Cup Of... (已結業)

今次係微甜，大家路過都可以幫襯下杯野都唔錯，大大杯好抵飲下次可能試吓仙草解釋返：上次可能比錯左杯野我，所以先會超甜。我好似刪唔到之前既食評上次飲到杯好甜之後，我同間鋪既social media 反映返，佢同我講可以下次順路就去免費整返一杯比我，睇下岩唔岩飲。語氣好nice, 同係間鋪一樣nice當時佢哋間鋪新開冇幾耐，好歡迎大家比意見。鋪頭會見到佢地有qr code可以刷， google都易搵到。位置：天橋樓梯出口

結論：加左珍珠會好甜，微糖都好甜，不推薦想加仙草珍珠既人買但杯野飲好大杯，中杯等於其他鋪頭大杯既容量。但好甜，甜到唔似奶茶。我叫微甜，飲落超甜，所以我倒左，因為甜到飲唔到。我覺得佢隻甜味係黎先珍珠，因為珍珠更甜。可能飲呢間唔應該加配料（因為會額外甜，珍珠、仙草都係糖水浸）。但飲奶茶加配料會好甜，咁不如唔買（可能岩奶蓋人）我叫左烏龍奶茶，但飲到桂花，而且飲落聞落都有少少桂花味，唔通佢烏龍原來係桂花烏龍？員工有禮貌

成日囤文囤相嘅我今次無得再囤啦，皆因又一黃店結業😢，慶幸老闆係因為要離開香港而唔係做唔住。希望係地球另一面可以再見到你👋🏻👋🏻👋🏻。舖頭位於路德圍，同珍煮丹只係相隔一個舖位。飲品size 特別與眾不同，中杯裝已經可以媲美其他舖頭嘅大杯裝，大杯裝更係我見過嘅最大杯😮。今日應該係我最後一次懲罰佢，因為22/6就last day la，大家買蘋果🍎之餘都去幫襯下佢啦。身邊唔少同事、朋友都準備離開/離開左香港，但其實離開與留下都不容易，離開嘅絕對唔係懦夫國際線靠你地！香港人加油。🌖藍天白雲 （益力多乳酸冰沙）(S) $35唔計味道淨計打卡都攞曬分啦😆，乳酸味重，非常消暑解渴👍🏻。🌖白桃粉飛飛（白桃汁加玫瑰洛神花茶）(L) $32下層白色嘅係白桃汁，上層珊瑚橙嘅係玫瑰洛神花茶，飲落同預計一樣甜甜酸酸，白桃汁味道唔假，又夠曬大杯，好抵飲👍🏻。🌗芭樂梅子more more 茶(M) $28芭樂同梅子真係絕配黎，叫果時都無為意，飲落先有種似曾相識嘅感覺，係喺台灣食芭樂配梅子粉嘅味道呀🤩。P.S. 睇返d 相一張係上年八月飲，另一杯係今年二月，我囤相囤文真係係囤好耐🙈🙈🙈。

呢間野出名大杯，經過路德圍就買杯試下🥤白桃粉飛飛 L size 900ml $32佢係白桃汁+玫瑰洛神花茶，問過店員可唔可以少冰，但係如果郁啲冰嘅話就做唔到分層，打卡好靚，但我攪勻之後覺得飲落係桃汁、偏甜，麻麻地，花茶飲唔到花茶應該有嘅味，剩係得花味

奶蓋 白桃烏龍 (L $38)呢間嘢飲選擇幾多，啲名都幾得意。奶蓋一向都係我嘅至愛，又幾鍾意桃味嘅飲品，所以最後揀咗奶蓋白桃烏龍，飲品有L/M/S 3個size揀，我就揀左L杯，誇張到有成25cm咁高。奶蓋質地少少杰身，係正常嘅奶蓋味道，不過我覺得可以再厚身啲再rich啲，根據返個杯嘅比例，奶蓋再多少少就仲開心。茶味同桃味都偏清淡，但係反而飲到白桃同烏龍茶嘅清香，好fresh。

