DALLOYAU

营业中

休息中

店名：DALLOYAU 地點：中環國際金融中心商場焦糖脆榛子杏仁蛋白餅 $68記得之前已經試過呢款焦糖脆榛子杏仁蛋白餅，原來已經係5年前，之前賣$64，而家只係加到$68。外賣用個迷你紅色紙盒裝好。焦糖脆榛子杏仁蛋白餅賣相唔錯，係粒粒焦糖榛子鋪滿外層，切開入面係杏仁蛋白脆餅加praline醬。不過食落面頭榛子粒粒都唔夠脆，而榛子粒既榛子味道都唔夠。杏仁蛋白脆餅就頗脆。味道唔會太甜。我覺得呢個價錢可以好味d。

之前一直都唔知Dalloyau原來有正餐食，今年生日朋友就book左中環分店，估唔到各方面都超高質，環境舒服，服務態度超好，食物方面更加超滿意！餐前麵包好好食，本身都驚食左麵包會無胃食前菜，但因為太好食都忍唔住食左兩個生牛肉他他同薯蓉焗田螺調味都剛剛好，食材好新鮮！仲點左Carbonara，意粉有咬口，醬料好好味，芝士味夠重！最後甜品叫左柚子芝士蛋糕，細細一個剛剛好，唔驚食唔曬，柚子酸酸地又可解膩。有機會都會介紹朋友黎試下！

神秘的買一送一，之前見到報道話雪糕買一送一就過嚟睇吓點知舖頭完全冇貼出嚟，跟住要走去問先知道係有，口味都係要問店員佢話有薑餅味同朱古力味，咁我哋就揀咗朱古力味嘅雪糕！唔知點解呢個雪糕唔夠凍，非常之快溶，我嗰個都還好比較值我朋友嗰個比薩斜塔咁傾斜影咗張相已經見到佢傾斜嗰啲雪糕去咗手指嗰度跟住我問佢使唔使叫店員換過一個俾佢，跟住佢就話唔使啦，費事跟住拎咗啲紙巾已經沾滿晒朱古力有啲狼狽😅😅😅🥹🥹味道方面都正常同還好又買一送一都可以買不過真係唔明點解佢個雪糕用嘅速度咁快拎上手已溶緊，朋友嗰個仲要塔晒落嚟食完要洗手

黑松露朱古力軟雪糕，喺全港首創，大家對 黑松露炒蛋就食得多，依家畀 我哋有機會品嚐高貴奢華嘅【黑松露】口味嘅雪糕，好有創意。由7月、8月期間只可以喺 IFC買到買一送一優惠→即原價60幾蚊嘅矜貴雪糕筒依家可以30幾蚊就買到。🔸「黑松露朱古力軟雪糕」用法國牛奶及意大利黑松露製作，濃郁醇厚嘅朱古力，唔甜又無一般雪糕好溜奶味，能特顯【黑松露】獨特芳香。一啖咬落，滿口粒粒松露籽菌香滿溢，香濃又唔膩，真喺噤大嗰女第一次試到。「黑松露朱古力軟雪糕」買一送一優惠於以下日子下午1時至晚上7時供應：7月21 - 23日 ：中環國際金融中心分店8月18 - 20日：中環國際金融中心分店9月1 - 3日：觀塘創紀之城分店9月22 - 24日：觀塘創紀之城分店原價：$68 / 杯優惠：2杯 @ $34 味道：9/10性價比：7/10#DALLOYAU 分店地址：(1)中環國際金融中心一期L2層2028號舖

打卡一流法式龍蝦三文治dalloyau係一間法國知名嘅糕點品牌小食店主打甜品仲有一啲法國輕食選擇當中最受歡迎嘅係法式龍蝦三文治除咗嘢食dalloyau嘅服務亦值得讚揚㗎職員服務都算殷勤同熱情而ifc呢間分店環境優雅舒適同屋企人或者朋友嚟食個下午茶嘆下放鬆下都幾正✨法式龍蝦三文治 lobster roll呢款三文治由新鮮龍蝦肉、蛋黃醬同啲三文魚子組成再夾響鬆軟嘅麵包入面龍蝦肉質鮮美/蛋黃醬濃郁香濃完美搭配呢個lobster roll真係打卡一流/細細地下午茶非常啱/絕佳嘅輕食選擇

我想去取Menu換購蛋糕並加錢購物，但職員叫我直接睇雪櫃選蛋糕，不給予點單。員工服務態度極差，我原本想消費都給員工極差態度而無奈離開，最初一去到巳經沒有半點招待，不會再到此分店消費！

