Domon 札幌拉麵 (已結業)

雖然是住在愉景新城附近, 但是也甚少到這家拉麵店, 印象中好像只來過一次而已. 一天晚上經過這兒, 便又來這兒吃碗麵才回家吧!!!!! 當時是晚上八時左右, 原來店內也有頗多食客呢, 還有兩個日本人啊, 唔通這兒的拉麵真係一如蔡san所說是正宗的日本拉麵????叫了蟹拉麵, 等了好一陣子拉麵才送來, 麵上有四條所謂的蟹腳, 要在蟹腳之前加上所謂的, 是因為這當然不是真正的蟹腳, 只是化學蟹腳而已, 不過吃落口感也不錯喎, 值得一讚 但是個人覺得湯底是太咸了!!!! 聽過蔡san說正宗的日式拉麵, 湯底是偏咸的, 但由於本人見識淺薄, 當然也無從得知這是真是假, 但就本人的口味而言, 就覺得是較咸了!!!!! 說到拉麵, 同意其他食家所言, 份量是太少了, 當晚由於較肚餓, 所以吃了一碗盛惠$68但卻吃不飽我的拉麵後, 便又再點了一客燒牛舌. 等了又等, 牛舌終於送來了, 吃了一口, 發覺很un. 本人平時很少吃牛舌, 故不知道牛舌的texture是不是就是如此, 但是這一客燒牛舌, 本人就覺得是很un了!!!不過要一讚的是, 我向一位靚女侍應order了燒牛舌後, 可能靚女侍應見到我的

十分失望 國慶下午和兩個小朋友去食午餐一共叫了三個午餐大約 $68 一個餐包括 一種麫 + 三文魚(大約3-4件) + 汽水1. d 麫 只不過不外如是2. 同是麫餐, 但三文魚有很大尺寸分別3. 我個餐 d 三文魚未到,便去問職員…之後她去廚房聽到她大大聲說, 六號檯話三文魚未到….原全無禮貌4. 那天自己見到有3-4檯在嗺食物,因等了很久5. 結帳時間很久..大約10分鐘….不知為甚麼總結..不會再去. 請都不用PS. 有名家介紹說好.不一定是真的

約左中學阿sir 食飯為左唔駛等位就去左呢度食叫左個叉燒拉麵餐真係唔係好魏, d叉燒又碎又瘦又"鞋", 叉燒緊係要有少少肥先個食, 得個幾塊細細塊又碎既叉燒, 食左好似無食咁. 個麵都麻貳, 倘湯又勁重味精! 而且又唔係平, 唔會再去!

DOMON札幌ら一めん---螃蟹拉麵(配味噌湯底)+蝦餃子日期：2009-09-15 在"DOMON札幌ら一めん"(荃灣愉景新城分店)買了"螃蟹拉麵"($68)和"蝦餃子"(+$15)。拉麵和味噌湯是分開盛載的。在家用平底鍋翻熱餃子。1.螃蟹拉麵(配味噌湯底)------內有拉麵、蟹足棒、大蔥、粟米粒、昆布、雞蛋和芽菜味噌湯。湯頭味噌味相當香濃，鹹味適中，帶點芽菜甜味，如放多些昆布和鰹節會更好。拉麵較粗身，麵質爽口彈牙，美中不足是有些微鹼水味。蟹足棒的外觀和質感仿真度高，口感軟中帶爽，魚味香甜。雞蛋軟滑。整體水準不俗，不過拉麵份量較少不夠飽肚，價錢亦貴了點。2.蝦餃子---餃子內餡是椰菜，豬肉和蝦。餃子外型飽滿，餃皮纖薄通透。內餡份量足，菜肉比例適中，十分鮮味，鹹味較輕。蝦子夠大，肉質尚算爽口，可惜蝦味較淡。蘸上少許附設的餃子醋醬油，醒胃惹味。

和老爸食domon~夏天不想吃麵，所以我點了咖哩吉列豬扒飯($58)～老豆點的是ankake拉麵和餃子set($68)咖哩吉列豬扒飯：吉列豬扒香脆，不會炸得太噥，而且沒太多粉，但咖哩香味不夠，只是甜。而且不夠辣，吃得不過癮。總評：還是拉麵較好～

聽朋友講TST分店食過都ok,就因為每次個間都好多人等位,所以冇食過,上星期日行過愉景新城....呀...原來這裡不用等位,就急不及待入去試下啦,我同女朋友叫了一個Set, (牛油拉麵+餃子),蟹烏東,同埋秋刀魚.牛油拉麵得個咸,而蟹烏東就冇味....湯底完成係唔得.最好食都係秋刀魚,餃子都係麻麻地.....食過lee一次我同女朋友都唔會再黎lee間食...