呢間主打水果類飲品 好多都賣相好靚🤩佢嗰重量級水果茶幾盞鬼🍹勁大杯lol 但今日好想飲珍珠奶茶🧋🤣所以冇試到————————————————————————🐕 珍珠白桃烏龍奶茶🍑（M$25;L$28）🐕⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯我揀咗微糖 甜度的確好低白桃味比較突出感覺唔係用新鮮白桃🍑而係用典型沖茶用嘅乾白桃粒☕️茶底比較淡 亦唔澀不過不失反而珍珠幾有驚喜💖超級彈牙🤣要咬多幾下———————————————————————

前排過荃灣探朋友，比佢帶咗我去路德圍掃街，咁啱係附近比間成個裝修都勁pink pink、極少女風嘅野飲舖吸引住，check返先知原來係黃店☺️ 今次就黎介紹下😳除咗珍奶，奶蓋一向都係我第二至愛😋，由於自己都幾中意桃味嘅嘢飲，咁啱見佢有白桃烏龍就即刻嗌咗！奶蓋揀咗岩鹽芝士奶蓋，佢另外仲有椰子奶蓋，感覺同個茶底唔多夾🤣嗌咗M size，原來佢嘅M size已經等於平時出面飲開嘅L😳 飲奶蓋茶識飲一定係先啜一大啖奶蓋先🤤 奶蓋質地小小杰身，口感好夠，味道鹹鹹地，係正常嘅奶蓋味🤣 而個茶底就還好啦，唔知係咪嗌咗少甜，茶味同桃味都偏淡，始終白桃烏龍都係花斑嘅好飲啲🙈總括而言，️呢間嘅奶蓋茶不過不失，勝在有好多唔同嘅野飲選擇，有啲個名仲好有趣🤣 另外抵讚嘅就係佢嘅份量，的確比出面嘅野飲舖有份量好多👍🏻 下次會再試試佢嘅其他野飲！

荃灣除咗商場同天橋多之外，其實小食檔都唔少～呢日喺街邊食完鹽酥雞之後就喺呢間 #黃店 買咗杯嘢飲解渴🤤#草莓星球 $35 8.8/10————————————店舖有勁多飲品揀，驟眼一睇我估計有多過40款！今次試呢杯叫草莓星球，聲稱面頭有芝士奶蓋，可惜完全無芝士味，只有淡奶味道而且好稀......😭不過整體嚟講只有奶蓋令人失望，其鮮奶、爆珠、草莓蓉同椰果都唔錯，爆珠好正，一咬就好勁🍓糖漿，夠晒濃😍而且星形嘅椰果好特別✨整體嚟講成杯嘅士多啤梨味都好重，配料份量多，兩個人飲一杯都夠晒😂btw，飲品有大中細size揀，最大嗰杯誇張到高過前臂，有成950ml😱

🤤 大大杯重量杯水果茶 @cupofcupof 🤤Geo條👅評分：⭐️⭐️⭐️ 💫 3.5 (5⭐️最高）芭樂梅子more more tea 中size $28嚟到路德圍食小食就一定唔少得一杯嘢飲，仲要係解渴就先perfect，所以就試吓cup of...嘅水果茶，叫咗杯芭樂梅子more more tea中size，等咗一陣就有，中size就勁大杯😂，飲落唔係好甜都幾解渴，仲有梅子同番石榴片俾你食，唔錯！嘢飲係固定甜度，都ok唔太甜👍🏻仲要係良心小店，大家支持下！

After lunch, I needed a drink and passed by this store. Their drink Blue sky seemed quite attractive and it did not disappoint. Not only did the drink live up to its name, its taste was good. It is actually made of Yakult and Yoghurt, giving it a mildly sour flavor without being too sweet, making it a perfect drink during this hot autumn. Can't wait to try their other drinks 

Btw，間野個名好特別！🤣🤣🤣好，咁今次就試左個菠蘿草莓 More More茶 ！見openrice 個menu 先知原來可以免費加一份椰果，但店員無提過既！😂其實就係將菠蘿同草莓打碎左，再加烏龍茶加糖漿落去既！茶底係烏龍茶，但我基本上飲吾到烏龍茶味，可能飲到最底都飲到少少烏龍茶味咁！菠蘿同草莓應該係有新鮮整碎既，因為咬落無罐頭水果既感覺，但我就覺得水果吾夠碎，要好用力先飲到！菠蘿同草莓有水果香，但我覺杯野甜左少少，飲落好似葡萄糖漿過多咁，所以一定要叫少甜！

