Dilliwale

营业中

休息中

今日去銅鑼灣樓上鋪搵食, 一入黎已經覺得呢到同平時既印度餐廳有D唔同唔會有好濃烈既野食味, 通風好而且燈光唔會好暗, 裝修都好新淨今日大膽挑戰左一味從來未食過既印度菜Rangdaar Papdi Bhalla朋友睇到張相仲以為係Pizza, 其實係一個七彩顏色既涼拌凍凍地既乳酪汁加豆丸子加石榴粒粒再加少少辣既脆印度小餅🇮🇳好開胃呀呢到既調味唔會太酸/太重奶味係just right叫左兩款Naan, 落單時都驚食唔晒,問一問waiter意見佢好細心咁講解size係一個台面圓碟既大小然後cut左4塊,2個人可以食得晒叫左Garlic naan, 餅上面可以見到蒜泥但係唔會太濃味,沾咖哩食都唔會搶左味另外係朋友介紹既Cheese Naan, 係有d融左係餅裡面咁, 同咖哩又幾夾Main 叫左Chicken Madras Wala 椰汁咖哩雞有椰子香又有咖哩既香辣, 有水準呀而且雞件份量都唔少,兩個人都夠食甜品叫左House Gulab Jamun with Ice Cream係兩個蛋糕仔加左糖漿配雪糕,好味道!

Lunch menu有好多個選擇，有得就咁揀雞、魚、羊同埋素。而且，仲有得揀拼盤，可以一次過試吾同款式既咖哩。😋 德里咖哩魚估吾到個餐又有飯，又有naan，因為通常餐廳都只係會揀一樣。個咖哩微辣，但都好濃味，配埋白飯同naan都好夾。啲魚塊都好滑，吸晒啲咖哩汁好入味。Naan雖然係原味，但都煎得好香。😋 嚐味拼盤依個好吸引，因為可以試晒3樣野，仲包咗小食同埋甜品小食係春卷牛油雞係第一碟咖哩，啲雞幾滑，但個奶油味可以再重啲奶油咖哩芝士係第二款，依個相對無咁辣，而且仲有啲芝士粒係入面，原來同咖哩都幾夾。炒素菜原來都係用咖哩炒，所以好入味甜品係印度既傳統甜品，係用咗麵粉團炸完加上啲糖漿😋Mango Lassi飲完可以減低啲辣味，係酸酸地，好開胃

餐廳位於銅鑼灣地鐵附近好易搵🚊樓面同廚房都係印度人👳🏿所以我諗應該都係印度人開既。而食客當日我見都係外國人同印度人居多。而餐廳嘅座位好寬敞😆坐得好舒服🤙🏻Old Delhi Lamb Delight 🐑🥘$110包括左咖哩羊肉、飯、Naan、小食、飲品。睇落唔多野🤤但係絕對夠飽，因為有Naan🫓之外，重有一碗飯🍚羊肉煮到好腍又入味，同埋無羶味，個咖哩有小小辣🌶都幾好食。個Naan好煙韌好鬆，用黎點辣咖哩一流 🤣另外，果🍚碗飯都唔差，係一條條長長既米，唔似我地平日食果Ｄ飯咁痴埋，佢係粒粒分明，好散的。撈左咖哩汁都係好好食。而舊小食我其實唔知係咩黎，但味道都絃好，只不過就油左少少，所以我食左少少就冇食了🤣推薦？🟡🟡🟡🟡⚪️我都係誤打誤撞搵到呢間印度餐廳，但係質素又唔差喎！可以係回頭之選！

以前都會抱住試新野心態去食下印度菜, 不過冇乜幾多真係好難忘直至我黎左Dilliwale, 對印度菜係完全改觀首先成個餐廳裝潢好靚, 熱情又有空間俾人感覺好乾淨衛生.   MENU上面有晒中文, 唔駛估估下上一次黎岩岩開張, 今次再黎已經坐無虛席, 好安慰~~🥔辣炒薯仔個名好普通, 不過係我食過最好食既炒薯仔雖然係炒, 不過薯仔事先已經炸得好脆 好淋再加埋非常香口開胃既辣汁, 必食份量唔係好 2個人都食得晒, 仲想食多D添🐔Butter Chicken印度菜基本款, 雞好嫩個汁襯埋NAAN好好食🧀Cheese Naan精選!!  就係因為呢個NAAN, 令我漸漸喜歡上印度菜揀親印度餐廳都要有CHEESE NAAN呢到係好足料, 每啖都真係有CHEESE, 少少BLUE CHEESE個種臭芝士味, 巨喜歡!!一定要點!!🧇SHAHI TUKDA WTTH RABRI先講, 印度甜品係極甜, 要嗜甜如我先食得到XD呢個係一個浸滿糖既包, 唔脆既上面再放左好似練奶既醬🍹MOCKTAIL重重既印度清新香料個種味道, 其實幾好食, 不過唔係行REFRESHING路線反而係比較重味, 酸酸地咁

