Cova Pasticceria & Confetteria (已搬遷) 新店位置

Cova是under美心集團，所以現在嘅蛋糕不像以前好吃，不便宜而難食的名牌蛋糕，希望用心制作你的出品，不要因賺錢而粗糙，一個月吃三次的芒果蛋糕，都是没有誠意出品，請你們多留意。

無論你的2018年，過得怎樣?.2019年，已來到了!!!.希望大家新年會抱有新希望，努力去實踐!!!.加油呀!!!.而阿魚同朋友們就買左個Dome Ai Lamponi 紅桑子味蛋糕，來慶祝2019年的到來 <3.阿魚一直都好喜歡食COVA的蛋糕!!因為真係好好食~~~~.今次就選購左COVA的紅桑子味蛋糕($408) .雖然望落去好似係紅絲絨蛋糕，但其實係紅桑子.🐟💬：食落唔會太甜，D CREAM好滑好好食，加埋D紅桑子，酸酸地，好夾!!!!.大家下次買蛋糕，不妨考慮下!!!..🐟📝：8.5/10

保持高水準因為公司樓下有COVA的關係，每逢有同事生日，為求方便又得體，都會買COVE 既signature cake: Mango Cream Dome。雖然係好食好味，不過都會食厭既，所以已經徇衆要求停食COVA一年 所以，無食一年COVA既我，當煩惱緊買咩生日蛋糕同朋友慶生，又經過沙田COVA，又睇到有新口味既Dome cake，就果斷重投COVA懷抱！DOME cake 有兩種新口味，分別係士多啤梨味及紅桑莓味，而我就揀左較少甜既紅桑莓味既Dome Ai Lamponi，同埋更可免費加生日牌~Dome Ai Lamponi 由三層雪芳海綿蛋糕、 鮮忌廉和新鮮桑莓組成，蛋糕因為有新鮮桑莓的關係，帶少少酸，又唔會太甜，酸甜相宜，好好味! 而蛋糕中間有桑莓肉粒，有咬口，海綿蛋糕非常鬆軟，鮮忌廉又香又滑，口感豐富有層次!而朋友們都盛讚蛋糕又靚又好味，正！

跟朋友開聖誕party，朋友本想買一整個蛋糕，但份量太大，決定散買幾叫小cake，這樣大家還可以嘗試不同的味道。最後選擇了cova，tiramisu, mango tart, berry tart全部都睇得又影得！

去年我收過S台送上PAUL LAFAYET的蛋白脆餅作為生日禮物。今年成為了S台的高用量用戶，在十月初，手機收到傳說中的短訊，機主本人憑手機短訊可以前往任何一間COVA換領一磅裝的蛋糕(不接受手機截圖或轉發短訊，因為需要輸入S台提供的認證碼再由店方SCAN BARCODE結賬)，款式任擇。如需特定款式，需兩天前電話或親自預訂。這次我選了COCONUT MOUSSE CAKE。致電預訂時電話響了很久才有人接聽，不過對方態度尚算友善，在不用支付款項的前提下，留下電話及取餅時間就可以。不過呢，取餅當天不知道是否顧客太多店內的動線亦不良，兩位女店員給我的感覺是「黑口黑面」，還擾攘了很久才拿到蛋糕。店內目測除了我，還有另外一人也是來取S台的生日優惠的。餅盒包裝一如過往精緻高檔，且附上幼身纖長的生日爉燭和切餅刀，不過如果想要餐具，需另付費。根據網站的圖片，我的蛋糕應該是這樣的：但是很不幸地，這個蛋糕也遇上昨天在美心西餅類近的遭遇......水果跌的七零八落，無法正常拍照，還好生日牌插得「四平八穩」。生日牌龍飛鳳舞的字體也算是COVA的風格吧﹖有點不開心的我，繼續切餅。這是實物的切面，份量夠四人分享

誰説中秋節只能吃月餅？做節飯時每家每户也帶著月餅，吃也吃到悶了。我靈機一觸買了mini tart ($20) 到今晩的家庭飯局。吃完晚飯後大家已很飽，所以 mini tart 就最適合不過了，每人一小舊，不用爭。生果味的較清新，tart 裡還有朱古力包圍著，很鬆化美味。但説到我最喜歡的就是榛子味，榛子十分香滑又濃郁，mini size 吃完也不覺膩。但媽媽試了一口後説有些過甜。

表姐帶混血小B從芬蘭回港放暑假，要到她家探小B，就決定於Cova買個蛋糕與大家一起吃. 由於以前多買Mango Cream Dome，但吃得太多又沒新鮮感，所以這次就買紅彤彤的Dome Ai Lamponi~ Dome Ai Lamponi ($370/ Pound) 這個紅桑子蛋糕，女生見到一定喜歡，連2歲半的混血小b女見到都相當興奮，吹蠟燭這環節當然唔少得la~ 面層有數顆紅桑子，切開蛋糕，可清晰見到3層紅色的海綿蛋糕，中間夾着忌廉，蛋糕相當鬆軟，忌廉亦很幼滑，平時不愛吃cream的我，對着Cova的出品也忍不住要吃，更重要的是蛋糕酸中帶甜，是我喜歡的味道. 是時候想想今年生日要食Cova還是帝苑的蛋糕好呢? 沙田沙田正街18號新城市廣場一期2樓216號舖 2601 2106