荃灣區淨係路德圍都已經有4-5間飲品店，仲要大部份都係黃店💛 所以每次揀既時候都有選擇困難症，唔知揀邊間好😭-💎 珍珠白桃烏龍奶茶 (中杯) $28（6/10）雖然味道唔算好出眾，但係珍珠既份量有好多，而且珍珠好煙韌～中意咬珍珠既人就岩哂啦😋 呀～鋪頭既中杯已經好大杯啦，有700ml架‼️ 小編自己一個人飲，飲完都已經好飽🤣 下次諗住試下飲奶蓋既款式，同埋鋪頭最出名既水果茶🤤P.S 大杯有950ml，3個人share都仲得呀🤣香港好似冇咩鋪頭會有啲咁大杯既手搖飲品哈哈🤪

荃灣係小編經常去既地方✨，除左因為有多間商場行之外，就係因為有好多餐廳搵好野食😋。今次都係去返荃灣出名既路德圍到搵野食🚶‍♂️，而小編其中已經食左個早餐就想搵啲野飲，而有一間既店舖既外觀吸引到小編留意👀，因為好似成間小屋咁🏘，外面用左好多粉紅色，而呢個飲品店係叫「Cup Of...」🧐，連個名都好特別，小編橫點都想買野飲就決定幫襯下啦🤗。✦✦✦✦✦✦✦✦✦✦✦✦✦✦🎈招牌重量級水果茶(碳燒烏龍) $45招牌重量級水果茶可以畀你揀四款茶✋，分別係(茉莉綠茶、四季春清烏龍、紅茶同碳燒烏龍)，而小編就揀左碳燒烏龍試下，不過唔知四款加入去會有乜唔同🧐，可能小編唔係好飲得出了。而係水果茶入面有勁多水果🍊，所以茶味已蓋過哂，飲品顏色偏向紅色。每一啖飲落去都有好多新鮮水果味之餘，仲有果核🥔，咬入口就"索索"聲，超級豐富🤯。另外，員工仲提供酸梅粉畀你等飲哂水果茶之後🧂，可以加啲粉入去食埋啲水果🥄。✦✦✦✦✦✦✦✦✦✦✦✦✦✦🎈紫薯拿鐵 $35紫薯拿鐵好重奶味，反而變到除左甜字之外，真係好似咩都冇咁😂。而中間有啲芋頭蓉都係冇乜味道，唔係好太特別😩。希望下次可以會更好一啲，不過賣相其實係幾靚🤩，但因為小編外

奶蓋蜜桃紅茶(粉紅岩鹽芝士奶蓋)💰 HKD $32-夏天來臨，每天的氣溫最少都有30度或以上，出門口10分鐘後已經流汗，所以出街手執一杯凍飲是常識吧。今次就試試荃灣路得圍的cup of…，喜歡茶飲的你就要繼續留意下文啦～-奶蓋味道與傳統的不同，味道偏淡、咸咸的，奶味也不太突出；但勝在口感順滑，並沒有平常喝的那種油膩感。蜜桃紅茶方面，與平常喝的蜜桃紅茶紙包飲品並無大異，但個人認為甜度偏低且茶味較平凡，如果可以突出一些會更好。整體表現一般，但喝起來時感覺也頗清新，消暑一流。-►好食指數：5/10普通的茶飲。經過當作支持黃店也可，但我就不會encore。-✎想看更多的請到IG @wd.smallworld-

·大杯過我塊面嘅飲品，飲得又影得😱💛呢杯係白桃汁+洛神花茶有3種size揀，呢一杯係最大嘅平時經過路德圍見到佢都比較少人幫襯大家要分散投資，大大力懲罰呀💰·白桃粉飛飛 ($32)———不專業評分💯食物指數🍴: 💛💛💛🤍🤍環境指數⛱: 💛💛💛🤍🤍抵食指數🤑: 💛💛💛🤍🤍推薦指數👾: 💛💛💛🤍🤍———📍 Cup Of...（荃灣）荃灣昌泰街5號富榮大廈地下1號舖💛表態、罷市、登記成為飲食界選民@cupofcupof @cupof_cupof———#ewhk荃灣 #ewhk黃店 #ewhk手搖 #黃色經濟圈