Cyprium Cafe

营业中

休息中

馬鞍山一向都是被稱為美食沙漠，所以我們作為馬鞍山友真的要常常跳出隔離區去覓食今次唔洗跳好遠，只需要搭多幾個站到石門就得了是日同我的神隊友-- 我家奶奶 慶祝母親節，雖然之前母親節已經whole family食左飯，今次就係我地兩婆媳撐枱腳奶奶對我地照顧有加，有時候等佢休息一日，出街輕輕鬆鬆食餐飯同奶奶出去食飯我通常都會揀食西餐，因為屋企煮唔到加上奶奶鍾意食龍蝦，所以見到這間cyprium cafe有一道 "芝士焗龍蝦意大利飯"，於是便叠埋心水來這裡了餐廳好容易搵，沿扶手電梯一上就見到門口展示了不同的餐牌，發現原來還有有kids menu，下次可以帶埋老公同阿B來呢! (因為我見餐廳有BB椅提供，算是kids-friendly)餐廳內部寬敞，座椅多是ARM CHAIR，坐得十分舒適餐廳的Menu 封面以黑底燙金字，簡潔而高雅，內附各款食品的相片，挑起我們的胃口脆皮蜜糖燒豬手，這個應該啱我老公餐具統一的為古銅色並印有餐廳的名字，用心得來又有特色，連咖啡的攪拌匙也沒有被遺忘細心的更會發現餐具顏色是與餐牌字體的顏色是互相呼應Dinner Set Menu 挺划算，由$98起，正如我想食的芝士焗

同朋友約食晚餐，來到呢間cyprium cafe一試與其說是cafe, 更像是西餐廳店內一致採用銅餐具，走復古懷舊風，餐廳環境不錯，可以靜靜享受晚餐！Dinner set價錢中等，但食物素質頗高，同朋友決定叫一個套餐再叫小食，套餐仲送餐湯同飲品，餐湯都幾足料，味道不錯主菜係芝士焗龍蝦意大利飯，龍蝦非常重量級！好多肉食用芝士釀焗充滿濃香！意大利飯非常creamy, 飯質軟硬度適中，頗令人享受的主菜另外叫了鵝肝多士擺盤好靚，鵝肝比我想像中大塊，外皮煎得香脆，內裡多汁滑膩，好香口印象中這小食價錢合理，值得一試最後點了心太軟作為甜品，心太軟又係比我想像中足料！比平日在甜品店的大了一倍左右！配上的雪糕質感幼滑，更有果仁在內，非常高質香脆外皮包著濃厚朱古力漿，與雲呢嗱雪糕同吃簡直是最佳配搭！整體餐廳比我想像中還要高水準！真正大件夾抵食，非常推介！

又過黎石門呢邊接舊同事收工，順便食個飯～京瑞廣場近馬鐵站夠晒方便～今次試下呢間cafe，揀左一個晚餐set:跟餐有龍蝦湯，有粒粒龍蝦肉，湯好滑好鮮甜，足料。芝士焗龍蝦半隻配意大利飯$168意大利飯軟糯，吸收左忌廉同上湯嘅精華，好creamy!主角龍蝦夠大隻，肉質彈牙又有膏是日精選$198頭盤沙律好豐富，有幾種菜、洋蔥、車厘茄，配上芝麻醬好開胃牛扒拼煎鵝肝，鵝肝外脆內滑，牛扒揀左6成熟，火侯剛剛好，牛扒汁好好味，一般食牛扒好少會加汁，但呢個汁整得好好，配牛扒一流餐飲揀左凍熱咖啡，完美～

離開美食沙漠的馬鞍山, 馬鐵站只需2 個站就可以到石門站了這個地方近來翻天覆地的變化, 京瑞廣場不斷引入的不同類別的餐廳這間 café 在扶手電梯的門口, 十分易找, 客路都是一家大小, 有點似親子餐廳 我挺欣賞餐廳的桌椅坐得很舒適, 坐位很寬敞, 人行的走廊距離出奇地闊! 每台客都有足夠的空間感我跟媽子今晚二人世界, 揀了一個二人晚餐, 十分豐富Soup of the Day – 蕃茄湯這個湯是真的自家製才會有此口感, 蕃茄湯是把蕃茄弄碎了去煮, 加上忌廉, 很香又健康餐前餐包 - 芝麻包跟蜜糖包 超愛呀, 想不到有如此特別的餐包, 熱呼呼的蜜糖包配牛油, perfect match! 前菜 – 加拿大翡翠螺 我們也沒想到這是很有誠意的前菜呢, 頭盤的翡翠螺竟有6 隻, 而且翡翠螺質量很高, 餐廳給了我們日本豉油跟wasabi 作配料, 這樣吃更吃出翡翠螺鮮味。主菜 – 美國安格斯西冷牛扒 媽子怕生, 所以叫了7 成熟, 上碟後我就知自己有點浪費這塊靚扒了, 因為只用少少鹽調味, 已經食到肉質的新鮮美味, 如果煮 5 成熟, 就會剛剛好, 燒汁都用不上, 已經覺得很好吃。主菜 – 三

