Diamond Blue

营业中

休息中

首先呢間野轉咗手，餐牌都轉咗，變成乜都有冇focus嘅（雖然呢個唔係重點）。同家姐去食飯，一個叫咖喱雞飯，一個叫醉雞飯。佢一set lunch有前菜（中華沙律），主食，甜品（西米露）同餐飲一杯。 首先講中華沙律，都係現成嘢，冇特別。個咖喱就喊到苦，唔係人食嘅。建議唔好試。醉雞冇酒味，只係一片片雪到實哂嘅雞。餐飲一杯龍眼冰一杯菊花茶，菊花茶不過不失就現成嘅味，杯龍眼冰真係精采囉，糖漿味，以為自己食緊元素週期表個西米露食咗一啖就食唔落，酸臭鞋味嚟嘅呢間嘢仲要唔係平好耐冇食過一間餐廳係由頭到尾都覺得難食仲要我本身對食嘅要求好低，真係要好好好難食先會有咁嘅反應

去石門揾食，其實好多間餐廳都食過。假日夜晚近7點，眼見間舖頭一枱客都未有，就本住幫下小舖入去一試。食物種類唔算好多，計有煲類，炖湯一人餐，pizza，泰式小食及潮式滷水。煲類及炖湯餐配有白飯/米粉/瀨粉/葱油撈麵及飲品一杯。兩個人，叫咗一個炖湯餐，五指毛桃湯，酸菜魚，瀨粉同凍龍眼茶。另一個就係雞煲餐，瀨粉同熱龍眼茶。再加一份酸辣無骨鳳爪。炖湯好清甜，而且有幾舊㷛湯料跟埋，唔係齋飲水。酸菜魚稍為唔夠酸菜，味道較淡，魚就係滑捋捋嘅桂花魚/鱸魚之類。雞煲係唔辣嘅，但調味唔錯，係雞件比較少，唔夠喉。瀨粉同酸辣無骨鳳爪就正常。埋單~$250，無收加一。店員都幾禮貌，但唔夠主動，斟水都係你叫佢先幫你加水，但都無順手幫埋同枱嘅其他人斟水。

話說有少少趕時間，外賣自取，問清楚pizza要等幾耐，店員表示十分鐘，咁十分鐘係ok既我地落單。原來所謂十分鐘係指焗十分鐘，而佢地就等埋其他order先一次過焗，結果我地等等下成半個鐘。講番食物，等咁耐既質素係點呢？個pizza如圖，真係賣相同味道一樣求其至極，好唔尊重顧客，我家政堂都整得好過佢。另外有個麵，一打開我都要望番張單我究竟叫左什麼？味道似宵夜仲喺雪櫃求奇dum落滾水煮囉。咁既質素同效率，冇下次。

好似係近日先有早餐提供，見個早餐可以食物同飲品分開計，幾有彈性，所以想去試下。熱香餅雞扒炒蛋單叫$28，加凍飲$8，總數$36，估唔到有3塊熱香餅;薯餅＆雞肉芝士墨西哥餅$28，加熱咖啡$6，加埋$34。整體食物味道很不錯，性價比高的早餐。menu仲有豬骨粥，出前一丁麵，三文治，選擇都幾多。

上星期，我同一家人經過石門行開呢個商場，見到呢間餐廳，我同先生睇到有多款食物比人選擇，而且又有食物適合小朋友，之後我哋入到去坐低，有個紥馬尾嘅女仔侍應，首先比左張q code我地落單，而且比埋餐牌我哋，個紥馬尾女仔仲好細心詳細解釋餐牌內容，之後我哋叫左2個pizza,2個意粉加一個小食，pizza焗得岩岩好，而且意粉味道十分好，連小朋友都大讚好味👍🏻中途小朋友唔小心倒瀉水，紥馬尾嗰女侍應馬上幫我們清理，而且全程係帶住笑容，比著其他餐廳侍應已經黑左面，但其中一位帶眼鏡女侍應叫佢幫我拎2個碗，係好唔情願，而且拎過嚟個陣係黑住面，超級唔情願。唔講以為得罪左佢。食物就好好👍🏻可以再有下一次