成年幾冇黎食過, 行完吉之島, 諗住近近地行去愉景食呢間, 但完全唔同哂, 呢間野以前好多日本人食(即代表佢正宗), 但而家全部都係香港人, 連大廚都好似轉左, 唔係全部日本人, 好似仲有1個係日本人咋...............同上次一樣, 叫左個二人餐(2個指定飯/麵+3個小食), 但d食物就真係差左.......... 滑蛋豬扒飯 : d蛋一d都唔滑, 係老蛋, d豬扒尚算可以, 不過碗飯唔夠汁 細拉麵 : 跟餐冇很選, 係叉燒拉麵, 拉麵冇咁彈牙, 叉燒好細塊, 太淋, 唔駛咬都已經溶左, 冇咬口, 個湯唔錯, 淡淡地啱我 燒牛舌 : 保持到, 牛舌燒到幾香口, 又唔會過火 金菇牛肉卷 : 好好味, 牛肉唔太肥, d汁又正, 不過d金菇成日攝牙la 刺身 : 三文魚好味, 甜蝦一般, 好似仲有一樣, 不過唔記得係乜整體上差左, 以呢個價錢食, 以前就覺得抵, 而家就唔抵lu~~

已經來過吃拉麵幾次，不過質素好像越來越差。叫了一碗叉燒拉麵餐和一份咖哩吉列豬扒飯餐，叉燒拉麵餐附送的餃子，全部也是開口散開的，叉燒十分碎，一夾就成了叉燒粒，拉麵的麵身太淋而且全部都是又散又碎，沒有比較長的麵條，對這碗麵十分失望。好在咖哩吉列豬扒飯不過不失，熱乎乎的。不過，當吃完這碗拉麵後十分口渴，味精似乎也太重了。由於是在繁忙時間過後才來，一點也不擁擠，但冷氣機卻不停滴水，差點滴到食物上。

今日行行下街！諗唔到食乜之際見到商場廣告牌有間拉麵店就走左去試試啦間鋪環境都唔錯,乾淨企理！仲用日文落單今餐叫左叉燒拉麵 ,蝦餃子 同埋凍番茄個麵好好食 , 特別係點左麵鼓湯底.雖然有點咸, 不過而家冬天食就啱啱好，暖身d。個蝦餃子幾特別 ,響出面比較少見,d 蝦都幾爽口同彈牙, 幾新鮮,唔錯！個番茄原本就普普通通, 不過原來加左黃色芥辣同個汁之後原來係咁大分別, 正雖然係第一次幫襯呢間餐餐！但已經有一種令我好想再去食既感覺(仲有九折優惠劵添)

今天和朋友到這餐廳食晚飯，小弟係第一次去，因為見有電視節目介紹，心中總希望真的如主持人所說的，十分正宗，好味。去到，一打開餐牌，原來拉麵都係啲咁貴價的食品來的呢，失敬失敬。最後打量了後久，叫了 牛油拉麵加炸豆腐。麵沒什麼特別，也不是十分有勁的類型，湯底好像淡了點，叉燒也不夠腍，可能正宗的便是這樣了，可惜不是我的喜好。炸豆腐反而幾好食，係鼓油咸了點。相信唔會有下次再去食的了，真可惜。