見到呢度咁多好評，所以晚餐和太太來試試，點知換來一肚氣！叫了芝士焗龍蝦意大利飯，和黑毛豬配燒酒香菠蘿，龍蝦唔新鮮非常乾，risotto 淡而無味，唔夠creamy ，不過都算，最離譜嘅係個黑毛豬，塊扒唔算好厚，中間部份非常乾及靭，再切靠近骨的位置，發覺舊肉係粉紅色，而且仲有血水滲出來，根本未煮熟！啲嘢食煮得唔好食都勉強可以接受，但係一間餐廳最基本嘅水準，一塊豬扒要煮熟先可以捧出來給客人食都做唔到，就真係好難令人接受！同負責人反映，佢無表示抱歉，亦無做任何補救行動，令人好失望！收得呢個價錢，做出咁嘅質素食物，快餐店都好過佢！

今日三人18:30到達，叫了一個套餐有頭盤（虾沙拉）、主菜（羊膝及卡邦尼意粉）、餐飲及甜品，食物還可以。但當上甜品後，一人疑似老闆/經理走過來說了以下一番話：「麻煩你地食完賣單先，我地出面訂位嘅人到左。」時間是19:30首先我們亦是訂位，第二當入座時他們並沒有告知任何用餐時間。明日餐廳想多做生意，但如一早吿知我們會選擇另外一間，原本選擇cafe就是為可有一點時間傾計，但現在是連餐飲都未飲完就俾人叫*食完好走唔好左住我地做生意感覺*！

當年今日，我仲係一個初出茅廬，年少無知嘅青年人， 經過咗時間嘅磨練，社會嘅煎熬 ，面對社會嘅挑戰，制度嘅權威，尊重法治嘅精神底下。今晚我要同朋友面對一個相同嘅問題，到底食咩好 。最後因為地利，價錢，性價比，喺呢三大元素底下，我哋決定平食。我們點了Dinner Set Menu。前菜沙律， 最基本嘅美食，菜洗得夠乾淨，配合埋黑醋味道更加昇華，酸酸甜甜， 極之開胃。主菜，燒士多啤梨豬肋骨， 豬肋骨味道十足，帶有少少燒味嘅感覺，最重要嘅係士多啤梨，冇諗過豬肋骨可以帶有士多啤梨嘅感覺，一種食物帶畀我雙重體驗。另外餐廳嘅每一件餐具都刻有餐廳獨特嘅名字，每一件餐具都有佢自己嘅獨特性。最後飲品熱檸水， 簡簡單單的一杯帶給我一餐完美嘅結束。感謝餐廳嘅環境，寧靜帶俾我思索人生嘅道理的機遇。有機會都要再嚟，性價比高，值得再食。

之前黎過石門新開的京瑞商場，見到入面新開好多餐廳如果覺得新城市廣場太過多人，搭幾個站黎石門食飯都不失為一個好選擇今之揀左呢間cafe試下，純粹因爲cafe門面不錯，座位寬敞，係二人撐檯腳的好地方平日晚飯時間唔算太多人，餐廳入面裝修新淨明亮，可以舒舒服服享受一頓晚餐餐廳有二人套餐，頭盤主菜甜品一應俱全，叫左一個西冷牛扒餐是日餐湯是忌廉磨菇湯，非常真材實料，啖啖香菇濃香，口感不錯頭盤大蝦芒果沙律，份量比我想像中多而且精美！大蝦爽口彈牙，沙律菜新鮮，作為頭盤絕不欺場，有驚喜！重口戲西冷牛扒牛扒叫了七成熟，難得餐廳能拿捏好七成熟的水準，不會過熟過韌，份量適中意粉選了意式香草雞肉扁意粉，個人覺得佢個香草咪超香，帶點薄荷味道，但朋友唔太鐘意香草味道，結果我一人食左大部分香草好清新開胃，推介比鐘意香草味道的朋友甜品是芝士蛋糕！雖然只是套餐甜品，仍感覺到餐廳的用心，好好味！整體對呢間餐廳印象不錯，覺得不論環境、食物都在水準之上，想食西餐也有機會encore這cafe!