臨近年底，很多優惠券都要過期的關係，所以來了這家吃午飯用掉優惠券。如果不是因為要用優惠券的關係，我也不知道這家店是有正餐的！平日是有午市套餐的，但我單點了法國龍蝦三文治配薯條，因為在入座前在櫥窗看到這個，好像有點吸引，但事實令我有點失望。首先是龍蝦包的尺寸比起平日外間的龍蝦包好像還要細一點。龍蝦是龍蝦沙律，有調味醬也調了味的，但是感覺配起他的麵包可能要再濕潤一點。龍蝦肉的部分當然就不多了，吃得出龍蝦沙律中還有一些西芹跟蔬菜之類，整體感覺很普通。但薯條不好吃！是那種粗的薯條，但沒什麼調味，就像吃焗薯仔一樣。

聖誕節係DALLOYAU訂左個聖誕蛋糕，基本上得一款選，價錢係$438，14cm，口味有朱古力或者士多啤梨揀。以下資料來自官方網站：朱古力: 70% Guanaja chocolate chiffon cake, roasted hazelnuts, dark chocolate cream Wonderfully soft and fluffy sponge cake, flavoured with rich chocolate and end with a nutty hint士多啤梨: White chiffon cake, strawberry jam, fresh strawberry, light vanilla cream, white chocolateFruity and refreshing with the perfect balance between sweet and acidic notes今次我地揀左士多啤梨，方便小朋友食用。蛋糕用印上聖誕衣服造型既圖案既白朱古力圍邊，面頭係大量忌廉，上面插左一支聖誕樹同一支薑餅人造型既薑餅，再撒上薑餅碎同加上一塊印左品

店員聲稱榛子蛋白蛋糕是其品牌的signature蛋糕，但蛋糕上的榛子脆脆榛子粒粒是偏「淋」的，蛋糕裏面只有少少的蛋白脆和偏「淋」的榛子粒粒。黑森林蛋糕上的cream有臭味。只係蛋糕個樣還可以，味道甚至連平價家蛋糕都比唔上。完全唔值$68一件呢個價錢。本來買了10多件想請business partner食，請完之後聽到佢哋對啲蛋糕的評價都麻麻地，覺得好失禮。我與店員反映我的意見，他們亦只是敷衍我話會反映下。總之對其蛋糕極度失望，以後都不會再買呢間的蛋糕。

今日8號風球一早落左，開心🥳咁放假既我就當然出去行下，食返d好野慰勞一下平日返工咁辛苦嘅自己，哈哈😆其實都係借口去左中環行街，但又擔心出邊落雨所以都係決定喺IFC入面搵食，行到DALLOYAU見到個杏仁牛角包好吸引所以就決定坐係到食🥐🥐🥐🥐🍵🍵🍵🍵環境都可以啦，係IFC入面都有background music，唔會差得去邊，開放式可以比行過既人睇下你食緊d咩，可能可以幫佢哋吸引下d人，櫈都幾舒服咁叫左杯鮮奶抹茶，好香抹茶，夠滑，跟住就食物黎到，牛角包係熱辣辣，仲好香添，急不及待嘅我好快就動刀，唔好比佢凍左，一刀落去點知有意外嘅驚喜，原來佢係杏仁流心牛角包黎架，食完個包同飲品就已經好飽，好滯，今晚晚餐都唔洗食啦，可以慳返一餐嘅錢😂仲有要提提大家呢度係有最低消費😂😂及加一服務費😂

因家人喜歡食馬卡龍，路過望到就想買，本身Dalloyau有幾間分店，不過我成日醒起尖咀應該最方便，但有時行街都唔路過海港城，所以無專程去買今日難得路過IFC，就去買幾粒試下，9粒先有盒，9粒以下就咁入包裝袋，個人覺得好唔方便，一次過送9粒先有禮盒，咁應該迎合唔到買少量嘅顧客，唔要盒，用普通黏貼透明袋去裝，感覺無咁得得體，不過好彩小心拎返屋企，都未見碎今次純粹試味，所以買左4款口味，朱古力、檸檬、海鹽焦糖、開心果，朱古力和檸檬味唔突出，海鹽焦糖和開心果就有驚喜，主要係中間夾心嘅jam，係主要靈魂🌟整體呢間嘅馬卡龍唔係唔太甜，食左都唔覺甜到漏。圍起$24一粒。下次再試其他味，希望可以發掘到更啱我口味😋

