少，建議可以比返多d汁。個味就ok嘅，中規中矩，冇乜特別。食物份量都ok，唔會話好細碟，食完其實都已經夠飽。餐廳環境幾好，坐得都舒服，而且店員都冇趕人走，呢點要加分辣肉腸墨西哥汁意大利粉餐

收工後，唔知食咩就食Coffee Art 啦！ 點知...... 1.先講講個湯先，南瓜忌廉湯 正正常常 無咩特別 好好飲咁又未到 不過不失啦。2.好啦 到主菜既黑松露野菌忌廉意粉...2個字簡直失望！ 首先，意粉唔過心已經扣左好多分。 接下來到d黑松露汁 一個字「乾」仲乾過我銀包👛又淡！ 同普通茶記既意粉質素！ 有圖有真相！圖中所見d汁？ 噢😯 d汁？ 完全失蹤！ d質素差到 自己都整到！ 黑松露意粉既精髓在於汁同香 佢呢2樣都無。。。。。。查實對上一次食既時候絕對唔差， 唔知點解今次會差成咁。。。。。 🧐😔😭 好失望！最後2個人埋單盛惠193元正！ 多謝！ 希望，佢地會改進下啦！

Coffee ART 開咗都一段時間，一直無機會試，因為每次都要等位。而家抗疫時期，趁無乜人，嚟試一試。晚餐時段，只有三、四枱客。想食沙律做頭盤，叫咗Art of bowl，份量都好多，兩個人share食。牛油果好食，不過蒜蓉包乾得嚟有D硬，麻麻地。之後叫咗個 美國安格斯Prime級牛小排意大利飯 同一個 黑松露帶子藍芝士薯仔粉。牛小排味道一般，有D硬，意大利飯味道幾好味。另外黑松露帶子都好食，配薯仔粉係超級超級飽既配搭。

今日去咗行山。行完想休息一下呢間餐廳在下午茶時間真係好多人。我平日和朋友一起來都沒有卡位了。所以要在門口等一陣。終於可以慢慢嘆下午茶☕️但這裡的卡位的桌子好難移動。肥一點都坐得比較辛苦。放腳位都唔係太好。希望可以改善一下。以下是今次點的下午茶：老實講侍應生送來時我真係好驚喜。因為我都沒有想過下午茶的咖啡師都會這麼用心。謝謝佢地比我的小確幸。講返杯啡先。只能講對得住個價錢。加錢轉都好值得。普通收貨質素。可能因為最近飲咗九龍城令一間黃店。所以我只能講這裏是合格的。這個餐是小型全日早餐。蒜蓉包足夠蒜蓉合格。煙三文魚太少⋯⋯沙律無味的。只是食一堆雜菜⋯炒蛋都算合格和很大份。最後還加錢點了焦糖雞翼。這個最好食。很夠味道呀。兩個人的下午茶這樣就很滿足。總結：這裡在食物上其實有大量進步空間。服務方面都算合格好貼心。見到有2位人客食一份餐都唔會黑面。還會比兩個碟方便我們方菜。這裡的茶係用茶包的。所以無咩可以評論。這次體驗本人很滿意。但希望下午茶餐可以在多些選擇。

相信唔少人都WFH，但同時屋企唔方便工作今次會同大家介紹一間位於寶林嘅咖啡店店舖裝修簡潔舒適，適合工作Lunch Menu大概$50至$70單點就大概$100上落我同我兩個朋友分別叫咗三個餐有得揀沙律同蒜蓉包蒜蓉包香脆可口，非常開胃😋明太子三文魚意粉味道不鹹不甜剛剛好，分量十足，值得一試朋友的南瓜魚risotto 也不錯不過魚鹹咗少少，應該係落重左手所以配合清爽嘅飲品就啱啱好我同朋友大概坐左四至五個鐘最後$276埋單我同朋友都認同coffee art係一個幾舒服幾適合工作嘅咖啡店～☺️

行過見到間cafe幾靚，就打算試下。佢既裝修幾舒服！不過疫症關係，位得番一半啦，所以要排隊先可以入，都等左廿分鍾。老公叫左手沖咖啡，老闆好好地會問你想要既濃淡度，先開始沖，好貼心。cappuccino正常，咖啡底唔苦，不過有啲細杯，幾啖就飲完。叫左個french toast，有啲驚喜喎。第一次見係用法包整，腍身唔硬，有蛋香。不過佢肉桂味唔濃，如果係肉桂控就唔岩喇。vanilla雪櫃如果高質啲就完美了！

