DKLM Bar & Restaurant (已結業)

就係上一枱客人準時8pm入座,人地俾佢坐到23:30我booking到齊都唔肯走,攪到我人齊都要企多二十分鐘，人地openrice訂枱寫到明用餐2hrs，人多野食就要等㗎啦，人地事前電話通知問曬所有bookingover 2hrs留唔留,留要計低銷你地又話唔留(又話冇印象不如直頭話冇打俾你砌佢生豬肉啦)，知要交枱就臨尾叫支白酒放係度hea,尼間DKLM出名冇禮貌(對相應既人),你唔俾低銷人地有訂枱叫你地走合情合理啦，你地走慢d我有花生食個Manger 實黎料，人地唔好玩又真係咁冇禮貌點會咁多客，好評都幾佰個啦攪笑。

久違既朋友聚會，我哋五個人book咗八點準時入座。朋友杯mocktail 催咗四次等咗一個鐘先有，但見到係有出嘢飲俾其他枱🤷🏻‍♀️ 坐咗無耐有待應過來請我哋坐過隔離枱，因為有人book 咗。點解又唔一開始就叫我哋坐隔離枱。唔係應該一早分好曬當晚有預約既客人坐邊張枱咩？移過隔離枱前我哋同個待應講想order 兩樣嘢食，個待應話會唔記得，叫我哋陣間再同佢講多次，但搬完餐具過隔離枱佢就走咗完全唔記得要幫我哋落單。食到十一點幾，有待應過來話last order 要買單啦。咁我哋諗住俾完錢飲埋枝白酒就走啦。但俾完錢之後無耐就有一個接一個又一個待應話係限時兩個鐘，請我哋要快啲走啦。有book咗枱既客人到啦。又話confirm booking 嗰陣係有講到限時兩個鐘既。酒吧有限時真係第一次聽，都唔見其他食評有寫話有限時。我亦無印象酒吧打電話來confirm booking 嗰陣有講限時。但係我book 8點你11點幾先過來話有限時兩個鐘，件事勁奇怪。可能當晚慶祝萬聖節，啲待應想同熟客一齊玩一齊影相，出嘢慢啲我都明。自己都係做服務業都唔想為難人哋。但係等杯嘢飲催咗一個鐘，啲嘢食係等好耐又唔知有無幫我哋

見到open rice d 相片好吸引，剛剛約了幾個fd 食飯，就揀呢度，原來個menu 已經改咗好多，無牛扒無燒牛肉無魚，有點失望，menu 大部分都是小食，main course 好少選擇，最後揀了豬手。豬手好有驚喜，皮脆而肉滑，好少豬手忟到咁軟滑似豬軟骨咁。迷你漢堡不過不失，如果我知本身跟包有薯條就唔會另外叫小食做薯條，係自己kai 咗😂。特式雞尾酒都不錯，唔係太甜其他小食如雞翼，炸墨魚丸，雜腸拚盤都無特別，當係飲酒小食。服務方面：老闆好nice 好盡力滿足要求。侍應都手腳都好快

香煎三文魚伴蕃茄忌廉意粉🍝三文魚外層煎得香脆, 內層嫩滑, 配上甜酸比例恰當的蕃茄忌廉意粉, 幾好食!松露薯條🍟咸左少少安格斯肉眼牛扒伴香菌燒汁🥩叫左五成熟, 黎到煎到岩岩好, 同埋都幾大塊, 好適合同朋友分享一齊食。但都係落重手左，咸左d美國極黑豬扒伴黑醋燒汁🍖豬扒有驚喜! 好怕食到好柴的豬扒, 但依塊唔會, 軟硬適中仲有少少肉汁, 配上黑醋燒汁味道好夾,

朋友介紹呢間 DKLM bar 餐廳，話佢哋嘅 lunch 好抵食兼 😋👍🏻，於是和 honey 嚟試下，點知原來 lunch 已冇再做，於是試下佢哋嘅 dinner 啦！因我哋比較早到(大約5:30)，餐廳剛開門營業，差不多成個鐘頭後才開始有其他客人，所以我哋好似包咗成個場咁，好 free 好安靜！👇🏻“德國酥脆咸豬手”～外皮炸得頗鬆脆，雖然有些燶及外層肉比較硬，但內裏啲肉都好嫩滑，調味適中，還有皮下層啲肥糕都頗咬口，伴埋火箭菜一齊食👍🏻😋👇🏻“黑松露、巴馬火腿薄餅伴火箭菜”～黑松露另碟上唔錯，但個批燒得未夠火力比較淋，巴馬火腿比較少、其他餡又唔多，味道一般啦！

