影片
电话号码
31058114
附加资料
包場服務:
最低消費: （最少兩小時）
全場: 60-70人
半場: 30-35人
星期一至五:
全場:
10:00-16:00 - $5,000/hr
16:00-22:00 - $4,000/hr
半場:
10:00-16:00 - $3,500/hr
16:00-22:00 - $3,000/hr
另加包場服務：
音樂，場景佈置，private調酒師等
营业时间
今日营业
11:00 - 22:00
星期一至日
11:00 - 22:00
以上资料只供参考，请与餐厅确认详情
有关奖赏计划
呢間餐廳個景觀超靚！對住一大片海景，坐係呢度飲茶真係好嘆😆如果你有寵物仲可以坐外面既位置，勁chill。佢店內店外既座位都好闊，坐得好舒服點心全部都即叫即蒸，上枱熱辣辣😍我地都叫左好多野食：燒賣、韭菜金錢蟹餅、蘿蔔絲酥餅、窩貼蝦多士、小籠包、松露雜菌餃、瑤柱金錢肚、豉油王炒麵，食物都幾好食好高質我最中意窩貼蝦多士，脆卜卜，加埋雜果沙律醬食落唔會太油膩，同埋金錢肚，好林好入味，就連墊底既蘿蔔都吸哂啲味好好味！店員收碟既速度都好快，下次有機會再黎chill下😌
继续阅读
🥢DHYC Dimsum Restaurant 呢間新派飲茶餐廳，裝修簡約，位於將軍澳傲南海岸商場，環境座位舒適，仲可以望住將軍澳嘅夜景，都真係一種享受🎇脆貼蝦多士 $88外脆內嫩，原隻蝦肉，炸得香而不油膩🦐🍞柱侯金錢肚 $45蘿蔔吸收咗肉汁，十分入味，金錢肚口感軟腍，十分掛汁焗叉燒包 $38叉燒肉質嫩滑，甜度適中，酥皮外皮酥香軟熟蘿蔔絲酥餅 $42外脆內軟，蘿蔔絲切得幼細，外脆內軟韭菜金錢蟹盒 $55蟹肉鮮甜，搭配韭菜餡料，口感清新，略嫌有少少油膩沙嗲粉絲牛肉煲 $158牛肉嫩滑，粉絲吸收咗香濃的沙嗲醬汁，金針菇軟熟，很掛汁，味道濃郁👍🏻🍲🥩最鍾意呢道菜(⁎⁍̴̛ᴗ⁍̴̛⁎)
继续阅读
對住海邊飲茶1️⃣韭菜金錢蟹盒即炸,熱辣辣,外皮好脆.料多韭菜配蟹肉又幾夾💰HKD$552️⃣蒜蓉粉絲蒸鮮魷小小辣,魷魚彈牙,粉絲索哂D汁.💰HKD$553️⃣柱侯金錢肚金錢肚好淋,味道濃,底下蘿蔔都好淋💰HKD$454️⃣窩貼蝦多士配沙律多士脆D會更好,點埋個沙律醬幾Fresh💰HKD$885️⃣蘿蔔絲酥餅外脆內軟, 蘿蔔蓉幼滑💰HKD$426️⃣焗叉燒包外皮係菠蘿包甜甜地,叉燒都幾多💰HKD$38餐廳位於將軍澳海旁,環境舒服,唔會好多人.
继续阅读
今日同老公去左將軍澳澳澳南海岸一間叫「DHYC Dimsum Restaurant」餐廳食點心，因上網見到呢間餐廳環境幾靚，難得老公今天放假終於可以嚟撐枱腳，走進DHYC（得閒飲茶），原來呢度有室內和室外嘅座位，室外位置更可以容許寵物入內，環境很舒適，讓人感到溫馨和放鬆，食完晏還可以沿着海旁散步。原來這家DHYC Dimsum是入選米芝蓮推介的60年中菜老字號「益新美食館」設新的副線。餐廳採用半開放式座位，座位採用渡假風設計，望住將軍澳跨灣大橋一覽無遺，藍天白雲加上一片汪洋，景觀美侖美奐非常悅目，食住一盅兩件真係一件賞心樂事，就算晚上嚟都可以食到即叫即整的點心。呢度除左點心之外都有啲小炒可以選擇, 我哋就叫左幾款點心試下先！窩貼蝦多士即叫即炸，炸得酥香啖啖脆口，滿滿的蝦釀左入多士佈滿表面，蝦肉食落鮮甜彈牙，多士仲係外脆內軟，佢嘅醬先係重點，唔係淨係沙律醬咁簡單，裏面仲有鮮果肉，配埋一齊食滋味無比惹味。蝦餃蝦餃有四粒，外層嘅皮晶瑩剔透，煙韌嘅蝦餃皮裏面包裹住新鮮彈牙嘅大蝦肉，加上有豬肉餡，啖啖都有鮮甜和肉汁的味道，的確與別不同，雖然細細粒但蝦肉好彈牙，每一淡都令人回味。懷舊灌湯餃香港已經冇乜邊度有得食，難得有得食，梗係要試下。古法口味精製，不是平常吃慣般用湯汁浸着湯餃，而係湯餃裏面灌滿上湯、蝦同肉，大概有半隻手掌咁大，皮薄餡靚，一口咬落去爆曬啲汁, 好喜歡裏面半凝固嘅湯汁，真係要趁熱食，份量真係唔惹少。韭菜金錢蟹盒又係即叫即炸，炸到金黃色脆卜卜好有口感。其實裏面包住滿滿嘅韭菜蟹肉，咬落去非常濃郁嘅韭菜味，認真咀嚼後會發現蟹肉的味道，蟹肉都唔少。姫松羅漢齋腸粉口感層次豐富，腸粉做到好薄好滑，冇乜油味，但也沒有什麼特別和驚喜。芝麻卷個人覺得芝麻卷的芝麻味道不夠，期待有改善。整體來說，餐廳對正海濱，景觀一流，望住個靚海景，感覺好chill咁！食物性價比高，店員都友善，服務態度都好好。
继续阅读
將軍澳呢間點心餐廳，環境舒適，地方開揚。室外位置仲可以望海，遠望欣賞到跨灣大橋景色。而且係寵物友善餐廳。🐱🐶菜苗餃～皮薄餡靚，內餡飽滿。柱侯金錢肚～肉質軟腍，醬汁濃郁惹味。窩貼蝦多士～麵包底十分香脆，蝦肉彈牙，配埋沙律醬，增加層次感。韭菜金錢蟹盒～外皮香脆，包著滿滿的韭菜同蟹肉，好足料。菠蘿咕嚕肉～味度酸酸甜甜而且啖啖肉，外皮微脆的，用嚟送飯特別開胃。豉油王炒麵麵身乾爽唔油膩，麵條彈牙，麵上面加上芝麻，香口好味。😋😋今餐晚餐唔單止係食美食，仲係食環境，同埋食氣氛。👍🏼👍🏼👍🏼
继续阅读