星期四晚搵個朋友吹吓水, 行到寶琳嗰邊見到有一間好特別嘅Coffee shop,係將軍澳區比較少有。咁啱我個朋友係好鍾意飲咖啡。我哋見到佢夜晚嘅set dinner 都好吸引。但係就係唔想食意粉飯類，所以試咗佢哋嘅小食，分量比我想像中大，我哋兩個女仔當正餐食都夠。我哋叫咗一個白酒煮蜆同埋我最鍾意食嘅炸魚柳, 寫明係深海魚柳嚟㗎🐠，另外就叫咗兩杯飲品。先來左一個白汁煮蜆，非常之鮮甜份量應該有18至20隻到。大細適中，調味恰宜。好想飲埋啲汁佢😂另外魚柳到啦，見到係有一定厚度，肉質juicy,炸漿開得非常之恰當，鬆脆得來係有啲口感，唔係嗰啲成口粉。飲品方面，我哋叫左一杯Cappuccino咖啡 and 好少見嘅海鹽朱古力。兩杯師傅都好有心機畫上唔同嘅拉花。特別係海鹽朱古力，非常之驚喜呀，上面係畫左一個似係孫悟空嘅圖案非常之有趣，打卡一流，而味道非常特別，海鹽中和左個朱古力嘅甜，口感好舒服。成為一餐飯嘅完美ending。到左收銀旁邊俾錢，留意到原來佢哋攞過獎仲要係第一名拉花，唔怪得拉花咁靚啦。多謝師傅嘅用心，希望去逆境當中你哋加油💪🏻。

今日同朋友去食brunch, 一直都知道將軍澳呢間coffee art水準唔錯，一於去食。餐廳入面網飾好舒服，好大空間感，我地選擇咗坐高枱，望住窗外景色食野。我點咗黑松露帶子藍芝士忌廉汁配手造薯仔粉，一上枱就聞到好香黑松露味道，帶子好新鮮煎得半熟剛好。未試過薯仔粉，原來味道咁得意，好煙韌，加埋藍芝士忌廉汁食落好香濃，好好味啊！朋友點了Egg benedict 配煙三文魚牛油果法包荷蘭汁，賣相好好睇令人為之欲滴，三文魚配牛油果係絕佳配搭，荷蘭汁都好味，佢仲點咗杯咖啡，配上法包真的好享受。順帶一提egg benedict 係流心，好香甜的蛋香汁！Coffee art 係將軍澳難得的清泉cafe, 一定要支持。

聽聞Coffee Art的質素都不錯這次剛巧相約朋友在寶琳午餐，便提議到這裡用膳～不用等位便能入座不過只剩近窗的吧枱位及大枱位我們就選坐大枱位，可坐得舒服一些啊！雖然是12:30 pm的午飯時間，但這是假日起床後的第一餐就從All Day Menu中選了早餐類型的～～早餐類型也有三款選擇，我就選了Deluxe All Day BreakfastDeluxe All Day Breakfast，當中的肉類就只有香腸及煙三文魚他他其他的食材包括：炒滑蛋﹑牛油果﹑雜菌﹑沙律菜及香草牛油法包食材霸滿一隻碟，女生吃完之後都好夠飽！！香草牛油法包，外層鬆脆，麵包那層柔軟，帶牛油香之餘還略略帶蒜蓉香！沙律菜用上柚子醋，微酸的好開胃！！炒蛋加了牛奶來炒，嫩滑有蛋汁又夠香～～香腸及雜菌煎炒得好香，不會太油膩！牛油果的份量足足半隻，熟的程度恰好整份All Day Breakfast中，亮眼之處是三文魚他他，是這店的特色！一般的三文魚他他都是將調好味的三文魚粒放在梳打餅乾或麵包上面吃～這裡就將煙三文魚粒放在薯仔沙律上，三文魚的豐腴軟嫩配薯仔沙律的爽脆，口感豐富！薯仔沙律的味道柔和不會太酸，能突顯煙三文魚的香