Crumbs (已結業)

(>< 唔知點解d 相up 上黎後打側左)第一篇食評就頁獻左比crumbs. 由學生時代開始就鍾意呢個品牌, 原因係鍾意佢既froyo 質地食落好似雪糕咁軟滑. 呢一點亦係覺得比起其他froyo品牌特別既地方.食飽飯既活動當然係繼續食啦~食甜品XD鋪面唔大, 位都係得幾個. 好彩係夜晚9點幾10點, 所以買完froyo 即刻有位坐. 枱面擺左棵小盆栽~今次揀左個超級杯, 包4種toppings, 我揀左最愛既楓糖香蕉, 彩針,原味mochi 同第一次試既杏仁片. 用左coupon 減$5~~~Coupon 係sogo 後街有個auntie 到派既. 以我所知如果單買一杯既話要出示coupon 先可以有減$5 優惠. 買兩杯或三杯可以即時有得減$15 同減$30(好似係xd). 杏仁片有淡淡既杏仁味, 整得幾薄. 而楓糖香蕉一樣咁香甜~ 加埋彩針同mochi 幾有咬口~ 係我至愛既配搭.一定會繼績再黎yummy ^3^

當再經crumbs既時候又忍唔到口買左YOGURT 黎食其實岩岩先食左飯但係飯後甜品都係好重要而且YOGURT 都可以有效幫助我地腸道消化同吸收同埋可以食埋好多鮮甜既生果添而我就ORDER 左一杯細SIZE 既黎食  可以選2 款生果OR TOPPINGS 我要左我最中意既糯米糍同埋士多berry 因為可以有啲咬口又可以食到酸酸甜甜既味道而糯米糍仲可以有效咁減少個甜味又可以食慢啲,糯米糍我覺得好好食, 因為有啲啲味得黎又唔會太甜而士多啤梨就覺得又酸又甜味道都唔錯架哈哈次次食完都會覺得有啲飽因為分量都真係唔少仲埋都真係幾足料架有時仲會有discount tim 架所以都覺得都真幾抵食架

記得中學讀書時期froyo剛剛興起，當時crumbs的出品深得我心，乳酪軟滑之餘配料亦足，加上大愛他們自家出品的糯米糍，所以當年也成為了他們捧場客的一員。而當天與朋友相約於銅鑼灣見面，走到crumbs的門前看到有夏日優惠，我們也不約同的想懷舊一番當年的味道現在除了froyo，他們還有其他的出品如麵包、酥餅及蛋糕等~然而我們目標明確，就每人一杯froyo吧我的配料選擇了當年至愛的mochi和草莓粒！朋友則選擇了藍莓和石榴粒！不過froyo的味道與當年有所出入，froyo雖舊滑身，但卻欠了應有的酸味，整體過於甜膩（還是大人了的口味也轉了？）！再說是配料的份量也不及當年的充足，因此也感到有點失望.....若不是有此夏日優惠，其original size的定價的確有點略高吧！

在銅鑼灣食完飯，行兩個圈又想食甜品，於是去左Crumbs，今次出左香蕉味乳酪，新味可以試下~~仲有蛋糕、馬卡龍等這裡有一張長檯幾個座位，點個tea set 享受下都得，因為有咖啡同茶架。超級杯 $58，選4款配料，香蕉、士多啤梨、綠茶mochi、藍莓。乳酪味第一次試香蕉味幾新奇，但無左乳酪本來的酸味，整體不過不失。個綠茶mochi好硬好難食，原味好味更多。今次仲買左bagel 做早餐，$38 四款不同口味，岩晒我~~~有果香代表的藍莓、肉桂蘋果，重口味芝士洋蔥、健康的全麥口味。最好就是烤熱後享用，bagel 質感比一般麵包較韌有口感，內裡有餡料不會單調，一個如手掌般大個，吃後相當滿足。