同同事行下行下搵到間上樓印度餐廳，12:30一入門口，無人嘅？！心諗：中袱喇😮‍💨坐低無耐有班印度鄉里入黎，個心都定啲。😂我叫左個瑪莎拉咖哩烤雞餐，同事叫左個德里咖哩魚餐。2個餐都包4塊烤餅、一碗印度飯同埋2條炸春卷，重有一罐汽水。咖哩雞嫩滑無雪藏味，份量多，咖哩汁有牛油嘅香同滑，帶微辣，沾烤餅食一流。同事個魚就唔辣嘅，帶咸香，魚肉質感實淨有口感，無腥味。令人驚喜嘅係平平無奇嘅炸春卷出奇地鬆脆可口，餡料清新，不錯。相反印度飯太乾太硬唔係太合口味。

呢晚黎到呢間朋友介紹嘅秘地印度菜餐廳，一上到銅鑼灣京都廣場9樓全層眼前一亮，餐廳色彩繽紛滿有氣氛，以印度正宗德里街頭美食為主，配上精美擺盤餐具，來一個精美印度菜體驗。點餐呢個時間，又要考驗小編嘅英語能力啦😆全餐廳印尼人主理，當然所有人都係印度人啦，不過點菜無難度，因為Menu 有齊英中兩文隨意點。DAHI PURI 乳酪脆米球 $75推介:⭐️⭐️⭐️⭐️膨化球內充滿調味薯仔，煮熟左白鷹嘴豆，酸奶及各種酸辣醬，面頭灑上開胃嘅番石榴籽。一碟有6粒，又似章魚燒又似puff嘅口感，炸麵粉碎mix埋入面醬汁味道有驚喜👍酸酸甜甜，又飽肚，唔錯嘅前菜選擇。HOUSE PANEER BUTTER MASALA 瑪莎拉咖喱芝士 $95推介:⭐️⭐️⭐️⭐️⭐️用德里著名的芝士作主角，五香番茄及洋蔥烹製，果泥奶油黃油等香料，足料醬汁完美配合烤餅一齊食。BUTTER NAAN 牛油烤餅 $27GARLIC NAAN 蒜茸烤餅 $29推介:⭐️⭐️⭐️⭐️⭐️牛油香味突出，陣陣牛油飄香，口感係牛油酥餅既感覺，煙韌可口。推介必點蒜茸味，相對點落咖哩到更香口美味。RASMALAI RABRI FALOODA甜奶球配特式甜絲 $85推介:⭐️

心血來潮想試下印度菜🤔上openrice揾到銅鑼灣有一間環境唔錯嘅印度餐廳【Dilliwale】餐廳就喺駱克道地理位置太方便所以拉埋個姊妹去陪我😈京都廣場成日都經過都無為意原來成橦都係餐廳🫣開頭以為一入餐廳會聞到好大陣香料味原來現實係無嘅😂餐廳環境好乾淨裝修得好有印度嘅風情加上全部員工都係講英文嘅感覺好似去左旅行咁💭食物選擇好多淨係咖喱都有成兩頁😂我地大鄉里研究左本menu好耐好彩有中文字，如果唔係真係唔識揀😅之前喺其他餐廳見過Lassi但無機會試今日難得嚟食印度野一定要叫杯經典嘅Mango Lassi🍹一入口會有陣淡淡嘅香料味隨之而來嘅係芒果肉嘅香氣同乳酪混為一體帶出酸酸甜甜，豐富順滑嘅口感❤️【蒜蓉烤餅】蒜蓉香味撲鼻而來但食落又唔會蓋過烤餅本身嘅輕甜餅身有厚度但非常軟熟熱辣辣仲要燶邊配咖喱或者單食都好正🤤【印度燴羊肉】咖哩味好接近香港人口味香濃咖哩唔算太辣而羊肉份量都幾多，有七、八舊羊肉每舊肉都被濃厚咖哩汁包住食落一啲都唔羶👍🏼【香草串燒雞柳】大大件嘅雞柳用乳酪同其他香料醃製過肉嫩之餘會食到淡淡酸味同時又有啲濃烈嘅孜然香再加上微微焦香層次好豐富🤩而香草汁係分開上嘅完全係草原嘅味道🌱配

