Deluxe Bakery (已結業)

早前屋企人生日，放工後係公司附近見到栗子蛋糕造型咁靚，影相一流，所以就買左一個返去。屋企人一睇都好鍾意呢個蛋糕，朱古力玫瑰花整得好靚，比起出名既餅店亦亳不遜色，不過呢d朱古力玫瑰花既通病就係太甜唔明點解唔可以無咁甜既朱古力整玫瑰花。朱古力牌既問題亦都係一樣。另外蛋糕本身亦偏甜，栗子蓉食得出栗子味，算係真材實料，但加左太多糖，上左年紀既人唔係好食到咁甜。唯一比較可取既係蛋糕面上既幾粒栗子🌰。如果買黎影相就還好，專登買黎食就大可不必了。之前食過呢間既西餅都幾好食，但唔知點解蛋糕會咁甜

剛好經過Deluxe門口，見到陳列櫃放了芒果蛋捲,價錢HKD10元，滿吸引，買了一個做早餐，芒果奶油滑而且不太甜也不膩，仲有淡淡芒果香味，蛋糕面用顏色較淺那面，當外皮捲起是向內捲做法，蛋糕口感有彈性也細密算好食。

經過上環Deluxe門口，被玻璃櫥窗放著圓滾滾可愛的物體吸引，行近看不是蛋糕，旁邊牌寫著芒果雪燒，吓，雪燒！本人見識淺薄，第一次見到奇特的名稱，外型像極銅鑼燒。於是乎買了一個嘗嘗👅。小心翼翼拿到手捧著生怕壓扁雪燒，慢慢打開包裝袋，切開一半吃起來完全不像銅鑼燒好好味道呀！面底層像在吃單純的無糖軟綿綿蛋糕，口感非常地鬆軟輕盈，中間夾著新鮮芒果及奶油慕斯餡，奶油慕斯像冰淇淋ㄧ樣的清爽口感輕盈順滑，不甜不膩；芒果果肉粒粒香甜。

天然材料的本地烘焙店 – Deluxe Bakery，價錢非常親民。餅店非常細小，但提供產品多元化，種類滿多例如有蛋糕、曲奇餅、蝴蝶酥、蛋卷、麵包等等，陳列架和玻璃櫃內都是琳琅滿目。蛋糕賣相挺精緻的，這家蛋糕不論款式味道都有水準，不妨大家試下啦！本人好喜歡食芒果拿破侖蛋糕和我蝴蝶酥肉鬆包麵包我比較喜歡食鹹包，尤其是對肉鬆包情有獨鍾，看到肉鬆就有仲愉快的感覺。鬆軟橄欖形狀麵包面塗上美乃滋再沾上厚厚的肉鬆，肉鬆鬆脆香酥，但稍為咸了一點點🤏。

難得去開中環工作，當然要食盡佢啦。 事前已經佈署好， Lunch time買一間蛋糕店，放工再買一間蛋糕店， 咁就可以滿足曬兩個胃啦。既然部署好，就係Lunch time 拉埋同事去買蛋糕，等一陣Tea time有著落。見到甜品櫃有好多造型好靚， 應該係用朱古力槍噴咗 一層朱古力 coating嘅蛋糕， 驟眼睇都值$40一件嫁，但大部份蛋糕都只係賣$20＋，又真係估佢唔到。不過，通常呢啲咁靚嘅蛋糕， 可能都會落咗好多魚膠粉，而影響口感， 所以我就買咗 chocolate brownie同 Oreo cheesecake cake/ tart， 測試吓佢嘅真功夫。我就覺得chocolate brownie 勝在唔太甜， 又有好多合桃，令口感更加豐富， 雖然有少少乾，但都唔會失太多分嘅，所以我投 chocolate brownie一票；但同事就覺得 Oreo cheesecake cake/ tart 味道濃郁啲....... 結果當然係。。打和。雖然唔係用最靚嘅材料，但價錢又真係幾經濟， 如果順路經過，都係一試無妨嘅。

跟同事共事多年但要走, 係幾唔捨得. 如果要送某連鎖牌既$4.2西餅, 又過唔到自己關口. 經朋友介紹下, 留意到呢間香港品牌既蛋糕店.雖然價錢同名店蛋糕差唔多, 但款式+賣相+配搭可以媲美/甚至超越名店! 因為需要購買數目唔少, 所以先跟店員預訂+溝通好. 好開心款式夠多, 請同事食人人可以揀唔同款, 打卡又正!店鋪另外賣有曲奇, 方便我送去俾其他office既同事, 因為中上環路窄人多, 運送蛋糕真係唔容易架~ 我幾鍾意餅店有曲奇賣, 食既時候其實仲方便.