星期六晚上7:00入座，叫了兩杯白酒和主食，主食等了個半小時還沒有上枱，其間多次催促，服務員愛理不理，隔離檯的食客出現同樣問題，服務員竟然說廚師剛剛上班，要等耐D，真令人無語，結果我馬上結帳離場，到附近快歺店吃，一肚氣，以後都不會再來。

見到open rice 有6 折訂座優惠，覺得幾抵就book左檯食。一開頭，個staff 聽錯左我落單，就送左碟錯嘅意粉黎，道歉都冇句，仲死口話我係叫左呢個dish😓。另外仲叫左一個burger + fries + 軟殼蟹。食物質素不過不失，冇想像中咁好食。最後賣單個staff 應該淨係俾左8 折我地，但係我地番到屋企計番先發覺佢收錯錢，就冇去追😓總括黎講，呢間舖都冇值得回頭嘅原因。位置唔係方便，員工服務唔係好，食物都冇呢間shop嘅食評講得咁好。想搵番之前喺呢間shop影嘅相，但係應該俾我delete 左，搵唔番😓

落完單等左成半個鐘先出碟意粉，望落除左幾條沙律菜好似無料既，撩兩撩正想叫侍應既時候，佢先行過黎話出錯左碟無料既，佢收走拎返入廚房…A Few Moments Later終於有兩碟似樣既意粉上枱軟殼蟹野菌松露忌廉汁意粉 $98海鮮龍蝦忌廉汁意粉 $88等左咁耐好在食物無令人失望，睇賣相都覺得足料，軟殼蟹少少脆口，蝦，青口，蜆都大隻，兩款忌廉汁味道唔錯，扁意粉軟硬適中。不過加$10配杯蘋果汁就唔太掂，溝水太多，非常淡味。.一開頭落單叫左份炸粗直薯條 $46竟然食完兩碟意粉都未到！呢個情況又係當你想埋單取消個柯打既時候就會等到。當時等到忟又望落無咩特別所以無影相，但其實個炸薯條係夠熱夠脆夠粗夠多既。.雖然食物質素唔錯，但午市好似全場得兩個人做晒樓面同廚房？唔坐爆情況都要等40分鐘同出錯食物，印象真係麻麻。.之前經Openrice訂座有六五折，埋單一人$88！抵食！但啱啱再望宜家訂座得返8折同餐廳已經無做午市！睇黎生意都幾難做，大家有興趣可以狠狠地懲罰下呢間DKLM！

同朋友book左 食lunch 但點完野食30-40分鐘都無野食得一杯蘋果汁飲住先眼見其他枱嘅人早過我地到但都未有野食心知不妙我地過去問侍應進度 佢話整緊後來我地真係等唔到 趕住上堂同佢講 「我地真係等唔到」男侍應完全唔care嘅態度令人覺得好奇怪一句講哂 唔會再去平心而論 環境幾好 幾chill 但做飲食嘅食物先係靈魂食客抱住嘗試心態 但換到呢個結果真係好無言😁

係OpenRice平台見到呢間DKLM Bar & Restaurant 有做Lunch Set 套餐，適合晒我呢啲係尖沙咀返工嘅人，今日Lunch 就決定試下呢間餐廳🤤Lunch set 餐牌有十幾款，選擇甚多🤩軟殼蟹迷你漢堡伴蟹肉醬及黑松露薯條🍔本來以為軟殼蟹係夾喺個麵包入邊，點知係成隻原隻軟殼蟹咁上碟。軟殼蟹外脆內軟，好香口。而迷你漢堡細細舊，又唔會太漏，分量剛剛好！ 黑松露薯條🍟上菜巳經有撲鼻而來的黑松露香味，薯條酥脆，黑松露味十分濃郁。帶子，乾貝，櫻花蝦日式意大利粉🍝意大利粉用蒜香🧄，乾貝，櫻花蝦炒至乾身，不會太油，味道香口，而扁意粉質感彈牙，十分滋味 ！另外Set Lunch 加HK$10可享用一杯蘋果汁或橙汁，加HK$20-$38 更可升級至生啤🍺

🙃🙃咁岩見openrice做緊優惠 20%offfff就去試下佢（非廣告）👉🏻安格斯牛肉迷你漢堡伴松露薯條So far 不過不失👉🏻凱撒沙律（$68)堅難食👉🏻日式煎帆立貝（$82)調味都ok，只係等得有啲耐👉🏻沙嗲牛串境（$56)最正都係啲串燒，燒得好香口‼️勁入味‼️同埋叫左幾杯野飲，hea hea下又一日😝（飲到唔記得影）自私評分：🟡🟡⚪️⚪️⚪️自私評論：環境就一般，唔知係咪我地得2個人關係，安排坐右邊啲高凳🍻冇左邊卡位坐😌😌可惜😭 如果有埋卡位配埋四圍既電視機，確實係一個吹水既好地方🎊

