COMEBUYTEA (信德中心)

营业中

休息中

之前行過見咁多人買，今日星期五下晝4點幾，喺公司用COMEBUY TEA QR Code落單，撳咗「取單提醒」，諗住等通知先去攞！等咗20分鐘見冇聲冇氣，就行過去追下，去到原來一早整好咗，熱飲都已經攤到變咗常溫🙈，我問店員「取單提醒」係經電郵定SMS，因為我兩樣都冇收過。店員回覆我，佢哋只會喺order ready嘅時候嗌號碼，佢哋唔會入機話整好邊張單。即係話我有我「取單提醒」喺公司坐住等，佢有佢現場嗌號碼攤凍啲嘢飲。真係好勵害嘅落單、取單系統！最後，我當然覺得佢啲茶唔好飲（啲芋丸仲發晒脹、一pat pat），所以要出個食評提醒吓大家！

明明只係想買杯野飲，個男店員就全程西住個樣，落單又好唔情願似係人地欠佢咁，用coupon又好似嫌麻煩咁咁唔想返工建議可以辭職先，野飲叫微糖有沖到全糖咁，咁既態度梗係趕客啦大佬真係唔怪得新店開張一個月後越黎越少人買

本身落單嘅時候 女職員態度都好好但開始一直等 之後由我同朋友張單 就一直比之後嘅單號既客人 人地都已經沖好拎走埋 之後等嘅客人 人哋都全場拎哂 我地都仲未有之後我哋追問咗男員工好多次 但係男員工一直話未得未得 瘋狂講未得未得 問親都話未得未得之後我哋瘋狂追問 先有一位女員工幫我地跟進男員工完全發緊夢冇理過女員工去返收銀機一查 竟然同我哋講 我哋張單 被收銀機食咗 冇顯示過出嚟 足足skip咗10張單 完全離晒大譜 我哋企咗喺度等咗大半個鐘 先有一位女員工幫我哋跟進男員工完全糊里糊塗 態度非常差 完全都唔知自己係咪返緊工

員工態度差 非常唔專業 漏單唔跟進 足足等咗30分鐘以上 其他人走晒 男員工不停叫我等 完全冇意欲想理會我 我單號係0109 人哋1119已經拎得 但我仲未有 終於有位女員工話機件失靈 導致到漏單 然後話會盡快俾我 但係都等咗好耐 員工完全唔專業 服務態度好差