每一次屋企人或者朋友生日，我都會去cova蛋糕專門店買呢一隻芒果慕絲蛋糕，呢隻蛋糕係佢哋嘅招牌蛋糕，每次食落去都有海綿嘅感覺，而且入面好多好新鮮嘅芒果肉，啲cream又唔多，所以其實好健康，不過價錢就貴左啲，但係每年食得個幾次，其實都值得嘅。另外佢都有好多其他口味嘅蛋糕選擇，而且賣相都幾吸引，但係最好打電話去留定蛋糕，如果唔係有時都會俾人買晒，另外都有試過佢一啲細嘅cake同埋甜品，味道都係好鮮甜新鮮好味，所以每次買生日蛋糕我都會推介朋友去呢一間買。

今日下午去開沙田 city super, 過左對面間 Cova 買 tiramisu tart, 本來想買 mango mini cream dome, 但係已經賣晒了！我感覺佢咖啡酒味不夠香，而且 cream 太多， 有一點膩， 但個 tart 好食，整體合格，不過上個月啱啱食完龍島的 tiramisu cake, 真係好食好多。 下次嚟都係買番 mango cream dome 穩陣啲。

冬至一大班親戚食飯順便慶祝生日，咁啱有張Cova嘅＄300現金卷，咁就豪一豪啦高級餅店嘅服務可能真係好啲，打電話就可以預訂同埋寫埋生日牌，去到已經包好晒即刻有得拎，我用現金券都冇黑面/歧視我 👍🏻我哋訂咗個栗子士多啤梨蛋糕，用料雖然普通，但味道又真係好食過一般餅店

一年容易又到了「蝦子餅」生日大日子,其實年長了已不復當年編得密麻麻繽紛生日、但生日蛋糕總不能少,近近地就在回家上車附近Cova訂了一個榛子朱古力蛋糕送給他。。。  蛋糕面層沒太多花巧簡單經典,滿佈朱古力粉裝飾加上碎碎朱古力便完成了外層設計~沒有厚厚之海綿蛋糕作伴質感更軟更綿,入口充份吃到朱古力味道、加上面層朱古力粉味道再為提升,不錯!值得一推~

果然一分錢一分貨！平時都係食開大眾化品牌，有時候重會特別幫襯小商戶，今次就有機會試一下Cova我打電話去訂蛋糕，唔使先特登去先俾錢先可以訂，呢樣我鍾意佢夠方便，但佢哋會唔會怕啲人訂左又唔來呢?!作為顧客我就覺得good。電話服務方面就唔係太好CS啦。攞蛋糕嘅時候，CS都唔係太好。蛋糕就真係無得頂呀，賣相靚，新鮮，味道唔甜！我全家都覺得好好味！不過好貴，＄190 半磅

27-9-2016 (Tue)晏晝,o係帝玉庭食部門老闆生日飯,生日蛋糕唔少得,秘書o係呢o度訂o左個4磅雜果芝士蛋糕,盛惠$1,440.00.食完飯就o係帝玉庭食完晏後,由侍應分俾我o地食,唔會分到51份啦,慶幸我都有一pat食.雜果有好多,有奇異果,芒果,士多啤梨等,生果都幾甜.而最重要o既芝士蛋糕呢?質地好厚同濕潤,味道鹹香同濃.

昨天是一年一度父親的生日，今年除了搞搞新意思親自動手做大餐外，當然還少不了買蛋糕給他。在懊惱買哪個品牌的蛋糕時，被身旁的同事指點迷津。我曾嚐過cova的tiramitu，給我的印象是好味丶不甜及酒味重。一直對他們的蛋糕存有很好的評價。今次在云云品牌，云云蛋糕，云云款式當中選擇了cova的經典作-mango cream dome。早幾天打電話去預訂，一問之下原來有半磅裝的，而且還不用直接到門市付訂，方便不已。大餐過後，當然要來一客甜品。蛋~糕~到！一拿出來妹妹便被生日牌的字型給嚇了一跳，字型像經受了狂風的吹襲。其實我認為生日牌的字型也是他們的特色之一。切開時，幾乎不需用吹枯之力便能把它切開。綿綿的海綿蛋糕襯配著柔滑的奶油，再加上新鮮的芒果粒，三者結合可稱得上是天衣無縫丶天作之合。蛋糕很新鮮很濕潤，所以一放進口內便溶在我的舌頭上。當刻終於明白為什麼它是經典亦是最受歡迎。亦理解到為什麼cova店中的蛋糕櫃，每次未到黃昏時分都已經被清空了。

生日快樂! 身體健康! 心想事成!特地從Cova 訂了生日蛋糕，跟壽星慶祝又大一歲。奸奸地的抹茶控，無視壽星的愛好，順著自己的口味，訂了抹茶椰子芝士蛋糕。壽星初見抹茶蛋糕，心中暗暗不爽，嚷著怎麼不是Cova 最正的朱古力蛋糕? 抹茶控笑而不答，開始唱起生日歌，意圖轉移視線。吃過蛋糕，壽星滿足地直豎拇指，大讚美味。抹茶味清香，椰子味甜美，中間又滲透著點點芝士的甘香。蛋糕味道天然，不太甜，多吃不覺膩。蛋糕質地軟得來又富彈性，入口綿滑。壽星品嚐抹茶椰子芝士蛋糕後，認同它的味道更勝朱古力蛋糕。