原本跟男友到另一間餐廳食雞煲，但好多人無位，於是再搵其他餐廳。同一個商場，經過呢間cafe，見到有一人雞煲，無咩人，費是再行，無咩期望純粹醫下肚同試下d小店，就入左去，點知真係伏到爆，超級後悔。🥵坐低後，有個女侍應生 （較男仔頭咁既樣）就咁掉低個QR code 牌係枱面，一句野都無講。個下覺得有d奇怪但都不以為意。開始聽到d侍應生係度自己吹水，又爆晒粗，但都無咩理。手機落單無耐，有個一入黎就見佢掛住係咁禁手機既男侍應生（但態度對客似乎最正常既）佢比左兩杯水我地。無耐就開始上野食。單點2個湯，都係好結個d罐頭湯（仲有結住一舊野咁係湯入面個種）。叫左兩個一人雞煲，黎到都係好重既味精野。食左幾舊雞，個男侍應生，被廚房一個男人叫佢要幫我地雞煲加水，唔係就會痴底，咁佢無問我地就直接倒d水落去雞煲度。加左兩份打邊爐料，有麵粉味嘅烏冬半個，正常午餐肉，丸，蟹棒，生菜，雲耳，小量金菇。無叫野飲。食到半路，戲肉就黎喇‼️我地飲晒兩杯水，男友如常好有禮貌咁，向住一個小小背住我地既紮馬尾肥妹侍應生講：「唔該，可唔可以幫我地加d水？」。個肥妹即刻面目猙獰咁擰過黎話：「下？！咩話？！」男友再重覆：「可唔可以幫我地

食物差，唔好食……叫半熟牛扒嚟到係全熟嘅。環境仲差過食food court咁。冇服務，又冇主動俾餐具同主動俾水～～～竟然仲夠膽收我服務費，加加埋埋好貴，性價比超低，以後都唔會再幫襯。 。

大概下午五點半左右，與小朋友一起吃晚餐，因是手機下單，因有點趕時間，而且等了一段時間也未上菜，便有禮貌詢問職員是否在製作？還有想確認自己是否真的下了單。結果在上菜後，職員竟然播震耳的音樂趕客，當我要求細聲點時，職員竟然愈調愈大聲，要我生氣制止才肯停。首先，食物又貴又不好吃，加上服務實在太差，平時晚市也沒甚麼人，絕對是沒有下次的餐廳。另外，收費只用支付寶和現金，比較少的支付方式。我相信老闆不是常駐在店中，請兩個廚房，兩個樓面，但場內得我同小朋友一桌客，真的幾富裕。

一直都知道石門食店林立，餐廳種類眾多，今次來到這間西餐主要是在餐廳門口看到餐牌價錢比較其他餐廳相宜，而且餐廳裝潢亦很舒適，實在適合一個人靜靜地吃飯呢～點了“招牌重芝士鮮茄豬排焗意粉”，餐牌上看到招牌和重芝士的字眼就很雀躍，焗意粉即叫即做，一上枱時熱騰騰，豬排和意粉比例剛剛好，分量十足，整體來說這個價錢對得起質素，下次必然會再點！

星期六親子玩樂日，同仔囡去京瑞遊樂場，玩完出嚟就見到呢間餐廳，假日的下午茶時間滿座，坐位很寬敞。焗豬扒飯：蕃茄汁調味適中，豬扒份量多，配菜略為少，🍚沒有炒底。菠蘿火腿pizza：皮很脆👍🏽材料量算多，但茄醬不均勻。串燒雞肉，$28，抵食，醬汁濃郁，雞肉嫩身。薯條🍟：份量很多，新鮮即炸，但芝士醬少一點，淡淡嘅芝士味，最後都係要點茄汁。侯餐時間：10分鐘2大人2小朋友，都夠食，結帳$201，抵食，不過不失。