星期四港島放工，朋友鐘意食印度菜，所以就一齊行左黎銅鑼灣試下呢一間印度菜7pm 黎到餐廳，唔算好多人，餐廳都幾闊落幾靚，有一幅畫上寫上餐廳名好靚。平日少食印度野，睇完menu 就點左一個前菜，一個主菜，再加Lassi🤤SAMOSA CHAAT 咖哩角涼伴 $78 ⭐️⭐️⭐️⭐️⭐️CHICKEN TIKKA MASALA 瑪莉拉咖哩烤雞 $128 ⭐️⭐️⭐️⭐️⭐️PANEER PARATHA 芝士餡餅 $35 ⭐️⭐️⭐️⭐️⭐️PUNJABI MANGO LASSI $58 ⭐️⭐️⭐️⭐️⭐️因為平時少食辣野，所以覺得好辣，但係咖哩角涼伴配左青瓜等，味道好fresh😍芝士餡餅🥙都煎得好脆🤤加上芒果🥭乳酪🤤食得都幾飽😁

𝐈𝐧𝐝𝐢𝐚𝐧 𝐜𝐮𝐢𝐬𝐢𝐧𝐞 • 𝐃𝐢𝐥𝐥𝐢𝐰𝐚𝐥𝐞 呢間新開嘅印度菜位於銅鑼灣 由正宗印尼人主理我地見到樓面所有人都係印度人 餐廳嘅佈置色彩繽紛 佈置得好有🇮🇳 風 座位好寬敞 所以話食飯坐得舒服係有幾重要𝘿𝙖𝙝𝙞 𝙋𝙪𝙧𝙞 ❸. ❾/➄ 前菜方面我地簡咗乳酪脆米球 佢嘅賣相好吸引 佢好易入口因為上面係蕃石榴籽 佢外皮做到好似puff嘅皮一樣包住裡面嘅餡料主要係啲乳酪、薯仔粒、白鷹嘴豆蓉 整體上係甜甜酸酸好岩做starter𝘽𝙪𝙩𝙩𝙚𝙧 𝘾𝙝𝙞𝙘𝙠𝙚𝙣 ❹. ❺ /➄呢個butter chicken好出色好香濃 呢個用黎配Garlic nann係一流 咖哩汁好結身 不過無諗過會咁辣 以為係會有蕃茹味 雞肉份量一啲都唔少好足料 而且好嫩滑 𝙂𝙖𝙧𝙡𝙞𝙘 𝙉𝙖𝙣𝙣 ❹.❷/➄呢款係我每次食印度菜必選嘅nann 呢間係我食過較為出色嘅一間 一份有4件 nann嘅外層烤到脆身 亦好夠蒜蓉味又夠鬆軟👍🏻𝙋𝙪𝙣𝙟𝙖𝙗𝙞 𝙈𝙖𝙣𝙜𝙤 𝙇𝙖𝙨𝙨𝙞 ❸.❼/➄Mango Lassi係芒果酸奶 佢係比較濃 仲落咗唔少嘅芒果粒添 好fresh解辣係一流

今日放工來咗銅鑼灣呢間🇮🇳印度菜餐廳🍽，發現原來質素都唔錯👍，而且味道😋正宗，地點又就腳🦶。呢度地方都🤩幾大又光猛，枱櫈濶落☺️，佈置幾有🇮🇳印度風味。PUNJABI MANGO LASSI $58，佢除咗有香甜嘅🥛乳酪味之外，入面仲有少少🤏芒果🥭肉同埋印式乾果，味道甜美🤤得來又好有層次感。MURGH MALAI KEBAB 乳酪腰果汁烤雞柳 $158 幾有驚喜🤩，佢面有唔少乳酪腰果汁🤤酸酸甜甜好開胃🥰。🐓雞柳肉質嫩滑，唔會🔥烤到乾晒👍，沾上少少青醬一齊食味道更加豐富😋。KASHMIRI ROGUN JOSH 印度燴羊肉 $148 用加入咗蕃茄🍅嘅馬沙拉咖喱🍛去燴去骨🐑羊肉，味道濃郁，有少少🤏蕃茄🍅鮮味又唔會太辣🌶，好啱配 NAAN 一齊😋食！CHEESE NAAN 芝士烤餅 $35 幾濃芝士🧀味，芝士🧀控必食！