知道佢嘅存在唔係因為被阿「蔡sen」吹一吹，而係佢本身都長期晌本地飲食雜誌係咁買廣告，兼送9折扣優惠券！有朋友試過佢個二人優惠套餐話抵食，又幾得，所以一心走去試吓！個套餐有成7樣嘢食，加埋嘢飲，份量又好夠，而且部份菜式又有得揀，幾就番晒香港人心態：又多又有得左拼右砌。1. 咖喱飯 / 牛扒飯 / 鰻魚飯 / 普通拉麵：任揀兩款，之前朋友話個咖喱飯得好少，鰻魚飯就好正，所以要咗鰻魚飯同普通拉麵。個鰻魚飯果然正喎，燒得油潤甘香，珍珠米粒分明好咬口，反而個拉麵就少少失望，其實佢係普通嘅叉燒拉麵，豬骨湯底，失望在於D麵腍晒身。2. 明太子沙律 / 蟹籽沙律：鐘意蟹籽多D，咬落去卜卜口感，所以要蟹籽沙律，細細一兜仔，夠我哋一人一啖，味道都係咁啦！3. 牛油炒草菇：又係細細碗，不過草菇細細條，炒埋都有幾多，但係似乎牛油味唔係好夠，唯一係覺得佢好夠鑊氣！依度D師傅都有用中式鑊哩炒嘢。4. 蝦餃子 / 餃子：餃子又係佢哋人氣嘅推介，貪人嘅我梗係要蝦餃子啦，一客有5隻，而且每隻餃子用原隻草蝦哩整，賣相幾討好架，皮都好薄，可惜上枱時唔多夠熱辣辣，扣咗好多分！5. 炸蠔 / 刺身：想試炸物，睇睇佢哋做成點，

晚上七點半左右，餐廳門口在馬路旁邊，要等位都頗熱，好在等了一會便有位。我們選了二人餐，都頗豐富：牛油炒魷魚鬚，好味煎餃子，好味吉列豬扒滑蛋飯，OK拉麵，好重梘水味，湯不夠濃未吃前，估計拉麵應該是這店最好吃的，吃過後，竟是這店最差的東西，失望！這就是我不喜歡在香港吃拉麵的原因！刺生，有三文魚、蝦、八爪魚，好冰凍，為什麼最後才送到

睇雜誌'札幌'賣廣告話蔡瀾都推介...就抽空試下....我諗蔡瀾應該唔係去荃灣依間分店..因為拉麵只係非常普通...同友人叫左2碗拉麵+三文魚刺身+魷魚'普通拉麵' $48 真係好普通, 只係得塊肉同埋少少芽菜咁...'蟹肉拉麵' $68 得2條蟹肉咁大把...同埋少少粟米, 芽菜...湯底都無驚喜...我諗去味千好過...起碼多少少餸..三文魚刺身 同 魷魚都普普通通....餐廳環境唔似食日式野既...好普通..另外有個女侍應幫客人落完單用日文叫師傅準備..但佢既日文...>.<..

我很喜愛食麵，尤其是日本的麵食。剛看完某名嘴的介紹，評Domon的扎幌拉麵為香港最正宗的拉麵店，便心急地拖住男友，放工後前往荃灣Domon店一試。在輪候期間，因入口處與日本大廚的開放弍廚房相連，所以可邊等邊睇大廚如何處理食品。很詫意日本大廚可以一人處理多款菜式，又煎餃子，又煮麵。可惜，製作過程和我在某名嘴的節目所影的完全不相同...麵碗沒有注入湯以作保温作用，餃子破口及多油，大廚邊做邊叫喊女侍應去出菜 (但又冇帶口罩)，全程製作均徒手而做，煎下餃又煮吓麵又執塊义燒又整下沙律，衛生程度難以想像。因此，我和男友只叫了兩碗拉麵及餃子吃。麵條是交來的，質地極普通，與正宗札幌拉麵相差很遠，湯底可以但不出色，义燒過腍和無味，餃子同超市買來的沒大分別...唯一最正宗的是樽裝可樂！唔知道係咪某名嘴只去了其中一分店而冇試過其它店舖的拉麵，如果佢試埋其它分店拉麵，相信佢會有另番高見！

很喜歡在冬天吃拉麪，喜歡那種天氣冷冰冰，吃在肚中暖笠笠的感覺，現在雖然是盛夏，日日酷熱警告，但吃東西這回事，有時心癢起來，管他是冬是夏，也禁不住來到這裡，找一找「老朋友」。 一向只吃普通的牛油拉麪或叉燒拉麪，但今天豪一豪，叫了一碗極上拉麪。嘩！材料豐富，有大螃蟹腳、新鮮帶子、中蝦、鮮魷等，堆滿了整個碗子，差點看不到底下的拉麪。先喝一口湯，咦！點解較平常的湯底淡？難道質素有變？先別管他，再吃拉麪及其他材料，仍是一絕。小吃叫了燒牛舌和蝦餃子，加上一杯Asahi, 唔！正宗的日本風味。 差不多吃罷整碗拉麪，再喝一口麪豉湯底，咦！鮮甜了許多，比一般的湯底更精彩。哦！原來湯底經過海鮮的浸泡後，味道被昇華到更高的層次。大廚的智慧，又見一班。