Domon 居酒屋 (西寶城)

营业中

休息中

份量足夠，味道okay !$100 晚市 包一個大大的壽喜燒、前菜及飯，壽喜燒裏面有唔同材料，正！以西寶城此地段而言，係不錯的，因為呢間商場真係冇乜食肆可以選擇！餐廳都坐得幾舒服，服務態度正常

入到去兩人坐卡位，未嗌嘢食，已經見到枱面同牆上面都有曱甴雖然係細隻，但都嚇親，企咗喺度要求轉枱，但侍應完全冇乜反應，過咗一陣先過嚟，完全見慣不怪，點知轉去門口側邊啲位置，都係一樣見到地下有幾隻曱甴，我以後見到呢間嘢都會叫佢做「曱甴屋」，實在太過分，點解可以繼續生存。我明白都好難避免有曱甴，但食一餐飯見到咁多隻真係第一次。至於食物我已經冇心機認真食，只求食飽少少就盡快走人。真係好失望，衛生問題我唔敢都去！

這間居酒屋在商場裡面，有一個大型達摩在門口駐守著。入面裝修走木系風格，樓底很高。餐牌有各式其式的日本料理，不過當天沒有供應卷物。燒雞泡魚乾雞泡魚乾燒得乾乾及硬身，跟魷魚乾差不多。日本花魚一夜干北海道的燒一夜干，燒得很香口，充滿魚油脂香，而且細骨不多，有些骨頭焦脆鹹香；魚肉多，肉質絲絲分明。極上牛拖羅拉麵牛肉是半生熟，每片都薄薄的，肉質鮮嫩，肥瘦恰好。牛肉先輕輕燒過，再灑上調味，味道更加提升。另外湯底還有辣肉碎，配上辛味噌湯底，辣度可以接受，很惹味。

成日放工經過呢間居酒屋都冇機會試吓，今日同啲同事去試咗都覺得唔錯😃特別想推介呢度嘅小食，唔貴而且質素好好👍鐵板蒜片牛柳粒（ $68）份量超級大，而且牛柳粒煎到啱啱好。牛柳粒香脆好味道，而且調味唔會過重，仍然保留到牛嘅美味。連埋洋蔥蒜片一齊食好香口🥰札幌餃子（ $38 ）有四粒餃子，餃子肉係豬肉嚟嘅，個皮厚薄適中。咬落去啲肉汁即刻出晒嚟，鍾意食餃子嘅朋友可以試吓。炸北海道魷魚鬚（ $45 ），雖然全部都好熱氣。但係識落又唔係好油膩，魷魚鬚炸得唔錯。但係如果炸粉可以冇咁厚嘅會更加好食😃但係總體來講都唔錯土門青龍卷（ $88 ）我覺得呢個炸蝦卷非常好食，卷入邊有牛油果，同埋炸蝦，出邊仲有加左海苔粉嘅壽司飯👍呢個卷整體配合得好唔錯❤️廣島吉列蠔定食（ $78）都幾抵下喎，如果一個人嚟食晚餐都可以夠飽肚。$78包咗五個生蠔同埋麵豉湯白飯。而且生蠔都叫幾大粒，而且咬落去啲蠔汁唔會炸到乾晒👍加埋沙律醬好好送飯。總括嚟講呢一間居酒屋CP值非常高，應該會翻兜嘅。😘

夜晚黎到位於西寶城嘅居酒屋食飯。地方幾寬落，啱哂一大班人黎食。牛油果野菜沙律牛油果配烚蛋，滿滿嘅蛋白質。再配上鹹香蟹子同埋黑醋蔬菜，食落幾開胃。黑松露牛拖羅卷一客六件，牛肉薄嫰透粉紅，配上雞蛋，酸瓜，仿蟹柳，黑松露醬，非常好食。札幌餃子餃子一碟有四隻皮薄煙韌, 餡料以肉為主, 伴有少許蔬菜 ,食落冇乜湯汁。 勝在熱辣辣煎得夠香口。雞軟骨油膩得濟，冇嗰種脆脆嘅嚼勁。魷魚鬚份量幾足幾香口，美中不足嘅係炸粉太厚。Sappore生啤330ml入口香醇清爽。食完一啖重口味嘅小食，再飲一啖生啤，嗰種甘醇麥芽味同埋爽快後勁令人回味無窮。