收工突然好大雨，為左唔想整濕自己，其中一個方法就係食埋飯先返去印度餐一直係我想試既野，但一直未有勇氣，既然上天今日比機會我，就搵左間多香港人去食既印度餐，希望會接受到餐廳環境幾舒服，伴隨有印度feel既舞典，不過可惜冇位跳舞😂Chicken Tikka 香草串燒雞柳放係鐵板上面，既可以不斷保留食物溫度，又唔會破壞肉質，感覺比較辣，唔食得辣真係唔好試，串燒黎講肉質依然好JuicyCheese Naan 芝士餡餅濃濃既芝士香味，熱辣辣既薄餅Cucumber Breeze係一款 signature cocktail，入面有 Gin, cucumber, mint, lime, simple syrup，塊薄荷葉飄浮係杯 cocktail上面感覺好寫意，味道好清新，同食物既味道形成強烈對比So far 呢到真係冇令我失望

係香港，除左去重慶大廈之外，估唔到銅鑼灣都有正宗印度咖哩食。Dilliwale係由印度人主理，一入餐廳已經有一幅好有特色嘅彩色畫牆。我叫左一個瑪莎拉咖哩雞套餐，個餐除左雞，重有印度烤餅、印度飯、2條炸春卷同埋一罐汽水。瑪莎拉係一種印度好常見嘅香料，帶有一抹辛香，有一股溫和的辣勁，酥酥麻麻的刺激味蕾，加埋印度烤餅一齊食真係好惹味。咖哩雞份量多又大件，雞肉嫩滑無雪味，重有陣陣嘅香料味同埋奶油嘅醇滑。個餐有一碗印度米飯，米粒細長而乾爽，食落有點兒乾但又不覺得硬，原來印度米比一般米健康，它不會釋出澱粉質，適合減肥人士食。不過呢碗飯相比烤餅，我就欣賞烤餅多啲，香軟有咬口，好容易就吃完一碗咖哩汁。炸春卷雖然外貌平凡似一般即食急凍炸春卷，但食落好鬆脆可口，餡料應該係蔬菜，啱啱好平行返咖哩嘅濃膩感。

我最鍾意飲呢個Dal Soup 印度豆湯，其實豆類好有營養非常之多維生素，將豆磨成茸，每一啖感覺都好Rich。有杯特色飲品我都好鍾意飲，Punjabi Mango Lassi，佢唔係一般嘅芒果特飲，飲料嘅溫度唔會太凍，加埋砂糖同大量單芒果一齊榨汁，只有真正嘅印度餐廳先食得到。最後要讚一讚呢個甜品Gajar Halwa，無諗過佢係熱食，裏面有大量嘅甘筍，非常清甜，可以解除印度美食嘅香濃平時假日亦都可以選擇自助餐，可以任食印度菜真係極級享受😎。

鍾意食啲特別菜可以試吓呢間印度野，好近銅鑼灣地鐵站，呢間店嘅印度菜亦都非常地道，吸引咗好多本地嘅印度人嚟光顧全部，全部家庭形式，一家人好有親切感。老闆推薦我食Chicken Tikka，佢話呢個係印度正宗菜非常之香口，上枱嘅時候用鐵板熱辣辣，包埋檸檬同埋洋蔥絲，仲有印度嘅特色香料，而且雞肉外表金黃色，經過特別烹調，充滿印度風味。另外仲有一個咖喱羊，Rogun Josh配埋佢嘅特色Nahn，Garlic Naan 已經夠晒好味，啲羊唔騷，正宗印度咖喱唔係太辣，加埋薄餅一齊食，口感勁豐富。呢度仲有個Private Room，下次可以來book。

是日星期三，近排睇得太多寶萊烏電影，所以有啲想食印度野。今次揀了一間位於銅鑼灣京都廣場9樓的diliwale印度餐廳。甫進餐廳，燈光柔和，較為顯眼處是靠近窗口旁的圓柱，柱上貼滿各式各樣印度色彩的海報，洋溢着旅遊渡假的滿覺，望多兩望圓柱真想離開煩囂香港鬧市，走進一個平靜小鎮度假。餐廳的菜單制作精美，圖文並茂。今次選了三道菜和一杯飲品。香草串燒雞柳。鐵板上有雞柳配上大量洋蔥絲和半隻檸檬，雞肉辛辣香口，加上酸甜清新的洋蔥絲，十分匹配。印度燴羊肉。簡單來說就是燴羊肉加上印度咖哩汁。羊肉不膻入味熟腍香濃，點在蒜香薄餅上，十分滋味，愈食愈開胃。最後就是芒果乳酪，乳酪表面還放上新鮮的芒果果肉，為今晚呢一餐拉下完滿的帷幕。