🌹食完下午茶後，本來安排去睇畫展，但閨蜜👭又想吃件餅，寧揀🍰🤣。我們原本計劃搭車去找華懋廣場，跟指示竟然去了IFC，由於時間關係，就去此處搵食，見到《DALLOYAU》，一年前曾與老公幫襯過，有少少保證。🌹去到餐廳，客人不多，趕緊揀件心水蛋糕，閨蜜與我，不約而同選了朱古力黑森林，詢問服務員內裏是什麼組合後，一人點一件。🌹朱古力黑森林蛋糕，賣相美麗，外層是不甜的朱古力，內部是海綿蛋糕，我們都愛吃海綿蛋糕，大家都食得開心。個人評分食物味道環境服務衛生抵吃回頭率

看見網上這個龍蝦包多麼吸引，感覺上價錢比酒店平了三份一，就拿着戰戰兢兢帶着頭盔的心情勇闖一試。。。風和日麗的中午，靠一個多麼穩陣的港鐵線，很快便到達目的地，餐廳位於港鐵出口樓上非常之已找，店舖與坐位相隔一定距離，坐定定揮揮手我店員很快走在面前～當日揀選是（套餐）Hk$138,【龍蝦包另加+20=HK$158.】 跟上一個沙律， 另外在點上一杯Flat white.HK$50.先上枱時沙律，很少遇上用紫椰菜做沙律基底，口感偏硬，不過原材料應該可以較為（耐放）所以我覺得店舖可能有用過心（在配搭成本上）擺盤漂亮，味道上就中規中矩～咖啡隨後遇上，這個反而我感覺較有驚喜，入口層次味道豐富，是我近期少飲到的一杯好飲咖啡～最尾上的龍蝦包，體積比我預期中偏細，重點係（龍蝦肉）比例上亦都較為少，其餘吃得出啲便是青瓜又或是芹菜等等，所以我覺得性價比不高，不過用來(打卡)就絕對一流，至於我就對食物比(打卡)來得要求高，【所以這個龍蝦包在於我來說絕對有改進食材比例份量的空間～】閒日絕對是好坐的選擇在於國金這個商場內，至於食物質素與及價錢覺得如果可平衡多少少就更為好。★此店有+1服務★

之前一直都想去Dalloyau試下啲甜品，但一直都冇機會。早前終於有機會自己一個去咗中環IFC依間Dalloyau，雖然地方唔大，但感覺都好舒服，枱與枱之間都有一定距離。我叫左一個柚子芝士蛋糕，再加一杯熱朱古力。柚子芝士蛋糕味道不錯，柚子味好出，但又唔會掩蓋左芝士嘅味道。柚子味帶點酸酸地，但又會有一種清新，好fresh嘅感覺。至於飲品方面，我個人覺得雖然熱朱古力賣相唔錯，但味道較甜。幸好朱古力上有cream，攪勻後，尚可接受。

閉左幾日關，今日出動吓先，去左Dalloyau買蛋糕食。Dalloyau蛋糕造型一貫精美，質素有保證，價錢亦高檔。今日揀左兩款同家人分享。柚子芝士蛋糕 $58柚子芝士蛋糕係由一塊大大塊黃色朱古力半包住檸檬芝士餅同上面既日本柚子啫喱，上面仲有一塊白色牛奶朱古力同一小塊印左Dalloyau個名既招牌朱古力，下底都有一塊花仔朱古力裝飾，造型精美。味道方面，檸檬芝士餅算可以不過非特別濃厚，而上面既日本柚子啫喱非常彈牙清新，仲有少少流心柚子醬，食落唔會太膩。黃色朱古力居然有少少酸味，唔知係加左檸檬定柚子，都好驚喜。總括而言，味道算係唔錯。特濃黑朱古力慕絲脆餅 $68個人更鍾意呢件特濃黑朱古力慕絲脆餅。最下底一層榛子脆底，上面係厚厚一層朱古力慕絲，再加一層薄薄黑朱古力慕絲，最上面有一塊薄朱古力片同半圓朱古力慕絲，當然仲有一小塊印左Dalloyau個名既招牌朱古力。味道方面真係有非常香濃既朱古力味，而且質感非常滑溜，再配合少少脆底添加口感，我鍾意，如果脆底更脆就好啦。之前食過DALLOYAU兩個原個蛋糕，味道唔太好，反而小蛋糕質素好好多。