今日收到消費卷就去左尖沙咀shopping，之後有d攰就搵個地方食晏。男朋友就介紹呢間酒吧，話午餐好多選擇，大份又好味，就去試下佢。上到去都好多人食，好快有職員安排我哋坐低，上左兩杯水咁。睇左下餐牌，都真係有十幾款選擇，我哋揀分別揀左軟殼蟹迷你漢堡伴蟹肉醬及松露薯條同蟹肉，蟹膏濃汁意粉，另外加10蚊要左杯蘋果汁。個意粉就上枱先，都真係好大份，睇得出好入味，仲有火箭菜係面，食落熱辣辣，汁好香不過又唔會咸。而個軟殼蟹上枱我哋嘩左一聲，百零蚊有咁多野，性價比好高。個蟹真係真材實料，成隻上枱可以砌得返出嚟，炸得好香口。個漢堡同薯條都好新鮮，漢堡好大塊，薯條好大條，真係抵。雖然食物要等耐d，不過咁嘅質素都係值得嘅！

安格斯牛肉迷你漢堡 🍔 $88 (8/10)呢個漢堡係一口嘅size 幾適合係bar送酒飲 牛肉都幾juicy 大概係七成熟 但係又唔會太過煙韌 漢堡夾住塊車打芝士 係一個好襯嘅組合 另外附上嘅黑松露薯條分量都好大軟殼蟹野菌松露忌廉汁意粉 🍝 $98 (8.5/10)軟殼蟹嘅分量幾慷慨 雖然外表好似炸到好脆 但完全唔會厚粉 反而食落幾juicy 幾有驚喜 意粉嘅分量到好多 而且鋪滿黑松露 聞落已經好吸引 意粉口感偏濕軟 好掛汁泰式生蝦刺身 🦐 $68 (8.5/10)係一個幾唔錯嘅頭盤 一份有六隻 每一隻蝦都非常大 而且完全唔會有雪藏味 食落幾新鮮 另外附上豉油同埋Wasabi 點埋落去就更惹味鐵板牛油蒜香燒青口 🌊 $58 (8/10)一份有六件 青口都幾大件 而且擺係嘅鐵板到 所以係新鮮滾熱辣咁上台 每件青口面頭都鋪滿晒蒜蓉 聞落非常香 而且青口都幾juicy同埋新鮮 完全唔會有腥味或者有沙蜜糖香燒雞翼 🍗 $52 (8/10)一份有五隻雞翼 每隻雞翼都幾飽滿 而且吸晒啲醬汁幾juicy 雞肉都算幾嫩滑Mango Paradise 🥭 $68 (8/10)混合左芒果蓉 椰子奶 同埋

星期六約左朋友吹水，唔係次次都Cafe，今次去酒吧仲chill! 入去有shisha 味，餐廳兩邊沙化卡位好闊落，中間高檯圓櫈都好好坐，旁邊vip 房可以唱k，背景音樂係流行歌夠relax。中午時段有6折lunch set ，好多選擇，我地叫左一個意粉🍝一個豬扒配薯條🍟。可以加特飲或酒類，岩既朋友仲可以啤啤佢🍻。日式意粉加左大粒帶子、乾貝、紫菜同櫻花蝦，好足料，意粉都炒得香，蝦仔細細但好惹味。燒美國極黑豬扒伴黑醋燒汁配薯條🍟沙律菜，豬扒肥瘦適中，少少𡁻口又大塊，全部食晒。用心製作食物質素可以，有機會再黎。

入口難搵少少，係金巴利道果邊搭笠上去！一去到見到環境比較暗，全部窗簾落晒，而且好多汽水都放左出黎，有啲亂。。。仲有係除左熟客一名，係見唔到有職員，佢見我地企左係度就叫左職員出黎海鮮龍蝦忌廉汁意粉 $ 88海鮮有蝦，青口，蜆，個汁唔算濃，但係好味嘅，意粉煮到Al Dente野菌黑松露忌廉汁意粉 $ 78一上枱就好香，移開沙律菜就見到好多雜菌同埋放左唔少嘅黑松露醬，廚師應該都知道黑松露醬加熱會走味飲品方面叫左一杯橙汁(+$10)，一杯紅酒(+28)，好彩佢6折，唔係真係好唔抵食，橙汁比果汁小姐仲弱雞，濃縮橙汁一杯紅酒反而ok，飲到好多莓味，酸度平衡，單寧薄其實我諗佢無生意所以搞訂座 6折，因為當日除左兩名熟客，就只有我地兩位，一個下午賣4個Set Lunch。。。點圍皮？其實可以改善下個環境，提升下服務，降低售價，咁會多返生意！