尋日朋友未放工，自己行銅鑼灣，愈行愈熱 ><經過CRUMBS，即刻好想買杯降溫，夏天真係好適合食冰凍既 YOGURT！原來CRUMBS 做緊優惠~買2杯可以減$15，不過最衰個 frd 未放工！而我又真係忍唔住要買杯食下～ 好多配料可以揀～eg. 有馬卡龍、水果 - 藍莓、士多啤梨、番石榴、芒果、菠蘿等等！ 最後買左杯$58，超級杯連 4 款配料！揀左香蕉x原味扭紋yogurt，配藍莓、木瓜、士多啤梨，紅石榴 =]乳酪冰凍、香滑， 配料非常新鮮，最中意紅石榴，平時好少食，估唔多咁有咬口感，感覺又清新！另外，Crumbs 除左Yogurt 之外，仲有得買麵包～ 最後買左3個唔同既牛角包返屋企，第二日食早餐～朱古力味牛角包超正，朱古力味道香濃！！ 埋單岩岩$100 ~

呢間係食麵包和yogurt 既店~!價錢偏貴 ,用料偏高級!我覺得最好食既主打都係yogurt 佢有分size俾人選~我要左大杯!基本上食完我都唔洗再食飯!勁飽好滿足~味道好有得選雙色or 原味, 配料勁多選擇如圖牛角包又係我個人比較喜愛因為中意佢好多層脆脆既感覺!呢到會有多小小朱古力~平時我就咁包+芝士+火腿食都ok^^仲有好多麵包和蛋糕類既野賣平均都係比較高級, 藍莓酥好食咬落好似好多層既感覺, 我覺得最為中意既一種~

Crumbs係好多人既回憶，中學時期放學中意去銅鑼灣覓食，當年都係好興fro yo，成日放學都去唧crumbs雖然唔係唧唧但都受好多人歡迎，應該因爲配料同甜度適中吧重開後都未試過新店既質素，今次去開銅鑼灣食飯，順便黎食埋佢！新鋪同舊鋪位置相近，好易揾，同以前唔同係店鋪闊左，有坐位同埋唔少麵包選擇，環境舒服自然，當日平日去，都差唔多坐滿，人流幾多。雪糕分兩種size，細既$48連兩款配料，大既$58連四款，我呢啲大胃王點會淨係食細味道除左原味外，仲有定期轉換既特別口味今次無左想試既抺茶，但最新既香蕉味都吸引我所以揀左兩溝配料方面本身想健康啲揀無花果，可惜賣哂改左叫士多啤梨，唔會過酸同雪糕好相配呀另外揀左最招牌既糯米糍粒粒，雖然有抺茶同原味揀，但原味既煙韌度已經足夠我回味了見前面幾個人都有揀就知啦仲揀左芒果粒粒同埋燕麥碎，所以口感層次好豐富Yogurt雪糕既味度同從前食既係一樣架酸度同甜度都岩岩好，而且份量好足，唧滿成個杯，比起自己夾料然後按磅重比錢更抵食，另外估唔到香蕉味比想像中更濃味！！唔會係好假既香蕉味，推介大家試埋呢隻味！食食下雪糕見麵包選擇都岩我心水，店員話個scone係老細自家

