Deli-O Cafe

营业中

休息中

Lunch 放飯， 想舒舒服服同事咁樣食飯， 行過葵興呢間商場，就搵到Deli O cafe。呢間餐廳既套普通快餐店嘅價錢貴， 但環境舒適， 好適合坐喺度chill 下。職員嘅態度好友善， 人手分配好充足。 餐牌嘅選擇都唔少， 主打健康輕盈嘅意粉同飯。而我就叫咗個慢煮雞胸天使麵， 同事就叫咗個牛肉丼飯。 我嘅天使麵好掛汁， 芝士好香口 。 同事個丼飯都唔錯 ， 好足料 。對於女仔黎講， 份量算足夠， 而且餐具好乾淨， 食得好舒服。⁰總括而言， 如果想嘆一個美味優質嘅午餐， 可以嚟呢間試下。

帶子叉燒滑蛋飯，有洋蔥，但啲洋蔥係生食完之後成口都係洋蔥味，啲飯似隔夜，食落口一嚿嚿，啲叉燒切粒完全冇叉燒味都係隔夜成碗都係隔夜炒埋一碟收$67完全不能接受…..

經常路過都沒幫襯, 今日黃雨唔想行太遠, 見門口有人排隊叫餐, 價錢雖比隔離美心快餐貴啲啲, 但有人送餐, 裡面又唔多人, 就試下囉。坐到最入, 聽到店內嬸嬸交談甚歡, 不時又關心下樓面後生仔, 感覺店員關係不錯醒晨早餐- 火腿,炒蛋,沙津菜,牛角包+熱飲($38), 另加蕃茄螺絲粉(+$10)沙律菜新鮮, 火腿咸左啲, 炒蛋正常,但不是滑蛋, 牛角包麻麻, 蕃茄螺絲粉夠熱有鮮蕃茄, 立即加分, 炭燒咖啡都ok靜靜地嘆個早餐,享受下me time都唔錯

雖然同美心同一集團，但真係愈黎愈差.拎外賣時好似聞到好香好好味，令人有點期待，但食呢個青口帶子飯，真心食落去….覺得一d都唔好味。又唔係平又唔好味，根本就唔值。下次可以唔洗再考慮

有時候霖住健康d又唔想食飯，就會走嚟食個全日早餐當晚餐🤣裡面有慢煮雞胸、法蘭克福腸、紐倫堡腸、煙肉、煙火腿、炒蛋、雜菇、茄汁豆、水耕菜沙律、高纖穀物多士，超級豐富🤣搭配一杯蘋果茶（冷熱都🉑️），簡簡單單，非常滿足☺️店內位置仲算好坐，食完同朋友吹下水先走都得，雖然19:30就閂門，我睇時間差唔多，打算拿拿臨飲曬杯蘋果茶，見到我咁急就話慢慢唔使急，態度令人感到舒心🥰唔會產生催你走人之類嘅負面情緒👍🏻

Actually I don’t quite often have all day breakfast as it’s not worth having stuff like scrambled egg, peas, ham and bacon with a bit salad at $1xx. This time I had a $52 one and I think this is okay, I mean not expensive and all stuff can fill in your stomach well. The taste is normal (just like wt I expected) and everything on plate isn’t over cooked, but the hot lemon tea is too strong, tasting a bit bitter at the same time.

以為cafe裝修咁，食物味道會有誠意啲唔錯，但味道真係唔好😂佢係要係出面嗌餐，再入去坐。（有得儲yuuu積分）坐位係木櫈加塊墊⋯⋯ 唔好坐⋯⋯ 好想叫餐廳拎走曬啲墊⋯⋯個卡邦尼意粉好水！！！無乜味！叫得卡邦尼⋯ 但煙肉都無粒⋯⋯ 無鹹香味⋯⋯ 個飯$6x 咁嘅價⋯⋯ 但仲差過吉x家⋯⋯ 又係量少無味⋯⋯ 但佢係set嚟，有送埋麵豉湯同柚子汁沙律。嘢飲有蘋果茶，味道無乜特別，不過叫有個特別啲嘅選擇。真係伏過一次唔會再去食😂😂😂

食物溫度微暖。蒜蓉包，夠味，麵包皮脆內軟。意粉質地唔錯，不會太淋。意粉表面有芝士碎，三文魚有數片，另有三文魚粒，青瓜爽脆，味道清淡，食得舒服，岩我口味，可以encore 。跟餐包果茶，有冷熱選擇，不甜。座位及環境都舒服。

