Crazy February

营业中

休息中

Fb見到Crazy開始做埋晚餐今晚特登入錦田去試下見到個餐牌好多野揀本身個餐有蘑菇湯～配埋蒜蓉包真係perfect!見到餐牌有虎蝦pasta本人中意食虎蝦但對奶類敏感唔食得奶油汁不過好彩餐廳侍應好好人，好主動幫我地轉其他汁!!!!虎蝦好大隻好好味好fresh~咁岩甜品係cheese cake 我又唔食得😅😅但餐廳好好又幫我地轉雪糕個vanilla雪糕加左d nuts好好味期待下次有時間過黎食窩夫甜品

今晚試哩間西餐廳, 雅致嘅裝潢已經吸引了我先嚟頭盤, 三文魚凱撒沙律, 沙律菜新鮮唔知係咪來自元朗有機菜呢蕃茄湯, 奶油青口, 個汁好好味, 主菜虎蝦意粉, 賣樣已經好吸引, 食落仲有fusion菜嘅感覺, 有創意, 我好鍾意, 食得出廚師嘅心思再配上白酒, 最後甜品選了芝麻芝士蛋糕為今晚嘅晚餐劃上完美句號, 好滿足

星期日的早上，好想吃個西式早餐，但家附近都沒有這種餐廳，又想試下新野，最後search到這間在錦田的新店。這是三層高村屋的地下，屋苑頗新，在爾巒隔離。附近暫時有點冷清，另有幾間餐廳。我們都點了Jumbo breakfast, 有沙律菜、兩隻蛋、兩塊漢堡扒、煙肉和兩塊藍莓pancake。味道是合乎標準啦😁咖啡也不錯啊！$58不用加一，算平架啦😊有機會會再來！

呢間cafe位處爾巒旁稱為天空之城的村屋群，駕車人仕或單車友最為適合，假日食早餐最好早D到。早餐餐牌$32-$58價錢相當公道，大大份的英式早餐都只係$70，第一次來抱住一試心態叫了份珍寶早餐及漢堡扒餐。珍寶早餐份量不少，漢堡扒餐若男人食就就略嫌少了點，大概係一分錢一分貨吧！兩款味道都十分不錯，特別係藍莓pancake好香，內裡仲有一粒粒新鮮藍莓肉，炒蛋又香又滑，肉類的油份不算太多，沙律菜亦很新鮮。餐飲可以加錢轉凍飲或朱古力咖啡，賣相已經好吸引，味道都唔錯！餐廳座位舒適，環境清靜，不過夏天略嫌多蚊

凍咖啡好濃好香。糖漿另上，見到有隻生猛嘅蟻喺裡面，即刻叫佢換過俾我。Caramel Latte 跟餐加$11。賣相同menu個圖一樣樣。多cream 好正，甜度適中，讚～是日芝士蛋糕（下午茶餐$28）係蕃茄味。上層係蕃茄味，只係食到酸酸地，食唔到係蕃茄，下層係士多啤梨味。一齊食酸酸的好適合夏天食！吉列豬扒拼沙律($36)。吉列豬即炸，炸得好脆，沒有多餘的油。媽媽都讚。沙律貌似薯仔沙律，我食左幾啖，淨係食到有萍果。整體野食幾好食同好heart 的。不過我覺得如果服務好d 同friendly d 的話我諗我會想幫襯多d 。

平日在鬧市生活，假日正好到錦田離開一下煩囂在錦田的新樓盤旁的村屋群，新開了一堆食肆有很多車位 適合駕車人士最後調了裝修最新的crazy february 一行二人點了兩個午餐第一個是黑松露雜菌三色長通粉味道頗清淡 但重口味人士未必覺得適合長通粉有唔同口感 份量頗大以60 多元 包餐湯餐包餐飲來說是有誠意之作第二道菜是all day breakfast 這道給人眼前一亮的感覺因為真的很豐富款式多之餘 每樣食物都不會只得一口炒蛋值得一讚，滑又有蛋汁80 多元吃到中上質素之餘又很豐富的all day breakfast 算是喜出望外加上一杯mocha 和簡樸的裝修 ， 我們渡過一個悠閒的週末下午舖租較平的地方果然比較有機會食到有誠意的餐廳另外值得一提店員親切，頗舒服的感覺

Crazy February 的早餐彷彿是一件藝術品，每種物材經細心堆砌，鋪排著動人的畫面。牛油多士，外面烘焙至脆脆的裡面鬆軟的，我把牛油輕輕塗抹吐司牛油，烤過的吐士令牛油有點半溶解狀況，滋味十分。如果多士是厚切，質感一定好豐富。精美雜菜沙拉，各式不同顔色的雜菜，色彩繽紛，賣相賞心悅目，沾上了醋味進食，增加胃口。我相信這炒蛋一定倒入一些牛奶而造成化學作用，否則不會那麼嫩嫩滑滑。炒蛋用上了三隻雞蛋來炒滑蛋 , 蛋份量多，沾上香草點綴， 衝擊味覺享受。炒蛋內暗藏玄機，白汁粟米，兩者味道十分配合，粟米的爽甜增加炒蛋的口感，白汁襯托炒蛋又出奇地增強濃郁蛋香，份外滿足。

星期日想找找新開飯點，於是就特意揸車入錦田 Crazy February!芝士牛肉漢堡配薯條牛肉份量比想像中多呀，厚厚的一塊看到已經很想大口咬落去呀!!果然不失所望，牛肉仲好juicy多汁，煎得剛剛好，加上半溶芝士夠creamy，薯條也炸得香脆，好味!!反而這個蘑菇奄列配多士較為普通，蛋煎得略乾。屬輕食之選~Oreo 鮮奶咖啡oreo控不會放過任何一個食/飲oreo的機會，一整杯都充滿oreo餅碎，即使後來變淋，咖啡中都有淡淡oreo味，咖啡也不會太苦/太酸，不錯呀!!P.S. 周圍都是草叢，蚊很多，記得做足防蚊措施!!

在71假期早上十時半到此初試早餐，和爸媽、老婆共4人，到達時還剩下兩枱2人位，另一枱4人位已留(早餐都要留位？)。他們十点開門，但到我們order早餐時其中兩個早餐已沒有了(螺絲粉、熱香餅)，最後叫了兩個豬扒+蛋，一個All day, 一個煙肉蛋多士，等了約15～20分鐘。All day那個還可以，豬扒得個‘實’字，老爸那份煙肉蛋多士，他見到即失望，將兩隻太陽蛋放在兩塊多士上，未吃已令兩塊多士‘林’晒，嘥了塊多士，他說如果menu有相，知道係咁整，他不會叫的。此外飲品叫咗，普通咖啡，Latte, cappuccino, 3杯都飲唔出有乜分別，對咖啡有要求的會認為佢未合格，市中心雙囍咖啡好過佢；另外一杯沙冰反而好飲！整體有待進步，假期太多人，大機會失望！

呢間喺近爾巒側新開既餐廳。我地哋order咗1份all-day breakfast 同 lunch set -豬扒意粉。好味之餘好impressed，因為佢地個all-day個賣相好別緻。茄汁豆、鮮什菓沙律、牛油和小撮黑胡椒均用小餐具盛著，咁就唔會影響其他食物。而是日餐湯係南瓜忌廉湯，口感好creamy好正，飲落真係啖啖南瓜蓉，好濃！+5元試埋佢個lemon cheese cake，濃濃cheese味配上檸檬味，好fresh，又恰到好處，唔太「漏」，我喜歡呢個味道！ Yummy～～