夏日炎炎，最好就有杯透心涼的雪糕可以消消暑～唔見左一陣子的香港出品乳酪雪糕終於返黎啦～以前真係個個星期都去食返杯先夠喉～但重開後暫時只有銅鑼灣一間分店，跟男友經過當時會係返杯消下暑先得！店舖不地方較大，不像以前的外賣店，而且裝修氣氛時尚有格調～同樣的就是有個雪櫃可以看到不同的雪糕配料～同樣可以自選配料，也有不同的組合可以單選～現在乳酪雪糕味道不止原味，宜家推出左香蕉味添～而店內另一面就主要是售賣在店內新鮮焗製的包點，還有咖啡等熱飲供應，十足Café一樣！好耐冇食過，所以我跟男友都決定自選配料一人一杯食返個經典原味啦！我們的都是普通杯（HK$48），揀了新鮮士多啤梨及自家製的Mochi，當日是星期六也有額外贈送自家製的House Crumbs餅碎！店舖內也有少量座位，可以給客人停一停，歇下腳，食返杯消暑乳酪雪糕先～士多啤梨好新鮮，酸酸甜甜，好清新開胃，而旁邊白色的是自家製的Mochi，煙煙韌韌好有咬口，我超喜歡的一個配料～而配上自家製的House Crumbs餅碎，好脆口～原味乳酪雪糕跟多年前味道一樣，不太甜不太酸，而且影多幾張相都唔會好快溶開，質感好結實，有口感！而男友這杯唯一不同的就

自從知道Crumbs重開後, 一直也想去食, 早前係銅鑼灣做完療程後, 便去嘆番一杯乳酪. 乳酪有普通和超級兩個size. 口味可以選原味, 布朗尼或者扭紋. 普通杯可以選2款配料, 超級杯可以選4款配料. 配料真是好多選擇, 令人眼花撩亂. 最後, 我選了扭紋味的超級杯, 配料選了糯米糍, 藍苺, 馬卡龍和餅條. 若覺得配料不夠, 可以再加, 每款額外配料加8蚊. 賣相相當吸引. 扭紋味可以一口氣試齊兩款口味, 啱晒貪心的我. 餅條上貼滿了七彩的星星, 多了一份口感. 乳酪夠幼滑, 甜度又適中. 馬卡龍外層帶點微脆, 煙煙韌韌. 糯米糍軟硬適中, 夠口感. 藍莓甜中帶微酸, 夠醒胃, 可以起中和作用. 飯後一杯乳酪, 夠健康, 又夠滿足愛食甜點的我.

一直都好鍾意食crumbs，因為覺得佢有好多toppings嘅選擇，啱哂我鍾意食toppings嘅人，乳酪又好美味。之前佢停咗鋪好傷心，知道佢重新開返之後，超級興奮！！第一時間要去食！！新鋪好大，食品種類多元化好多，有好多包，酥餅，有埋macaroon同咖啡等。叫咗兩杯乳酪，有兩個size分普通杯$48兩款toppings，超級杯$58跟四款。乳酪味道有原味同北海道抹茶味。朋友揀咗扭紋兩隻味，有少少抹茶粉灑喺面頭。我就揀咗原味。質地滑，甜酸適中。到我最興奮最愛嘅項目，就係揀toppings，點可以少咗我最愛嘅monchi，好QQ，加杧果，再加經典crumbs，香脆碎，正！！

今日天氣好熱，跟女友行過老銅買衫，決定食Crumbs的乳酪雪糕解解熱。 行到門口見到媽媽節做緊優惠，$78兩杯普通杯，好吸引。 平時同女友都只係會兩份食一個杯多，今次就豪D喇。 同店員講要乜味道先，有原味，香蕉及扭紋。再揀2隻TOPPING。呢度有十幾種味道，水果，甚至馬卡龍的TOPPING揀，忍唔到手，見佢做緊優惠，就加多$8要多個TOPPING。 我揀的是原味配芒果，士多啤梨及椰果的TOPPING。椰果夠爽，水果都好新鮮好正。 女友的那一杯是原味配以紅豆蓉，抹茶糯米糍及椰果。紅豆蓉配以乳酪雪糕都幾JUICY又幾夾，抹茶糯米糍夠特別，食出淡淡的抹茶味。 食乳酪雪糕最開心就係與TOPPINGS的配合令口感更有層次，味道更豐富。最重要係toppings可以自已揀。 取餐處可自行拎取紙巾及匙羹。