第一次食評就俾你了冇諗過仲係差評…經過葵興，諗住買啲嘢食就見到呢間Cafe望落正正常常啲意粉賣相好似都幾唔錯點知就出事我就見咗個卡邦尼海鮮意粉，汁就有嘅但係就冇味好似冇落過鹽咁…海鮮就一定急凍呢個冇問題連個奶茶都好奇怪好難飯⋯⋯朋友個煙三文魚青瓜意粉都有同一個問題，同埋都係三文魚碎粒⋯⋯另一個朋友叫炸雞烏冬個烏冬就正常嘅但個炸雞就很伏….雖然知道外賣應該點都會淋，但個質素仲差過大家樂…今餐外賣中伏鳥

黎新葵興廣場食意大利野環境唔錯，氣氛好。野食都好平民扺食。服務可以，上菜都非常快。地鐵站出就系，方便快捷。佢話每日隨機一種熱飲唔洗加錢，呢個系熱蘋果茶，好香好飲，都非常解膩。叫左個慢煮雞胸幼麵，雞胸我麻麻地，蘑菇同麵算幾多。個汁非常濃厚，個人中意清淡少少少蒜蓉包系意外驚喜，非常大個同鬆軟。咬落好香蒜蓉包，非常扺食。對面食三文魚幼麵，個汁唔錯，都有蘑菇。份量幾多三文魚都可以。下次黎會試下個烏冬，好似幾好食咁

今日食葵興商場既一間cafe餐廳 之前試過早餐，質素都幾好叫左兩個lunch set,一個係雞胸肉野菌醬意粉，另一個係煙三文魚節瓜意粉，兩個味道都正常，意粉都有aldente,仲送埋蒜蓉包，肯定夠飽如果lunch想坐得舒服d慢慢傾下計，呢間cafe都係幾好既選擇

Deli-O Cafe (葵涌)📇地址：葵涌興芳路166-174號新葵興廣場2樓1B號舖🕐營業時間：07:30 - 19:30💸人均消費：～$50/人(tea time)👏🏻抵讚位：店員有禮貌同埋都considerate，見我食完野問我需唔需要一杯水，仲主動話俾俾杯暖水我，個下都覺得呢間小店嘅職員都幾窩心🍴Food QC：「英式早餐 $48」呢個價錢黎講有all day breakfast食都幾開心，算多野食。雖然呢間嘅all day breakfast價錢咁平，但個quality都唔差。😯有待改善位：可以加多少少唔同種類嘅野食，多啲選擇😛😼私心回應區：呢間cafe仔細細，野食價錢唔算貴，職員又nice，想坐下同朋友傾下計都係一個好地方。睇番先知原來係連鎖集團旗下嘅cafe😂

對於返工午膳價黎講，價錢偏貴，一個午餐最平$55，貴嘅要$68。選擇唔算多，有意粉、麵、飯、 烏冬及一款all day breakfast。午餐食過幾次意粉，味道都不錯 仲有一個蒜蓉包， 蒜蓉包嘅外層脆，內裏軟熟，非常不錯！ 最近一次食嘅喺溫泉蛋肉醬意大利幼麵，肉醬汁整得啱啱好，唔會太酸都唔會太甜，溫泉蛋啱啱好，整個味道的口感非常不錯，飲品叫咗熱果茶，味道都不錯。值得一讚，廚房師父！不過好耐前，啱開業嘅時候，試過一次食早餐， 唔記得咗食咩，但飲係叫熱奶茶，唔好飲。等候時間：預先打電話叫外賣，可以更快自取，但去到需要付款俾錢，由於太多客人，所以都需要等一陣。

早上跟媽媽去了delo o食早餐。這間cafe開了蠻久，但是都未入過去。service很好，是先付款後入座的我叫了番茄雞胸肉溫泉蛋螺絲粉，我媽媽叫了個all day breakfast。兩份都是即叫即整，唔錯，感覺頗健康

假日葵涌遊，第一站：Deli-0 Cafe，晨早嘆個豐富早餐Cafe 環境舒服，先係門口買餐，之後自己搵位，店員會按牌送餐，幾方便早餐款式多，有一般公仔麵餐同多士炒蛋餐，居然仲有英式早餐同埋班尼廸蛋早餐，而且仲要唔洗＄50，勁吸引叫左英式早餐＄48:紐倫堡腸•煙肉 •煙火腿•炒蛋•雜菇•茄汁豆 •水耕菜沙律。高纖穀物多士，非常豐富，款款材料新鮮，除左茄汁豆，其他份量十足，最鍾意水耕菜沙律好新鮮，食落爽口，高纖穀物多士啖啖殼物，有咬口又健康炭燒咖啡超香，可以按個人喜好自己加奶