今次黎到石門食野，見到呢間餐廳價錢十分貼地就入左去試下喇🤣叫左個鐵版set，跟餐送南瓜湯🎃南瓜湯好creamy，仲飲到佢落左洋蔥調味！鐵版牛就叫左3成熟，成數就做到嘅但上枱嗰陣有啲血水同埋略嫌塊牛有啲多筋，呢個價錢可以有其他選擇🥲雞扒飯性價比好高！由咖喱汁轉左做蕃茄汁，成件事好似食緊一個高級版嘅大家樂焗豬飯咁!見到佢其他野食都係around $60左右，價錢非常貼地，但礙於我地兩個都唔算係好大食嘅人，今次就淨係試到呢兩款，下次有機會可以再試其他！🫨回頭率：2.5/5

價錢相宜 合理味道😋叫咗個焗豬扒意粉都係即叫即焗🤩啱啱做完運動想食得清淡啲唔會一味得個咸字 食得幾健康嘅西餐食反食物嘅原味空間幾大坐得舒服$42 青口$88 龍脷魚如果行過石門可能都會再食Might try the pizza or bbq ribs next timeAnd the price is just so worth it! I rather eat something healthy than something just salty or with too much seasoning.

見個裝修幾靚 一上電梯就係 未食過諗住試吓啦見到餐牌形容啲意粉都係正常出面食開嘅 就嗌咗個黑松露忌廉汁野菌雜菜焗意粉+黑松露蘑菇湯。。個蘑菇湯一嚟到已經覺得好伏 勁咸之後個意粉嚟到先呆咗 啲汁好似精咁 食落杰噠噠 0黑松露味 好重生蒜味 啲菜食落都係青架 我唔明點樣可以煮到個意粉咁樣另外男朋友嗌左明太子汁大蝦蟹棒焗意粉 0味 得蟹籽 冇明太子真係完全唔知食緊咩 咁樣收我$175 為左寫呢個食評先開open rice acc 拜托廚司改善下 去隔離食薩莉亞都好食過呢度好多

嗌左個肉醬千層麵，menu上面寫要等15分鐘左右，但最尾10分鐘左右就出到，出餐時間都算快，尤其係焗野黎講真係快。員工都算係幾有禮貌，尤其係呢d咁忙嘅時間。但係個千層麵真係咸到要洗腎🤢，又冇乜茄味同鮮味，個肉醬又唔搽唔均，似係用茄膏溝出黎。而且d肉又太細粒，冇咬口，d麵都又未熟，咬落去又乾又硬嘅，年紀大d都畀佢哽死🥶，餐飲又要跟餐半價，又唔係話好飲，真心唔抵食。其他野我就未試過，希望其他野唔好表現咁差🙏🏻

這間位於石門的小店，想不到原來午膳線時間都有不少顧客，除了上班一族前來午餐之外，還有不少細蚊仔，看看水牌原來這兒都有不少兒童playhouse，下次再來可以玩吓。吃了一個焗飯一個焗意粉，份量原來都不太少，因為它比較廉價，以為分量不會太多，怎料，焗飯鋪滿了整個底部，上邊的咖喱汁不算太辣，味道相當好；咖喱汁配合珍珠米的白飯，再焗熱了，吃起上來相當可口，雞排都大大塊，份量也不少，雞扒夠嫩滑，肉質不少，不算有很強勁的雪氣。另外的焗肉醬意粉，分量亦都不太細碟嘅，我覺得夠熱，份量也不少。另外有個炸魚薯條，就開正小嬰兒嗰範，炸魚當然沒有幾百蚊一份那種炸魚薯條那麼大，不過都算大大塊，我係比較香脆；薯條份量亦都不少，醬汁又酸香，難以相信這個只是$3-40的價格。點了兩個焗飯、焗意粉加一個炸魚薯條和一杯嘢飲，竟也不用$170，在石門這些中檔商業區，吃個車仔麵或是多謝燒山粉麵都要$50-60 ，這家小店價錢算是難以想像。