位於西寶城的日式居酒屋，主打北海道菜式，地方寧靜，座位舒適。除了主餐牌外，還有晚餐定食，燒魚、豚肉、炒飯、壽喜燒都有，選擇也很多元化。前菜：醬油川海老海蝦細細粒，蝦味濃郁，炸過很香脆可口，很適合作為佐酒小食。野菜料理：牛油果野菜沙律牛油果及雞蛋佈滿沙律上，還有粒粒蟹籽，底下的則是新鮮蔬菜，十分健康。一口料理：札幌餃子 一客共四隻，外皮煎至焦脆金黃，表皮脆口，裡面餡料是菜肉，肉汁很多。拉麵：豚軟骨拉麵 味噌豬軟骨兩大塊，肉質非常軟嫩，肉輕易就撕開。湯底是濃郁的味噌湯，麵條彈牙，掛湯，配料還有溏心蛋、木耳、粟米、蔥花。

作為日料fans北海道料理不可錯過~呢間居酒屋位於西寶城，店面好寬敞，樓頂高，裝修都幾有日式風情。餐單內容都好豐富包括前菜、野菜料理、卷物、鍋料理、揚物、燒物、拉麵、定食等等。因為我地唔係好肚餓，所以無乜點嗌主食，以小食為主~沙律佢間兩款沙律我地都有嘗試，牛油果蟹子沙律用既凱撒醬，秋葵豆腐沙律用麻醬撈拌，整體感覺都非常清爽，個人中意牛油果沙律多D，食到蟹子一粒粒既口感，同埋更加鮮甜~炸物我地嗌左魷魚須，雞軟骨，吉列蠔三款炸物，總體感覺中規中矩，用料新鮮，味道OK餃子煎餃煎到表皮焦黃岩岩好，肉餡不會太油或太鞋，好味。壽司黑松露牛拖羅卷好精緻，牛肉薄嫩，微微粉色，入口滑嫩，topping係黑松露醬，同牛肉好夾

餐廳係香港大學站C2出口隔離的大商場西寶城，上一層扶手電梯就見到！平日晚上七時左右已經有70％滿座，打開餐牌，鋪頭主打北海道日式美食，款式都幾多，形形色色，包括前菜、野菜料理、卷物、一品料理、鍋料理、揚物、水產、燒物、札幌拉麵、米飯及飲物 (酒精飲品及無酒精飲品) 等等，實有款岩，價錢都幾相宜添 (而家出街食飯真係好貴☠️)牛油日本粟米牛油已經完美溶咗係日本粟米到，粟米size適中，焗到香香地，飯前小食✅燒雞泡魚乾唔係太多餐廳有，師傅燒烤功架十足，入口微燶，不硬不軟，剛剛好原條燒鰻魚 真係成條上，長過我手掌，正正常常，用來送飯一流拖羅牛sushi脂肪及肉的比例為3070，入口即溶牛小排壽喜燒份量比得好足，菜、菇、肉及豆腐等，放滿整個小鍋，加上生雞蛋及牛小排，主食之選芒果汁唔會酸，仲有微甜！

週末和家人一起到西寶城買東西後，就順道在這裏吃晚餐。這間日式料理看着很多家庭客光顧，我們也跟著打算一試究竟。.🦑炸魷魚鬚：魷魚鬚經過炸製後，口感非常酥脆，外層調味料鹹香鹹香的。內裡鮮嫩，口感很好，是一道下酒菜的好選擇。.🎃脆炸紫芋南瓜：外層酥脆口感讓人愛不釋手，而裡面的南瓜和紫芋甜味則甜得非常自然。 .🥟札幌餃子：餃子餡料鮮美，包裹在外層輕薄的餃子皮裡，口感甚佳。餃子肉蟹湯汁也非常鮮美。.🌽牛油焗日本粟米：味道十分香濃，加上玉米的自帶香甜，經典味道。.🍜豚軟骨拉麵：拉麵湯頭非常濃郁，豚軟骨肉質鮮嫩，搭配上彈牙拉麵，不錯.Domon 居酒屋 西環卑路乍街8號西寶城地庫15號舖