已經好幾次經過這餐廳Cyprium，腦海裏一直好奇著它的意思是什麼？後來上網得知：古羅馬時期「銅」的主要開採地是塞浦路斯，因此最初 得名cyprium（意為塞浦路斯的金屬）。今晚工作過後，第一時間比個機會佢，駐足門外時已決定試佢地推介嘅$198 Daily Special睇落應該唔錯坐低Order完食物之後，最吸引我嘅地方就係銅製的餐具🍴，古銅製的餐具,都印上CYPRIUM，別具一格, 而且手感重量比一般餐具重, 罕見而尊貴餐前麵包三款，各具特色，尤其提子麥包，鬆軟而帶少許甜味特別出色龍蝦濃湯⭐️⭐️⭐️⭐️⭐️蝦味濃郁Creamy，店員話用足料龍蝦長時間餚制，入口鮮味十足上菜速度頗快，朋友的「芝士龍蝦配意大利飯」，賣相相當不錯，伴隨點點燭光，好一個Candle night dinner香煎鵝肝配美國西冷牛扒⭐️⭐️⭐️⭐️⭐️煎封鵝肝，滑膩且入口鬆化之感，烹調火候控制盡顯功架美國西冷牛扒五成熟，粉嫩肉汁，保持在最佳狀態，入口肉味濃郁，上成貨色芝士龍蝦焗意大利飯⭐️⭐️⭐️⭐️賣相已令人食指大動，散發著芝士加上龍蝦的香氣，色、香、味俱全每粒意大利飯，包着濃濃的醬汁，香氣撲鼻，夾雜着蝦膏，每一口都滋味無窮伴着我晚餐

收工冇煮飯去咗石門食個dinner，去咗環境唔錯既Cyprium Cafe環境好舒服令人好放鬆，座位闊落舒服，唔怪得好多一家大細黎食啱啱坐底，職員就先拎四片脆卜卜嘅多士，其中有兩片係提子干多士，好香脆龍蝦濃湯好濃郁又香既龍蝦湯，仲有龍蝦肉大大碗野菌忌廉濃湯中意野菌既朋友一定要order依個，因為超多材料，每一啖湯都有細細粒嘅茹茹，飲完都覺得有啲飽飽地燒士多啤梨豬肋骨除咗士多啤梨外仲有好多蕃茄蓉，酸酸地好開胃份量好多又入味香煎鵝肝配8oz美國西冷牛排 七成熟既西冷，雖然有小小過熟，不過牛味幾濃，肉質嫩滑上面仲有片煎鵝肝yummy yummy

有夢幻感 cafe@石門與其排長龍幫襯連鎖店，不如就畀個機會小店啦～ Cafe 嘅梳化椅一邊係粉藍色一邊係咖啡色，仲有一幅粉紅色嘅牆，成個感覺好夢幻。揀好食咩就好快上咗餐前嘅麵包，侍應叫我哋趁熱食，態度好 nice 之後斟水轉碟嗰啲都好殷勤，服務好好！餐湯係濃郁嘅南瓜湯，味道唔錯，點麵包都好夾。仲有少少南瓜蓉，口感幾豐富。雜菜沙律新鮮大份，用咗醋汁健康啲無咁肥，哈哈。水牛城雞翼唔係個汁酸辣嘅 Buffalo wings，反而係蕃茄雞翼咁。不過因為啲蕃茄醬用新鮮蕃茄，唔係茄膏嗰種，所以我覺得都好食。雞翼整哂做單骨，食得方便啲。個 size 比一般單骨雞翼大隻啲 Risotto 有半邊龍蝦，個芝士面好 rich成大隻蟹鉗伸哂出嚟，好吸引阿！啲肉幾彈牙，有好多蝦籽，係個鉗就熟咗啲啲。Risotto 個汁較濕，啲飯幾有咬口，都唔錯。餐飲加 $8 轉咗青檸梳打同士多啤梨梳打。點法式蘋果撻伴雪糕嘅時候，侍應已經有講要等十五分鐘。到見到我哋食到咁上下，佢就問我哋個甜品係咪整得，真係好細心！

何以有此講法，因為曾經住過馬鞍山一段時間，講真，好食嘅地方係無乜。呢間cafe喺馬鐵沿線 知道石門比較多嘢食，今次朋友約我試下。Cafe裝修唔錯，地方座位寬敞，樓底高，入到去幾舒服。我哋叫咗二人餐，選擇左扒大蝦芒果沙律、扒紐西蘭羊扒、法國鵝肝炒飯。先黎兩件麵包。麵包暖暖的，圓嘅有提子味，麵包鬆軟。方嘅係脆脆的。餐湯：今次餐湯係蘑菇湯。用匙羹舀起第一啖，以為佢係好稀，點知好有蘑菇味，仲有粒粒嘅蘑菇粒。扒大蝦芒果沙律：沙律菜非常新鮮，配上少少酸尾尾又甜甜哋嘅sauce，覺得清新又開胃。驚喜嘅係大蝦，因為大蝦煎左，變左隻中蝦，但食落香口爽口又夾到個沙律。扒紐西蘭羊扒：我哋叫咗7成熟，對我嚟講有點熟，下次可叫5成。羊扒有三件，size屬較細，肉面煎得香口，肉質嫩口，羊味唔算濃。另配上特定醬汁，其醬汁有點似牛尾湯特濃版。如唔想點醬汁，可要求芥末或薄荷醬。鵝肝炒飯：可能食咗羊扒嘅關係 ，因此覺得其炒飯較為清淡。當中食到鵝肝碎，但比例上較為少。飲品及甜品：欣賞佢嘅朱古力蛋糕，朱古力味香濃又有蛋糕嘅口感。