早餐成日食麵包食到好悶，都唔知食咩好，又未訓醒又趕時間，所以就求其買左包蛋糕仔番到公司先知原來有3隻味，有抺茶、朱古力同原味抺茶好香又清新，唔錯朱古力同原味就普普通通，但一啖一個都幾慳時間呢袋細細既蛋糕都夠我食3日早餐，一次食3個HAHA又好似幾抵食

以前番工一直都唔知原來上環都有DELUXE 咁岩今日又未食早餐 即刻去買個麵包填填肚 一去到即刻俾呢個大包吸引到 超長超大個 同出面而家D空氣麵包唔同 好足料 價錢仲要唔貴 即刻買黎試下 係出面好少見呢款 我都係第一次食 味道唔錯 好有口感 每食一啖都好滿足 Although唔係話超好食 但既價錢咁既質素 值得大家一試 算係一個 good morning haha

下午茶時間已到，食件餅輕鬆下先啦! 食飽先有氣力氣再搏殺過。芒果拿破崙芒果未係最靚，味道未係最甜。食左對它有啲失望，事關個餅底唔係脆到卜一聲，雖然質地不致於韌，又唔會一咬就散開，而個吉士醬又唔會太甜。最上面有一粒類似花生糖的物體，巧古力片都冇益味。栗子餅有栗子蓉的香味，餅底唔夠脆和鬆化，冇特別。買餅的時候，店員同我講買兩件只有紙袋，用紙袋盛載都穩陣，不過買三件就會俾個盒，而家有冇做緊買五送一 (唔肯定)，可能優惠完左。

$25一件咁靚嘅果撻味道不錯，芒果份量算多。芒果拿破輪由lunch time放到零晨都仲鬆化，但稍為甜了一點。兩位staff都好好禮貌。其實唔係一定要甚麼Lady, 甚麼la 乜乜，$50幾蚊一件cake先好食嘅。

平時都有幫趁Deluxe， 覺得佢D出品唔差。 今日有同事生日，其他同事竟然不約而同都係去Deluxe買蛋糕。同事話呢個士多啤梨拿破崙蛋糕係即日做，所以好新鮮。外表好靚， 食落去， 上面D士多啤梨好大粒，好豐富，同好甜。 蛋糕層與層之間好脆， 整體感覺唔錯。平時食開大型連鎖餅店蛋糕都有D厭. 或者下次買蛋糕都應該考慮去呢間買。

朝朝反工時間都見到呢間好多人排隊，上次買兩個西餅反去食，個果撻幾好食，水果新鮮，餅底都做得好脆，但mousse cake 上面層糖就有d甜，可能我唔係好食甜野，但佢啲cake真係吸晴度爆燈。今日朝早試左個碎蛋沙津蟹熱狗包，真係好抵食，碎蛋沙津鋪滿成個面包，味道濃郁，平時係其他麵包舖買冇咁好食。我以後早餐買呢個配咖啡就啱哂！

上天就係咁唔公平㗎啦, 總有啲人又有外表又有實力, 蛋糕一樣係咁。今期同大家推介嘅係位於中上環區嘅Deluxe Bakery, 一間有著華麗外表但價錢非常便宜嘅蛋糕店。<雜果蛋糕6吋>$228 <評分: 4/5>今次因為係買俾老人家所以喺款式上高揀左最普通嘅雜果蛋糕。訂呢個生日蛋糕嘅時候仲以為側邊圍住嗰啲係餅乾條, 但食嘅時候先發現係包住糖霜嘅蛋糕, 鍾意食鬆軟口感蛋糕嘅朋友應該會同我一樣好鍾意呢個蛋糕。 其中最抵讚嘅係佢嘅雜果, 今次生果佢主要俾咗芒果、士多啤梨同埋藍莓, 第一次食到係生日蛋糕上面有咁鮮甜多汁嘅生果。 其實係訂蛋糕嘅時候, 佢已經同我講雜果會隨著季節而改變, 所以大家如果定同樣嘅雜果蛋糕, 出到嚟生果嘅combination可能會同我嘅有d出入, 呢種咁人性化嘅設定真係值得大大嘉許！

近排想食得健康D, 所以就買左D燕麥片早餐沖黎食, 但奈可無食開真係覺得陣味怪怪地好難入口, 所以最近就尋求緊有冇D健康D既麵包做早餐, 無咁單調, 琴日去左公司附近間deluxe睇, 見到佢有個亞麻籽提子包, 聽講亞麻籽對身體腸胃個d好好, 不過通常就要黎沖野飲, 用黎整麵包都好似未聽過, 所以就買左黎試下, 本身以為會好淡, 始終亞麻籽無味, 但提子乾作出左個點綴既作用, 令到個包甜甜地, 健康得黎又易入口, 決定之後個禮拜都要食呢個包做早餐!!! 

今朝番工前經過呢間麵包店，係條街度聞到香噴噴既麵包味，就走左入去求其簡個麵包食完之後忍唔著上尼開心SHARE，個飽好香，同D芝士好MATCH重見到有個提子壯紐紋條(心心眼)，焗得勁靚，下次經過先試。