Crumbs是不少香港人的回憶，一個本土乳酪雪糕品牌，曾經風光一時，分店遍及全港，卻逃不過人氣減退的厄運，最終全線結業。早年在銅鑼灣重振旗鼓，吸引大批市民——包括我在內——再度朝聖回味，結果卻失望而回；相隔數月是次再訪，竟然喜出望外。蘋果批乳酪 ($68)這款限定乳酪的配料簡單地只有蘋果批、蘋果乾與蜜糖，店員即時將原個蘋果批切件，分佈於乳酪雪糕之中。蘋果餡帶濃郁肉桂香味，批底香脆。乳酪雪糕綿密軟滑，酸甜且帶少許奶香，比首次品嚐優秀得多。平時品嚐蘋果批總是會配上一球雲尼拿雪糕，這杯乳酪彷彿就是變奏版，換上輕怡的乳酪雪糕，更可以邊走邊吃，相當方便。

我哋女仔食甜品用另一個胃，吃完飯可以重新開始，平日我都已經鐘食蘋果㘩，又喜歡乳酪，今日俾我搵到 Crumbs 有一款蘋果㘩乳酪 Apple Crumble Yogurt，真開心可以有雙重感受。乳酪本身有 brownie 及原味兩款揀，但 Brownie 唔夾，所以用原味。看到店員真的從櫃拿出一件蘋果㘩，弄碎，混合乳酪，加片香蕉乾及朱古力粒便成完成。蘋果㘩好得，批夠脆，蘋果夠爽，幾甜下，配乳酪軟滑，我覺得好好食，份量不少，兩個女仔分食都夠。環境比舊店大得多，可以在店內立食。

我先想講一講個鬆餅，唔知點解食緊個鬆餅嗰陣時候。。竟然俾人偷咗一粒提子。。而且係快速地偷咗個粒提子。。。兇手係。。。貓貓豬怪就怪鬆餅太鬆，貓太快，嗚嗚。。呢個相餅買嗰陣時候仲熱辣辣 ，因為佢一直用個烘爐烘住，所以即食仲好香脆。但因為我掛住食乳酪所以個鬆餅就攞咗返屋企食，係屋企食嗰陣時候雖然凍左，但係依然非常之鬆脆，牛油味香而且重。就係我一個不留神之下，提子跌咗落地下，唔使2秒嘅時間 貓貓已經衝過來食左落肚，好食呢。。依家就做緊一個母親節大優惠，直至五月尾，兩杯標準嘅size嘅乳酪只不過係＄78，比起平時＄96足足平左＄18，真係非常之抵食 ，襯而家就可以食多幾杯。我一向都好鍾意呢到嘅乳酪，因為佢嘅味道好特別，而且食落去非常之滑，又唔會太甜。另外配上我最鍾意嘅crumb 脆脆同埋超軟熟嘅糯米糍，一絕。以前係地舖，曾經一度搬咗想去樓上鋪，而家才搬返返落嚟。令我每一次見到佢間鋪頭嗰陣時候都忍唔住食，好有罪惡咁添。

經過Crumbs門口，見到有78蚊兩杯普通杯優惠，平均唔使40蚊就有一杯，算係好抵食，就同友人每人一杯，聽聞鬆餅亦好出名，另叫一件與友人分享。普通杯可選兩款配料，見有石榴可揀。平日覺得食石榴好麻煩，冇咩肉食，紅色果肉如果染落衣物上又好難清洗，所以雖然知道佢蘊含抗氧化物有助抗衰老及美白，但甚少食用。依家有石榴已起果肉，食落乾手淨腳，當然要揀，另外再揀選藍莓，同樣抗氧化美顏。原味乳酪雪糕味道清新，酸甜開胃，食完唔會覺得太膩，佢奶味比較重，口感creamy，配上帶少少酸味生果味道好夾。芝士鬆餅細細件比較小巧，用手整開有好多餅碎彈出，鬆餅比一般的更鬆脆，好似食緊曲奇餅咁。芝士味亦算香濃。乳酪雪糕及鬆餅份量少少的做下午茶也不錯。