男朋友住係大圍, 早排得閒周圍覓食就搭馬鐵去石門睇下有咩食原來一出閘個商場就勁多野食我地揀左呢間cafe, 貪佢暗暗地幾有情調我地坐低之後waitress就比左碟包我地一個黑色一個麥色我就食左黑色個個, 咬落好香又脆唔搽牛油都好好味我叫左個芝士焗龍蝦配意大利飯餐男朋友就叫左個鵝肝配牛扒餐我個餐跟菜湯好有配料係入面, 濃濃既什菜味男朋友就係配龍蝦湯, 偷飲左幾啖入口好似淡d, 但去到喉嚨d 龍蝦味就出左黎仲有少少龍蝦肉我個龍蝦意大利飯隻龍蝦比想像中大, 芝士焗真係好香龍蝦意唔太un, 易咬開意大利飯都幾正宗, 係有少少硬既口感唔係一pat 野咁! 唔錯啊鵝肝配牛扒估唔到都幾大份wor鵝肝有少少散開, 如果可以solid d 更好牛扒叫左7成熟, 都無overcook呢個配搭幾好食啊晚餐仲有飲品配埋性價比好高

石門以前係一個工商業區，冇咩人認識，唔係要返工都唔會踏足以個地方，幾年後變左住宅工商業區，起了商場，住宅，令到石門更多人認識，亦多了好多餐廳。京瑞廣場有分1，2期，格離就係石門站，好方便，亦設有停車場，方便駕駛人士。朋友好鐘意食西餐，所以今日去搵了一間西餐廳食晚飯，門口望入去，已經感覺到好有情調，坐位寬敞，亦設有梳化位。我們各自點了Dinner set 店員先送上餐前熱辣辣麵包，麵包外脆內軟，麵包好軟熟，加埋牛油仲正之後店員好快送上羅宋湯酸中帶甜，加上大量蔬菜，讓咪道層次口感一樣豐富。茄子肉醬千層麵（$128）未食已經聞到好香蕃茄味，蕃茄肉醬唔會好咸，千層麵底下鋪上茄子，千層麵每層都夾有蕃茄肉醬，非常美味。芝士焗龍蝦（半隻）配意大利飯（$168）芝士焗龍蝦焗得好入味，意大利飯粒粒彈牙，好creamy，好好味。另加了一款小食-焗芝士肉醬薯角（$48）炸得金黃香脆，薯角放上芝士肉醬去焗，入口超濃郁芝士肉醬味。

早前在1月1日，我跟媽咪及她的朋友出席千人行活動，成團人走到沙田石門京瑞廣場2期的 <富臨皇宮> 飲茶！ 沙田石門京瑞廣場分為1期及2期，兩個月前，相約新識的可愛女生一起去1期的 <Cyprium Cafe>！ 我們先在鄰近石門站等，還是由她帶路吧！這裡優雅格調，設有梳化位，而且闊落的環境，空間感充裕，可安坐享受美食！晚餐由 $98 至 $178 不等，加 $20 配湯及沙律；另有二人套餐，由 $335 至 $399 不等！兩者同屬抵食之選！麵包籃香脆的餐包，夾雜果乾，豐富了口感；塗上牛油，簡單美味！加 $20 配湯及沙律蘑菇湯這裏的蘑菇湯很好喝，滿載菌粒，菌香十足 ，真材實料！而且調味恰到好處，不會重口味，質感略為稀薄，好似飲極也飲不完呢！田園沙律色彩繽紛的田園沙律菜，尚算新鮮爽脆， 略嫌帶出臭青味，加上黑醋份量不多，難以掩蓋其味，因此大家也覺得比預期中不太好吃啊！茄子肉醬千層麵 $128肉醬與芝士的融合下，口味層次突出及豐富！既惹味又滋味無窮！ 千層麵質感軟硬適中，吸收肉醬醬汁又夠入味，卻是食到尾覺得有點膩！燒士多啤梨豬肋骨 $148以士多啤梨醬汁烹