次次喺西寶城上完堂，都會順便喺呢個商場覓食，呢間拉麵店佢哋就好鍾意，地點方便，而且坐得舒服！黑豚肉泡菜鍋～似fusion菜，濃郁嘅湯底，似mix日本和韓式風味，以薄切黑豚肉為主，搭配泡菜、豆腐等食材，湯汁酸辣開胃。燒油甘魚鮫定食定食搭配米飯和粟米海苔做配菜，魚肉即叫即燒，外面脆脆地，肉質鮮嫩有汁，唔錯！燒雞泡魚乾口感酥脆，佐酒一流！極上火炙鰻魚卷鰻魚經過火炙，更添香氣，令整體味道更加香濃。黑豚肉炒秋葵黑豚肉炒至偏金黃色，口感比較爽口，入口甜甜地，配搭秋葵，解膩又清新！

收工去咗西寶城「Domon居酒屋」食晚餐🍴店內樓底高，毫無壓迫感，空間感十足✨餐牌上嘅選擇好多元化，有沙律、前菜、卷物、炸物、串燒、丼飯及拉麵等等牛油果野菜沙律七彩繽紛嘅雜錦沙律菜，新鮮爽脆；配上軟滑牛油果及雞蛋，清新開胃土門青龍卷卷物表面撒滿海苔粉，中間卷著牛油果及炸蝦，味道同口感都好豐富札幌餃子一客有四隻餃子，每隻都煎到金黃色的，外脆內軟，餡料充滿菜肉鮮香及肉汁，皮薄餡靚土門串燒盛雜錦串燒拼盤合共有五款：冬菇、秋葵、雞翼、牛柳粒及牛舌。雞翼燒到皮脆肉嫩，鮮雞味濃。冬菇及秋葵都好新鮮👍🏻牛舌同牛柳粒都頗肥美，牛味香濃滋味極上牛拖羅拉麵半生熟嘅牛拖羅肥瘦適中，肉味濃郁，好好食哦！辛味噌湯底香辛微辣，仲有辣肉碎及溏心蛋，配上彈牙又掛湯的拉麵，好正哦燒菠蘿菠蘿清甜多汁勁juicy，不得了呀蘋果汁冰涼清甜蘋果汁，好解渴

Convenient the restaurant is on the ground floor of the Westwood , which is near my apartment. I can quickly get my dinner

西環街坊平時唔知食咩行去西寶城就會諗起佢，野食夠大份價錢又親民所以都幾推薦！ 燒雞泡魚乾：雞泡魚乾燒得剛剛好，唔會太乾身，味道香甜，令人一食上癮。黑松露燻蛋：燻蛋嘅口感嫩滑，黑松露嘅味道突出，但唔會搶走燻蛋嘅蛋味。黑松露牛拖羅卷：呢個拖羅卷本身口感都好豐富，而表面鋪咗經過火炙嘅牛肉，牛肉嘅口感好嫩，仲帶有炙燒嘅香味，同黑松露嘅味道好夾。鐵板蒜片牛柳粒：牛柳粒用鐵板上，有鐵板獨有嘅香味，仲配埋好多蒜片，可以夾埋蒜片一齊食，令牛柳多添一份蒜香味。極上牛小排壽喜鍋：呢度嘅牛小排係用上美國嘅安格斯級，肉味會較濃，食落無和牛咁油膩，配埋香甜嘅壽喜燒汁，可以更能突出牛肉嘅肉味，而入面仲有多款嘅配菜，吸收哂湯汁就更好味。吉列廣島蠔(3隻）：廣島嘅蠔好大隻，隻隻都好肥美，用嚟做吉列蠔好啱，咬落去嗰下食到酥脆嘅口感，仲食到蠔本身嘅鮮甜味。蘸埋沙律醬可以中和一下吉列嘅油膩感。

The sign outside and the menu said students had 20% off, but the staff said it was 15% off without explanation. If it is 15% off, why didn’t they change the menus and the sign outside? It is not that hard to cross it out with a marker. We felt deceived because we were attracted by the 20% off.The staff were very nice and remembered each person’s order. The set lunches had large portions. The food was average.Overall, the food is okay, but not particularly delicious.

星期一至五明明餐牌寫住有學生8折，只要有著校服或有學生證，我小朋友著哂校服（小一），但收錢的男職員比面口我睇又比說話我聽：咁我做平個餐折扣你啦，你要有著齊校服同學生證架。我：咁你餐牌就唔好寫係是但一樣啦，再加上咁唔想做折扣比客人，可以唔做架，我不稀罕架。